إحم إحم!

فوجئت باختفاء صورتي الكبيرة التي كانت تتصدر الصالة وقبل أن أسأل اتشعبطتني الصغيرة كلمات وهمست:وطي صوتك وبلاش شوشرة ماما حطتها في السحارة تحت الكنبة لأنها بتقول إنها اكتشفت إن حضرتك ماعندكش كاريزما..
ضربت كفاَ بكف وأنا أقول:كاريزمة إيه بس إللي امك بتدورعليها بعد العمر ده كله فقالت:خدها مني نصيحة يا والدي واعمل زي الريس مرسي لما فتح صدره وقال إنه مش خايف من الرصاص ومن ساعتها شعبيته زادت والكاريزما لعلعت قلت:أهو ده إللي مش ممكن أبدا لأن ده اسمه مرسي والشعب بيحميه لكن أنا اسمي مبارك ولوفتحت صدري وقلعت القميص الواقي من الرصاص امك مش ممكن تفوت الفرصة!