عبد اللطيف المناوي: السيدات والسادة مساء الخير عقد الرئيس مبارك صباح الامس اجتماعا وزاريا موسعا لمتابعة ماتم تنفيذه ومتابعة ما تبقى من البرنامج واعطى الرئيس عددا من التوجيهات الرئاسية من شانها ان تدفع الاقتصاد الى الامام السيدات والسادة منذ 5 سنوات كان الحلم هو العمل من اجل التصدي لمشكلة البطالة من خلال اكبر برنامج للتشغيل ومساندة اصحاب المشروعات الصغيرة لكي يحققوا احلامهم وتحقيق 4.5 مليون فرصة عمل ولكي تصل الاستثمارات الى 21 مليار جنيه .ما الذي تحقق من هذا الحلم حتى الان؟ وما الذي تبقى؟ هل كبر الحلم ام مازال امامنا كثير؟ اسئلة كثيرة متعلقة بالمستقبل نستمع فيها الى وجهة نظر رشيد محمد رشيد وزير التجارة والصناعة اهلا بيك يافندم.. اسمح لي ان استمع منك في البداية عن انطباعاتك الاولية عن الاجتماع اللي تم ، الاجتماع كان له طبيعة مختلفة ايه الاجتماع دا واحساسك ايه واهم النقاط الرئيسية اللي خرجنا بيها عبد اللطيف المناوي: فعلا من الواضح انه ليس اجتماع للحديث عما تبقى من عام على البرنامج الانتخابي ولكنه حوار على شكل الصياغة للمستقبل بناء مستقبلي م/رشيد محمد رشيد: البرنامج طريق لمستقبل مصر فيجب ان احنا نتعامل معاه عبد اللطيف المناوي: خليني اتوقف عما تم انجازه من برنامج الرئيس في قطاع الصناعة والتجارة عايز اتوقف معاك عند مجموعة من القضايا احد الموضوعات المهمة المسالة الخاصة بالتشغيل المستهدف كان 4.5 مليون اين وصلنا لتحقيق هذا ؟وهل لدينا القدرة لاستكمال العدد بالفعل؟ م/رشيد محمد رشيد: الرئيس تعرض لهذه النقطة وهي اهمية التشغيل واحنا بنتكلم النهاردة على 3.800 مليون وشوية يعني احنا بنتكلم عن المتبقى طبعا 600 الف ودا ان شاء الله ممكن يتحقق ما تحقق اليوم من ناحية التشغيل هو ماشي مع البرنامج وفي نفس الوقت فيه ناس كتيرة بتشكك لكن الارقام مش معقول اننا نوصل البطالة صفر لكن معدلات البطالة قلت ..... عبد اللطيف المناوي: عاوز اعرف لو لم يكون هذا البرنامج كانت ستقفز نسبة البطالة كثيرا؟ م/رشيد محمد رشيد: انا مش هقول لو ما تحققتش هذه الاهداف لكن لو اتحقق 50% او 60% يبيقى انت كنت بتتكلم عن نسبة بطالة اعلى من ال50% اللي انت كنا بدانا بيها عبد اللطيف المناوي: اشرت الى ال600 الف فرصة او 700 الف فرصة قابلة لتحقيق م/رشيد محمد رشيد: هناك مؤشرين مهمين المؤشر الاول انت عملت ايه في ال5 سنوات اللي فاتوا دول طبعا لو احنا ماشيين على معدل 500 الف طبعا كان هيبقى فيه شك احنا المعدلات الموجودة عندنا تزيد على ال600 الف ، المؤشر التاني هو نسبة النمو الاقتصادي احنا النهاردة تقريبا النهاردة 6% احنا عارفين ان 6% نسبة نمو تقدر تحقق لك 600 الف فرصة عمل عبد اللطيف المناوي: الموضوع التاني موضوع الالف مصنع ماذا تم تحقيقه في ذلك ؟والسؤال التاني هل الالف مصنع بيعنوا بالفعل الف مصنع؟ م/رشيد محمد رشيد: النقطة الاولى ان موضوع الالف مصنع كان احد البرامج اللي تؤدي الى التشغيل وعندنا كمان برامج خاصة بالصادرات والاعمال الصغيرة طبعا هناك برامج موجودة في الصناعة وموجودة في الاسكان والسياحة يعني التشغيل بيقوم في كل نشاط موجود في الدولة وقطاع الصناعة قطاع رائد في نسبة التنمية في مصر لان هو بيمثل نسبة 20% من الاقتصاد المصري فانت لو الصناعة بتنمي اكتر من معدلات الاقتصاد المصري يبقى صح لو احنا ماشيين اقل يبقى حد تاني يشيل العبء اللي احنا ما بنحققوش احنا لما اتحط برنامج الرئيس حطينا توصيف واضح للالف مصنع الهدف اللي اتحط على أي مصنع اكتر من 15 مليون جنيه فدي المواصفات المعينة ولكن هدف سيادة الرئيس مش الاف مصنع ولكن المناخ اللي انت تخلقه عشان تصل الى الاف مصنع التحدي انك ازاي تقنع مستثمرين او عرب او اجانب انك تيجي في مجتمع مصري فانت عايز تخلق شيء معين اول شئ الثقة في الاستقرار في الدولة الشئ التاني انك عايز طلب طيب هل هناك طلب هل هناك قوة شرائية في البلد هل انت هتقتح لي اسواق خارجية ولا لا وبعدين تخش في تفاصيل كثيرة وازاي تديله تسهيلات احنا النهاردة الرقم الاخير 1291 طبعا الرقم دا هيزيد قد نصل الى 1500 ان شاء الله عبد اللطيف المناوي: ومنهم مصريين؟ م/رشيد محمد رشيد: 80% منهم مصريين وما نحسبش أي مصنع الا لو اشتغل احنا بنتكملم على مصانع انتجت فعلا وزي ما بقول العبرة هنا مش الرقم الاهم منها هو نسبة النمو في الصناعة الشئ التاني ان انا استثماراتي سنة 2004 ان الاموال اللي كانت بتستثمر في الصناعة كانت حوالي 4.5 مليار سنويا في سنة الازمة 2008 النهاردة احنا ماشيين بمعدلات 29 او 30 مليار سنويا طبعا الاستثمارات دي معناها ايه معناها ان واحد اخد ارض وان كل المستثمرين بيشتغلوا وبيشغل الارض وبيشغل مقاولين وعايز قطع غيار فانت بتلاقي المصنع دا حواليه ناس بتشتغل هو دا النهاردة التاثير اللي بيجي من هذا النشاط عبد اللطيف المناوي: طيب اذا كما حاولنا ان احنا نحقق مجموعة من التحديات اللي موجودة في المستقبل احنا بنتكلم عن مناخ معين هل اتم راضون عن هذا المناخ؟ م/رشيد محمد رشيد: سيادة الرئيس كان بيشوف التحديات فسيادة الريس اتكلم في نقاط كثيرة اتكلم عن المناطق الصناعية واهمية تواجدها وتوزيع عادل للاستثمارات لان الاستثمارات تدفقت على المناطق الصناعية الجاهزة في مصر واسكندرية لكن مش بالضرورة انها تواجدت في مناخ ازاي نتواجد في المحافظات الاخرى نتكلم عن وجه بحري نتكلم عن وجه قبلي النهاردة يجب ان يقام مناطق صناعية حقيقية لان كان فيه مناطق صناعية في مصر يعني في الصعيد كان فيه 76 منطقة صناعية لكن ليس بالضرورة مناطق جاذذبه لانه مكانش فيه بنية تحتية طب ايه الميزة انك تروح تبني مصنع في الصعيد وهذه السلعة تكلفك تكاليف رهيبة عبد اللطيف المناوي: يعني التقدم في الاقتصاد المصري هو انتشار المناطق الصناعية في مصر؟ م/رشيد محمد رشيد: احنا المناطق الصناعية اللي كانت موجودة في 6 اكتوبر والعاشر من رمضان وبرج العرب الجديدة دا كان له بعد تاني هو جذب سكاني وعلى مدار 20 سنة اتحقق هذا الهدف ولكن هذه المدن ماهياش التعبير الوحيد عن تنمية صناعية موجودة عندك النهاردة انت عندك في كل مدينة وكل قرية وكل محافظة النهاردة بقى جزء من التخطيط العمراني ان احنا نخلف اماكن توفر فرص عمل يعني انت النهاردة بتتكلم عن مناطق صناعية بتتكلم عن مناطق تجارية وخدمات لان لو مسكت محافظة الطبيعي انه تكون هناك داخل هذه المحافظة من هنا كان الرئيس بيتكلم عن مناطق صناعية صحيح ولكن كل المرافق تكون موجودة ودا التحدي عبد اللطيف المناوي: ازاي هنضبط استخدام الاراضي التجارية او اراضي لمناطق صناعية يعني هل هيتم التضحية بجزء من الاراضي الزراعية؟ م/رشيد محمد رشيد: الهدف النهاردة ليس ان احنا نستبدل اراضي باراضي لو فيه ارض زراعية تبقى زراعية ولو فيه ارض تجارية تبقى ارض تجارية فدا تحدي موجود وتحدي بيمس قطاع السياحة والتجارة والزراعة وبيمس حياة المواطنين كلهم عبد اللطيف المناوي: انا عايز هنا الجزء الخاص بمسالة اراضي الدولة بشكل عام فين التحديات اللي هتكون موجودة في التطبيق دا بالفعل؟ م/رشيد محمد رشيد: الاراضي الموجودة في المدن الجديدة والاراضي اللي تاريخيا حددت معالمها والسيد الرئيس كان بيتكلم عن التنمية المتوازنة واهمية ان احنا نخرج الى محافظات كثيرة التحديات اللي موجودة هناك تضارب في سياسات المناطق وملكيات الاراضي وتضارب في عمليات تخطيط الاراضي السيد الرئيس كان بيتكلم عن منظومة جديدة العامل الرئيسي فيها هو التخطيط العمراني ولكن في نفس الوقت مطلوب عملية سهولة في عملية تداول الاراضي وبالتالي يجب ان تنتهي هذه الصراعات بين جهات الدولة المختلفة لو واحد عايز يبيع ارض النهاردة حتى قوانين البيع والشراء في الدولة بيقولك لازم تعمل مزايدة تديها لاعلى سعر مش بالضرورة تكون محدد استخدام الارض دي لانه قد يكون اللي مالكها شركة حكومية او وزارة فيقولك ماشي انا النهاردة هبيعها للي يجيب اعلى سعر ما بيحددش استخدام الارض ايه انا عندي حتة ارض وانا عايز اطلع منها اكبر قيمة ممكنة الكلام دا هو اللي بسبب المشاكل طب احنا بنيجي للارض دي ان احنا هنعملها صناعة لا انا عايز اقلبها اسكان او تيجي تقول الارض دي اسكان يقولك لا دا انا هعملها سينما فانت ادي وعظم سلطات التخطيط العمراني الحقيقة النهاردة عندنا معوقات كثيرة انا النهاردة عندي تكليف من السيد الرئيس اني انشر المناطق التجارية في كل محافظة التحدي الاساسي اللي قدامنا هو موضوع الاراضي ، احنا النهاردة بدأنا في 7 محافظات وداخلين في 7 محافظات تانية الحاجة التانية اللي انت ذكرتها انه بعض محافظات الدلتا هيبقى فيه تعدي على الاراضي الزراعية وانا لا اقول قد يكون يعني مثلا محافظة الغربية ليس لها ظهير صحراوي ولديها عد من السكان والسكان دول ليهم متطليات انت النهاردة بتروح محافظة زي الشرقية زي الدقهلية تلاقي انه فيه انشطة تجارية ولكن كل هذه الانشطة التجارية عشوائية وغير مرخص بيها لانها خارج اطار الدولة لانها اتبنت على اراضي مكانش لها اي ترخيص فالعملية دي لازم تنظم يعني البلد اللي ليها ظهير صحراوي هنروح للظهير الصحراوزي واللي ليها مناطق زراعية قد نروح له ولكن النهاردة هناخد مساحات مستغلة احسن استغلال لان انت النهاردة لو سبتها هتروح هتروح ودا اللي حاصل قدامنا يعني انت لو تروح الدلتا وتمشي على الطريق الزراعي هتلاقي انه بيحصل مجموعة تعديات فيجي ان نكون واقعيين في سياستنا المشكلة الموجودة في مصر النهاردة هي مشكلة المية تلت اربع الصادرات اللي بتطلع من طريق صحراوي مش زراعي هناك اراضي صحراوية يمكن الزراعة فيها ونحن نعلم ان استغلال المية في الدلتا ليس بالضرورة هو احسن استغلال يعني انا المحصلة بتاعتي في الدولة ان الاراضي الزراعية هتزيد مش هتقل ولكن مش تعيش في مكان وما تاخدش خدمات بحجة انك عايش في منطقة زراعية عبد اللطيف المناوي: يعني المستهدفق في المرحلة القادمة ان تكون هناك جهة واحدة للتخطيط العمراني؟ م/رشيد محمد رشيد: هو فيه مجلس ولكن المشكلة انه ازاي يبقى فيه السلطات والنفوذ والاسنان والقدرة التنفيذية بالاضافة الى تسهيل عملياتت انتقال مليكة او حق انتفاع ايا كان عبد اللطيف المناوي: وايضا عمل خريطة مصر انه هذا المكان هيتم فيه صناعة او تجارة ولا يجوز تحويله لنشاط اخر م/رشيد محمد رشيد: وعايز اقولك ان الكلام دا موجود في العالم كله وكان موجود في مصر كان نظام اسمه ال ZONE القاهرة كانت مناطق سكنية ومناطق تجارية وبالتالي سعر الارض هيحدد من هذا المنطق ممكن منطقة متر الارض فيها بالف جنيه وجنبها منطقة ب10 الاف جنيه طبقا للاستخدام عبد اللطيف المناوي: التحدي الرئيسي هو فكرة الالزام واعمال القانون اذا اتكلمنا على التجمعات الصناعية الزراعية والذي بينتقل من الريف المصري من مستوى الى مستوى م/رشيد محمد رشيد: هو بيعظم مخرجات الزراعة اولا يعني انت النهاردة عندك خطة تتطور المساحة الزراعية في مصر وفيه خطة في برنامج الرئيس ب500 الف فدان يستصلحوا لكن احنا طرحنا انه يبقى فيه توازن ان احنا نربط الزراعة بالصناعة زي البنجر ومصنع سكر وطماطم وجنبها مصنع عصير بنتكلم على تربية حيوانية مرتبط بها تصنيع لحوم وغيره تاني حاجة انه الاعداد اللي بتقل في الزراعة فتلاقي الصناعة بتشغل ناس كتيرة جدا ففيه عدد من العمالة الحاجة التالتة انه بيقام في اطار تنظيم وطني انه بنقول انه 250 الف فدان اللي هيخصص الارض هو هيئة التنمية الصناعية هي اللي بتوافق على المصنع فانت النهاردة بتبتدي من المصنع نفسه انشئ هذا المصنع فبالتالي هيشغل فانت النهاردوة بتضرب اكتر من عصفور بتعظم الزراعة بتاعتك بتزود العمالة بتخلق منتجات للسوق المحلي انت محتاجها وكمان الهدر اللي موجود هيقل النهاردة الهدر في الطماطم 50% لو انت عندك مصنع هتقلل الهدر الى 0% لان الهدر دا بيكون نتيجة تكلفته بتبقى اعلى من العائد بتاعه وبنرفع قدرنتك على استغلال كل مخرجات الارض بتاعتك عبد اللطيف المناوي: ايه التكليف اللي الرئيس وضعه تحديدا؟ م/رشيد محمد رشيد: تحديد الاراضي وبنتكلم عن الاراضي الزراعية المرتبطة بمنظومة المياة الاراضي موجودة والمشكلة مشكلة مياة المشروعات جاهزة وعندنا حصر بيها لكن لم تحدد الاراضي اللي احنا نقدر نشتغل عليها عبد اللطيف المناوي: موضوع انشاء مناطق تجارية وخدمية في المحافظات المختلفة ايه ابعاد هذا التكليف واحنا مستهدفين ايه في المرحلة المقبلة؟ م/رشيد محمد رشيد: الرئيس مدرك ان وجود المناطق التجارية بيغير في نوعية الحياة في هذه المناطق والمحافظات لان انت بتديله سلعة ومنافسية واحساس بالتنمية لكن قدامنا من التحديات الموجودة ايضا موضوع الارض لكن هناك تاكيد على هذا الموضوع في الفترة القادمة عبد اللطيف المناوي: احنا مخططنا ايه؟ م/رشيد محمد رشيد: احنا مخططنا في الفترة القادمة 21 محافظة بدانا في المنصورةطنطا بورسعيد دمنهوركفر الدواربني سويفالاقصر واحنا بنعمل مناطق تجارية ومناطق لوجستية يعني أي مناطق لوجستية ماهو برضه في التخطيط او اغلب المدن معندهاش مناطق لوجستية او مناطق تداول صناعة سواء زراعية او صناعية ودا بيسبب مشاكل انت بتروح النهاردة في البيوت والعمارت تلاقي النهاردة بيستعملوها مخازن وواللي بيسبب مشكلة التلف وبيسبب مشاكل بتعوق حركة التجارة فاحنا نزلنا ال7 مناطق دول ومتوقعين قبل نهاية العام هنطلب 7 تانيين عبد اللطيف المناوي: فكرة دخول القطاع الخاص والقطاع العام اين الخطوط الفاصلة في التداخل ببن القطاع الخاص والقطاع العام في هذه المسالة ايه حدود الدولة في هذا الموضوع تحديدا؟ م/رشيد محمد رشيد: شوف السيد الرئيس استعرض كل ماهو موجود من مشروعات الدولة هتقوم بيها الحاجات الملحة واللي هتفرق زي الطرق وبنية اساسية وكهربا بتتكلف 57 مليار جنيه والدولة بتصرف كل سنة قدر من الاستثمارات انا النهاردة عندي منظومة طرق كثيرة مطلوبة في مصر ومطلوب طرق دولية يقدروا النهاردة يفتحوا شرايين مصر طيب هل نستثمر في هذه الطرق بامكانيات الدولة ونقعد 25 سنة ولا نشارك القطاع الخاص هتلاقي انك النهاردة امكانياتك ب30 مليار ودا من اساسيات التقدم اللي حصل للصين يعني انت النهاردة الصين ميزانية المرافق سنويا في شنغهاي 100 مليار دولار 90 منهم قطاع خاص دا اللي عمل الطرق والمطار الدولي اللي موجود فيها ومحطات المية والمجاري فالبديل النهاردة ان انا افتح هذه الاستثمارات للقطاع الخاص ويكون هناك انظمة مراجعة بتحدد هذا التدخل بدل ما انت كدولة بتحط هذه المبالغ لا انت بتقول حطوا هذه المبالغ وانا هسددها من هذه الايرادات فتقدر تقفز قفزة كبيرة انا اتذكر من 9 سنين لما كنت بروح المغرب كان هناك طريق من الدار البيضا الى العاصمة كان طريق سئ جدا واخر زيارة رسمية رحتها كانت كانك ماشي في اوربا كلها طرق اتعملت من شركات خاصة النهاردة بيعملوا القطار السريع هناك والرئيس اليوم تحدث عن القطار السريع النهاردة لو القطار السريع ياخدك من مصر الى الاقصر في 3 ساعات الا ربع انا اللي يهمني النهاردة ان المواطن يلاقي احتياجاته معنديش حجة النهاردة اني اقول اني معنديش امكانيات ..احنا عاوزين نفتح هذه الشرايين انا مش عاوز ان مصر تستنى 20 سنة عشان تعمل كطرق او مرافق لان احنا لو مشينا بما هو موجود تحت ايدنا هنقعد 20 سنة احنا النهاردة عندنا مناطق صناعية لان انا النهاردة محتاج 10 مليون متر من الاراضي عشان احافظ على معدلات الصناعة انا امكانياتي كوزارة زراعة مقدرش اجهز اكتر من 2 الي 3 مليون متر طيب الباقي هجيب منين يا اما هفضل قدام وزير المالية يعني ايه مناطق صناعية بحيب الارض انت رفقها واصرف كل المصاريف لكن عندي جهاز التنمية الصناعية هتستعملها في هذا النشاط والعائد هسيبه والنتيجة انه هذه المناطق الصناعية اتباعت كلها طيب لو انا مكنتش فتحتها للقطاع الخاص مكانش هيبقى فيه اراضي عبد اللطيف المناوي: كل دا مرتبط بالتصدير السؤال ماذا حققنا ؟وماهي التحديات وهدفنا ايه؟ م/رشيد محمد رشيد: احنا كنا بنتكلم عن تصدير في حدود 13 % سنويا احنا تعدينا هذا الرقم احنا ضاعفنا الصادرات المصرية وطلعنا بخطوة جديدة ان احنا نطلع بصادراتنا في ال4 سنوات القادمة وصلنا الى 95 مليار وبالتالي التحدي امامنا ان احنا نضاعف هذا الرقم والخطة بتقول ان احنا من 2010 الى 2013 عايزين نطلع الى 200 مليار جنيه صادرات ودا من خلال الاتفاقيات التجارية اللي بنعملها واخرها في البرازيل والارجنتين وانتهت وفيه مفاوضات بينا وبين الكوميسا ان احنا ندخل دول جديدة في اطار اتفاقية التجارة الحرة وجزء منها رفع جودة المنتج المصري عبد اللطيف المناوي: الان احنا رافعيين شعار مضاعفة الصادرات المصرية طب بناء على ماسبق ليه مع كل هذا الشكل الايجابي ليه الناس ما بيوصلهاش دا هل ههناك مشكلة في لغة الخطاب ليه الناس مش قادرة تستوعب دا؟ م/رشيد محمد رشيد: عملية عدالة الاستثمارات في المحافظات لان النهاردة التنمية في مصر ليست تنمية بالتساوي مناطق استفادت اكتر من مناطق وافرادا اكثر من افراد وقطاعات اكثر من قطاعات ودا طبيعي مش هتقدر انت من الاول ولكن انت النهاردة في اطار متابعة هذه الخطة وفي اطار رؤيتك للمستقبل ازاي اوجه النهاردة بحيث يبقى فيه توزيع اكثر عدالة . الرئيس تحدث كمان على التنمية البشرية يعني انت النهاردة لو شاب مهيئ وعندك المهارات وعندك القدرات هتاخد مرتب كويس لو معندكش هتلاقي العائد محدود جدا فازاي برضه نهيئ الناس وندربهم الشئ التاني ان احنا بنتكلم عن اولويات احنا مش من الدول الغنية في العالم احنا ترتيبنا ال50 في العالم من ناحية اجمالي دخل قومي فانت النهاردة لما تيجي تتناول عملية التنمية انت كمواطن بتحس بالرضا يعني انت قد يكون دخل لكن الدخل مش المعيار الوحيد قد يكون مرافق انت محتاج مجاري محتاج طرق فتلاقي ان احساس المواطن النهاردة بيتاثر بكل هذه الامور انت عندك امكانيات محدودة وعندك مشاكل كبيرة والمجتمع عاوز يزود الدخل بتاعك ولكن هذات المشوار مش هتقدر تمر بيه الا من خلال اولويات وسيادة الريس اتتكلم عن المدن والقرى اللي دخل فيها المجاري وكان استعمالاته عن فاضل قد ايه والواقع انه رغم الاموال الضخمة اللي صرفت ولكن مازال هناك قرى ومدن مفيهاش صرف صحي ودا اولوية لان دا بيؤثر في الصحة العامة وبنتكلم عن الطرق والتعليم هو دا التحدي عبد اللطيف المناوي: لكن فيه ادراك لطبيعة التحديات ورؤية واضحة هل دي مسالة نستطيع ان نلمسها من الحكومة هل هناك رؤية واضحة تعطي الامان للمستقبل. م/رشيد محمد رشيد: برنامج الرئيس بيتكلم عن كل القطاعات هذا البرنامج لم يخلق من فراغ كان عنده رؤية واضحة عن الامكانيات اللي عندنا وبالتالي كان فيه مثلا استصلاح اراضي دا بيتكلف تنمية صناعية دا بيتكلف فمفيش شك كان هناك نوع من التحضير لهذه الخطة لمواجهة المتطلبات هناك رؤية واضحة وارجع تاني للي قلته في بداية الحديث البرنامج دا بيمثل رؤية للمستقبل ولكن دي محطة يجب ان تصل لها عشان تقدر تصل للمحطة التانية عبد اللطيف المناوي: ودا اللي احنا بنتمناه ودايما بقول ان هذا الشعب بيستحق الافضل الحقيقة السيدات والسادة ناقشنا اليوم مع المهندس رشيد محمد رشيد ما تم انجازه من خلال برنامج الرئيس خلال السنوات الماضية وفيما يبدو ان هناك رؤية واضحة ان هناك صياغة واضحة وادراك لطبيعة التحديات وهو ما نتمنى ان تنجح فيه. السيدات والسادة بشكر المهندس رشيد محمد رشيد وزير التجارة والصناعة و.السيدات والسادة شكرا جزيلا لكم والى اللقاء في مرات قادمة باذن الله
