45 دقيقة

عنوان الحلقة واهم ماجاء بها : التحضير للاستفتاء على الدستور
الاعداد: سكينه حمدى اسماعيل
ايهاب اللاوندى : اهلا بكم حلقة جديدة من 45 دقيقة بارحب بضيفى فى الاستديو الدكتور احمد خيرى عضو لجنة الخمسين اهلا بحضرتك معانا
د. احمد خيرى : اهلا وسهلا
ايهاب اللاوندى : عايز تشوف الشعب المصرى على حقيقتة حطة فى ماذق تلاقى بيجد ويبجتهد بيراعى الصالح العام بيراعى مقتدرات الدولة بيراعى الصالح العام عارف معنى كلمة مصر عارف العالم فى المرحلة الجاية بينظر لنا نظرة قوية جدا لازم يهدف ان احنا فعلا قمنا بثورة لازم يثبت ان احنا انجزنا دستور يراعى التوصيف المجتمعى لابد يكون عارف الانتاج هو اساسة ولذلك عمال مصر بيعلنوا من مبنر الاعلام ان احنا مفيش اعتصامات بعد الان مفيش اضرابات بعد الان مفيش مطاهرات بعد الان فى عمل وانتاج بعد ما الدستور جاب لينا حقوقنا العقيدة د. احنا بنتكلم على تقريبا 26 مليون عامل فى مصر بنتكلم على 11 مليون ونصف عامل فلاح بنتكلم على اكثر من 45 مادة فى مادة دستور 2013 متعلقة بالعمال وده دلاله هامة على اهمية عمال مصر فى بناء مصر فى المرحلة القادمة ونحن نتكلم عن عمال مصر ياريت نتكلم عن اهم المواد التى جاءت فى الدستور او فى مسودة دستور او وثيقة دستور 2013 فيما يتعلق بالعمال وهى مواد كثيرة جدا هنروح للمقومات الاقتصادية لان المادة دى جامعة الى حد ما المادة 7و28 المادة 28 يا افندم وتعقيب من حضرتك عليها
د. احمد خيرى : بتقول المادة -27 الفصل الثانى المقومات الاقتصادية يهدف النظام الاقتصادى الى تحقيق الرخاء فى البلاد من خلال التنمية المستدامة والعدالة الاجتماعية بما يكفل رفع معدل النمو الحقيقى للاقتصاد القومى ورفع مستوى المعيشة وزيادة فرص العمل وتقديم معدلات البطالة والقضاء على الفقر ويلتزم النظام الاقتصادى بمعايير الشفافية والحوكمة ودعم المحاور التنافسية والاستثمار والنمو المتوازن جغرافيا وقطاعيا وبيئيا ومنع الممارسات الاحتكارية مع مراعة الالتزام المالى والتجارى والنظام الضريبى العادل وضبط اليات السوق وكفالة الانواع المختلفة للملكية والتوازن بين مصالح الاطراف المختلفة بما يحفظ حقوق العاملين ويحمى المستهلك ويلتزم النظام الاقتصادى اجتماعيا بضمان تكافل الفرص والتوزيع العادل لعوائد التنمية وتقليل الفوارق بين الدخول والالتزام بحد ادنى للاجور والمعاشات يضمن الحياة الكريمة وبحد اقصى فى اجهزة الدولة لكل من يعمل باجر وفقا للقانون مادة فيها نقاط كثيرة جدا عايز اؤكد ان كل مادة فى الدستور تخص عمال مصر وفلاحينها ولكل مواطن من شعب مصر
ايهاب اللاوندى : مش مختصر على فئة معينة ؟
د. احمد خيرى : لأ ولذلك بنؤكد ان دستورنا جاب 247 مادة لحقوق العمال والفلاحين وكل مواطنى مصر وبالاخص 45 مادة وجد فيها العمال والفلاحين بوضوح وبصورة ثانية بالنسبة لهذه المادة كان لاول مرة فى المقومات الاقتصادية انا باعتبرها مادة اسعار الاعمال حاطينا امام المستثمر اينما يكون محلى او دولى حطينا اصحاب الاعمال مش فى ماذق عدالة اجتماعية حقيقية لكل الاطراف لابد ان احنا لما نعمل اقتصادنا طرف قوى جدا كل الاطراق اقوى من بعض الحكومة او اصحاب الاعمال او العاملين محدش فينا يقدر يستغنى عن الثانى احنا كلنا واقفين لما دخلت لجنة الخمسين لابد من وجود علاقة عمل متوازنة ولذلك كنا بنقر دائما مادة العدالة الاجتماعية لابد تكون فى كل جوانب الدستور ولما جاءت المادة دى جلسنا مع اصحاب الاعمال واقنعناهم باهمية التنمية المستدامة مش للحفاظ على العاملين الحاليين فقط ده للحفاظ على الاجيال القادمة من موارد طبيعية من اساليب معينة فى البيئة تؤدى الى حياة صحيحة بكل جوانبها من اول الصحة لغاية الدخل ومع ما يتضمنة ذلك من نقاط رئيسة هذه المادة اكدت ان العدالة الاجتماعية هى اساس واكدت ان رفع مستوى المعيشة هو غاية وزيادة فرص العمل وتقييم معدلات البطالة والقضاء على الفقر 3 نقاط بتواجة قضايا ساخنة عانى كثير من الشعب المصرى قامت ثوراتنا لتحقيق هذه الاهداف لاول مرة يكون لها غطاء دستورى لما يجى المشرع يحط مادة هيحطها مينفعش يحط ضوابط معطلة لهذه القضايا الساخنة موضوع البطالة حاجة من الاثنين لو الدولة لم تقدر توفر شغل يا اما المشاريع واحنا ركزنا على المشاريع الصغيرة ومتناهية الصغر وكمان العمالة الغير منتظمة وهى جزء لا يتجزا من الدولة وبيلعبوا دور مهم فى الاقتصاد ولهم مساحة 30% من اجمالى الناتج القومى كمان قالت المادة وضبط اليات السوق الانواع المختلفة والتوازن بين الاطراف الثلاثة الى التوازن قضى الامر مفيش جانب هيطغى على جانب
ايهاب اللاوندى : العبور العادم عليه حقوق وعلية واجبات وزى ما فى حقوق وواجبات على العامل هناك حقوق وواجبات على المستثمر
د. احمد خيرى : فى الطرف الاضعف عنده عقيدة ان العمل عبادة عقيدة ان هو لازم يشتغل علشان بلده تكبر عقيده ان اسرته لازم تعيش من خلال شغله فهنا اكدنا بما يحفظ حقوق العاملين ويحمى المستهلك ما اتكلمناش على العاملين واصحاب الاعمال قلنا المستهلك اللى هو الدافع الرئيسى من هذه الانتاجية انا النهاردة لما انتج سلعة العمال واصحاب المال المستهلك هو الغاية فا ما ينفعش اعمل حاجة خارجة عن اطار المعايير والمواصفات الدولية المادة اعتبرت كل الدستور ولكن هناك دواخل اخرى ويلتزم النظام الاقتصادى اجتماعيا بضمان تكافؤ الفرص والتوزيع العادل خلاص هنا بقى فى تكافؤ فرص بقى فى ضمانة اجتماعية واقتصادية وتوزيع عادل لعوامل التنمية هنا الفوارق بين الدخول الحد الادنى والاقصى للاجور اللى كان احد شعارات الثورة
ايهاب اللاوندى : احنا بنتكلم عن الحد الاقصى للاجور هناك مطالبات يعنى لها من الوجاهة الكثير لان اصحاب المعاشات لابد ان يتضمنهم الحد الادنى والاجور ااخذ راى حضرتك على هذه النقطة بعد تقرير الزميل نعيم ابراهيم ورصد ميدان لمطالب المراة العاملة من الدستور
تقرير: اقامة العدالة الاجتماعية والتكافل وضمان عدالة التوزيع اضافة الى المحافظة على حقوق العاملين من اجل كل هذا اعلن اتحاد عمال مصر تاييدة للدستور الجديد
مواطن : نهدف الى دعم دستور مصر لان احنا كلنا ملمين بالحالة الحالية اللى احنا فيها محتاجة الاستقرار وان هذا الدستور تم الاعداد له فى بعض النقاط تجاوزها ومنها نسبة 50% عمال وفلاحين ولكن عمال مصر اتحاد عمال مصر بيفضل مصلحة مصر اولا
مواطن : من خلال اللجان النقابية والعمل فى المصانع بندعو ان احنا نقول نعم لما حصلنا عليه من مكاسب والحريات التى اخذها العمال والشباب والفلاحين والمراة
مواطن : من افضل الدساتير اللى اتعملت وهو به كل ما فى الدساتير السابقة هو تكلم عن بند الحريات كويس جدا احنا موافقين على بند الحريات التى اقرها الدستور
مواطن : الدستور مش ناسى العمال والفلاحين وذوى الاعاقة الدستور فيه مواد كثيرة تحتوى على حقوق للعمال وحقوق لذو الاعاقة الخاصة
مذيعة : ذو الاحتياجات الخاصة والمراة العاملة اشادوا بما يكفله لهم الدستور من حقوق باتوا يحلمون بها لسنوات طوال
مواطن : اول حاجة ان هو شارك فى ذوى الاعاقة فدى حاجة سابقة من السوابق وبالنسبة ان هو حط 8 مواد خاصة بذوى الاعاقة نص عليهم صراحتة اضافة الى مادة المعاهدات والمواثيق تعتبر 9 مواد خاصة بذوى الاعاقة
مواطنة : كفاية ان المساواة فى الحقوق والواجبات للكل المرتبات زى ماهى ادها الحق فى انها سن الزواج عمل منع الاتجار بالمراة والاعضاء
مواطنة : ساوى بينها وبين الرجل فى امور كثيرة جدا اداها حقوقها بما لا يخالف الشريعة الاسلامية
مذيعة : ربط الاجر بالانتاج وتقريب الفوارق بين الدخول فى الدستور الجديد بداية لعهد جديد لكل المصريين دون تصنيف او تمييز
فاصل
ايهاب اللاوندى : مرة ثانية اجدد التحية لضيفى الكريم الدكتور احمد خيرى د. شفنا تقرير الزميل نعيم ابراهيم كان يتكلم عن ذو الاحتياجات الخاصة والمراةوتحدث على هذه النقطة مسالة الحد الادنى والحد الاقصى زعاية الدولة لاصحاب المعاشات كنت اكلم حضرتك هل الحد الادنى سوف يتضمن اصحاب المعاشات ؟
د. احمد خيرى : المادة بتقول تكفل الدولة توفير خدمات التامين ولكل مواطن لايتمتع بنظام التامين الاجتماعى الحق فى الضمان الاجتماعى بما يضمن له حياة كريمة اذا لم يكن قادرا على اعالة نفسة واسرتة فى حالات العجز عن العمل والشيخوخة والبطالة وتعمل الدولة على توفير معاش مناسب لصغار الفلاحين والعمال الزراعيين والصيادين والعمالة غير المنتظمة وفقا للقانون واموال التامينات والمعاشات اموال خاصة تتمتع بجميع اوجه واشكال الحماية المقررة للاموال العامة وهى ودائع وحق المستقيدين تتكلم عن المعاشات بشكل فيه كرامة انسانية لو انا باشتغل هيبقى ليا تامينات اه هيبقى ليا فى الاخر معاش من التامينات ولو مليش اصلا لو ما باشتغلش هيبقى فى معاش للفلاحين وخلافة
ايهاب اللاوندى : معانا على الهاتف الاستاذ / جما ل محمد المراغى : ممثل اتحاد نقابات عمال مصر عضو لجنة الخمسين استاذ جمال اهلا بحضرتك
الاستاذ/ جمال المراغى : اهلا بيك
ايهاب اللاوندى : نحن نتكلم عن مسودة دستور 2013 دائما كان امامنا دستور 2012 المعطل حضرتك كيف ترى مكاسب العمال فى هذا الدستور او وثيقة دستور 2013 ؟
الاستاذ/ جمال المراغى : هو بالنسبة لدستور 2013 فى مكاسب للعمال وفيه ضمان للعمال انما اغفل دستور 2013 يعنى 2013 كان مدى دورة واحدة بالنسبة 50 % عمال وفلاحين دستور 2013 شال النسبة اللى كان مديها دستور 2012 وحولها للسيد رئيس الجمهورية انما بالنسبة لدستور 2013 كان فيه مكاسب كويسة جدا
ايهاب اللاوندى : واحنا بنتكلم عن نسبة 50% عمال وفلاحين هناك مكتسبات للفلاحين بصفة خاصة فى هذا الدستور تتمثل فى مستلزمات الانتاج سماد ومبيدات تلتزم الدولة بتوفيرها بنتكلم عن التزام من الدولة بشراء المحاصيل الاستراتيجية نتكلم عن تمثيل للفلاحين المجالس المحلية 25% وحضرتك تعلم عن سلبيات نسبة ال 50% عمال وفلاحين داخل مجلس الشعب منذ ثورة 23 يوليو هناك لواءات تمثل على انها عمال وفلاحين هناك رجال اعمال يمثلوا على انهم عمال وفلاحين وفى النهاية اذا كانت هذه النسبة موجودة فى المجالس السابقة لماذا باعت القطاع العام فى وجودها 50% عمال وفلاحين
الاستاذ/ جمال المراغى : انحنى لسيادتك احتراما وتقديرا فى النظام السابق هو كان فى حاجة صح عشان يعملوا وجود فعلى للعامل وللفلاح عشان اللواء ما يعملش حيازة بيدخل بها كفلاح اولا بالنسبة للواء اللى سعتك تفضلت وقلت عليه محدش اخترق العمال اللى همااخترقوا فعلا الفلاحين بيدوا كل لواء كل واحد طلع على المعاش بيعمل حيازة وبيدخل على نسبة الفلاحين
ايهاب اللاوندى : مش عايز اتكلم فى نقطة تفاصيل اكثر وكلن حضرتك مكاسب اخرى وخلوا المسالة دى للزمن
الاستاذ/ جمال المراغى : انا باقولك 2013 فيه مكاسب فيه مكاسب حلوه للفلاحين فعلا بيلزم الدولة بشراء المحصولات ويوفر له السماد والكيماوى وتامين صغار العمال والفلاحين اللى مابيشتغلش لازم بيطلع عن المعاش بيكون له فى تامين وفى معاش له انا ما قلتش ان 2013 غلط انا باقول اغفل نسبة ال50% المحليات نسبة العمال والفلاحين 25% احنانقول امين
ايهاب اللاوندى : مش 25 هى 50%
الاستاذ/ جمال المراغى : ال 50 اقصد تمثيل فى المحليات احنا بنقول عايزين نعبر بمصر للامام
ايهاب اللاوندى : كلمة لعمال مصر فى هذا الوقت العصيب ونحن نتكلم على عصب الاقتصاد المصرى اللى هما عمالها الشرفاء
الاستاذ/ جمال المراغى : باقول لعمال مصر وفلاحيها انتم الوقود لهذا البلد وانتم متحملون فى سنوات سابقة المرارة كلها عليكم ان تقولوا نعم وتساندوا الوطن نحن مع الوطن نحن جنوده المجنده نحن جنود مجهولون نحن مع الشرعية التى شرعية خارطة الطريق مش الاخوان احنا مع الاصلاح الاقتصادى المصرى بنادى شباب وبنادى عمال وفلاحين وشيوخ مصر ان يكونا ملتزمين التزام كامل بانجاح خارطة الطريق وعندما نقول نعم للدستور اذن نقول نعم لخارطة الطريق ولثورة 25 يناير و30 يونيو
ايهاب اللاوندى : الف شكرالاستاذ جمال محمد المراغى ممثل اتحاد نقابات عمال مصر شكرا جزيلا لك ونحن نتكلم فى الدستور وثبات العمال فى وثيقة دستور 2013 مادة 12 دكتور احمد مادى 12 تقول العمل حق
د. احمد خيرى : اشكر استاذ المراغى على انه بيقول نعم للدستور ممثل اتحاد نقابات عمال مصر ولكن عايز اؤكد ان 50% عمال وفلاحين كانت مفسده ومفيش حد من العمال استفاد ولا حد من الفلاحين استفاد وكنا احنا كاقيادات لنا هدف ال50% عمال وفلاحين اعتقد احنا وطنيين نتنزه عن كل هذا كان نفسنا يبقى لينا نواب فى مجلس النواب يدافعوا عن حقوقنا ويخلوا فى قوانين تتشرع وفقا لاليات الدستور 45 مادة حاكمة هتجبر اصحاب الاعمال
ايهاب اللاوندى : د. خيرى ايه المشكلة ماهو لو 50% عمال وفلاحين القائمة كلها هتبىقى 100% هيبىقى ليه التمييز ده لان هناك فئات من المجتمع تطلب تمييز شباب اقباط لكن فى نسبة ملائمة من العمال والفلاحين فى المرحلة الانتقالية قضى الامر ففى
د. احمد خيرى : مش هيعرف يخش من هذا الطريق هذا المدخل وكان نسبة واقعية فى الدستور وقضى الامر ولكن هذا الدستور اتاح لنا انشاء حزب وانا اعلنت عن تاسيس اول حزب عمال وفلاحين لغاية النهاردة 18 الف وكسور من التوقيعات بنهاية الدستور هنبقى بناسس دى مفسده اول حزب 26 الف عامل والفلاح هننزل ناخذ الاغلبية احنا مش عايزين نتاجر ب 50% واعداد الكوادر فى المجالات المحلية حق تعيين او اختيار عضو مجلس نواب واكرم لنا ننزل بدل ما نيجى تانى القائمة الاول جايب 100 الف صوت والثانى جايب 7 الالاف صوت والثالث جايب 95 الف صوت فى حد جايب 7 الالاف صوت فى الشارع عمال مصر لازم نكون حقيين واقعيين بعرقنا ومجهودنا زى ما بننتج بعرقنا ومجهودنا محد شيدب علينا احنا اكبر من ان حد يدينا نسب النسب دى ياخذها المهمشين احنا كل شعب مصر جزء كبير من شعب مصر يمثل 70% خلى الواقع هو اللى يثبت وكفاية ضحك على الذهون
ايهاب اللاوندى : على المادة 12 مادة 12 بتقول العمل حق وواجب وشرف تكفلة الدولة ولا يجوز الزام اى مواطن بالعمل جبرا الا بمقتضى قانون وباداء خدمة عامة لمدة محددة وبمقابل عادل ودون اخلال بالحقوق الاساسية من المكلفين بالعمل
د. احمد خيرى : مادة واضحة شرحة نفسها تقول ان العمل حق وان كل واحد من حقة انه يشتغل وكمان هو واجب على الوطن كى ننتج ونزود اجمالى الناتج القومى اقتصادنا يعلى ومستوى معيشتنا يبقى افضل كمان قال لا يجوزالزام اى مواطن بالعمل جبرا محدش يشغلنى سخرية الا بقانون او اداء خدمة عامة
ايهاب اللاوندى : نشوف تقرير لاحمد فؤاد لمن لم يؤدوا الدستور القادم مظلة التامين الصحى تشمل جميع افراد مصر اطفال عمال فلاحين اى ان ماكان الفئة التى ينتمى اليها المواطن المصرى نشوف تقرير الزميل احمد فؤاد ونرجع مع ضيفى
تقرير: ولان الصناعة هى عماد الاقتصاد المصرى فقد عنى الدستور الجديد بفئة العمال خاصةالعمالة الموسمية وغير المؤمنة احد اهتمامات هذا الدستور
مواطن : العامل كان محروم من كل حقوقة
فاصل
ايهاب اللاوندى : د. انا عارف ان المادة 13 كان لك دور كبير فيها وفى تقديمها وفى النقاش فيها وهى تلتزم الدولة بالحفاظ على حقوق العمال وتعمل على بناء علاقات عمل متوازنة بين طرفى العملية الانتاجية وتكفل سبل التفاوض الجماعى وتعمل على حماية العمال من مخاطر العمل وصورة الامن وسلامة وصحتة المهنية على النحوالذى ينظمة القانون
د. احمد خيرى : انا عانيت من هذه المادة الامرين اكثر من ساعتين ونصف لم اواجه اصحاب الاعمال فقط بل والطرف الثانى من العمال استمارة 1 واستمارة 6 الفصل التعسفى استغربت ازاى حضرتك بتقول كده المرحلة الاولى كانت مواجهة بينى وبين العمال كنت اقول توافر الامن والسلامة والصحة المهنية اللى هو البث الكهربائى اللى كان بيحصل كان ده مخرج للهروب من الضرائب بشكل عملى بردوا هذه المادة فيها هجوم من بعض الاعضاء لما قلت لهم الان اذاتم رفض هذه المادة فانتوا تحفروا قبور العمال بايديكم عليكم بمراجعة فكركوا تانى تشاورناكلنا مع بعض وتم اقرار المادة بالتصويت الكامل حتى بما فيهم ممثل العمال الاخر اللى فيها بتقول تلتزم الدولة ولاول مرة بحقوق العمال جميعا اى ان كان هذه الحقوق سواء اتفاقيات دولية او من خلال قوانين محلية وتعمل على بناء علاقات عمل متوازنة قدمت هنا قربان عطاء لاعتراف صاحب العمل وقلت له انا معاك اينما تكون احنا وجهين لعملة واحدة لابد نعمل علاقات عمل متوازنة تلتزم بها الدولة اصحاب الاعمال استغربوا ان انا عملت هذه المداخلة واوكلت مادة بهذا الشكل بعد موافقة الطرفين وتكفل سبل التفاوض الجماعى كانت مشكلتنا فى المظاهرات والاضرابات الاعتصامات مكنتش ممثلين حقيقيين كان التوجة واحد الاتحاد واحد كلنا عارفين ايه اللى ان كان بيحصل والنهاردة بقى فى نقابات مستقلة ووجودها افضل من عدم وجودها المصنع فيه 5 او 6 نقابات افضل ما يكون 30 الف عامل بيمثلهم نقابة واحدة فيها 1000 عامل ما بيخدوش حقوقهم هيبقى فى 29 الف طلب من كل عامل طلب هيقعد ازاى مع مجلس الادارة فهنا كان انشاء مجموعة من النقابات انشا الله حتى لو 10 نقعد مع 10 ممثلين افضل ما نقعد مع 29 الف ممثل
ايهاب اللاوندى : فى بعض العمال لما بيروحوا يتعقدوا مع شركات بيمضواعلى استمارة 6
د. احمد خيرى : اللى هيعمل كده هيتحبس انا باقول لاصحاب العمل والعمال اوعوا تمضوا عقود استقاله لان لما التقى بالسيد رئيس الجمهورية هقدم طلب لانشاء اول مجلس اعلى
ايهاب اللاوندى : ممثلى عمال مصر فى اقامة السيد الرئيس المستشار عدلى منصور الرئيس المؤقت للبلاد يوم الاربعاء القادم ياريت نعرف اهم المطالب اللى رفعنها
د. احمد خيرى : بالنسبة للاتحاد القومى لعمال مصر والنقابات المستقلة لهم مطالب واضحة ان الانتخابات الرئاسية تبقى قبل البرلمانية لاستقرار البلد فى مرحلة مهم جدا يبقى فيها رئيس دولة كما نؤكد ان يكون هناك نسبة للقوائم فى قانون الانتخابات البرلمانية القادمة تكون الثلث والثلثين والربع والثلاث ارباع ولابد يبقى فى قوائم بس تكون واحدة قومية ومن اسكندرية لاسوان ينتخبها كل الشعب المصرى تنجح بنسبة 50% + 1 كمان لينا مطلب رئيسى هو انشاء اول اكاديمية للتدريب الكترونية تكون بين اطراف العمل الثلاثة لازم يشاركوا فيها الحكومة واصحاب العمل والعمال لان التدريب هو وسيلة هواية فى نفس الوقت وينمى كل المجتمعات وعندما ننتج ننتج وفقا للمعايير العالمية سواء مجلس الدولة او معيار الاداء نفسة وهذا مطلب رئيس ان تشاركنا الدولة كعمال وكحكومة وكاصحاب اعمال فى انشاء هذه الاكاديمية يتضرب فيها كل اللى عايزيتدرب وفقا لاحتياجات العمل محتاجين نفهم يعنى ايه ادارة ازمات ونعرف يعنى ايه ازمة
ايهاب اللاوندى : يعنى عايز عامل كفئ لما يخرج سوق العمل مستنية
د. احمد خيرى : عايز مواطن كفْ كمان مش عامل بس كمان قدرنا نتبنى مشروع قومى وانشاء مشاريع تجار صغار
على مستوى المحافظات ومشروع قومى لمواجهة البطالة موقعين مع 76 كليه فتحت ابوابها لينا وهنشغل العامل من قبل ان يتخرج الاتحادالقومى لعمال مصر هيلتزم به امام السيد الرئيس وهننشئ اول نقابة مهنية للمدربين المتخصصين والتدريب مهنة من لا مهنه له اى حد يتكل على المدرب بيعلمه مهمة غلط مش بمعاير ومواصفات عالمية وسوف يتجاوب معنا سيادة الرئيس
ايهاب اللاوندى : هنشوف تقرير للزميل محمود على رصد عينه من عمال مصر فى الدستور ا لقادم
تقرير: بشهادة هؤلاء العمال حقوق العامل المادية والمعنوية مصونة طبقا لبنود الدستور الجديد خاصة فى ابعادها الاجتماعية وفى الحريات النقابية
مواطن : الدستور كفل للعامل حقة واجازاته المرضية واحواله المعيشية
مواطن : الدستور اعطى له حرية العمل النقابى واللى مش هياخذ حقة له حق التظاهر كله ده مذكور فى الدستور
مواطن : الدستور الجديد بيكفل للعامل حقوقة كاملة من حيث الاجازات المرضية احنا هنابنشتغل فى كيماويات وحاجات ضارة بالصحة ويوفر له كمان اجازة سنوية كاملة
مواطن : انشاء الله يوفر بيئة عمل صحية والبلد تبقى فى ازدهار انشاء الله
مواطن : حقوقنا فى الخارج مهدره احنا بنايد الدستور عشان نقدر الدستور الجديد نبتدى به انشاء الله وناخذ حقوقنا فى الخارج
مذيعة : ويبقى الرهان على ترجمة هذه المواد المسطرة الى واقع فعلى يلمسة العمال
مواطن : لو الدستور الجديد طبق على العامل هيوفر بيئة للانتاج ونبقى احسن بلد فى الدنيا مصر هتبقى 100-100
مذيعة : التطبيق السليم لبنود الدستور سيعززدون شك حقوق الطبقة العاملة ويفتح افاقا جديدة لخدمة الاقتصاد الوطنى
فاصل
ايهاب اللاوندى : اهلا بكم مجددا وحلقة خاصة عن عصب الاقتصاد المصرى عن عمال مصر معنا على الهاتف الاستاذ عمارة ابراهيم نائب رئيس النقابة العامة استاذ عمارة اهلا بيك
الاستاذ/ عمارة ابراهيم : اهلا وسهلا
ايهاب اللاوندى : فى بعض المشكلات فى مصنع الحديد والصلب بحلوان نحب نعرف انتهت الازمة الى ايه اخر التطورات
الاستاذ/ عمارة ابراهيم : اتمنى ان نتفق نقابات مستقلة واتحاد عمال ونقابات عامة ان التعددية داخل المنشاة الواحدة كارثة قومية ستحقق كوارث على الاقتصاد القومى على قوة العامل فى التفاوض اذا كان الدكتور خيرى يرى ان التعددية هى محور قوة للعامل انا اؤكد ان هذه التعددية والدليل شركة مثل شركة الحديد والصلب المصرية توجد فيها اكثر من مائة مهنة لحام وخراط الى اخر هذه المسميات لو انشاءنا فى كل مهنة نقابة من الذى سيقوم بالتفاوض من الذى يتجاوز حدود نفسياته واخلاقياتة ليصل الى الدرجة القصوى فى التفاوض لصالح المجموعة بتعته
ايهاب اللاوندى : يعنى لو احنا فى مصنع للحديد والصلب وهناك لحام وهناك خراط وهناك كهربائى هناك عمال مناولة مثلا لوكل واحد بقى له نقابة
الاستاذ/ عمارة ابراهيم : يعنى معنى كده انى عايز اعمل 150 نقابة
د. احمد خيرى : مش المقصود بانشاء نقابة مستقلة بمهنة داخل كل مصنع الكلام ده عارى تماما من الصحة هو انشاء نقابة مستقلة تاخذ كل هذه المهن فى الاعتبار يبقى فيها ممثلين لكل هذه المهن افضل ما يكون هناك نقابة واحدة تترمى فى احضان اصحاب الاعمال وتترمى فى احضان اصحاب الحكومة لان احنا عانينا الامرين من الوحدة للنقابة فى مرحلة معينة فى قانون نيظم العمل النقابى له معايير وله مواصفاتة له الياته له فكرة المتجدد عايز اؤكد له النقابات المستقلة فى لجنة ال 50هى اللى تبنت فكر المشاريع القومية على مستوى البلد
الاستاذ/ عمارة ابراهيم : اولا الاتحاد قوة وحدة العامل فى صياغة منظمة واحدة لونظرنا الى اوروبا عندما كانت تحمل دويلات كانت مفككة وكانت الحروب تقوم بينها وبين هذه الدولة وتلك لكن بعد التوحد وبقت اوروبا اليورو بقت اوروبا العظمى فى نفس الحال لو توحودا على اليه واحدة وعلى فكر واحد وعلى منظمة واحدة وتقاليد وميثاق شرف نقابى واحد اتخيل ان المكتب الكبير والاعظم هيكون للعامل التعددية هى كارثية بمعنى كلمة كارثية وهذا منحى غربى لا يتماشى مع خصوصيات الشعب المصرى وان يتم فى لقاء الاستاذ احمد خيرى مع سيادة الرئيس ان يحمل العلاوة الدورية السنوية وهى من حق العامل على الانشطة لسد بعض العجز فى الميزانيات داخل هذه الانشطة الاقتصادية اتمنى ان تتحمل الدولة قيمةالعلاوات الاجتماعية من خلال خزينتها خزينة الدولة فى المالية واسعار الطاقة التى هى من اهم اسباب خسارة الشركات فى قطاع الاعمال تحديدا لو نظرنا الى الاستثمارات الموجودة
ايهاب اللاوندى : باشكر حضرتك على المداخلة د. احمد تعقيب اخير
د. احمد خيرى : التعددية النقابية ياخذ فى اعتباراته لما يجى يتوحد العمل النقابى ما يباقش سيئ السمعة ما يبقاش زى التجارب السابقة اللى افسدت المجتمع المصرى وافسدت حقوق العمال والفلاحين الدستور حزم القضية مصر التزمت بها وبقت فى قوة القانون مبروك على النقابات المستقلة وعلى الاتحاد العام اللى من خلاله هنوحد العمل المشترك فى تكامل
ايهاب اللاوندى : المادة 14 هامة وكانت سبب لبعض المشكلات داخل المجتمع المصرى وهى الوظائف العامة حق للمواطنين على اساس الكفاءة ودون محاباة او وساطة وتكليف القائمين بها فى خدمة الشعب وتكفل الدولة حقوقهم وحمايتهم وقيامهم باداء واجباتهم فى رعاية مصالح الشعب ولا يجوز فصلهم بغير الطريق التاديبى الا فى الاحوال التى يحددها القانون كان هناك وظائف عامة يشغلها البعض لطبقة اجتماعية معينة زى النيابة العامة زى بعض الوظائف الهامة داخل جهاز الدولة كانت هناك مفسدة وشفنا حالات انتحار لبعض الشباب اللى حاصل على درجات كبيرة ومؤهلات بدرجة علمية عليا لم يلتحق بهذه الاعمال هل مادة بهذا الشكل تكفل الشخص الكفء فى المكان الذى يليق به
د. احمد خيرى : قضى الامر فى موضوع الوساطة والمحاباه احنا زهقنا وساطة ومحاباه لازم ابن س يبقى سين شرطة وابن ص يبقى ص شرطة احنا بنقول اطمن ياشعب مصر اى واحد هيعين واحد علشان مجاملة عشان محباه مصيرة السجن هذه المادة قالت ان هناك اليات معيار للكفاءة وان لابد ان يكون التعيين على اساس الكفاءة هيئة مكتب تشكل بها فنى ادارى واحد زو علم خاص بالمعلومات العلمية فيها علوم اجتماع فيها علوم نفس لجنة مشكلة من كل العلم اللصيق بالشخصية يعنى زى علم النفس مش عايز اجيب واحد غير سوى فكريا
ايهاب اللاوندى : رسالة اخيرة الى عمال مصر ووضعهم فى الدستور القادم 2013 وهل ترى ان هذا الدستور اعطى مكتسبات للعمال وتطبيقة النتاج الثانى لمكتسبات اكثر
د. احمد خيرى : باقول لهم با شعب مصر العظيم يا كل طفل ياكل امراة يا كل مسيحى يا كل مسلم يا كل عالم اوعى ماتشاركش عمال مصر مش هينزلوا يقولوا بس نعم للدستور هيقولوا نعم وهيحموا المقرات والمحافظات والشوارع عمال مصر دائما رجالة وجدعان ماتخفوش ماتقلقوش اطمنوامعاكم جندى مجهول جندى معلن الامن يتحرك فى اتجاهه احنا نتحرك بفكرنا خلوابلكوا غضب عمال مصر وفلاحينها وحش جدا باقول لاعداء النحاح اوعوا تخاطروا وتنزلوا يوم الاستفتاء لان دى ممكن تكون نهايتكوا
ايهاب اللاوندى : فى نهاية هذه الحلقة باشكر د. احمد خيرى رئيس الاتحاد القومى لعمال مصر عضو لجنة الخمسين المقرر المساعد لهذه اللجنة ولكم الشكر مشاهدينا وباقول الدستور ورقة مكتوبة حبر على ورق ان لم ينطبق لاقيمة له لكن مصر فى هذه المرحلة محتاجة الاستفتاء على الدستور كى نعدى هذه المرحلة شكرا والى اللقاء .