!إحم إحم

هشام مبارك
عاجبك إللي عمله سي مرسي بتاعك يا أمينة؟
راجل من ضهر راجل.. ربنا يحميه من شرالحسد
ياولية ده كده ممكن يلبس في حيطة..حد يتحدي الدستورية العليا بجلالة قدرها؟
سي مرسي ناصح ومش ممكن يقف قدام العفاريت..مش دستورية دي ياسي السيد بتاعة عفاريت ودستور يا سيادنا؟
عفريت أما يلهفك يا أمينة..دي محكمة جامدة وإللي تقوله يمشي علي التخين قبل الرفيع
اسم الله عليك كده وانت عامل زي الفكهاء المستوردين إللي عمالين دلوقتي يشتموا سي مرسي مع إن طول عمرهم سكتم بكتم
اسمهم فقهاء دستوريين ياجاهلة وعلي فكرة النهاردة هاطلع في التليفزيون مع شوية فقهاءعشان ننتقد القرار
طب أمانة عليك تبوس لي الست لميس وتجيبلنا من صحابك الفكهاء كيسين فاكهة ينوبك ثواب! ء