لقاءات خاصة

موضوع الحلقة : منظومة الخبز ..مالها وماعليها
اهم ماجاء في الحلقة
مديونية وزارة المالية لاصحاب المخابز وصلت الى 4 مليار جنيه
الكارت الذكي بدا تطبيقه في بورسعيد
منظومة الخبز ستقدم الدعم الى مستحقيه وتوفر 10 مليار جنيه للدولة
سحر ناجي: اهلا بكم في حلقة من لقاء خاص ومعنا الليلة الاستاذ عبدالله غراب رئيس الشعبة العامة للمخابز باتحاد الغرف التجارية
.. بداية تحدثنا عن المنظومة الجديدة للخبز والفرق بينها وبين المنظومة القديمة وايه اللي هيعود على المواطن منها
عبدالله غراب:اولا نيجي نحسبها انا بزرع القمح وبدعم القمح يعني بدعم ب3 مليار وبديه للفلاح عشان يزرع بيه لو انا بدعم الفلاح ب3 مليار نمرة اتنين ضمن المقولة اللي بتتتقال احنا بندفع 5 صاغ تمن الرغيف وبنستخدم في السنة 9 مليون طن منهم 6 مليون طن للعيش البلدي وبندفع مقابل الرغيف 5 صاغ حوالي 4 مليار مش داخلة في الحسابات وعندنا طن من الخبز الطباقي اللي هو بياخد وبنحط المليار بتاع الخبز الطباقي وال4 مليار بتاع الخبز اللي بندفعه مقابل الرغيف اللي بناخده وال3 مليار مقابل الدعم اللي بندفعه للفلاح وايضا مستودعات الدقيق اللي بتاخد شوال الدقيق وتمنه 55 جنيه يبقى دا كل الدعم وما يقال عن ال22 مليار غير صحيح ودعم رغيف العيش لا يزيد عن 13 او 14 مليار .. الامر الثاني احنا داخلين على منظومة جديدة من بعد ماشرفنا الدكتور خالد حنفي وهو عايز يفض الاشتباك بتاع رغيف العيش وانا باسم زملائي 25 الف على مستوى الجمهورية يعملون في المطاحن وكل من له دور احنا نضع ايدينا في ايد الدكتور خالد حنفي ونقول احنا مع التحرير . . خدنا مشوار طويل من اتهامات بتلقى جزافا على اصحاب المخابز
سحر ناجي: قالوا تسريب للدقيق وبيع في السوق السودا
عبدالله غراب:لما تيجي الحكومة وهي مسئولة عن المواطن ما تحطنيش انا في مواجهة المواطن.. انت حرر ال22 مليار اللي انتوا بتقولوا عليها وادوها للمواطن وخلي المواطن ياخد الفلوس ولا سيما ان عندنا 69 مليون مربوطين على بطاقات التموين .. لا .. احنا نعمله كارت
سحر ناجي: دا الكارت الذكي اللي بيطبق دلوقت في بورسعيد
عبدالله غراب:المنظومة الجديدة انه انت كصاحب مخبز عليك انك تحضر مستلزماتك وعيشك وتسلمهالي وانا احاسبك عليها وكده فضينا الاشتباك .. ليه احنا بنطرح هذا لانه بقالنا 6 شهور ما اخدناش بقية مستحقاتنا وصلوا ل4 مليار مستحقات اصحاب المخابز على وزارة المالية وانا بقول لوزير المالية يامعالي وزير المالية انه انتوا قلتوا ان الرغيف يدعم حتى 30 يونيو 2014 والموازنة ممولة لماذا لم يحصل اصحاب المخابز على مستحقاتهم ؟؟ وانا لما اجي اكلم الدكتور خالد بيمتعض ويزعل يعني انت جاي تحملني النهاردة ماسبق طيب انا اراعي ظروف الدولة ومانقدرش نتوقف عشان دا عيش المواطن ومعنى اني اقول ان رغيف العيش ممول ب5 صاغ معناه ان رغيف العيش ممول بكل استحقاقاته وانا عايز افهم انتوا معطلنا ليه انا ليا فلوس من ايام د. علي مصيلحي والنهاردة واحنا داخلين على منظومة جديدة المفروض نفض الاشتباك ونوفي مستحقات اصحاب المخابز الاول .. يعني مع بداية التطبيق في بورسعيد ولحد النهاردة احنا ماصرفناش.. ثانيا الكارت الذكي اي حد معندوش بطاقة تموين عليه ان يذهب الى اقرب ادارة تموينية واذا كان فرد هيديله كارت ب5 ارغفة واذا كانوا فردين هيجيب قسيمة الزواج ويقول انا متزوج هيطلع له كارت ب10 ارغفة واذا كان متزوج ويعول وعنده اطفال فوق السنتين هيبقى حسب عدد الاولاد وهنا احنا نناشد المواطن اللي يحمل بطاقة ان يسعى لاستخراج هذا الكارت والمواطن الذي لا يحمل بطاقة عليه ان يتوجه للادارة ويجيب البطاقة اللي بتثبت الاسم والعنوان والمكان عشان ما يتكررش في اي مكان تاني نمرة
سحر ناجي: الرغيف النهاردة غاية في السوء ايه اللي بيطلع الرغيف وحش كده
عبدالله غراب:دا الرغيف ابو 25 قرش واحنا عندنا مخابز منضبطة بيمر عليها مفتش التموين و5 اجهزة رقابية وهناك عدد كبير من المخابز اللي بتشتغل تحت بير السلم ودا محدش بيمر عليه وبيطلع 50 جرام و100 جرام
سحر ناجي: واللي بيتقال عن تهريب الدقيق
عبدالله غراب:الكلام دا ما يشغلش بالي هو يقول الكلام دا ومحدش بيحاسب حد على الكلام
سحر ناجي: ايه سبب خروج الرغيف بهذا السوء
عبدالله غراب:اجر العامل مرتفع جدا من 3 او 4 اشولة ازاي هيجيب اجرة العامل فلازم يرفع سعر الرغيف وعلى الدولة ان تعدل في المنظومة ان احنا ندي المواطن حقه ..
سحر ناجي: شكرا لك والى اللقاء