مساحة للرأى

عبدالله يسري: اهلا بكم في حلقة جديدة من مساحة للراي حول منظمات المجتمع المدني وحدود هذه الوظيفة في الاستفتاء على الدستور سيكون موضوع حلقتنا اليوم مع ضيف الحلقة الاستاذ شحاتة محمد شحاتة رئيس المركز العربي للنزاهة والشفافية .. اسمح لنا ان نبدا ماهو طبيعة المهمة التي سيقوم بها كل من ينتمي لمنظمات المجتمع سواء المحلية او الدولية ومكلف بمتابعة عملية الاستفتاء
أ. شحاتة محمد شحاتة: انا افضل كلمة متابعة الاستفتاء طالما ان الشق القضائي موجود والمتابع هنا يرصد بعض الاخطاء التي قد تشوب عملية الاستفتاء وان كنا اظن انه سيحدث اخطاء لجنة العليا للاخابات قالت ان على المتابع للانتخابات حقوق وواجبات .. ان من حقه ان يدخل اللجنة لكن في الواجبات ملتزم بالعدد اللي مسموح بيه جوه اللجنة ولابد ان ينتظر خروج حد وحسب ما يقرر القاضي داخل اللجنة ,, مش من حقه ان يتدخل في عملية الاستفتاء او يفشي السرية او يقول لاي مواطن النه يقوله انت هتقول نعم ولا هتقول لا وانما يراقب العملية هل تسير وفقا للقانون ولا ., وان يلتزم بكافة القوانين واللوائح المنظمة للعملية الانتخابية ..وايضا اللجنة عملت معايير منها منع الادلاء باي تصريح عن عملية الاستفتاء اثناءها لانه المنظمة بتعمل تقرير وبتوديه للصحافة ومش من حقه العنف ولا ان يستطلع راي الاخرين وبالنسبة للاجانب مش من حقهم التدخل في الامور الداخلية للبلاد
عبدالله يسري: ايه المقصود
أ. شحاتة محمد شحاتة: احنا راقبنا انتخابات بره فمش من حقك تدلي براي سياسي مع فريق معين وانا كمتابع اجنبي او محلي مش من حقه يقول رايه الشخصي في الدستور بنعم او لا لانه كمتابع لابد من التزام الحيدة والشفافية
عبدالله يسري: هذه المعايير هل هي متعارف عليها دوليا ولا فيه معايير خاصة بالشان المصري اضافية فبالتالي اللي جاي من برة لابد ان يعلم هذه المعايير الاضافية
أ. شحاتة محمد شحاتة: دي كلها معايير دولية ومفيش حد مصري بيتابع انتخابات بره انه من حقه يدلي براي في الاستفتاء
عبدالله يسري: بس فيه مشرفين احيانا او المتابعين لعملية الانتخابات بيحاول يستطلع اراء عشان يصل الى ان النتيجة هتطلع كام
أ. شحاتة محمد شحاتة: حتى لو عمل كده على الرغم من انه مش من الامور المسموح لها الا انه مش بيتعمل بشكل مباشر هو فعلا احيانا نريد ان نعرف الاتجاه ايه.. وعايز اقول ان المتابع الاجنبي موقفه حساس اكتر لانه المفروض مش مع اي فريق ولا اي طرف ولابد ان يلتزم بالحيادية ومايلزموش نعم اولا ولكن هو جاي بيراقبل سير عملية الاستفتاء هو جاي يراقب دي بس ولكن احيانا بيبقى عايز يستشف الاتجاه ايه .. حتى لو عمل دا بيعمله بشكل شفاف من خلال مناقشة بسيطة او مناقشة على مواد الدستور
عبدالله يسري: اشكال الخروقات او التجاوزات اللي ممكن المتابعين يلاحظوها ويؤيدوها
أ. شحاتة محمد شحاتة: اشهر خروقات هي تسويد البطاقات ودي مسالة كان النظام القديم بيعملها وكانت كل انتخاباته بتدار كده ولا سيما انتخابات 2010 بتاعة مجلس الشعب
عبدالله يسري: دا النظام القديم ونظام الاخوان
أ. شحاتة محمد شحاتة: نظام الاخوان مقدرش اجزم انه عمله رغم ان انا ضدهم على طول الخط.. لكن يقينا نظام حسني مبارك كان بيعملها والخروقات في الوقت الحالي توجيه الناخبين وقد يكون في مجمع العملية الانتخابية او سور المدرسة ودا محظور تماما ثم ممكن جوه اللجنة نفسها انما خارج سور المدرسة ممكن ..
عبدالله يسري: 67 منظمة منحت تصريح لمتابعة الاستفتاء العدد دا شايف انه كل من تقدم
أ. شحاتة محمد شحاتة: فيه منظمات تقدمت ولم يوافق عليها من البداية وفيه جهات خاصة بجماعة الاخوان بعد ماتم الموافقة عليها ولكن بعد تصنيفهم كجماعة ارهابية لم يتم التصريح
عبدالله يسري: ماهي الجماعات ايضا التي لم تمنح الاشراف على الانتخابات وليس ارهابية
أ. شحاتة محمد شحاتة: من لم يمنح هو من لم يستوف اوراقه.. يعني فيه بعض شركات المحاماة اترفض لانه غير مقنن..
عبدالله يسري: انا يهمني اعرف هل عدد 67 منظمة كافي ولا لا
أ. شحاتة محمد شحاتة: فيه منظمات واخدة 5 الاف متابع مركز كارتر وهو امريكي واخد 2000 متابع
عبدالله يسري: منظمات وجمعيات اهلية لما تطلب اكتر من الف متابع هتدفع لهم ازاي
أ. شحاتة محمد شحاتة: انا عايز اقولك انه 90% متبرعين .. يعني طول النهار بنعمل لهم تصاريح وهذه المسائل تم غربلة المنظمات اللي كانت بتاخد اموال ضخة لمتابعة الاستفتاء وبعضهم ما تقدمش على فكرة يعني كان فيه منظمة ضخمة جدا كانت بتدفع للمتابعين وهذه لم تدخل هذه المرة .. لكن مركز ابن خلجدون واخد 5 مليون متابع لانه امكانياته المالية ضخمة ولكن بشكل عام نسبة الاموال التي كانت تدخل الاستفتاءات قلت.. ولكن الاخكطر من الاموال هو التوجيه اني انفذ اجندة الناس اللي ادوني الفلوس .. يعني ناس عايزني اقول ان الاستفتاء دا باطل ..
عبدالله يسري: نحن الان امام نارين انه ما يبقاش فيه جهات متابعة ودا مايصحش لان مصر دولة كبيرة وديموقراطية والنار الاخرى انها لازم تاخد وبتطلب
أ. شحاتة محمد شحاتة: المهم ما يتمش اصطناع تجاوزات
عبدالله يسري: طيب ايه هي الضمانات لكده
أ. شحاتة محمد شحاتة: الضمير بس للاسف ولذلك انا شايف انه فيه منظمات مادخلوش المرة دي كل المنظمات الموجودة 95% منها منظمات محترمة جدا
عبدالله يسري: طيب المنظمات اللي مدخلوش المرة دي وكان لهم سيرة سيئة السمعة
أ. شحاتة محمد شحاتة: هما تقريبا 3 منظمات
عبدالله يسري: في رايك هل يومين كافيين لاستيعاب المساحة الانتخابية
أ. شحاتة محمد شحاتة: اه يومين كافيين جدا لانه الوقت طويل
عبدالله يسري: دور القوات المسلحة في تامين عملية الاستفتاء وبعث رسائل تطمينية للمواطن حضرتك شايف الاستعدادات حتى الان كافية
أ. شحاتة محمد شحاتة: اه طبعا وكمان عملوا وحدالت قتالية فاعتقد ان عملية الاستفتاء ستكو مؤمنة وبعدين لو نزلت واستطلعت راي الناس اعتقد ان الغالبية بتتجه لنعم وطالما ان الاغلبية تتجه لنعم ستكون حارس على الاستفتاء ولكن دور الامن مطلوب في حالة ما اذا حدث اي شغب لكن احنا نثمن دور القوات المسلحة ودور الشرطة
عبدالله يسري: من خلال عمل حضرتك في العمل العام هل هناك وعي لدى الراي العام المصري بطبيعة الدول اللي بتقوموا بيه
أ. شحاتة محمد شحاتة: لا الوعي ضعيف للاسف لانه احنا الشئ الوحش بينتشر اكتر من الشئ الكويس النهاردة لو شافوا تسجيلات بيذيعها الاستاذ عبد الرحيم علي عن 6 ابريل ودا للاسف مش بيشوه 6 ابريل بس وانما كل ..وايضا قضية التمويل الاجنبي شوهت المنظمات اللي موجودة
عبدالله يسري: بس دا موجود من زمان والجمعية المليكة عملت جمعية المساعي المشكورة وجمعيات اخرى عمرها باعمار جدول في المنطقة
أ. شحاتة محمد شحاتة: بالظبط ولكن ليس كل منظمكة عملت حاجة مشبوهة ودا معناه ان كل منظمات المجتمع المدني سيئة ولكن انا عايز اقول انه امريكا هي اللي شوهت لانها انشات منظمات مجتمع مدني هما اساس منظمات التمويل واتاخد في الرجلين منظمات مصرية
عبدالله يسري: منظمة فريدوم هاوس وذهاب مجموعة من الشباب معروفين ان الولايات المتحدة تقوم بشكل جديد من الحروب تحت غطاء العمل المدني والتكريس لحقوق الانسان لجمع المعلومات وبالتالي بنجد امام عملية تجسس كبيرة
أ. شحاتة محمد شحاتة: يؤسفني اني ااقول هو الربيع العربي انه اكتشفنا في الاواخر انه هما عايزين يحدثوا عملية تغيير في المنطقة الى فوضى وهدم الجيوش العربية عشان ما يخسروش فللاسف يدخلون تحت دعاوى حقوق الانسان والديموقراطية وهما لا يعرفوا حقوق انسان ولا ديموقراطية واحنا كنا مصدقين دا وعايز اقول انه مش معنى كده انه ثورة 25 يناير كانت مؤامرة وانما الناس كانت حسنة النية وانما هذه الثورة تم القفز عليها من هذه الجماعات وبدات توجهها نحو الفوضى من اجل تفريغ الدول العربية من قوتها وجيوشها واحنا تنبهنا وفوقنا لدا في الاخر كمان بجدات تتكشف بعض الامور عن علاقة جماعة الاخوان بامريكا والصفقات المعقودة منهم لتفريغ غزة في سيناء وتاخد جزء من صحراء النقب والضفة تنضم للاردن
عبدالله يسري: كلمة اخيرة للمواطن المصري عشان ينزل
أ. شحاتة محمد شحاتة: الاستفتاء علىالدستور غدا ليس استفتاء على الدستور فحسب وانما استفتاء على خارطة الطريق بالكامل واستفتاء على الفريق السيسي نفسه وادعو الناس الى التصويت بنعم لانه لابد ان نصطف خلف الجيش والشرطة لانهم الضمانة لبقاء مصر موحدة
عبدالله يسري: شكرا لك والى اللقاء