مساحة للرأى

نادر دياب: بسم الله الرحمن الرخحيم اعزائي المشاهدين اهلا بكم في حلقة جديدة من مساحة للراي,, معنا في الاستوديو الاستاذ احمد ايوب مدير تحرير مجلة المصور بداية كيف تقرا بيان البرلمان الاوروبي وتدخله في الشان المصري وبخاصة القضاء المصري ولماذا هذا اتوقيت بالتحديد
أ/ أحمد أيوب: بسم الله الرحمن الرحيم .. انت كمصري ماشي في اتجاه هما مش مخططين ليه والكل كان بيراهن انك هتتعثر ونزيف الدم اللي شغال فيه الاخوان هيعطل هذا العمل .. انت قدرت تصمد وتعدي اول استحقاق ولكن بالنسبة للبعض في الخارج كان مستغرب والاتحاد الاوربي كان لهم منظمات مجتمع مدني كانوا بيراقبوا والكل خرج على ان الاستفتاء نزيه .. وفجأة حصل 3 حاجات الحاجة الاولى انه لم يذكر فكرة العنف والارهاب وتحدث عن الحكومة الانتقالية والسلطة والقوى السياسية واعتبر ان كل مكا يفعله الاخوان من عنف وارهاب وتدمير دا من افعال القوى السياسية ولم يذكر كلمة عنف وارهاب رغم ان هذه الافعال لما حصل جزء منها في فرنسا شفنا تعامل الفرنساويين معها .. وروسيا بتعتبرها جماعة ارهابية الامر التاني ان هناك تخوفات من اجزاء في الدستور استفتي عليه الشعب يعني انت بتحط نفسك مكانهم .. اذن انت امام اعداء خارطة الطريق خلينا نحط في الاعتبار ان الغرب لا يريد لمصر ان تنهار ولكن لا يريدها ان تصعد ولذلك يعمل حاجة من الترهيب خاصة انالانتخابات الرئاسية تقريبا العالم كله شايفها وشايفين شخص معين نتيجة انتماؤه للمؤسسة العسكرية وعزته وانتماؤه الوطني هيمثل رئيس مش طيع خاصة بعد كنز الياقوت والمرجان وهو محمد مرسي
نادر دياب:يعني شفنا رد الخارجية على بيان الاتحاد الاوربي
أ/ أحمد أيوب:فيه مؤامرات تحاك على مصر هما عايزين مصادر النفط وقناة السويس وفكرته مين يحقق مصالحه وهما يعلموا ان اللي جاي مش هيحققها
نادر دياب:شفنا ردود افعال مختلفة على هذا البيان ويمكن احد اساسة المحسوبين على جماعة الاخوان بيمهد الطريق وبيدي فرصة لمثل هذه التصريحات وبيوسع طريق عشان يعملوا اللي هما عايزينهم
أ/ أحمد أيوب:انا عايزك تربط 3 احداث اولا الاتحاد الوربي يطلع هذا البيان اللي بيتكلم فيه عن السلطة الانتقالية وملاحظاته على القضاء العسكري وفي نفس الةوقت مقالة احمد ماهر اللي بيستعدي الامريكان على مصر واختزل الثورة فيه هو ومحد عادل واحمد دومة انهم محبوسين في قضايا ثم ياتي التكملة ابو الفتوح اللي حاول يجد شماعة يغطي بيها فشله ومبرر يخفي السبب لانسحابه وهو تحذيرات المقربين انه لو دخلت الانتخابات هتفضحنا فبدا يقول انه مش هيشارك لانها مسرحية هزلية
نادر دياب:موضوع حبس الصحفيين
أ/ أحمد أيوب:رئيس جمهورية مصر العربية الان رجل قاضي وهذا الرجل هو رئيس المحكمة الدستورية اعليا في مصر وهي واحدة من اهم وافضل 3 محاكم دستورية في العالم واحكامها بتدرس على مستوى العالم وهذا الرجل له قامة على مستوى العالم ولما يبقى قاضي يبقى ليه وزنه ويتكلم عن صحفيين ويقولك تم اعتقالهم رغم انه قبضوا عليهم في اماكن على خلاف القانون او ارتكب فعلا على خلاف القانون والسؤال هل الدبلوماسية المصرية وضحت الصورة ولا لا..
نادر دياب:عايز اعرف دور مصر في الخارج وكيف نفعله
أ/ أحمد أيوب:هذا هو الدور الغائب في مصر وهذا سبب مانحن فيه هيئة الاستعلامات ووزير الخارجية وسفاراتنا في الخارج نايمة والاعلام محتاجين تغيير للاعلام المصري حتى هيئة الاستعلامات مش عارفة تعمل ايه واعلام الدولة لديه مشكلة حقيقية خاصة فيما يتعلق بتوجيه الرسالة في الخارج والاعلام الخاص قليل منه محايد ويتبنى فكرة الدولة وجزء كبير منه دخل في مرحلة الانانية الفضائية بمعنى انه كل واحد بيبحث عه مصالحه الشخصية والالية الخاصة بالمذيع واللي وصلت الى انه بيتم تخوين كل واحد بيشكر في المشير السيسي وفكرة الاتهامات المتبادلة وادعاء الثورية من بعض المذيعين
نادر دياب:نقدر نعدل دا ازاي
أ/ أحمد أيوب:لازم تغيير في طريقة التناول لابد ان تتغير ماتقوليش اطلع بالانجليزي وعايز اعرف مكاتب هيئة الاستعلامات بتعمل ايه وسفاراتنا بتعمل ايه والتليفزيون هل عمل دراسة عن المستمعين بره لازم يتبنى خطاب وطني وليس شخصي والاعلام الخاص لا يظن نفسه يعمل في جزيرة منعزلة ومفيش حد يعزف خارج السرب
نادر دياب:لو عدنا للوضع الخارجي وكيف ترى تطورات بالنسبة للجماعة
أ/ أحمد أيوب:انت لا تواجه جماعة وانما تواجه دول مثل امريكا وتركيا ولا تنسى انك حطمت اهم مشروع للامريكان في الشرق الاوسط
نادر دياب:كيف تقرا الوضع الان في ضوء خارطة المستقبل
أ/ أحمد أيوب:احنا امام استحقاق مؤثر وله دور في استقرار البلد وانت حتى الان تبلورت في اتنين المشير السيسي واستاذ حمدين صباحي واعتقد ان الاتنين ماهماش حرب وانما منافسة شريفة وينتموا للكتلة الوطنية وينتموا للثورة مع الفارق انه مين قادر على ادارة الدولة وكل ما نتمناه ان تخرج منافسة شريفة بعيدة عن التشويه لاتني بدات الاحظ الاتي انه بعض انصار السيسي بدات تشوه اي حد يترشح وهو لا يقبل هذا وتحدث عنه لابد ان تكون هناك منافسة وبعض انصار حمدين صباحي بتشويه المشير السيسي ..
نادر دياب:شكرا لك والى اللقاء