اختراق

عمرو الليثي : قلنا هنبني وادي إحنا بنينا السد العالي لم تكن مجرد أغنية تغني بها المطرب الراحل عبد الحليم حافظ ولكنها كانت تجسيد لملحمة شعبية وقصة كفاح عظيمة أداها الشعب المصري كما ينبغي وبأقل الإمكانيات لقد تغني الشعب المصر يكله أغنية الكرامة وحقق المستحيل بإرادته القوية التي تحدث المستقبل وأفسدت خططه فر حرمان الشعب من نسمات الحرية التي بدأ يتنفسها ويشعر بحلاوته هل ساهم الشعراء المطربين في ترويج فكرة الرئيس عبد الناصر ان السد العالي مشروع قومي وكان معروف ان تلك الفترة حبلي بالأغاني الوطنية للثورة والاشتراكية ولأفكار الثورة وأيضا لمشروعات السد وانت كنت منهم
عبد الرحمن الابنودي : ايوة بس انا كنت منهم بس انا يعني مكنتش ناصري وانا كنت بتحبس في ذلك الوقت بس يعني اية انا شهادتي مش مجروحة علشان انا راجل حقاني شوية مصر عاشت فترة زاهية جدا قوميا يعني في ذلك الوقت كانت قيادة الأمة العربية وكانت ضد الاستعمار وضد الصهيونية واضح وكانت كرامة الإنسان المصري في السماء واخد بال حضرتك وكان اللي ما يساهمش في هذا المشروع القومي يعني مش مصري ولذلك كانوا يتريئوا علينا يقولوا أغانينا رائحتها عرق يعني طبعا المرفهين أولا المرفهين كانوا يقولوا أغانيهم رائحتها عرق يعني اية ان دول شيوعيين ان دول ناصريين ان دول تبع البتاع يعني باقول لك زمان في قلب الناصرية في قلب الزمن الناصري قوة رهيبة جدا قوي رجعية وضد الناصرية وضد هذا الزمن والحقيقة ان كان يجسونا إحنا يعني اه يعني من عجائب الأمر يعني اللي أدي الي انه لما يجي الرئيس السادات يدوس على زرار يتلغي العهد الناصري دي ان إحنا كان يعني في الإحساس بالاغتراب ده وانه يعني صوتك مش واصل ورأيك يعني تيجي تقولة ترفعة تلاقيك بره البتاع خالص يعني الى آخرة فكان في أخطاء شديدة موجودة يعني لكن في نفس الوقت انا إحنا لهذا الزمن
عمرو الليثي : الشعراء دول صلاح جاهين عبد الحليم حافظ كمطرب كانوا بيشتغلوا بأوامر ولا ان هذا المشروع مشروع قومي لكل المصريين
عبد الرحمن الابنودي : لأ شوف صلي على النبي ده صلاح جاهين ده يعني يمر على مصر كل 200 سنة شاعر بحجمه ورجل كان صادق فيما يعتقدة يعني مخطأ مش مخطأ هو كان صادق في حبة لعبد الناصر كان صادق في حبة للزمن الناصري كان صادق وشوف شعرة شوف يعني افتح صندوق العيد وادي الحلوة مراية يعني لما تيجي تدور متلاقيش كلام ملفق متلاقيش كلام بتاع مزيف الى آخرة فيعني ناس زي دي بس قلنا وادي إحنا بنينا السد العالي أغنية من أعظم الأغنيات عند الشعب المصري في قاعة من احمد شفيق كامل وحسين السيد الراجل اشتغلت مرسي جميل عزيز
عمرو الليثي : كان في غازلة للنظام في ذلك الوقت ؟
عبد الرحمن الابنودي : مكنش مفيش صلاح كان بيحب عبد الناصر ولذلك أغانيه فيها عبد الناصر واحمد شفيق كامل في أغنية الريس من معلم يعني خلي ده كان الطعم بتاع الفترة دي لكن اللي كانوا زينا النافرين لا كانوا بيقول لعبد الناصر ولا لغير عبد الناصر يعني كان انا اكتب مثلا مين هو الشعب اكتب يعني أغنيات يعني النكسة
عمرو الليثي : مكتبتش انت عن السد العالي أغاني ؟
عبد الرحمن الابنودي : انا كتبت أغنية مشتهرتش أتمد يا عمري أتمد وأعيش وأشوف بعيني السد
عمرو الليثي : منير أسالك على دور الفنان في مشاركة القيادة السياسية في البناء أو في التوجيه دورة يقف عند فين ويبدأ منين ؟
محمد منير : ده أهم دور طبعا لان دور الفنان هو دور تحريضي في المقام الأول فانا باحرض على الشيء انت يعني لازم تعلن عن نفسك
عمرو الليثي :لك ذكريات مع بناء السد العالي ؟
محمد منير : اه في ذكريات
عمرو الليثي : احكي لي يا عم ذكرياتك مع بناء السد العالي
محمد منير : ذكرياتي هي مكنش لي علاقة بالسد العالي ومكنش لها علاقة ببناة السد العالي لان كان لها بثلاث فنانين كنت انا معتقد ان هما كانوا أعضاء في مجلس قيادة الثورة من شدة تأثيرهم علينا وعلى الناس اقصد بهم عبد الحليم حافظ و كمال الطويل وصلاح جاهين الثلاثة دول حسيت في كلامهم وأغانيهم عن السد العالي كأنهم أصحاب قرار في البناء
عمرو الليثي : وهل تعتقد ان دور جاهين وعبد الحليم دور تحريضي في بناء السد العالي ؟
محمد منير : اه حرضنا كلنا للحلم الجميل ده أصل التحريض مش في شكل صورة شرانية يعني بحرضك يدفعك لشيء بحسسك بالانتماء فيه بالمشروع القومي فيه فادوا دورهم بروعة شديدة احلي من اللي أدوا دورهم في بناء السد كمان
عمرو الليثي : لكي يتم بناء بهذا الحجم الذي يساوي 17 مرة حجم الهرم الأكبر كان لابد استخدام أكثر من 43 مليون متر مكعب من الركام و3700 طن من المتفجرات لبناء جدارين يمثلان جسم السد بطول 3600 متر منها 250 بين ضفتي النيل ويمتد الباقي على هيئة جناحي على جانبي النهر طول الجناح الأيمن 2325 متر على الضفة الشرقية والأيسر 755 متر على الضفة الغربية وبارتفاع يبلغ 111 متر فوق قاع النيل وعرضه عند القاع 980 متر وعند القمة 40 متر المهندس سعد نصار رئيس مجلس إدارة جمعية بناة السد العالي : حجم السد بيوازي 17 مرة حجم الهرم الأكبر العمالة الحقيقية هيئة السد العالي انها طبعا فتحت الباب على مصراعيه لتلقي طلبات الراغبين لعمل في أسوان وده طبعا مش كفاية فاتعمل مركز تدريب في أسوان برضه بالتعاون مع الجانب السوفيتي وأمكن لهذا المركز ان هو يخرج أعداد كبيرة جدا من النوعيات أو التخصصات اللي مكنتش موجودة أو موجودة بكميات قليلة وكان محتاجها سوق العمل في السد العالي
احمد السيد النجار/ رئيس تحرير التقرير الاقتصادي بالأهرام : أول سد في العالم يستخدم فيه الصخور الملبسة بالماء أو ما تسمي وسائد الرمال اللي هي بالفعل تمكن السد من تحمل زلازل حتي 8.5 الى 9.9 درجة على مقياس ريختر
المهندس / محمود أبو زيد وزير الموارد المائية الأسبق : السد العالي من أعظم المنشأت الركامية اللي هي من الطوب الحجارة ومن الطمي ومن مواد غير قابلة لتسريب المياه ويكفي ان نعلم ان عرضة من أسفل كيلو فعملية الرشح عملية صعبة جدا وهناك في ستارة واقية في نصف السد تمتد أكثر من 100 متر تحت الأرض فدي تمنع المياه انها تتحرك
المهندس/ زكريا عبد الباري احد المشاركين في بناء السد : انا اذكر من ضمن الحاجات كان في بيتعمل يعني جزء من جسم السد ده كان بيتنقل بالرمل بيجي من الصحراء يتحط مكان السد ده كان حوالي مليون متر مكعب المليون متر مكعب لازم يتقلبوا 180 درجة في فترة الفياضان ودي كان كمية كبيرة جدا الناس كانت بتشتغل كان في حاجة مثلا اسمها بلدوزر كان حوالي 70 بلدوزر شغال اتنقل يعني اتغير 180 درجة كده ده مثلا كان صدقي سليمان ده الله يرحمه كان يجي مرتين ثلاثة في اليوم علشان يطمأن الشغل ماشي أزاي في العملية دي ونجحت وخلص قبل ميعاده فدي من الحاجات برضه اللي كان الواحد مينساهاش
المهندس/ حسب الله الكفراوي : السد العالي اتبني بطريقة الردم حجارة كبيرة بتترمي في مجري النيل وبيتحقن فيها رمز وعلى طبقة محقونة من تحت بالاسمنت فطريقة جديدة اتعلمناها من السوفيت
زكريا عبد الباري : ابتدي التفجير يوم 8 يناير 9 يناير 1960 اتعمل يعني ما كان في تل من التلال الصغيرة دي نفق صغير وامتلي دناميت وفجرة كان ايامها عبد الناصر وشكري القوتلي ومحمد الخامس اللي هو ملك المغرب وابتدي المشروع يجي وكان بقي في الجانب من الروس أعداد محدودة وابتدي بقي الروس يجوا وابتدت المعدات تيجي وابتدي المقاولين تشتغل وابتدينا نشتنغل وكنا مشيين موفقين جدا
تقرير
في مطلع العام الجديد تحقق حلما طالما سعينا الية وأملا تعرضنا في سبيلة للضغط والتآمر والعدوان وأخيرا أصبح الآمل واقعا وتحول الحلم الى حقيقة وتطلع العالم كله الى أسوان وصل الى مطار أسوان جلالة الملك محمد الخامس والرئيس جمال عبد الناصر والمواطن العربي الأول شكري القوتلي والسيد عبد اللطيف البغدادي نائب الرئيس وضيفوه الجمهورية العربية المتحدة وحي جلالة الملك والرئيس حرس شرف من الحرس الجمهوري وموسيقاه واستقل الضيف العظيم والرئيس سيارة مكشوفة من المطار الى مكان الاحتفال بين الحفاوة البالغة والهتافات المدوية وقدم عبر أهلي أسوان عن فرحتهم بلقاء الرئيس بتحية صادرة من القلوب وهتافا بحياة القومية العربية وروادها المخلصين وامتلأ الطريق بأصوات النصر والاعلام العربية والمغربية وبين هذه المظاهر الرائعة وصل الركب الى منطقة السد العالي وشاهد جلالة الملك والرئيس والمدعون نموذج ضخما للسد العظيم وشرح المهندس حسن زكي أهمية هذا المشروع الذي سيشع الرخاء والتقدم لربوع بلادنا ويحقق لنا نهضة صناعية جبارة وانتقل الجميع بد ذلك لإرساء حجر الأساس الذي أقيم على ربوة عالية ودعا الرئيس الملك والمواطن العربي الأول والسيد مقبول الأمين وزير الري السوداني للاشتراك في إرساء حجر الأساس وفي السرادق تصدر المنصة الرئيسية العاهلين الكبيران وكبار الضيوف والوزراء ورجال السلك الدبلوماسي وتحدث المهندس موسي عرفة وزير الأشغال التنفيذي عن السد العالي كصرح شامخ نادت به حكومة الثورة أول ما نادت حتي خرج اليوم عملا هندسيا جبارا وهنأ الوزير السيد ليفي كوب الوزير السوفيتي للقوي الكهربائية شعب الجمهورية العربية المتحدة وقائدة العظيم بمناسبة بدء العمل في إنشاء السد وبعد ذلك الرئيس جمال عبد النصر في هذه المناسبة التاريخية الكبرى
جمال عبد الناصر : واليوم ايها الإخوة نشعر بالفخر ان الدول الكبرى بدأت تحس وتشعر ان الدول لا يمكن ان تخضع ولا يمكن ان تقبل السيطرة أو الاستبداد ولا يمكن ان تكون داخل مناطق النفوذ ولا يمكن ان تكون مزارع للمواد الخام ولكنها تريد ان تأخذ دورها فيا العالم ثم تأخذ دورها في الحياة
تقرير
ثم اشترك الرئيس وضيوفه في إعلان بدء العمل
عمرو الليثي : يبلغ الطول الكلي بمجري الانفاق 1950 متر ويوجد 6 انفاق بتفرغ كل نفق الى فرعين مجموعة طول الانفاق 2030 متر ويبلغ قطر النفق الواحد 15 متر ويبلغ مجموع أوزان البوابات داخل الانفاق 20000 طن وتتصل فروع الانفاق ألاثني عشر في محطة الكهرباء التي تتكون من 12 تربينة قوة كل تربينة 180 ألف كيلوا واط بينما يبلغ وزنها 765 طن بينما تبلغ قوة كل مولد كهربائي 175 كيلوا واط ومجموع وزن مولدات الكهرباء للمحطة 30000 طن وتم استخدام 20 ألف متر مكعب خرسانة في أساسات المحطة بما يوازي 1000 مرة أساسات مجمع التحرير ويمكن الحصول على الطاقة الكهربائية سنويا من محطة كهرباء السد العالي عشرة مليون كيلو واط في الساعة
تقرير
عقد بوزارة السد العالي اجتماعا بين الخبراء العرب والسوفيت برئاسة المهندس محمد صدقي سليمان وزير السد لدراسة وسائل تشغي جميع وحدات محطة الكهرباء السد العالي قبل الموعد المقرر من قبل بسنة كاملة وذلك باختصار مدة تركيب المحطة بحيث يتم تركيبها في عام 1969 بدلا من عام 1970 وقد وقع المهندس محمد صدقي سليمان وزير السد العالي البروتوكول الخاص بهذا الاتفاق عن الجانب العربي كما وقعة عن الجانب السوفيتي كلا من السيد سيكو ليف والسيد منسي كسوف كبير المصممين السوفيت
المهندس/ إسماعيل فهمي رئيس قطاع المعدات الفنية بالسد العالي سابقا : كنت انا جاي مع أول تربينة بتركب في محطة السد العالي والتربينة جاية من روسيا وكان وزنها 200 طن فكلفت ان انا لازم أصاحب هذه التربينة من إسكندرية لغاية السد العالي ورفعها في المحطة وتركيبها وكان ده احتفال كبير جدا وكنا مزوقينها ولا العروسة كان عامين إعلام وبتاع ودبحو دبايح يعني كان احتفال يعني انا مشفتش زية يعني
د/ حسن يونس وزير الكهرباء والطاقة : السد العالي لما بنشوف كان قيمته كبيرة جدا في بالنسبة للكهرباء كان بيمثل من 60 الى 70% من الكهرباء موجود في مصر كلها وكان في وقتها كان هناك مشكلة نقل هذه الكهرباء الضخمة الى القاهرة والى شمال الدلتا وكنت انا احد المشاركين مع زملائي من المهندسين أزاي حلنا هذه المشكلة ومش عايز يعني بقي لأنها مشكلة متخصصة ما يسمي بالاتزان الاستاتيكي والديناميكي في شبكات الكهرباء عموما واستطعنا وإحنا كنا شباب وقتها ان إحنا نحل هذه المشكلة وننقل الكهرباء كاملا الي القاهرة وفي الشمال والجزء اللي موجود الألمونيوم في نجع حمادي وجزء في سملوط علشان يبقي شبكة المياه 132 نقدر نعمل تنمية في الصعيد ودي بداية التنمية في الصعيد هي وصول الكهرباء اللي جاية من السد العالي ثم أتنقلت الى الوجه البحري وبداية الشبكة القومية على مستوي الجمهورية الشبكة القومية للكهرباء وكانت بدايتها السد العالي
حسب الله الكفراوي : لما يبقي عندك محطة كهرباء بتجيب لك اد اللي كان منتج قبلها أكثر من مرة
عمرو الليثي : أزاي يا فندم ؟
حسب الله الكفراوي: محطة الكهرباء بتاعة السد العالي توليد الكهرباء رخيصة الميه اللي نازلة راحة لدي وهي نزلة بدور التربينات اللي بتولد الكهرباء
عمرو الليثي : في كام تربين كانوا هناك ؟
حسب الله الكفراوي : 12
عمرو الليثي : 12 تروبين؟
حسب الله الكفراوي : ستة إنفاق على كل نفق عليه 2 تروبين توفير كهرباء بالنسبة للتوسع السكاني في استهلاك الكهرباء للمنازل في كل إنحاء الجمهورية في زياد كبيرة في الكثافة السكانية في زيادة في الإسكان تحتاج الى إنارة هذه الإنارة لم يكن ممكنا ان إحنا نوفرها في المدن وفي القرى على مستوي الجمهورية إلا إذا كان هناك كهرباء مولدة من السد العالي
المهندس/ حلمي السعيد وزير السد العالي في عهد الرئيس جمال عبد الناصر : عملت مشروع كهرباء الريف نتيجة لكهرباء اللي كان جاية من أسوان
احمد السيد النجار : المحطة الكهرومائية اللي عملها السد العالي الحقيقة يعني نقلت الريف المصري النقلة الأعظم في تاريخه على مدي آلاف السنين من ظلام الليل الى النور ان إنارة الريف تمت فعلا بعد تشغيل المحطة الكهرومائية بتاعت السد العالي وكانت بتولد في وقت من الأوقات 54 % من ل الكهرباء اللي بتولد في مصر هي طبعا حاليا اقل يعني حوالي 12% أو 13% علشان المحطات الحرارية لكن في وقت من الأوقات كانت 54 % فعملت انجاز مذهل في تحويل مصر صناعيا في توفير الكهرباء لمجمع الألمونيوم مثلا في أيضا على الصعيد الاجتماعي يعني علمت تغير جوهري في الريف المصري
عمرو الليثي : عندما زار الرئيس جمال عبد الناصر هذه المحطة وهي تحت الإنشاء قال له الدكتور حسن زكي رئيس بناء السد ان محطة الكهرباء السد هي اكبر محطة في العالم فسائلة عبد الناصر هل هي اكبر محطة على الإطلاق فرد الدكتور زكي هي اكبر محطة تحت الأرض
تقرير
عمرو الليثي : كانت تقوم هذه المحطات مع بداية عمل السد بتغذية ما بين 70 و75 % من الطاقة الكهربائية التي تحتاج إليها مصر واستمر تطويرها على مدار عمر السد حتي وصل مؤخرا ولأول مرة في تاريخ السد العالي الى تشغيل 12 وحدة توليد الكهرباء بقدرة 2100 ميجاواط نتيجة لزيادة الأحمال والاستهلاك من الشبكة العامة تطوير محطات الكهرباء دائم ومستمر مثل تحديث نظم الوقاية وأنظمة التحكم والمراقبة بمحطة كهرباء السد وكذلك تحديث مولدات الطاقة الكهربائية بهدف زيادة العمر الافتراضي لها لمدة 35 عاما إضافية وأيضا زيادة كفاءتها من الطاقة الكهربائية التي تحتاج إليها مصر واستمر تطويرها على مدار عمر السد حتي وصل مؤخرا ولأول مرة في تاريخ السد العالي الى تشغيل 12 وحدة توليد الكهرباء بقدرة 2100 ميجاواط نتيجة لزيادة الأحمال والاستهلاك للشبكة العامة تطوير محطات الكهرباء دائم ومستمر مثل تحديث نظم الوقاية وأنظمة التحكم والمراقبة بمحطة كهرباء السد وكذلك تحديث مولدات الطاقة الكهربائية بهدف زيادة العمرالافتراضي لها لمدة 35 عاما إضافية وأيضا زيادة كفاءتها
د / حسن يونس : كل ما يتم النهاردة في محطة كهرباء السد العالي ولتطويرالسد العالي وإضافة عمر جديد الي السد العالي وإضافة سعه وطاقة جديدة للسد العالي وإحنا دعونا عدد من الإعلاميين وفي كل المجالات قومية وحزبية ومستقلة لزيارة السد العالي بحالة جيدة فانا بطمئن كل السادة المشاهدين على السد العالي وعلى محطة كهرباء السد العالي لان محطة كهرباء السد العالي وتعمل وستعمل بمشيئة الله وتم إضافة تطويرتربينات وتطويرللمولدات وتطويرلأجزاء كثيرة في السد العالي لإحساسنا بأهمية السد وإضافة عمر جديد للسد العالي وسعة وطاقة إضافية للسد العالي من التطوير
عمرو الليثي : هذه بحيرة صناعية تكونت أمام السد العالي نتيجة للمياه المحجوزة أمامها طولها 500 كيلو متر ومتوسط عرضها 10 كيلو متر وسعة التخزين الكلية تسع 162 مليار متر مكعب وسعة التخزين 32 مليار متر مكعب
حسب الله الكفراوي : بحيرة ناصر هي بقي انت بتخزن مياه الفيضان أمام السد العالي الميه تقريبا تقريبا فوق المناسيب بتاع ما قل السد العالي ب 80 متر تقريبا يعني 80 متر ميه في البحيرة فوق المنسوب قبل السد العالي
عمرو الليثي : انا فعلا رحت وشوفت يا فندم
حسب الله الكفراوي : وبتمشي الخزان ده من موقع السد العالي تقريبا لغاية حلفا كل ده خزان بحيرة السد العالي
حمدي عبد العظيم أستاذ اقتصاد : وبالتالي المياه هناك ليست منها فاقد أو ضائع ولا يتدفق الى البحر المتوسط كما كان يحدث في الماضي إنما أصبح هناك استثمار للمياه بحيث ان انا ممكن اسحب منها الى سيناء للزراعة طبعا كما تعبنا في السنوات الأخيرة تم امتداد مياه النيل الى سيناء من خلال ترعة السلام وأيضا الى مناطق الصحراء المختلفة في مشروع توشكي تم سحب أيضا من الميه اللي موجودة من فائض بحيرة ناصر الى توشكي للتعمير والتنمية وفي هذه الحالة بنجد ان التوسع في الزراعة بيعتمد على المياه التي ادخرنها خلف السد العالي
احمد السيد النجار : الأمر الأشد وطئه كان الجفاف وحدت بالفعل الجفاف السباعي في الثمانينات من سنة 80 الى 88 طبعا 88 جه الفيضان العالي جدا 106 مليار متر مكعب في السنوات من 80 لحد 88 قبل ما يجي الفيضان كانت مصر مهددة انها تبقي منطقة مجاعات زيها زي منطقة منابع النيل وكنا بنشوف مشاهد أسطورية في بشاعتها وإحنا برة الموضوع لان احنا عندنا بنك مركزي للمياه أسمة بحيرة ناصر
إسماعيل فهمي : انا عرفت ان حتي الروس ان هذه البحيرة لو استغلت بطريقة علمية سليمة وبجهد ونية حسنة البحيرة دي ممكن تبقي جمهورية ثانية حوليها مش هنقول مدن ولا بتاع جمهورية ليه بقي انا رحت معاهم اللي هي الرحلات اللي بيعملوها الجماعة الأجانب ده فلاقيهم الجماعة دول الواحد بيتعلم منهم حتي أطفالهم شاطرين جدا معلمين الأطفال وهو لسه طفل طلعوا عبارة عن اية مخدوش أكل ولا ثلاجات ولاحاجات ثانية من اللي الناس بتاخذها سنناير مختلفة حسب نوع السمك ومعلمين أولادهم يرمي السنارة تطلع السمكة يقطعوا الشجر اللي حولين البحيرة ومعهمش غير ولاعة ويشو السمك تيجي بقي للميه كانوا بيشربوا من ميه البحيرة على طول يحطوا في الرمل تطلع مية يقولوا لي دي مرشحة كانوا يملوا منها ويشربوا وفعلا انا شربت منها وبعدين اللي أكثر من كده كانوا بيسقعوا الأكل وزجاجات الميه وزجاجات المشروبات لو كانوا جايين معهم بيبسي كولا فبيقعوها في الرمل ربع ساعة تطلع كأنها طالعة من الفريزر أدي البحيرة فالبحيرة دي ميه عذبة يجب استغلالها حرام حرام انها تفضل كده
عمرو الليثي : هنا نفيض توشكي الذي صمم لتصريف المياه الزائدة عن منسوب 178 متر في بحيرة ناصر الى المنخفض الطبيعي المعروف بمنخفض توشكي غرب النيل عن طريق قناة موصلة بين بحيرة ناصر ومنخفض توشكي طول هذه القناة 22 كيلو متر وعرضها عن القاع 750 متر وعند النهاية 275 متر وأقصي تصرف تتحمله المياه هو 250 مليون متر مكعب في اليوم الواحد
حسب الله الكفراوي : لو حصل فيضان عالي والسد العالي مليان كنا عاملين مفيض فوق جسم السد العالي نفسه يعني المنسوب هناك 184 فوق سطح البحر الأبيض المتوسط عاملين ريتش كده أو مسافة كده حوالي 2 كيلو أو أكثر من 2 كيلو على منسوب 184 يعني لو الميه زادت عن 184 تيجي في الحتة دي الحتة الوطية عن 184
عمرو الليثي : يحصل اية بقى؟
حسب الله الكفراوي : تروح نزلة على مجري النيل القديم تمام ده المفيض الأول المفيض الثاني اللي هو مفيض توشكي برضه على منسوب البحيرة عند توشكي إذا زاد عن منسوب البحيرة الميه تنزل بالجاذبية تنزل على منخفض توشكي دول مفيضين معمولين لحماية السد العالي
عمرو الليثي : من أخطار الفيضانات العالية ؟
حسب الله الكفراوي : من إخطار الفيضانات العالية إذا وصلت والسد العالي ميلنان
تقرير
استقل الرئيس جمال عبد الناصر الباخرة النيلية رمسيس لتقله الى منطقة السد لمشاهدة إرساء الشحنة الأولي من الصخور بقاع نهر وقد صاحب سيادته السادة عبد اللطيف البغدادي وذكريا محي الدين وأنور السادات وحين الشافعي وحسن إبراهيم وعلى صبري ونور الدين طراف واحمد الشرباسي وكمال رفعت أعضاء مجلس الرئاسة والسادة عزيز صدقي وعبد القادر حاتم وعبد المحسن أبو النور وحسن زكي من الوزراء كما رافق الرئيس في هذه الرحلة السيد سفير الاتحاد السوفيتي ووزير القوة الكهربائية بها وكانت القوارب المزينة بالأعلام تسير بجوار الباخرة لتعلن بهتافات الأهالي المحتشدين فيها عن الفرحة الحقيقية لأبناء مصركلها بل لأبناء العروبة جميعا بهذا الحدث الصناعي الهام الذي يبني غدا متحررا للأجيال المقبلة والقي الرئيس الحجرالأول في بناء جسم السد العالي وفي الحال تحركت خمس صنادل تبلغ حولتها ألف طن وألقت كل ما فيها من أحجارفي قاع النيل المبارك وشاهد السيد الرئيس من فوق ظهر الباخرة الإعمال الجارية في المنطقة ثم اتجه السيد الرئيس الى موقع عمليات حفرأنفاق التصرف الستة حيث استقبلته جماهير العمال استقبالا حافلا بالهتافات والأغاني وغادرسيادته هذه المنطقة الى المناطق المختلفة التي يجري فيها العمل المعجز التي تسهم فيه إرادة هذا الشعب وعزمه والذي هو نتيجة طبيعية لكفاح أبناءة من اجل التحرر والبناء والذي تتحد من اجل إتمامه نبضات القلوب وحبات العرق ثم قصد سيادته بين دوى الآلات الضخمة في منطقة العمل وتحيات اكثر من 18 ألف فرد يبذلون دمهم وعرقهم لتحقيق حلم مصر كلها الى حيث أزاح ستار عن اللوحة التذكارية لمداخل الانفاق الرئيسية
عمرو الليثي : قامت المفوضية الدولية للسدود وهي اعلي سلطة عالمية في هذا المجال بإعداد دراسة حول دول العالم التي يوجد بها 125 سدا ومن خلال معاينة هذه السدود التي بلغت تكلفتها حوالي 2 ترليون دولار فخرجت بنتيجة واحدة وهي ان السد العالي المصري هو أعظم مشروع هندسي مائي ومعماري في القرن العشرين وانه يمثل احد اكبر النماذج الناجحة لإدارة أحواض الأنهار في العالم اجمع
احمد السيد النجار : المسائل دي فنيا مدروسة يعني وكل الجهات الفنية اللي شاركت في الدراسات يعني السد بالنسبة لهم معجزة يعني
المهندس/ حلمي السعيد : هما وصفوه على انه اكبراكبر مشروع ركامي إتعمل في هذا القرن يعني
حسب الله الكفراوي : بالتأكيد يعني السد العالي مشروع قومي تاريخي وطني متكررش
المهندس سعد نصار:وزير الخارجية الأمريكي جون فوستر دلس كان جه زار مصر بعد تنفيذ السد العالي وكان يرافقه في هذه الزيارة المهندس إبراهيم زكي قناوي رحمة الله كان وزير الري وفوستر دلس ابدي له آسفة وأسف الحكومة الأمريكية لعدم المشاركة في تنفيذ المشروع العظيم اللي اعترفوا أخيرا لعظمته وجواه الاقتصادية لمصر وكلنا نعرف ان السد العالي اختير من أعظم عشرة أعمال هندسية في العالم خلال اقرن المنقضي
لواء أركان حرب/ صلاح الدين سليم الخبير الاستراتيجي والعسكري : تصميم السد العالي تصميما عظيم ومتكامل واكبر الجمعيات الهندسية في العالم حتي في المملكة المتحدة وعلى الرغم من العداء التقليدي بين جمال عبد الناصر وبين الانجليز وعلى الرغم من ان جمال عبد الناصرهو الذي قطع زيل الأسد البريطاني وألقاه في مياه قناة السويس وادي الى الانسحاب البريطاني شرقي السويس في بداية السبعينات على الرغم من هذا كله اعترف العالم كله ان مشروع السد العالي هو مشروع القرن على مستوي العالم
عمرو الليثي : إحصائيات وزارة الري تؤكد ان السد العالي وفرلمصر نحو 10 مليارات جنية في السنوات العشر الأول فقط منذ انتهاء المرحلة الأولي لبنائة عام 1964 كذلك حمي الأراضي التي كانت تغرق كل عام بسبب الفيضان وحقق زيادة في الطاقة الكهربائية بالإضافة الى توفير المياه في سنوات الإيراد المنخفضة وزيادة القدرة على زراعة كل الأراضي الصيفية والشتوية وهذا المبلغ يعادل 20 مرة ما تم إنفاقه على تنفيذ المشروع
حمدي عبد العظيم : كان دائما في مصر بتهددنا مخاطر الجفاف عندما تقل الإمطارعلى بحيرة فكتوريا ومنابع النيل كان بيبقي معدل الميه اللي جاية لمصر قليلة جدا فممكن يبقي في خطر جفاف ان الزراعة لا تجد مياه فتصفروتدهورالأرض الزراعية ونعاني ما تعانية دول كثيرة ليس عندها مصادر ماء منتظمة أو مستقرة خزان الميه اللي خلف السد العالي استطاع ان هو يعمل ادخار للمياه خلال الفترات اللي فيها تدفق أو منسوب عادي للمية هذا المنسوب محجوز عند الحاجة لما تقل الإمطار في بحيرة فكتوريا وفي منابع النيل بنسحب من هذه المياه اللي هي خلف السد العالي لاستمرار تدفق الميه في وادي النيل في نهر النيل حتي تعطي جميع إنحاء الجمهورية فبلاقي ان الزراعة في هذه الحالة أصبحت زراعة منتظمة ومستديمة والري هنا ري مستديم وموجود في كل فترات السنة بشكل منتظم وبالتالي في اماكنية التوسع الزراعي
احمد السيد النجار : بالإضافة انه وفر مياه تم على أساسها استصلاح من بعد بناء السد العالي حتي 2005 ، 2006 - 2 مليون فدان كلها قائمة على الوفرات المائية التي حققها السد العالي
حسب الله الكفراوي : تأمين ري 8 مليون فدان وأكثرري مستديم على مدار السنة وقاية مصر من الفيضانات العالية ووقاية مصرمن شرورالفيضانات الواطية
محمود أبو زيد : حجم التخزين في بحيرة السد العالي 142 مليار متر مكعب يعني يكفي مصر عشر سنين لو ما جتش ميه خالص الفيضانات فإحنا نربط ما بين فقر مائي أو عدم وصول المياه لمناطق معينة بالسد ده مش مظبوط
عمرو الليثي : قالوا ان الآثار السلبية للسد العالي كثيرة وتعادل ايجابياته وعدوا منها تأثيره السلبي على الأرض الزراعية وخصوبتها بسبب غياب الطمي وأثاره على نحرمجري النيل وانهيار ما علية من إنشاءات مثل القناطر وكذلك أثرة السلبي على خصوبة التربة واحتياجها الى الأسمدة وقالوا انه سبب تأكل الشواطئ وهجرة اسماك السردين وزيادة الملوحة في مياه الخزان عيوب كثيرة وأثار سلبية خطيرة يمكن اعتبارها من حيث العدد توازي ما له من مميزات ولكن مع مرور الزمن وتعاظم دور السد الايجابي اكتشفنا ان معظم هذه السلبيات ما هي الا محاولة للهجوم على عبد الناصر وليس على السد العالي
حسب الله الكفراوي : السلبيات اللي احنا النهاردة لمسنها حاجتين اثنين لا ثالث لهما يعني هما قالوا النحر وقالوا خصوبة التربة وقالوا ارتفاع المياه الجوفية وقالوا السردين واخد بال حضرتك انا بقول بعد 43 سنة محسناش بالنحر كثير يعني على مدار 43 سنة نصف قرن تقريبا محسناش بالنحر كثير يعني امام بعض القناطر زي نجع حمادي عمل علاج خفيف يعني احوش حاجة يعني اللي تقف أمام المزايا بتاعته
احمد السيد النجار : إتنشر كثير في أوقات كثيرة هجوم على السد العالي حول ان في نحرفي جوانب النيل وده احد الآثارالجانبية لان الميه بالفعل بعدما حصل ترسيب للطمي في البحيرة يتنبقي ميه خالية من الطمي فتنبقي أسرع الميه المحملة بالطمي بطيئة وبالتالي بتبقي أسرع سرعتها فعلا ممكن تعمل نحر لكن هو عوضة نسبيا ان أنت عندك استقرارالمياه بتجري في النيل طوال الوقت ماعدتش في مواسم طويلة في انخفاض المنسوب فبقي عندك استقرار فاستقرار بيعوض نسبيا سرعة جريان المياه إضافة ان في مناطق اللي هي المنحنيات لابد من حماية جوانب النيل فيها ودي تكلفة محدودة
حمدي عبد العظيم : في بعض الناس طبعا اتكلموا عن سلبيات أخري فيما يتعلق بان السد العالي اثرعلى درجة خصوبة التربة أو درجة الطمي اللي كان موجود اختلف عن قبل كده لان في تخزين للميه خلف السد العالي فالكلام ده لم يثبت صحته
سعد نصار : السد العالي طبعا حجز الطمي عن مصراوذعن التربة الزراعية في مصر ودي الحقيقية يعني مفيش شك انها كان الطمي مفيد للتربة الزراعية انما مش كل العالم عنده طمي وفي مخصبات وفي وسائل ثانية كثيرلتعويض غياب الطمي يعني
عبد الرحمن الابنودي : الطمي كان مخصب التربة المصرية جدا ولكن الآن أنت بتزرع التربة والاتربة والرملة والى آخرة يعني انت دلوقتي لكن حجز الطمي لا شك انه اضعف الأرض المصرية لحد بعيد
احمد السيد النجار : أيضا الطمي أصبح بالفعل بيترسب في بحيرة ناصروبتعوضة بحوالي 13 ألف طن من الأسمدة ميزيدش عن كده يعني لكن أيضا الطمي يبقي موجود في بحيرة ناصر واصح في شبة جزرفي بحيرة ناصرعما قريب ستصبح جزرفي بحيرة ناصر وبالتالي يمكن استخدامها في هذا الطمي في زراعة واستصلاح ارض كثيرة في مصر
حلمي السعيد : تقليل الطمي وراء السد العالي تقليل الطمي أتعمل له مشروعين سماد مشروع كيما وتعمل علشان السد العالي ومشروع السماد في السويس
تقرير
وفي صباح اليوم التالي قصد السيد الرئيس الى مقر شركة كيما للسماد لافتتاح المنشآت الجديدة بها وكان في استقبال سيادته محمد صدقي وزير الصناعة والمهندس سمير حلمي رئيس مجلس إدارة مؤسسة الكيماويات وقصد سيادته الى حيث أزاح الستارعن اللوحة التذكارية عن المصنع الجديد ثم شهد سيادته نموذجا كاملا لمنشآت هذه الشركة الضخمة وقد شرح لسيادته المهندس طه زكي رئيس مجلس إدارة الشركة تفصيلات المصنع على النموذج الكامل ثم انتقل السيد الرئيس لمشاهدة أجزاء المصنع المختلفة التي يعمل بها 2150 عاملا ووصلت تكاليف إنشاءه إلى 26.5 مليون جنية وقد كانت أسئلة الرئيس واستفساراته للمسئولين عن المصنع تدور حول إنتاج المصنع واقتصادياته بالنسبة للجمهورية العربية المتحدة وتدور حول حياة العاملين داخل المصنع أمام الآلات وفي الأقسام المختلفة وغادر الرئيس مبني الشركة بين هتافات العمال الرائعة التي تعلن عزمهم على بذل كل جهد ليكونوا في مستوي الثقة التي تضعها مصر كلها فيهم
د / حسن يونس وزير الكهرباء والطاقة : مشروع السد العالي مشروع للتنمية واعتقد النهاردة على ارض مصر هناك عدد من المشروعات الكبيرة في التنمية على ارض مصرسوء كانت كهرباء للصناعة والزراعة والسياحة ولكل الأغراض واعتقد النهاردة لما بنتكلم عن السد العالي وقتها اللي كان حوالي 1200 ميجا واط النهاردة بنتكلم عن 25000 ميجاواط الشبكة القومية ودي كلها لخدمة أغراض التنمية كلها في اللي احنا شيفنها على راض مصر
لواء أركان حرب/ صلاح الدين سليم : لكن كل هذه الآثار الجانبية يمكن معالجتها بدرجة أو أخري أما حماية مصرمن الجفاف من القحط حمايتها من الفيضان فلا يتحقق الا بالسد العالي والتوسع الذي تم في الارض الزراعية الحفاظ على معدل مقنن طبقا للاتفاقيات الخاصة لمياه النيلمع دول حوض النيل أصبح انجازا حقيقيا الإنتاج الكهرباء الذي اتاح بعد ذلك التوسع الصناعي في مصر إقامة مجتمعات جديدة كتطور الذي حدث في أسوان الفرص المتاحة لاستغلال اكبر بحيرة صناعية أقيمت في العالم وهي بحيرة ناصر
محمود ابو زيد : مفيش سلبيات هنا هو طبعا منذ إنشاء السد وكان في معارضة كبيرة وبعض الناس بتتكلم عن السلبيات مش موجودة بيتكلموا مثلاعن الطمي وان هو منع الطمي عن الأراضي الزراعية إنما الطمي مكنش له فائدة كبيرة زي ما كانت الناس متصورة الطمي ده عبارة عن حبيبات من الرمل الصغيرأو الطمي الصغير ما هواش غذاء زي ما كانت الناس فاهمة وبعدين احنا عندنا بيتكلموا عن سلبيات السردين أية يعني سلبيات السردين السردين ده يعني جزء صغير جدا من السمك لما أقارن هذه السلبيات بالايجابيات الضخمة اللي هي ان احنا نضمن حصولنا على كمية مياه ثابتة تحت أي ظروف طبعا لا تساوي شيء
جمال عبد الناصر : هذا هو السد العالي الذي دارت من حوله المعارك وحاربوا من أجله الأبطال هذا هو السد العالي الذي شهد كل هذا الكفاح واستحق كل هذا الكفاح لا بسبب قيمته الذاتية فحسب ولكن بسبب معناه كرمز لتصميم الأمة العربية كلها على ان تسير في بناء وطنها الكبير المتحرر