45 دقيقة

موضوع الحلقة : مصر والتحديات الداخلية والخارجية
عصام الفرماوي: اهلا بكم في حلقة جديدة من برنامج 45 دقيقة .. حول الانتخابات الرئاسية القادمة وقانون الانتخابات وتحصين اللجنة تدور حلقة اليوم ويشرفنا ان يكون معنا في الاستوديو الكاتبة الصحفية فريدة الشوباشي .. دايما السؤال التقليدي رؤيتك لهذا المشهد الداخلي وما يحتويه من تداخلات سياسية
الكاتبة الصحفية / فريدة الشوباشي: دا مشهد طبيعي بعد ثورة .. ثورة يناير كان لها مطلب محددة لم تتحقق ثم جاءت ثورة يونيو التي اضيف الى شعارات ثورة يناير ايضا وفوجئنا ان الجماعة تعاقدوا على تفتيت الوطن للاهل والعشيرة ووفقا للتفسير الامريكي وهو الشرق الاوسط الكبير وشايفين اللي حوالين ايه والثورة المصرية رجعت لنا مصر تاني انه لازم يكون عندنا ارض عشان نقيم عليها عيش حرية عدالة اجتماعية كرامة انسانية
عصام الفرماوي: المستقبل ايه
الكاتبة الصحفية / فريدة الشوباشي: مخطط شيطاني من امريكا وخياني لمن ينفذوه في الداخل وانت في مرحلة تزاحم كل المزايدين وكل اللي عاوز يتصور ولسه عايز يضحك على الناس باسم انه بتاع ربنا انت عارف الهزة الارضية لسه مصر ما استقرتش وماوقفش الزلزال اللي هيتكتب عنه انه احنا افشلنا اخطر مخطط في العالم وخلي بالك ان المخطط الروسي وحكاية اوكرانيا والقرم وتعديل الموقف في سوريا العظيمة .. احنا عايزين يفهمونا انه مفيش امل فينا ..لا.. فيه امكل بدليل 30 يونيو وفيه مستقبل لانه فيه راجل شاف ان مصر ام الدنيا
عصام الفرماوي: قانون الانتخابات الرئاسية والتحصين وهناك جدل حول قبول التحصين ورفض التحصين انت من وجهة نظرك مسالة التحصين هل هو مقبول
الكاتبة الصحفية / فريدة الشوباشي: ايوة مقبول لانه كل الناس قالت وكله عارف ان دي فترة انتقالية وكمان كان فيه تحصين قبل كده محدش اتكلم ليه ..؟؟ شوف انت في المحاكم بيستنوا رد القفاضي وبعدين القاضي يمشي عشان استشعر الحرج فيه حاجة مش مظبوطة في البلد وفيه لعب جامد يعني عندك الولد اللي رمى الولد من على السطوح لحد دلوقت ما تحكمش في القضية عندك الست اللي وقفت في رابعة وقالت هنحرق مصر وندمر مصر يعني فيه فعل جاي .. الارهاب في سيناء هيتوقف في اللحظة اللي السيسي هيرجع مرسي .. انت عايز اكتر من كده ايه ادانة
عصام الفرماوي: هو الفكرة في الفئة التي ترفض التحصين تتحدث عن ان هناك نص دستوري المادة 204 بالتالي اي تخوف ان اي محامي هيرفع قضية انه غير دستوري
الكاتبة الصحفية / فريدة الشوباشي: هو هيطعن في ايه..؟؟ اولا المستشار عدلي منصور قال ان دي فترة مؤقتة .. انت النهاردة بتشكك في ايه ..؟ يعني واحد ياخد 30 الف صوت بيشكك في راجل واخد عشرات الملايين
عصام الفرماوي: تصريحات حمدين صباحي حول المشير السيسي في مسالة الانتخحابات ورفض مسالة التحصين ورابك في هذا الموقف
الكاتبة الصحفية / فريدة الشوباشي: والله هو رفض وكل الاحزاب قبلت بس انا مش عارفة قال ايه على المشير السيسي
عصام الفرماوي: كل منافس يظهر نفسه على انه اللي هيتقدم بهذا البلد .. ماذا عن موقف سامي عنان وخالد علي
الكاتبة الصحفية / فريدة الشوباشي: في الانتخابات الرئاسية اللي فاتت الاستاذ حمدين كان نفس الشعارات انه ممثل الثورة وانا نفسي انتخبته ولكن انا دلوقت بقول لا هنتخب السيسي .. يعني الاستاذ خالد علي مع احترامي عايز يقنعني انه عايز ينافس السيسي
عصام الفرماوي: هناك بعض الناشطين بتخرج لمجرد انها تعمل لنفسها دعاية وييجي وقت الانتخابات الرئاسية فص ملح وداب وما نشوفهوش خالص يعني هل هناك اجراء لمحاسبة هؤلاء في العبث في مسالة في غاية الاهمية
الكاتبة الصحفية / فريدة الشوباشي: فيه حاجة دلوقت اسمها سقوط الاقنعة ولذلك انت لو شفت الادب الساخر لو شسفت راي الشعب على هؤلاء هترى انه احنا في مرحلة تكشف لكل الحقائق انا بقول لو الجيش مكانش وقف مع الشعب في 30 يونيو كان هؤلاء هيطلع لهم صوت دلوقت ..؟؟؟ انا لما شفت المشير السيسي ازاي انقذ مصر من براثن الخيانة بقول لكل دول انتوا كنتم هتبقوا فين ..؟ ولا حد من دول كان طلعله صوت لو مكانش الجيش بقيادة السيسي وقف مع الشعب .. فيه ناس تقولك الشعب .. اه الشعب وقف قبل كده كذا وقفة ولكن لولا انحياز الجيش للشعب في لحظة مرتقبة ومنتظرة .. انا دايما بقول انه 25 يناير اه فيه ناس بتشكك فيها ولكن ايا كانت العوامل ولكن في النهاية حكم الرئيس مبارك مكانش حكم مثالي يعني حكم الرئيس مبارك انتهى ب30 مليون مصري ما بين سرطان وفشل كلوي ومابين فيروس سي وانتهى بينا الى 40% تحت خط الفقر .. ولانه كان فيه حتمية للثورة ضد هذا النظام وللعفن والتكلس بتاعه وبعدين تقزيم دور مصر وحصل عمليات نهب وعمليات سطو على مقدرات الشعب المصري وعمليات اقرب للخيانة لما تتفق مع مؤسسات دولية انك انت تصفي الصناعة بتاعتك في مصر بدعوى الخصخصة وبعدين تاخد الارض ..
عصام الفرماوي : شكرا لك والى اللقاء