45 دقيقة

ايهاب اللاوندى : اهلا بكم وحلقة جديدة من 45 دقيقة خلاص المدارس هتبدا نتمنى عام دراسى هادئ من غير مشاكل للتعليم اكثر معنا الدكتور حسن شحاتة استاذ المناهج بكلية التربية جامعة عين شمس اهلابحضرتك
د.حسن شحاتة : اهلا يا افندم
ايهاب اللاوندى : التعليم فى مصر دائما يقال اذا عرفت المشكلة من السهل حلها كلنا عارفين مشاكل التعليم فى مصر ياريت نعرف مشاكل التعليم للسادة المشاهدين
د.حسن شحاتة : نتفق اولا مع برنامج 45 دقيقة كل سنة وانتم طيبين 18 مليون بيت مصرى اولياء امور الطلبة فى 45 الف مدرسة عندنا مليون و800 الف معلم ومعلمة مصريين عندنا 45 الف مدرسة بنصرف عليهم 62 مليار جنية سنويا 90% منهم مرتبات متدنية للمعلمين التعليم قضية مجتمع وليست قضية وزير للتعليم مشكلتين من زمان وسيستمروا نمرة واحد التمويل .. هنا دور المجتمع المدنى ودور رجال الاعمال دور الاوقاف الخيرية دور التبرعات لتاسيس المدارس احنا مش قادرين نصرف على التعليم لابد المجتمع المدنى يبقى له دور المشكلة الثانية اهم من المشكلة الاولى ثقافة المجتمع المجتمع رافع شعار بيقول التعليم للامتحانات وليس للحياة مش مهم ابنى يتعمل ايه لكن المهم ينجح ياخذ شهادة اصبحت القضية الاساسية قضية الامتحانات المهم ماذا نعلم فى الكيمياء فى الطبيعة فى الاحياء لغات اجنبية ماذا نعلم
ايهاب اللاوندى : المشكلة الاولى مشكلة التمويل والمشكلة الثانية مشكلة الثقافة المجتمع عايز ابنة ياخذ شهادة بغض النظر عن التعليم
د.حسن شحاتة : منذ قيام الثورة مفيش رجل اعمال اعتبر التعليم مهمة قومية وان ده امن قومى مفيش الكلام ده ليه لان الامه فى غيبوبة مش عارفين ان التعليم هو اللى بيصنع امه هو اللى يجعلنا متقدمين ويجعلنا غير متقدمين التعليم قضية مجتمع
ايهاب اللاوندى : يشتكى الاباء ان المناهج صعبة على الطلبة اللى مليانة حشو كتير وبالتالى تقريبا كل الاسر المصرية بتعتمد على الدروس الخصوصية والطلبة فى الاخر بيعتمد على 5 -6 ورقات ويقولوا ده المنهج ادخل تنجح بيهم
د.حسن شحاتة : دى قضية اساسية اللى حدث السنة دى مع وجود د. محمود ابو النصر
ايهاب اللاوندى : حضرتك كل وزير بيجى بثقافة جديدة مع ان التعليم رؤية استراتيجية لدولة
د.حسن شحاتة : مش موجودة الاستراتيجية
ايهاب اللاوندى : الوزير محمود ابو النصر عمل ايه
د.حسن شحاتة : قال ان كان فى ملزمة كاملة عاملينها عن الشرعية والديمقراطية هتعمل بلبلة جمع هذه الملازم من المدارس وطبع هذا الكتاب
ايهاب اللاوندى : الشرعية
د.حسن شحاتة : من وجهة نظر اللى بيسموها الشرعية الديمقراطية شرعية الصندوق طبعا هتعمل مشكلة اول مشكلة هتقابل المدارس الضبطية القضائية ومشكلات التعليم
ايهاب اللاوندى : هنتكلم عن الضبطية القضائية داخل الجامعات وان تمتد الى المدارس خوفا من اللى بيقول عليها يا دكتور حتى الطلبة هيبقى فى طلبة منتمين لفصيل معين احنا فى مرحلة فارقة نتمنى ان الكل يبقى عارف ان ده وطنة والوطن ده لن يسلم الا بالجميع نشوف تقرير عن الدروس الخصوصية للزميل احمد فؤاد
تقرير: ايام ويبدا العام الدراسى الجديد 2013- 2014 حيث استعدت المؤسسات التعليمية لاستقبال العام الدراسى الجديد وكان لوزارة التربية والتعليم المبادرة فى الاستقبال حيث طبقت تجربة رائدة هذا العام تطبيق نظام السنة الواحدة لشهادة الثانوية العامة
الدروس الخصوصية شبح يواجة الاسرة المصرية كل عام دراسى جديد ولكن هل تطبيق التجربة الجديدة سيؤدى الى تخفيف هذا الشبح
فاصل
ايهاب اللاوندى : معنا الاستاذ حمدى المليجى للتعليق على مشكلة العملية التعليمية بوكالة انباء الشرق الاوسط اهلا بحضرتك
ا.حمدى المليجى : اهلا وسهلا
ايهاب اللاوندى : ايه موضوع عملية التعليم
ا.حمدى المليجى : هو زى ما حضرتك قلت مشاكل التعليم مزمنة تحتاج لتمويل ضخم وزير التعليم صرح ان الوزارة بحاجة ال 50 مليار جنية للقضاء على مشكلة كثافة الفصول لبناء 10 الالاف مدرسة .. الطلاب فى سن متقدمة من التعليم 5 ابتدائى اولى اعدادى مهارات القراءة والكتابة مع الطلاب دول مش عارفين يقراوا ولا يكتبوا الموضوع عايز تغيير جذرى والموضوع يتلخص فى الميزانية ثم الميزانية
ايهاب اللاوندى : فى دول العالم المتقدمة مشاكل التعليم ليست منفصلة عن المجتمع فى مؤسسات مجتمع مدنى فى شركات كبرى فى رجال اعمال فى وزارة التربية والتعليم بيقعدوا مع بعض لان التعليم مسالة قومية ازاى نخلى المسالة دى مسالة قومية مجتمعية ازاى نشرك كل اطياف المجتمع بالدعم المادى او الدعم المعنوى فى هذه العملية ما تبقاش مقتصرة بس على الدولة او وزارة التربية والتعليم واجهزتها
ا.حمدى المليجى : انا ازعم ان الدكتور محمود ابو النصر اخذ خطوة جريئة فى مسالة التوامة بين المدارس الحكومية والمدارس التجريبية والخاصة
ايهاب اللاوندى : توامة بمعنى ايه
ا.حمدى المليجى : ان المدرسة الخاصة او التجريبية ذات المصاريف المرتفعة تتكلفل بنظيرتها الحكومية الفقيرة
ايهاب اللاوندى : هل وجود وزير التربية والتعليم الحالى محمود ابو النصر بعد ثورة 30 يونيو هل هناك بشاير لحلحلة مسالة التعليم
ا.حمدى المليجى : نؤكد ان المشكلة ليست مشكلة وزارة المشكلة مشكلة امن قومى التعليم ثم التعليم ثم التعليم مسالة تطوير العملية التعليمية لابد ان تكون امن قومى ووزارة الدكتور محمود ابو النصر على الطريق
ايهاب اللاوندى : نتمنى ذلك استاذ حمدى المليجى محرر شئون التعليم لوكالة انباء الشرق الاوسط اشكر حضرتك يمكن التقرير اللى شفناه كان يتكلم عن الدروس الخصوصية وشفنا ولى امر بيقول بتاخذ كل مرتبى
ا.حمدى المليجى : 24 مليار جنية ثانويا
ايهاب اللاوندى : ازاى ممكن نوفق المعادلة دى محتاجة 60 مليار
ا.حمدى المليجى : بنتكلم على 62 مليار كاملة
ايهاب اللاوندى : بنتكلم عن اسر بيدفعوا 24 مليار من دخلهم لمسالة التعليم وكل واحد نفسة يبقى ابنة تعليمة كويس متعلم كويس متخرج من مدرسة كويسة ازاى ممكن يوائم ازاى ممكن نحصل هذه الايرادات ونشرك اولياء الامور فى المسالة
ا.حمدى المليجى : بصراحة لو اوجدت مكان لكل طالب فى الجامعة فى مدراس عمر ما يبقى فى ازمة تعليم امتى يبقى فى ا زمة تعليم ويبقى فى مارثون سباق للثانوية العامة وغيرها وغيرها وفى الجامعة لانك بتاخذ تلت عدد الطلبة الناجحين تدخلهم الجامعة فى ثقافة الاتوبيس وثقافة الطيارة الاتوبيس زحمة كلنا بنجرى ونط من الشبابيك والبيبان عايزين مفيش كراسى
ايهاب اللاوندى : 40 طالب فى كل فصل حاجة
ا.حمدى المليجى : وصل 60 واكثر من 60 انا بقالى 50 سنة فى التعليم من 67 حتى الان وحطيت امتحانات ثانوية عامة كثير القضية ان احنا بنقول الامتحان من كتاب الوزارة لم يتعلموا الاستقلال نقول لهم الامتحان موجود فى كتاب الوزارة انت بتاخذ درس ليه
ايهاب اللاوندى : بياخد درس لان المستوى فى الفصول مش هو المستوى
ا.حمدى المليجى : مش كل المدرسين وحشين ثقافة ولى الامر يقوله اقعد فى البيت ويجيب له مدرس اناعايز اروح مدرسة لها دور عمل محاضرات ولقاءات فى المواد اللى هيمتحن فيها من اول السنة واجى اخر الاسبوع اعمل امتحان زى المجموعات الخاصة ما بتعمل امتحان ولى الامريجى يسال مش يرمية ويسيبة الشراكة المجتمعية مهمة فى صناعة تعليم جيد واللامركزية
ايهاب اللاوندى : مسالة المصروفات فى مدارس المصروفات تصل الى 30و20 الف جنية و40 واكثر فى السنة المدارس الحكومية المصاريف مفيش حاجة ازاى نعمل توازن بين مصروفات المدارس اللى بيسموها دولية هل فعلا الخدمة التعليمية المؤداة هو ده ثمنها
ا.حمدى المليجى : اه المدرس بياخذ مرتب ممتاز ويوم دراسى لغاية الساعة 4
ايهاب اللاوندى : ممكن ننقل التجربة د ى للمدارس الحكومية
ا.حمدى المليجى : مؤسسات المجتمع المدنى تتابع المدارس والمحافظ فى مدرسة فى سينا بتقول المدير هو مدرس الحساب والعربى والعلوم وهو مدير المدرسة طلعت فى صباح الخير يامصر ومعاه مفتاح البوبة بتاعت المدرسة
ايهاب اللاوندى : ناخذ اتصال من الاستاذ جمال العربى وزير التعليم الاسبق اهلا بحضرتك
د. جمال العربى : اهلا وسهلا
ايهاب اللاوندى : مسالة التعليم بدايتها مسالة تمويل نحن فى حاجة الى تمويل حاجة الى ادوات الى مدارس فى حاجة الى مدرس مؤهل يعنى المنظومة كلها محتاجة تغيير جذرى راى حضرتك
د. جمال العربى : باحيى حضرتك والضيف الكريم التربية والتعليم الان لا تحتاج الى الفكر لا تحتاج الى التخطيط بقدر ما تحتاج الى التمويل التمويل سيوجد التخطيط السليم
ايهاب اللاوندى : وحضرتك فى الوزارة كان فى نقاش كيف يمكن تدبير هذه الاموال ؟
د. جمال العربى : كان هناك تمويل وكان هناك رجال اعمال مخلصين وكانوا يبنوا المدرسة ثم يتركوها لوزراة التربية والتعليم كى تؤسسها وتجهيز المدرسة اكبر بكثير من مشكلة الانشاءات الميزانية كان على ايامى 40 مليارتخصص للمدارس وال60 مرتبات ولابد من التخطيط لعملية تعليمية سليمة توفر بها الامكانيات اللازمة وهى او هذه الخطوات الناحية التمويلية
ايهاب اللاوندى : شكرا استاذ جمال العربى وزير التربية والتعليم الاسبق شكرا للمداخلة
د. جمال العربى : كلنا متفقين على ان التمويل المشكلة الاولى والاهم
ايهاب اللاوندى : هل ممكن الدولة تفرض رسوم على المدارس الخاصة لان ربحها كبير جدا
د. جمال العربى : معالى الوزير احمد ذكى بدر وزير قوى وشجاع لما كان بياخذ من اصحاب الكتب الخارجية مقابل استغلالهم للكتاب المدرسى والفجالة كلها مافيا وقف امامهم المافيا الفجالة بتاخر طبع الكتب المدرسية عشان توزع الكتاب الخارجى اولا الدكتور فتحى سرور قال لا يجوز توزيع الكتاب الخارجى الا بعد الكتاب المدرسى الفجالة قلبوا عليه مع انه صح
ايهاب اللاوندى : هنتكلم عن مشكلة الضبطية القضائية داخل الجامعات بعد الحرس الجامعى انتهينامنه بحكم المحكمة ايه يمنع وجود ضبطية قضائية من اتحاد الطلاب
د. جمال العربى : ضبطية قضائية لان فى اولاد معاهم مواد مخدرة بعضهم معاه قنابل واسلحة بيضاء جامعة عين شمس خذنوا فيها هذه الاسلحة الحاجة الثالثة الجانب اللا اخلاقى رجال الامن اللى بياكلوا معايا ويشربوا معايا معانا دكتور محبات ابو عميرة
ايهاب اللاوندى : بنتكلم عن الضبطية القضائية داخل الجامعات راى حضرتك ايه
د.محبات ابو عميرة : اهلا وسهلا انا من اشد المعارضين لموضوع الضبطية القضائية لان هذه الفكرة كانت فكرة النظام السابق للاخوان المسلمين
ايهاب اللاوندى : بنشكر حضرتك كلية البنات سابقا باشكر حضرتك هنشوف مشاكل التعليم الفنى مع زميلى محمود عمر ونرجع
تقرير : يعتبر التعليم الفنى اساس التنمية التكنولوجية فى المجتمعات الحديثة الا ان اساس التعليم الفنى يواجهون بعض المشاكل فى التحاقهم بالجامعة لاستكمال اكتساب مهارات فنية وحرفية ..
ايهاب اللاوندى : الموضوع مش سهل ومش يتحل فى حلقة الموضوع كبير جدا محتاج حوار مجتمعى محتاج تكاتف كل افراد المجتمع مدنى مؤسسات رجال الاعمال شركات كبرى انا وقت البرنامج خلص باشكر ضيفى الاستاذ حسن شحاتة استاذ المناهج ولكم الشكر مشاهدينا والى اللقاء.