تجارة حلوان تنظم دائرة حوار لسماع آراء الشباب في مواجهة التغيرات المناخية..صور    ختام البرنامج التدريبي الرابع لمرشحي المناصب القيادية العليا.. صور    نائب محافظ كفر الشيخ ووفد كندي يتفقدون قرى شباب الخريجين بمطوبس.. صور    السياحة والآثار: ترجمة ضوابط التصوير الشخصي في الأماكن العامة لعدة لغات.. فيديو    عبدالمنعم سعيد: دور مصر في وقف إطلاق النار بغزة يشعرنا بالفخر.. فيديو    تصاعد عمليات الجماعات الإرهابية في مالي    ملوثات مشعة وخطيرة.. أزمة كبيرة بين بريطانيا والاتحاد الأوروبي بسبب الغاز    مقصية رائعة.. إيسترن كومباني يسجل هدفا عالميا في شباك طلائع الجيش    وزير الرياضة يلتقي محمود حسني لاعب المشروع القومي للموهبة لرفع الأثقال    مصرع 4 عناصر إجرامية وضبط 2021 آخرين فى حملات أمنية خلال شهر ..فيديو    شوقي: نسعى لإنشاء مدارس التكنولوجيا التطبيقية في تخصصات مهن المستقبل    الطقس غدا.. أمطار رعدية على حلايب وشلاتين وشديد الحرارة في باقي المناطق    خالد الجندي يكشف عوامل تحقيق النصرة للمسلمين    صحة الغربية: فحص 66385 مواطنا ضمن المبادرات الرئاسية خلال شهر يوليو    الحبس سنة لعاطل سرق 10 آلاف جنيه من حساب شقيقه    مصدر بديوان محافظة سوهاج: لا خسائر أو أصابات ناتجة عن الزلزال    المجلس التصديري للملابس: 8 شركات بالقطاع تشارك في أكبر معرض للملابس بأمريكا    القانون يحظر على الشركات المرخص لها بمزاولة نشاط التمويل الاستهلاكي تلقي الودائع    المتهمة بقتل فتاة كفر الدوار: خطيبها ظل يعتدي عليَّ لمدة عامين ثم تركني (تفاصيل)    تن هاج: لاعبو يونايتد يفتقدون الثقة.. ورونالدو ليس جاهزا لخوض لقاء كامل    رسميًا.. أوكرانيا تطلب تمويلًا من صندوق النقد لاستعادة اقتصادها    الرعاية الصحية: تقديم 10 خدمات بعيادة علاج الألم في مستشفى الكرنك الدولي    الثالثة على الجمهورية بالثانوية العامة: فوز الزمالك بالدوري يكمل فرحتي بالنجاح.. فيديو    الأربعاء.. الكاف يعلن تفاصيل دوري السوبر الافريقي    موعد مباراة ريال مدريد وآينتراخت فرانكفورت في كأس السوبر الأوروبي    ضبط سيدة استولت على أموال مواطنين بزعم تسفيرهم للعمل بالخارج    هجوم شديد على رانيا يوسف بسبب مايوه جريء .. شاهد    عمر كمال ينتهى من تسجيل الأغنية الدعائية لفيلم «خطة مازنجر»    "الحمل عايز يتقدم بسهولة".. اعرف الهدف الأساسي لكل برج    روبي فاولر: صلاح سيستفيد من وجود نونيز في ليفربول    دعاء قبل المغرب غفران الذنوب .. 35 كلمة تدرك بها أجر عاشوراء    ذكاء اصطناعي وعلوم الحاسب.. ننشر البرامج الدراسية في 4 جامعات أهلية    الخشت يشارك في مؤتمر الجامعات والطلبة الجدد.. مستقبل مشترك    بدء تنفيذ مشروع الصرف الصحي المتكامل لمدينة السلوم بتكلفة 177 مليون جنيه    «شكري» يستقبل نائب وزير خارجية كازخستان    أخبار التوك شو.. مفاجأة جديدة بشأن تسريب فيديو نيرة أشرف.. وحورية فرغلي: نادمة على مشهد الإغراء ب كلمني شكرا    اليوم.. رامي جمال يحيي حفلا غنائيا بأكاديمية الدلتا في المنصورة    بن شرقي يعتذر عن عدم حضور معسكر الجزيرة الإماراتي في هولندا    نمو بأكثر من الضعف.. الإمارات: 10 مليارات دولار فائض بالميزانية    تموين المنيا يضبط 97 مخالفة متنوعة بالمخابز البلدية والأسواق    محافظ أسوان يلتقي وفد وزارة التخطيط والتنمية الاقتصادية    عشاء اليوم.. طريقة عمل شوربة الكاري بالخضار    يوم عاشوراء 2022.. 3 بشارات لمن قدم فيه توبة خالصة وهذه شروطها    وزيرة التضامن تطلق المرحلة الثانية من المبادرة القومية لتكافؤ الفرص التعليمية    «الصحة»: إجراء 12 ألف و263 عملية جراحية في المعهد التذكاري للأبحاث الرمدية    «الصحة»: افتتاح 22 عيادة جديدة متخصصة في الصحة النفسية للمرأة بجميع المستشفيات    وزيرة الهجرة: نتعاون مع المؤسسات لتوفير حياة كريمة بمناطق تسفير الشباب    «أحمد عكاشة»: غياب الضمير سبب الانفلات الأخلاقي    الوفد ينظم احتفالات متنوعة بذكرى زعماء الأمة سعد والنحاس وسراج الدين    أمن المنافذ: ضبط 7 قضايا تهريب بضائع وهجرة غير شرعية خلال 24 ساعة    شركة تبتكر منظومة لحماية الطائرات من الطيور    تنسيق الجامعات 2022.. مزايا برنامج «الميكاترونكس» للسيارات بهندسة المطرية    أحمد فتحى يبدأ تصوير فيلمه الجديد "5 محيى الدين أبو العز" فى هذا الموعد    8 أغسطس 2022.. أداء متباين لمؤشرات البورصة بداية تعاملات اليوم    ما هو حكم من يشرع في صيام يوم عاشوراء ثم يفطر ؟ لجنة الفتوى بالبحوث الإسلامية تجيب    الإفتاء: العنف الأسري مذموم.. وضرب الزوجة حرام شرعًا    هلا رشد تكشف تفاصيل عن فترة مرضها (فيديو)    محمد محسن يُعيد زمن الفن الجميل في المهرجان الصيفي بالإسكندرية.. صور    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



اتكلم
نشر في أخبار مصر يوم 26 - 10 - 2009

لميس الحديدى: مساء الخير احيانا فى خضم الاحداث بنحب ان احنا نحتكم لبعض حكماء هذا الوطن وهم الحقيقة اصبحوا قله لذلك جبنا اليوم رئيس المجلس القومى لحقوق الانسان الدكتوربطرس بطرس غالى نساله عن بعض احوال البلد ونشوف اراءه السياسيه المهمه فى كثير من هذه الاحوال لكن ايضا هناك مجموعه من الاسباب لهذا الحوار منها ان مصر تتقدم خلال اشهر قليله لمراجعة دولية لحال حقوق الانسان امام المجلس العالمى لحقوق الانسان فى جنيف ماذا سيقول دكتور بطرس بطرس غالى فى هذا المجلس العالمى هل ستنجح مصر فى اعادة انتخابها ام ان حال حقوق الانسان فى مصر بصراحة ما يصرش ايضا المجلس بدا الاستعداد لى الانتخابات الجمعيات الاهليه والاجنبيه ايضا الانجى اوز بدات الاستعداد لمراقبة الانتخابات هل سيقبل بطرس بطرس غالى مراقبة الانتخابات القادمة انتخابات 2010 وانتخابات 2011 مراقبة اجنبية للانتخابات فى مصر؟ وطبعا لما يكون معانا الدكتوربطرس بطرس غالى لازم نساله عن اليونسكو ماذا حدث فى اليونسكو ؟ وكان قريبا من الانتخابات هل كانت خسارة اليونسكو خسارة لفاروق حسنى فقط ام انها خسارة لمصر ؟ ضيفنا النهارده هو رئيس المجلس القومى لحقوق الانسان دكتور بطرس بطرس غالى مساء الخير يا دكتور
د/ بطرس غالى:اهلا وسهلا ازيك يا ستى
لميس الحديدى:دايما بنبقى سعداء انك تستقبلنا دايما يعنى خلينى اسئلك فى البداية كيف ستدافع عن ملف مصر فى حقوق الانسان؟وانت تتقدم فى جنيف خلال 4 تشهر على ما اعتقد بى هذه المراجعة الدورية اللى هى معروفة كل 4 سنوات
د/بطرس غالى:هو الفكرة الاساسيه ان هذا لايعتبر بمثابة امتحان دى مجرد هقولهم ايه هى الحاجات اللى عملناها ايه هى الصعوبات التى وجدناها وهما هيدولنا نصائح او توصيات او المساعدات اللازمة لكى نستطيع ان نتغلب على الصعوبات التى ذكرناها
لميس الحديدى:يعنى ليس امتحانا يعنى مش هيقولنا هنعيد انتخابكم فى مجلس حقوق الانسان ؟
د/ بطرس غالى:دى ملهاش علاقه بى دى
لميس الحديدى:امال اعادة الانتخاب بتبقى ازاى ؟
د/ بطرس غالى:اعادة الانتخابات دى حاجة تانية دى انتخابات سياسيه ولكن بالنسبة لهذا دى مجرد وسيلة علشان يساعدونا انتم عملتم ايه ؟ لانهم اولا هيكتبوا تقرير من الحكومة تقرير من المجلس القومى وتقرير من المنظمات الغير حكومية تلت تقارير
لميس الحديدى:لكن انا سمعت انكم تعدوا بالاشتراك مع الحكومة تقرير مشترك هل هذا صحيح ؟
د/ بطرس غالى:لا لا لا هما تلت تقارير هنتقدم عن دافع ايه الصعوبات اللى انتو واجهتوها
لميس الحديدى:دكتور بطرس غالى كيف ستدافع عن ملف حقوق الانسان فى مصر؟ هتقولهم ايه عن الطوارىء؟ هتقولهم ايه عن اعداد المعتقلين ؟
د/ بطرس غالى:انا هقولهم انا طلبت الغاء الطوارىء وطلبت من 5 سنين ومفيش تقرير بيصدر من قبل التقرير السنوى الذى يصدر من قبل هذا المجلس دون ان يطلب الغاء حالة الطوارىء اصل سلطتى سلطة استشاريه انا ماليش اى سلطة حقيقية انا كمجلس استشارى يعنى هقولهم انا طلبت ومازالت اطالب
لميس الحديدى:ولم تستجيب الحكومة ؟
د/ بطرس غالى:معلش مش مسئول هى الحكومة
لميس الحديدى:طب ما يمكن يقولولك كان يجب ان تضغط اكتر ؟
د/ بطرس غالى:ميقدروش يقولولى كده لانه عارفين انى انا مجلس استشارى بالعكس انا بطلب مساعدتهم انا عملت كذا وكذا وكذا ووجدت صعوبات فى كذا وكذا وكذا
لميس الحديدى:طب ماذا ايضا ستقول ايضا انك فعلت ؟ يعنى ايه تانى ؟
د/بطرس غالى:هقولهم انى انا عملت انشات مجلس فرعى او هيئة فرعيه موجوده فى بنى سويف عملوا ايه ؟ عدد الشكاوى اللى جتلهم الاجتماعات اللى عملوها الاتصال مع الطلبه الاتصال مع الهيئات البوليسيه دا مجهود بذل فى بنى سويف فانا اقولهم عملنا كذا عاوزين نعمل عمل اضافى فى كذا
لميس الحديدى:تتوقع ان هما ستكون لهم ملاحظات ؟ على حال حقوق الانسان فى مصر ؟ وممارسات حقوق الانسان فى مصر
د/ بطرس غالى:الملاحظات بتاعتهم هتبقى مجرد مساعدات سيقدموها لى المجالس او الهيئات المهتمة باتفاق حقوق الانسان دا مش بمثابة امتحان
لميس الحديدى:امال الانتخابات فى؟
د/ بطرس غالى:دا موضوع تانى الانتخابات دا مجلس مكون من مجموعه من الدول وانتخابات تتم على المستوى الحكومى
لميس الحديدى:ما هو ربما يكون ايضا زى الانتخابات اللى بنشوفها فى المنظمات الدوليه يكون على وضع حقوف الانسان فى مصر ولا يعاد انتخاب مصر لان عندها مشاكل
د/ بطرس غالى:مجلس حقوق الانسان تكوينه تكوين سياسى ملوش علاقه بالوضع له مجلس قائم ويبحث كافة المشاكل فى مختلف انحاء العالم زى اما اعين مثلا انتخاب قاضى فى محكمة العدل الدولية دا المجلس ملوش علاقه قد يقول ان وضع حقوق الانسان غير ناجح فى مصر وبالتالى هنجد صعوبة فى اعادة انتخابا مصر كعضو
لميس الحديدى:يعنى ممكن ؟
د/ بطرس غالى:دا ممكن بس ملهاش علاقه حقيقيه دا مجلس تكوينه على اساس حكومى وعلى اساس ان وزارة الخارجية وسفراء مصر فى الخارج هما اللى يبذلوا نشاط لكى تنتخب مصر فى هذا المجلس
لميس الحديدى:لكن اعود مرةاخرى ربما اذا كان حال حقوق الانسان انك غير مرضى بالنسبة للعالم بالنسبة لهذه الدول الاجنبية لا يعاد انتخاب مصر مرة اخرى ضمن هذا المجلس
د/ بطرس غالى:لا مش شرط اصل دى حاجة ودى حاجة زى لما تقولى دلوقتى عايزين نعين قاضى فى محكمة العدل الدولية انتخاب هذا القاضى مالوش علاقه بالخلافات الدولية عاوزين انتخاب مصرفى مجلس الامن انتخاب مصر ملهاش علاقة دى طبعا منافسة بين الدول وبعض الدول تقول ان ميصحش ننتخب مصريجب ان ننتخب فلان لان ازاى هتنتخبوا مصرفى مجلس حقوق الانسان ومصر ضعيفة فى حقوق الانسان دى تاتى بعض الدول التى تنافس مصروتريد ان تنال مقعد فى مجلس حقوق الانسان دى حاجة مستقله دى عن دى
لميس الحديدى:دكتور بطرس غالى يعنى خرج التقريرالخامس اعتقد عن حال حقوق الانسان فى مصر من المجلس منذ عدة اشهر انت كيف تقيم حال حقوق الانسان فى مصر ؟هل انت راضى مستريح حاسس انك بذلت كل الجهد الممكن و لا حاسس ان الحاجات دى ما بتتغيرش ؟
د/ بطرس غالى:بالعكس بدليل ان عاملين هذه الندوة وبتسالى عن حقوق الانسان دليل ان كلمة حقوق الانسان اصبحت موضوع الساعة النهارده مفيش جريدة والا ونلاقى يا انتقاد يا مدح لمجلس حقوق الانسان هناك 20 مجلس غيرحكومى لحقوق الانسان هناك اهتمام عن عقد مؤتمر لينا علاقات وثيقة مع منظمة اليونسكو هينعقد فى شهر 6 و 5 مؤتمر دولى لكافة مجالس حقوق الانسان الافريقية والعربية التى ستنقعد فى القاهرة مع ممثلى مختلف المنظمات الدولية جامعة الدول العربية منظمة الفرنكوفونية الامم المتحدة اليونسكو الامين العام اوالمديرالجديد هيشترك فى هذا المؤتمر لمناقشة موضوع قعدنا شهرنناقش ما هو الموضوع وهو موضوع حقوق الانسان والهجرة وبعدين ناقشنا ناحية فنية ليس الهجرة بين الجنوب والشمال لا الهجرة بين الجنوب والجنوب لان معندناش ارقام مثلا عدد العراقيين الموجودين فى مصرعدد السودانيين اللى موجودين فى مصرعدد المصريين اللى موجودين فى الخليج هذه الارقام غير موجودة فى بدقة اذن اهتمامنا كيف نستطيع ان ندافع عن حقوق الانسان او والمهاجر بين الجنوب والجنوب
لميس الحديدى:ماذا يقلقلك يعنى بعد خمس سنوات او 5 تقارير بتحاول ان تصحح فيها اوضاع كثيرة بتحاول ان تثبت ثقافه لحقوق الانسان ايه ليه ما بنتغيرش يا دكتور ؟
د/بطرس غالى:مين قال ما حدش بيتغيرانا الحاجة الوحيدة اللى عايزاقولهلكم ان العملية دى بتاخد وقت لما الغينا التمييزالعنصرى فى جنوب افريقيا خدنا 60 سنة
لميس الحديدى:يعنى عايزانا 60 سنة نقعد ندورعلى حقوقنا دا كتير
د/ بطرس غالى:عايزة وقت عايزة وقت انتى علشان تتخرجى من الجامعة عايزه كام سنة ؟
لميس الحديدى:هما 4 يدوبك
د/بطرس غالى:طيب وبعد كده علشان تبقى ناجحة ومذيعه ناجحه عايزة كام سنة ؟
لميس الحديدى:15 سنة
د/ بطرس غالى:طيب انتى عايزه حقوق الانسان تنتصر فى دوله فيها 30% و40% و100 فى 3 سنين او 10 سنين او ..
لميس الحديدى:يعنى الا تشعر بالاحباط انك انت كل سنة بتطلع تقريرتقول للدوله قانون الطوارىء قانون كذا كذا
د/ بطرس غالى:قانون الطوارىء ده دا جانب من جوانب حقوق الانسان انا مهتم بثقافة حقوزق الانسان مهتم بمعاملة المسجونين زيارة السجون بالشكاوى عاملين هيئة خاصة للشكاوى وبتصل الى 8 تلاف شكوى بنتصل مع الاجهزة المختلفه لى لكى ترد على هذه الشكاوى
لميس الحديدى:فى كل مرة بسال حضرتك بيسمعوك ؟ بيردوا عليك ؟
د/ بطرس غالى:اه فيه رد عندنا الردود زادت وبعدين لما ما بيردجش بنكتب هذا فى التقرير
لميس الحديدى: بيشعروا بالحرج انهم ما بيردوش ما يمكن خلاص بقى ان هو مش مهم
د/ بطرس غالى:لا بيردوا عندى لو قريتى التقرير
لميس الحديدى:لا طبعا قريتوا طبعا ازاى دايما باجى مذاكرة للدكتور بطرس
د/ بطرس غالى:لو قريتى التقرير هيبانلك ان الردود بتصل الينا
لميس الحديدى: زادت كمان ونسبتها زادت عن السنة الماضيه لكن اذا كان لى ان اسئلك ما هو اكثر ما يقلقلك فيه حال حقوق الانسان فى مصر تقول ايه ؟
د/ بطرس غالى: مفيش قلق بالنسبالى لان العملية بتاخد وقت ان احنا الثقافة الجديدة علشان خاطر التليفزيون علشان خاطر واخدين على السرعه طيارة بتنقل مصرى من هنا لى اوروبا فى ساعتين او 3 ساعات فا واخدين على السرعة بالنسبه للثقافه بالنسبه للقضاء يعنى عاوزة سنة بدليل ان خريجى الجامعه محتاج لى 4 سنوات انتى قلتى 15 سنة علشان يبقى مذيع ناجح طيب فانتى عاوزة حقوق الانسان تنجح فى مصر فى 5 سنين او 10 سنين
لميس الحديدى:ما احنا لما نقارن انفسنا بدول اخرى مجاورة بنشعر يعنى
د/ بطرس غالى:الحمد الله موقفنا احسن بكثير
لميس الحديدى:بيقلقك التمييزفكرة التمييز الدينى فكرة التمييزفى دورالعبادة فى قضية بتؤرق دكتور بطرس غالى
د/ بطرس غالى:دى قضية موجودة فى مختلف بلاد العالم موجودة فى الهند موجودة فى اوروبا ويجب ان نجد حلول لها
لميس الحديدى:تشعران المشكلة مشكلة ثقافة فى المجتمع؟ ولا التيارالدينى المتشدد زادت سطوته ؟
د/ بطرس غالى: فيه راى ان التيارالدينى المتشدد المتطرف سواء فى الاسلام سواء فى المسيحية سواء فى البوذية سواء فى الهندوكية هل سلك هذا التيار المتشدد الجديد يرجع الى انطواء الدولة امام ظاهرة العولمة هل بيرجع الى ان هناك الفقرزاد فى كثيرمن الدول وبالتالى هناك تعويض لى هذا الفقرعن طريق التمسك بالدين فالاسباب مختلفة ولكن دى ظاهرة جديدة غير قاصرة على العالم الاسلامى
لميس الحديدى:الفوارق الطبقية اللى زايده كتير يعنى فقرمدقع وغنى فاحش وفيه فوارق كبيرة جدا بين الطبقات دى ممكن تزيد من انتهاكات حقوق الانسان ؟
د/ بطرس غالى:طبعا لها تاثير سلبى على حقوق الانسان ولكن الحقيقة ان حقوق الانسان فى هناك بنود عاوزين مثلا التربيه التعليم الصحة اقامة منزل اذا توافر لدى المواطن منزل اذا توافرله التعليم اذا توافر له العلاج
لميس الحديدى:اذا ما اذا دى مش موجودة كثير من المواطنين لا يتوافر لهم لا مدرسة يتعلموا ولاعلاج انت عارف يا دكتور
د/ بطرس غالى:انا شايف مبالغه منك بصراحة
لميس الحديدى:لاليه ؟ احنا عندنا ناس بتعيش فى عشوائيات بيتعلموا تعليم يعنى يطلعوا منوا شبة اميين العلاج مكلف
د/ بطرس غالى:انا معاكى كل ده معاكى ولكن برضة احب اقارن انا مقدرش اقارن مصر مع الولايات المتحدة الامريكية او مقدرش اقارن مصر انا علشان ابقى منصف اقارن مصر مع الهند اقارن مصرمع دولة افريقيه اقارن مصر ليه ؟ عندى انفجار سكانى عندى 80 مليون بعد كذا سنة هيكون عندى 100 مليون على 5% من الاراضى 95% من الاراضى صحراوية وبالتالى عندى مشاكل مرتبطة بان مصر دولة متخلفة بسبب هذه الاوضاع الجغرافية فبالتالى يجب ان لا اقارن الوضاع فى مصر استطيع ان اقارن الوضع فى مصر لما كان عدد مصر 14 و15 مليون فى عهد الخديوى اسماعيل كان بيقول املى ان تصبح مصر جزء من اوروبا عند افتتاح قناة السويس ولكن الاوضاع تغيرت
لميس الحديدى:انت بتقارن مصر بالهند يا دكتورحتى الهند فيها اوضاع افضل فيها جامعات افضل تكاد فيها تعليم افضل ؟
د/ بطرس غالى:لا فيها مشاكل تكاد تكون اوحش بكثيرمن المشاكل اللى موجودة فى مصر بلاش الهند اجبليك نيجيريا
لميس الحديدى:ليه بتقارنى بالاسوا ؟ يجب ان تقارنى بالافضل علشان احس انى لازم اتقدم
د/ بطرس غالى:انا ما بقارنش بالاسوا انا بقارن بدول لها اوضاع مشابهه بالاوضاع المصرية اليوم
لميس الحديدى:طب في نفس تقرير حقوق الانسان الاخير تحدثتم عن حال السجون والحقيقة انا بلاقى جراه شديده فى صياغة انتقادتكم للسجون قلتم ان بعض اوضاع السجون تحسنت ولكن البعض الاخر مازال به تكدس شديد وحاله يعنى ليست جيدة لحقوق الانسان لما بتقدموا ده للداخلية بيردوا عليكم بيقولوكم ايه ؟
د/ بطرس غالى:بنعمل زيارات وبعد كده زيارة ثانية وهناك فيه تحسن الحق يقال ان هناك في تحسن
لميس الحديدى:انتم قلتم فى نفس هذا التقرير فيه لسة سجون بها تكدس شديد ؟
د/ بطرس غالى:دى عاوزة وقت لسة
لميس الحديدى:طب قبل ما اخرج من هذا الملف اعتقد مؤخرا توفى شقيق الناطق باسم حركة حماس داخل احد السجون المصريه حماس قالت من اثارالتعذيب مصرقالت لا والله دا توفى وفاة طبيعية هل سالتم ؟ هل ستسالوا عن هذه الواقعة اذا كانت تدخل ضمن اختصاصكم
د/ بطرس غالى: لا هذه الواقعة لا تتدخل داخل اختصاصنا مدام الحكومة هى اصدرت بيان لا تتدخل فى اختصاصنا
لميس الحديدى:لاتتدخل فى اختصاصك دكتور بطرس هخرج فاصل وننتقل الى ملف اخر وبعد الفاصل بقى نشوف قضية الانتخابات هل بداتم انتم ربما المؤسسات اللى بتستعدوا للانتخابات بدرى شوية عن كل مؤسسات المجتمع المصرى بعد الفاصل
فاصل
لميس الحديدى:دكتورغالى منظمة العمل المدنى والانجو اوو فى مصر بدات بالفعل فى الخارج الاعداد لى الانتخابات التشريعية القادمة 2010 سبتمبر 2010 وبعدها فى انتخابات رئاسية فى 2011 هل انت توافق على رقابه اجنبيه للانتخابات فى مصر ؟
د/ بطرس غالى:ايوه انا شخصيا مؤمن بهذا انا مهتم بصورة مصربالخارج وبالتالى هدى صورة لكافة الدول تلجا الى هذه الرقابة الدولية والرقابة موجوده سواء قبلنا او لم نقبل هيكونوا موجودين الهيئات الاجنبيه موجوده وبالتالى بدال الرقابة موجودة بطريقة غير مباشرة ما خليها بطريقة رسمية
لميس الحديدى:تفتكرالحكومة ستقبل رسميا ؟
د/ بطرس غالى:معرفش انا هقترح للحكومة كمجلس والمجلس رايوا استشارى قد تستجيب الحكومة وقد لا تستجيب
لميس الحديدى:لكن هناك راى اخر من بعض اتجاهات المعارضة ودا غريب جدا ان هما بيقولوا انى ربما يكون دا تدخل فى السيادة المصرية رايك ايه ؟
د/ بطرس غالى:يا ستى السيادة الى حد كبير عهد الساده انتهى الجديد ان هناك ترابط بين كافة الدول التيارات اللى تنزل فى مصر تنزل وفقا لقانون دولى مش بقانون محلى مشاكل البيئة ستعالج على المستوى الدولى الامراض المنتشرة تعالج على مستوى دولى فبالتالى ما المانع مدام هناك اهتمام اعلام بالانتخابات ومجموعة من الصحفيين الاجانب موجودين ومجموعة من المنظمات الاجنبية موجودة بطريقه غيررسمية فلماذا لا اقبل بطريقة رسمية ان تتولى هيئة دولية الاشراف او تتعاون معنا فى الانتخابات
لميس الحديدى:هل تقبل كل الجمعيات التى تتقدم ولا تختار ؟
د/ بطرس غالى:لا انا اختار طبعا
لميس الحديدى:بناءا على ايه الاختيار ده؟ لان فيه راى يقول ان اختيارالحكومة سيكون انتقائى بمعنى الجمعيات اللى قالت علينا كلام كويس يعنى ندخلها الجمعيات اللى كانت شوية يعنى ضدنا مش هندخلها
د/ بطرس غالى:بنتكلم فى رقابة دولية منظمات دوليه محصلتش ان منظمات دولية قالت كلام حلو
لميس الحديدى:عمرنا بصراحة عمرةا بصراحة دا غلط عيب فينا ولا عيب فيهم يا دكتور؟
د/ بطرس غالى:الفكرة الاساسية انه لا مانع لان هذه الرقابة موجودة فعلا بسبب وجود الصحافة الاجنبية الرقابة الدولية الاذاعات الاجنبية المنظمات غيرالحكومية المصرية هتتكلم فمن باب اولى
لميس الحديدى:توقعاتك بقى وانت سياسى مخضرم هل ستقبل الحكومة ولا ممكن تقولك ما بلاش بقى ؟
د/ بطرس غالى:املى املى ان تقبل ليه ؟ لان انا بهتم فى صورة مصر فى الخارج وصورة مصرفى الخارج ستتحسن لو قلت ان مصرقبلت رقابة دولية على الانتخابات
لميس الحديدى:واحنا كمان بنراقب الانتخابات
د/ بطرس غالى:بنبعت وفود فاشمعنا احنا بنبعت فلماذا لا نقبل؟
لميس الحديدى:دكتوربطرس غالى هل انت قلق من نزاهة الانتخابات القادمة فى غيبه الاشراف القضائى ؟
د/ بطرس غالى:الانتخابات القادمة بعد سنتين
لميس الحديدى:لا سنة خلاص ديسمبر القادم 2010
د/ بطرس غالى:فى نهاية 2010 انا ما بفكرش فى المشاكل بتاعة بكره اعالج مشاكل اليوم لا مقلقش خالص
لميس الحديدى:فى غيبة اشراف قضائى
د/ بطرس غالى:ما سنقبل اشراف دولى
لميس الحديدى:وقد يعنى يعوض الاشراف الدولى غيبة الاشراف القضائى
د/ بطرس غالى:قد يكون اقوى بكثير
لميس الحديدى:قد يكون اقوى بكثير هل بتشعر بما ان الجمعيات الدولية ما بتقلش علينا كلام حلوواحنا بنطلع نقول والله حال حقوق الانسان فى مصر ما بتكلمش عن المجلس بتكلم عن التقارير الحكومية بتشعر انه ايه هما بيشفونا غلط ولا احنا اللى حالنا غلط ولا الغلط فين ؟
د/ بطرس غالى:المنظمات الدولية لها اوضاع مثالية لها مبادىء مثالية الامم المتحدة لما تنادى بالمساواه مفيش مساواه بين الدول المنظمة الدولية لما تنادى بان لابد من تسوية الخلافات الدوليه بالطرق السلميه ما بيحصلش فيه حروب عشرات الحروب فى الوقت الحاضرفبالتالى عاوزاقول ان كون ان المنظمات الدولية الاجنبية تنتقد الاوضاع فى مصر هذا يرجع الى انها بتنتقد وفقا لمبادىء مثالية فهناك فرق بين المبادىء المثالية التى نحاول ان نحققها فحينما ندافع عن حقوق الانسان هذا لا يعنى اننا سننجح دى مجرد محاولة بدانا طريق طويل حتى نستطيع نحققه اكثر من ذلك افرضى ان دولة ما حققت الديمقراطية هذا لا يعنى انها ستستمر قد تقع نكسه ويقع انقلاب عسكرى عندى فى دولة اوروبيه اليونان كان نظام ديمقراطى حصل انقلاب عسكرى وفقدت الديمقراطية على مدى كذا سنة
لميس الحديدى:انت ترى ان الديمقراطية ليست غاية فى حد ذاتها
د/ بطرس غالى:لا الديمقراطية مش غاية انا بقول من اجل العمل لحقوق الانسان من اجل العمل عن الدفاع عن الديمقراطيه دا عمل مستمر
لميس الحديدى: طب نبعد قد ايه عن هذه المثالية ؟ خط المثالية هنا احنا بعيد قد ايه عنها ؟ لتحقيق حقوق مواطن طبيعى عايز ياكل ويشرب ويتعالج ويجد فرصة عمل ويجد الامان الشخصى ما يتعزبش ما يتبهدلش فى قسم شرطه ما يكتبش فيترمى فى السجن
د/ بطرس غالى:انا فى رايى انى مازالنا فى بداية الطريق وهنتحتاج الى مجهود كبير هذا رايى يجب ان لا نخشى من هذا المجهود ويجب ان لاتكون لدينا صورة تشاؤمية
لميس الحديدى:المهم بس يكون فيه تقدم هل تشعر ان هناك تقدم ؟
د/ بطرس غالى:لا شك لان فيه تقدم شوفى عدد الجرايد اللى بتشتم فى الحكومة
لميس الحديدى:ايوه بس مازالت مواد حبس الصحفيين موجودة مازال اعتقال المدونيين بسبب او بدون سبب موجود ؟
د/ بطرس غالى:لا من 15 سنة ما كنس فى جرايد للمعارضه من 15 سنة ما كنش فى 20 منظمة حكوميه تهتم بحقوق الانسان وبتنتقد الحكومة هناك تقد حقيقى
لميس الحديدى:ممكن نستنى 15 سنة تانيه مثلا يعنى ؟
د/ بطرس غالى:انا قلتلك خدتى 4 سنوات علشان تبقى ناجحة فى الجامعة و15 سنة علشان تبقى مذيعه ناجحة
لميس الحديدى:20 سنة
د/ بطرس غالى:20 سنة انتى عاوزه ننجح فى العملية دى فى سنتين عاوزه وقت
لميس الحديدى:قابلتم مؤسسة فريدنج هاوس وهى مؤسسه امريكيه تعمل فى حقوق الانسان البعض انتقد وقال ان فريدنج هاوس دى مؤسسه كتبت علينا اننا دولة قمعيه وان مصر كذا وكذا
د/ بطرس غالى:انا افتح الباب لاى مؤسسة اجنبية تيجى
لميس الحديدى:اى مؤسسة حتى لو كانت كتبت فينا
د/ بطرس غالى:بالعكس لم تهاجمنى انا عاوزاشوفها بتهاجمنى ليه ؟ ادافع اناقشها
لميس الحديدى:ماذا حدث فى الاجتماعات معاكم ؟ قلتوا ايه ؟ كان ايه سبب الزيارة ؟
د/ بطرس غالى:شاب جالى مصرى قالى انا مصرى وانا عاوز اساعد قلت له اهلا وسهلا اعملى مشروع ادرسه وارد عليك ادى اللى حصل
لميس الحديدى:هتساعدوا فيه ايه ؟ فى الرقابة فى الانتخابات ولا فى حقوق الانسان ؟
د/ بطرس غالى:لا على حقوق الانسان كافة الجوانب المرتبط بحقوق الانسان قلتلوا اعملى مشروع
لميس الحديدى:المعونة الامريكية اعلنت مؤخرا انها ستقلص حجم الاموال التى ستقدمها للجمعيات الاهلية ربما بالتعامل مع الحكومة المصرية اعتقد فى اتفاق مسبق حول ذلك بالذات فى الرقابة على الانتخابات تفتكر دا هيقلل مجهود المنظمات فى المجتمع المدنى المصرى المستقلة للعمل فى هذا الاطار ؟
د/ بطرس غالى:لا لان الانتخابات تعتبر مسالة جوهرية لاى منظمة مرتبطة بالدفاع عن الديمقراطية او مرتبطة بالدفاع عن حقوق الانسان لان هناك علاقة وثيقة بين الديمقراطية وبين حقوق الانسان لا نستطيع ان ندافع عن حقوق الانسان الا فى ظل نظام ديمقراطى و لانستطيع ان نحقق نظام ديمقراطى الا بالدفاع عن حقوق الانسان
لميس الحديدى:وتشعر ان مصرلديها نظام ديمقراطى ؟
د/ بطرس غالى:ما حققناش الديمقراطية المثالية ولكن تقدمنا
لميس الحديدى:طب انتقل الى ملف اخر وهو ملف اليونسكو دكتور غالى انت كنت امين عام لى الامم المتحدة وواحد من المصريين القلائل جدا وصلوا الى مناصب دولية يعنى تبؤا رئاسة اهم منظمة دولية تفتكر لماذا هزم فاروق حسنى
د/ بطرس غالى:لان كانت هناك معارضة من بعض الدول التى ترى ان عاوزة شخصية اخرى تستطيع ان تتولى الاشراف على اليونسكو
لميس الحديدى:هل هزم فاروق حسنى لنفسه لشخصة ام لانه يمثل مصر ؟
د/ بطرس غالى:لا هو فى رايى ان الدول التى كانت ترغب قالت عينولنا شخصية اخرى ونحن وقتها نؤيدها وان احنا سنؤيده
لميس الحديدى:هل دا كان لمواقف فاروق حسنى مثلا لى علاقة بى حرق الكتب او ما نسب اليه علشان اكون دقيقة يعنى عن حرق الكتب ان فيه لوبى يهودى ضده لوبى يهودى امريكى يعنى
د/ بطرس غالى:في عدة اسباب بعض الدول ترى ان عاوزة حد سبق انه اشترك فى ادارة المنظمات الدولية انه سبق ان اشترك فى العمل الدبلوماسى لان العمل فى اليونسكو اصله عمل دبلوماسى دى منظمة دولية حكومية عاوزه قائم على اتصال الممثل الدولى هما السفراء معتمدين لدى هيئة اليونسكو فعايزة حد اشترك فى العمل الدبلوماسى
لميس الحديدى: فكرة اللوبى اليهودى ؟
د/ بطرس غالى:لا انا اهم نقطة بالنسبة لاغلبية الدول عاوزة حد اما كان لى منصب جامعى وبالتالى بسبب هذا المنصب الجامعى يستطيع ان يلعب دور داخل اليونسكو او كان عمل دبلوماسى التى عينت من بلغاريا كانت سفيرة بلغاريا فى اليونسكو سفيرة دولة بلغاريا فى فرنسا عملت واشتغلت فى الامم المتحده قبل ذلك لها ماضى نفس الوضع متصل بكافة المرشحين اللى تقدموا سبقوا انه اشتغلوا فى المنظمات الدولية
لميس الحديدى:اه بس فى الجولة الاولى فاروق حسنى حصل على 22 صوت
د/ بطرس غالى:اه بذلنا كلنا مجهود لان الدول كانت ترى ان عايزة حد لى خبرة فى ادارة المنظمات الدولية
لميس الحديدى:طب احنا ما كنا عارفين ده من الاول
د/ بطرس غالى:لا دا موضوع تانى الموقف كذلك فلان مالوش خبرة فى المنظمات الدولية فلان اشتغل وزير خارجية فلان اشترك فى هذه المنظمة على مدى 15 سنة فلان كان سفير فى كذا دوله المنظمات الدولية ايه هى ؟ هو اتصال بين مجموعة من الدول اللى بيتصلوا المتمثلين اللى بيشتغلوا فى المنظمات الدولية لهم حصانة دبلوماسية فدا عمل متخصص
لميس الحديدى:لكن انت كنت تراس الامم الامتحدة وقلت لى قبل ذلك ان اعادة الترشيح مرة اخرى وقفت قدامها الولايات المتحدة بنفس هذا المنطق هل هناك لوبى يقف امام ترشيح جهات مصرية لى هذه المنظمات ولا احنا الى معندناش ناس مؤهلين كفاية ان هما يتبواوا هذه المناصب
د/ بطرس غالى:لا لا لا طبعا لينا شخصيات كثيرة فى مصرتستطيع وبعدين اللى عايز اقولهولك بالنسبة لهذه القضية بالذات الاعتراض كان اعتراض فنى عايزين خبير
لميس الحديدى:لا تعتقد ان حكاية اللوبى اليهودى وان كان في ناس من الموساد المقال اللى كتبوا
د/ بطرس غالى:دى العقدة التامريه
لميس الحديدى:العقدة التامرية يعنى اعتقد انها حقيقية ازاى مصر كلها مرشحين مؤهلين لذلك بصراحة يعنى مبقاش يعنى حضرتك خلاص مشيت من الامم المتحدة محمد البرادعى ينهى مهمته خلال اشهر قليله اوخلال شهر ليس لمصروجود قوى داخل هذا اللوبى
د/ بطرس غالى:عندنا عشرات من الدبلوماسين اللى لهم القدرة اللى اشتركوا فى العمل الدبلوماسى اصل العمل الدبلوماسى محتاج ل20 سنة و30 سنة
لميس الحديدى:بس فيه لوبى كمان يا دكتوروحضرتك عارف
د/بطرس غالى: يعنى مثلا دبلوماسى هيقدر يلعب دور دى مهنة المنظمة الدولية هى منظمة اساسية منظمة سياسية دبلوماسية فعايزة ممثل دبلوماسى دا مهنة
لميس الحديدى:طب ما انت كنت دبلوماسى وانت كنت رجل سياسة لكن امريكا رفضت التجديد
د/بطرس غالى:دا موضوع سياسى اعترضوا على السياسة التى اتبعتها بس نرجع تانى للسؤال المنظمات الدولية سواء العمل الدولى سواء اليونسكو سواء الامم المتحده سواء جامعة الدول العربية عايزة شخصيات سياسية مارست الامين العام لمنظمة الوحده الافريقيه كان وزيرخارجية الجابون من هو الان اللى كان وزير خارجية رئيس اليونسكو السابق اليابانى ؟ كان وكيل وزارة الخارجيه اليابانية كان سفيراليابان فى فرنسا على مدى كذا سنة طيب اذن العمل داخل اليونسكو الى جانب الناحية الثقافية نفس العمل هوعمل سياسى دبلوماسى
لميس الحديدى:وانتم بتساندوا هناك قلتله الكلام ده ربما لا تكون فرصك فى النجاح جيدة
د/ بطرس غالى:لا انا مقلتش كده بالعكس انا بقاوم وبحاول انه ينجح ويتغلب على الصعوبات دى مهمتى
لميس الحديدى:ساندته بصفتك الشخصيه ام بصفتك رئيس المجلس القومى لحقوق الانسان ؟
د/ بطرس غالى:لا بصفتى الشخصية بصفتى ان لى اتصالات دولية لما كنت مسئول ووزير فى مصرلى اتصالات دولية من خلال الامم المتحدة ليا اتصالات دولية من خلال منظمات دوليه للفرنكوفونيه اتصالات دولية من عشرات من مجالس مجمع القانون الدولى والنوادى
لميس الحديدى:طبعا انت لك اصدقاء الحقيقة يعنى
د/ بطرس غالى:وبالتالى يجدب ان استفيد من هذه العلاقات لكى اعزز مرشح مصر
لميس الحديدى:تفتكر اللى هزم فاروق حسنى كمان هو عدد من المثقفين فى مصر كان دايما بيعملوا ضدوا يعنى معارك داخل مصر بينتقدوه وان ذه الانتقادات وصلت للصحافة العالمية
د/ بطرس غالى:لا لا ما اظنش وبعدين فى حاجة تانيه في منافسه 10 دول عايزة تنال هذا المنصب
لميس الحديدى:لكن تشعران المنافسة لما وصلت فى الاخرمع ايرنا كوبوفا وبقينا تات تاته زى ما بنقول ان هذه المنافسة مصر حاربت فيها للاخريعنى
د/ بطرس غالى:عاوزة اقول جيبى رؤساء المنظمات الدولية المختلفة رئيس هيئة العمل الدوليه كان سفيرشيلى فى الامم المتحده قبل كده كان فى السلك الدبلوماسى
لميس الحديدى:احنا بنتمنى بقى ان وزارة الخارجية تخرج لنا يعنى
د/ بطرس غالى:اه ان شاء الله الجيل الجديد
لميس الحديدى:او اللى بعديه دعوت ايرنا كوبوفا لزيارة مصرللمشاركة فى المؤتمر اللى حضرتك كنت بتكلمنى عليه العام القادم او اعتقد خلال شهر فى ديسمبر
د/ بطرس غالى:المؤتمر هينعقد فى 5،6،7،8 ديسمبر
لميس الحديدى:ما خفتش فاروق حسنى يزعل ؟
د/ بطرس غالى:لا انا بتعامل مع منظمة دوليه ويجب ان اعترف بالواقع تم انتخاب فلان انا كممثل مصرى يجب ان اتعاون مع اليونسكو التعاون مع اليونسكو يتطلب التعاون مع المدير الجديد لليونسكو خلينا عمليين
لميس الحديدى:عمليين تفتكر كان على فاروق حسنى ان يستقيل كوزير للثقافه ؟
د/ بطرس غالى:اسئلى السؤال ده لفاروق حسنى
لميس الحديدى:ووجهة نظر حضرتك ؟
د/ بطرس غالى:لا انا ماليش وجهة نظر اسئلى هو هو اللى صاحب المصلحة
لميس الحديدى:طيب هساله هو هخرج فاصل يا دكتور بطرس وبعد الفاصل دكتور بطرس دبلوماسى محنك يستطيع ا، يهرب من اجابة السؤال اذا اراد وبعد الفاصل نسال بقى فى اراء الدكتور بطرس السياسيه وفى مقدمتها تقرير جولدستون
فاصل
لميس الحديدى:دكتور بطرس طبعا اطلعت على الازمة الاخيرة بسبب تقريرجولدستون تفتكر فيما اخطا ابو مازن ؟
د/ بطرس غالى:والله انا مقدرش ارد على هذا السؤال لسببين معرفش التفاصيل ايه هى الاسباب التى جعلته يؤجل تقرير جولدستون قد يكون مقابل انجازات اخرى قد يستفيد منها وقد يستفيد منها الشعب الفلسطينى لا مقدرش احكم الحكم السطى دى مع الاسف ظاهرة صحفية منتشرة الحقيقه معرفش ما وراء هذا الموقف هل له مكسب معين ؟ كسب حاجة من وراء هذا هذا المقابل مكسب معين من جانب الطرف الاخر معنديش المعلومات التى استطيع ان اقول كان يجب ان يستمر او كان يجب ان يؤجل
لميس الحديدى:لكن التمن هناك تمن دفع فى الشارع الفلسطينى نفسه ان هناك هجوم قوى جدا على ابو مازن
د/ بطرس غالى:ايو يمكن وقتها اقدر اقول الاقصى فى الحسبان
لميس الحديدى:هذا التقريركان يدين اسرائيل وكان يدين حماس ايضا فى رايك يمكن فى يوم من الايام ان يقدم قادة اسرائيل الى محاكم دولية لمحاكمتهم على جرائم الحرب ولا ده غيرمنظور ضمن كل هذه التربيطات واللوبز اللى موجود فى العالم ؟
د/ بطرس غالى:تصورى مثلا صدر حكم لمحاكمة رئيس دولة عربية
لميس الحديدى:البشير
د/ بطرس غالى:ولم تستطع المحكمة الدولية ان تنفذ الحكم فمن باب اولى لو صدرالحكم ضد قائد اسرائيلى سيكون من الصعب
لميس الحديدى:اكيد اكيد
د/ بطرس غالى:لماذا بقى لان مازالنا فى بداية حياه جديدة وهى المحاكم الدولية المحاكم الدولية ظاهرة جديدة ما كنتش موجوده من 20 ، 30 سنة انا اللى انشات اول محكمة دولية فى رواندا فاذنا دى ظاهرة جديدة عايزة وقت
لميس الحديدى:عايز وقت ايه ؟ ماهى الانتهاكات الاسرائيلية هى مستمرة
د/ بطرس غالى:انا معاكى احنا بنتكلم عن المحاكم فى وسائل اخرى لمواجهة الانتهاكات المحاكم دى موضوع
لميس الحديدى:يعنى دكتور لما بتنظر للمشهد الفلسطينى بكل تعقيداته الحالية وانت كنت اول من شاركوا فى اول مفاوضات مصرية - اسرائيلية كنت مع السادات فى رحلتة للقدس كيف ترى هذا المشهد ؟
د/بطرس غالى:ارى من الصعب ان نجد تسوية عاجلة
لميس الحديدى:عاجلة ولاعادلة
د/ بطرس غالى:عاجلة على اساس اولا ان الحكومة الفلسطينية ضعيفة منقسمة وهناك حكومة غزة وحكومة اخرى فى الضفة ثانيا الجانب الاسرائيلى ضعيف نتنياهو ثالثا هناك ازمة مالية دولية الولايات المتحدة مهتمة بالازمة الاقتصادية العالمية اكثربكثير من اهتمامها بالمشاكل الدولية ولها مشاكل الدولية تكاد تكون اهم افغانستان- العراق - كوريا الجنوبية - كوريا الشمالية- امريكا اللاتينيه فيها مشاكل وبالتالى سنجد ان الوسيط الوحيدة الذى يستطيع ان يلعب دورالولايات المتحدة ليس له القدرة اوالارادة لكى يلعب هذا الدور فى الوقت الحاضرلاسباب ذكرتها
لميس الحديدى:اه ال8 سنين اللى فاتوا كمان الوسيط كان لايريد ان يلعب دورا
د/ بطرس غالى:دا موضوع تانى لكن المرادى قد يكون الوسيط يريد ان يلعب دورولكن الظروف لاتساعد حتى يستطيع ان يلعب هذا الدورفبالتالى اطراف النزاع ضعيفة الوسيط الوحيد مشغول فى مشاكل اخرى بالتالى استبعد ايجاد حل فى القريب العاجل
لميس الحديدى:هل ينضم الى تلك الاسباب التدخلات الاقليمية من دول اخرى لها مصالح اخرى ايران -سوريا- تركيا؟
د/ بطرس غالى:لا شك ان الدول الاخرى لكن تلك التدخلات هامشية الثانوية بالنسبة للتلات عناصراللى ذكرتها العنصر الفلسطينى- العنصر الاسرائيلى- الوسيط - دا نمرة واحد نمرة اتنين انا ارى ان الاوضاع هتتغير فى السنوات القادمة عندما سيزداد عدد الفلسطينيين الذين يتمتعون بالجنسية الاسرائيليه عددهم النهارده 20 % واكثر من ذلك لما بتوع الضفه الغربية هيلعبوا دور حين اذنا التكتلات داخل اسرائيل هتتغير حينئذا سنجد واحد ان الجانب الفلسطينى سيكون اقوى ان الجانب الاسرائيلى قد يرى من مصلحتة ان يتفاوض ان الوسيط تشجع بسبب هذه الاوضاع الجديدة ان يلعب الدور وقد يزداد عددد الوسطاء كل واحد عايز يلعب الدور المشكله لما تبقى العملية ناجحة كله بيدخل اذنا انا ارى طبعا دى نظرة تشاؤمية لا علاج للقضية فى السنوات القادمة
لميس الحديدى:فى السنوات القادمة
د/ بطرس غالى:اه المطلوب مجرد تحسين اوضاع الشعب الفلسطينى استمرارنوع من الهدنه اقول السلام البارد حتى لا ينقلب هذا السلام البارد الى حرب بارده وننتظراملا فى ان من خلال هذا الانتظار ان نجد ان الوسيط لاسباب اخرى مستعد ان يتدخل او ان الجانب الفلسطينى اصبح اقوى او ان الجانب الاسرائيلى وجد ان مصلحته ان يتفاوض ولكن النهارده الظروف كما وثقتها تجعل ان العالم العربى منقسم فيه مشاكل هناك مشكلة العراق هناك خلافات بين بعض الدول العربية الوضع فى السودان فى دارفور الجنوب فاذنا العالم العربى ضعيف
لميس الحديدى:اه لكن على الارض بقى التهويد مستمر المستوطنات مستمرة تغيير الوضع الجغرافى مستمر
د/ بطرس غالى:انا معاكى ايوه
لميس الحديدى:طب دا ساعتها وقت الحل بقى الارض راحت
د/ بطرس غالى:مننساش ان هناك سابقة كانت هناك مستوطنات غزة واتلغت وكانت فيه مستوطنات فى سيناء وكان مناحم بيجين بيقول انا عايز ادفن فى ياميت
لميس الحديدى:وياميت كانت فى سينا
د/ بطرس غالى:كانت فى سينا فاذنا النظرة التشاؤمية قد تنقلب الى نظرة تفاؤلية اذا تغيرت الاوضاع
لميس الحديدى:هل دا بيخليك تتذكر مؤتمر مينا هاوس ربما يعنى كان من 20 سنة او اكتر من 20 سنة تقريبا يعنى
د/ بطرس غالى:77
لميس الحديدى:فى 77 يعنى 30 سنة انه ربما لو كنتم جيتوا لو كنا قعدنا وقتها كان الوض اتغير ولا الاحداث كانت
د/ بطرس غالى:الاحداث ما كنتش تسمح بهذا حتى فى وقت من الاوقات لو حبينا ندخل فى التفاصيل كان المفروض تتم مقابلة بين ملك الاردن وملك المغرب والرئيس السادات فى المغرب بعد اتفاقية كامب ديفيد ولكن تراجع ملك المغرب بعد ذلك اقعدت اقابل القيادات الادرنية قالولى كان من الصعب علينا ان نقبل التفاوض فى هذا الوقت تم بعد ذلك مفاوضات بين الاردن واسرائيل ولكن وقتها صعب الوقت بيلعب دورزى ما انتى احتاجتى 20 سنة هنتحتاج عدة سنوات علشان نحل القضية الفلسطينية
لميس الحديدى:القضية الفلسطينية بقالها 60 سنة
د/ بطرس غالى:تجارة الرقيق خدت كام سنة؟ تجارة الرقيق 200 سنة
لميس الحديدى:لما اوباما منح جائزة نوبل للسلام حسيت انها جائزة تمنح للنوايا الحسنة ولا لدفعة لمزيد من العمل من اجل السلام حسيت بايه يعنى ؟
د/ بطرس غالى:انا شخصيا كنت عضو فى لجنة التحكيم من قيمة اسبوع الرئيس السابق الفرنسى شيراك قرر ان يعطى جائزة برضه نفس الفكرة جايزة للسلام اقل بكثيرمن جايزة نوبل فاثناء المناقشات انا تقدمت بالمعايير التالية اولا مقدرش ادى الجائزة لرئيس دولة ولا لوزيرولا لمعارض لانى كانى بتخذ موقف
لميس الحديدى:امال هنديها لمين ؟
د/ بطرس غالى:اديها لمنظمة او لشخص مستمرفى الكفاح ومحتاج الى مساندة وادينا فى منظمة موجودة فى نيجيريا على راسها امام وقسيس بيدافعوا عن الحوار بين المسيحيين والمسلمين وادينا الجائزة لهذه المنظمة ليه لانها فى حاجة الى مساعده فى حاجة الى ان تستمرفى العمل
لميس الحديدى: اذن انت ترى ان جائزة نوبل للرئيس اوباما ربما لم تكن فى مكانها؟
د/ بطرس غالى:انا مقلتش كده
لميس الحديدى: بلاش اللى انا قلته كيف تقيم منح الرئيس الامريكى اوباما؟
د/ بطرس غالى:انا لا اقيم موقف جائزة نوبل اللى هما اصحاب الجايزة هم المسئولين
لميس الحديدى:ايوه انت سياسى مخضرم لك رؤية سياسية
د/ بطرس غالى:انا علشان مخضرم مبديش رايى فى هذا الموضوع
لميس الحديدى:مبتديش راى فى هذا الموضوع لما كان الرئيس السادات بيسالك عن راى يا دكتوربطرس كنت بتحجم هذا الراى طبعا انا مش فى مقام الرئيس السادات ولكن يعنى لما كان بيسالك كنت بتقولوا ارائك بصراحة
د/ بطرس غالى:طبعا اقوله رايى لكن الرئيس السادات وانا مصرى بندافع عن نفس القضية ودلوقتى دا موقف بالنسبة لقضية دولية وانا لى مصلحة ان تكون علاقاتى وديه بقدر الامكان مع صاحب هذه الجايزة
لميس الحديدى:مع صاحب هذه الجايزة ماشى هعديها برضه دكتور بطرس غالى ماذا يقلقك فى مصر؟
د/بطرس غالى:واحد الانفجار السكانى سنصل الى 100 مليون بعد 20 سنة, 2 قضية المياه لو مهتمناش الاهتمام الكافى بالتعاون مع الدول التى لها مصادر نهرالنيل اثيوبيا 85 % من مياه النيل والدول الاخرى بحيرة فيكتوريا يعنى اوغندا تنزانيا كينيا بروندى والسودان مشروع جنجولى كان هيجبلنا كميات واقف ايه المجهود التى بذل لفتح مرة اخرى مشروع "جنجولى" ايه هى المفاوضات التى كانت المفروض ان تدورمع السكان الجنوب اوالثوار فى الجنوب مع جون جارانج الذى كان يؤيد مشروع" جنجولى" لماذا توقف بقاله 20 سنة ؟ لان احنا اهملنا قضية المياه وقضية المياه النهاردة ليست مصرية فقط بل اصبحت دولية كافة دول العالم ستجد هذه القضية ومن ذلك الاهتمامات انه عايزين يفكروا فيه ترخيص اجهزة جديده لنقل مياه البحار الى مياه عذبه
لميس الحديدى:اذنا السكان وقضية المياه
د/ بطرس غالى:بالنسبة لى
لميس الحديدى: والديمقرطيه؟
د/ بطرس غالى:بصراحة لو حلينا قضية المياه تحقيق الديمقراطيه مبقاش ازمة الديمقراطية قائمة على اوضاع اقتصاديه - اجتماعية
لميس الحديدى:اذا كانت الاوضاع الاقتصادية والاجتماعية برضه نوع من الترجى بصراحة يعنى الفقر
د/ بطرس غالى:ايوه الاوضاع صعبة الاوضاع الاقتصادية والاجتماعية اذا كان هناك انفجارسكانى فمن الصعب ان نحقق الديمقراطية المثالية اللى بنادى بيها وبنحلم بيها
لميس الحديدى:يقلقك الفقرفى مصر ؟
د/ بطرس غالى:طبعا بس مش الفقر فقط اهم من الفقر الجهل عندنا 40% اميه وبعدين جات لنا ظاهرة جديده هى التطرف دى بمثابة جهل من نوع اخر
لميس الحديدى:عندما تعود كده بالذاكرة فى هذا العمرالمجيد ربنا يديك الصحة الاول انت حياتك بتصحى الصبح تعمل ايه ؟ احكلينا يوم فى حياة بطرس غالى
د/ بطرس غالى:بشتغل 8 ساعات يوميا سواء ادارة منظمات دولية او حكومية مجلس حقوق الانسان جمعيات علميه وعن طريق العمل الواحد يستطيع ان يتغلب على امراض الشيخوخة
لميس الحديدى:بتعمل ايه دايما لى دايما الذاكرة الحمد الله الذاكرة انا بمسك الخشب هايلة بتعمل ايه علشان تفضل الذاكرة موجودة؟
د/ بطرس غالى:لابد من القراءة يوميا لابد من الكتابة سواء مذكرات سواء قريتى حاجة فى الكتاب انبسطى منه تكتبية تانى علشان بدل ما تدورى على الكتاب
لميس الحديدى:تمرين يعنى في تمرين مستمر؟
د/ بطرس غالى:لا بد من تمرين مستمر
لميس الحديدى:والاكل بقى يا دكتور يعنى حاجات معينة بتاكلها وحاجات معينه ما بتكلهاش
د/ بطرس غالى:بقدرالامكان الواحد ما يزودش فى الاكل
لميس الحديدى:بتلعب رياضة ؟
د/ بطرس غالى:مع الاسف لا وبالتالى يجب احافظ على كمية الاكل
لميس الحديدى:انت لما بتكون فى باريس بتمشى ؟
د/ بطرس غالى:لا ابدا كمان الجو ما يسمحش بالمشى وبعدين عندى شغل كتير
لميس الحديدى:عندك شغل كتير لسة بتروح للعراف الهندى ؟
د/ بطرس غالى:مرحتش من زمان والله عايزاروحلوا فى مشاكل عايز اسأله
لميس الحديدى:في مشاكل لسة في مشاكل يا دكتور ؟
د/ بطرس غالى:فيه مشاكل المشاكل مرتبطة بالحياة
لميس الحديدى:نعم نعم ايه كانت اصعب لحظة فى حياة الدكتور بطرس غالى
د/ بطرس غالى:في ملاحظات كثيره يعنى عندما لم احقق هدف معين مثلا اتذكران كان املى اترقى من استاذ مساعد لى استاذ ورحت اللجنة فى اسكندريه وكان املى انه سيصدر قراربترقيتى اجلوه وقتها كانت ازمة وقتها اضايقت اوى كانت ازمة قاسية بالنسبة لى ازاى ؟ رغم الانتاج بتاعى ورغم اتصالاتى الدولية اخروا عينونى استاذ ولكنهم اجلوا عاوزين لجنه تانية اجتماع تانى هذه امثلة فتجد الانسان له مشاكل فى حياته بيضايق منها وبعدين لما بينظرلها بعد 20 يجد انها تافه
لميس الحديدى:تافه قوى وصغيرة مازالت فى انتظاربدرالبدورانا كل مرة اجى اعمل معاك حواراسألك السؤال ده ؟
د/ بطرس غالى:بدرالبدورهو العمل فى المستقبل القدره على ان نعمل فى المستقبل متنسيش ان بعد سن معين الذاكرة هتضعف الواحد ميعرفش يطلع السلالم فالامل بدرالبدورنستطيع ان نستمرفى العمل
لميس الحديدى:ربنا يديك الصحة كده والقدرة على العمل اشكرك شكرا جزيلا على هذا اللقاء دائما زى ما قلت فى المقدمة قد نحتاج ان نتوقف بعض الوقت مع بعض المحنكين من لديهم حكمه فى هذا البلد دكتور بطرس غالى مازال فى انتظار بدرالبدور اتمنى ان يشرق هذا البدر فى يوما ما اشكركم وهذه لميس الحديدى تحييكم وتصبحوا على خير.


انقر هنا لقراءة الخبر من مصدره.