عنوان الحلقة : التحديات على الساحى الداخلية الاعداد : سكينة حمدى اسماعيل رغدة منير: مشاهدينا الاعزاء اهلا بكم وحلقة جديدة من 45 دقيقة فى هذه الحلقة نناقش التحديات التى تواجة طلبة الثا نوية العامة وقضايا المراة ولكن بعد هذا التقرير تقرير: قضايا المراة والتحرش قضايا هامة تحتاج لاحصاءات وابحاث ومتابعات مستمرة فيعمل جهاز الاحصاء على صدورها للمجلس القومى للمراة حتى يستطيع التعامل معها د.نعمات محمود: منعرفش احنا حالات العنف اد ايه وانواع العنف د. على الشافعى : بتوضع القوانين من اجل حفنة اللى بيوضع القوانين بيوضع فيه ثغرة رغدة منير: هوالقانون كان محتاج حلقة كاملة احنا بنوعد الاستاذ محمود مرسى عميد الاقتصاد والعلوم السياسية بحلقة لذلك د . حسن شحاتة : هما بيساوا المثقفين باللذين لا يعرفون القراة والكتابة بنحط الجرد ورالحمار والنسررموز للانتخابات رغدة منير: طيب حضرتك ظاهرة الغش وتسرب الاجابات والاسئلة من اللحظة الاولى لبدأ الامتحان دى ازمة مين هل مشكلة الشخص المراقب اللى ما فتش الطلبة صح وفى التقرير نوهت احدى المعلمات الفاضلات عن القرار 114 للغش هل فى مشكلة فى ان القرار ده لا يطبق ولا يفعل وبالتالى الطلبة لا يحسوا ان فى ازمة لو اتمسكوابموبايل حتى د . حسن شحاتة : شوفى حضرتك هودلوقتى فى فى الشارع المصرى فى عدم التمييز بين الفوضى والحرية فاصبح من حق كل انسان يفعل ما يريد ان يفعل نغش حقنا نجحونا حقنا مش هتنجحونا نعمل مظاهرة واضراب هو رغدة منير: دى بتبقى حالات فردية بس للاسف تاثيرها بيكون جماهيرى وتاثيرها بيبقى على الملايين د . حسن شحاتة : المراقب ملزم ما يدخلش اى موبايل واللى يضبط باداة غش لابد ان يحرم من الامتحان تكون العملية قاسية علشان لاولاياء الامور يقولوا لاولادهم بلاش البس نقاب ويحطوا تحت النقاب سماعة واتكلم فى السماعة واقول السؤال وهو يجاوبنى ده مش دين ده الدين الاعمال الصالحة والمناسبة والصدق والامانة فلابد ان احنا نتكلم بالصدق والامانة الاب والام فى البيت والمدرس والمدرسة الرقا بة مهمه جدا وانا اشكر الاعلام لانه يعمل توعية وقرار 114 بين ايه الدور اللى ليهم واللى عليهم رغدة منير: ارجع لان المشكلة الاساسية فى كل ده اى حد بيلجا لاى وسيلة يمكن سببها لانه فعلا الثانوية العامة رحلةالشقاء مناهج الثانونية العامة الفكرة كمان مش فى النظام اناكنت فى ثانوية عامة وفاكرة كويس الكم من المناهج اللى كنت باخذها وانا اخذت كل المواد الادبية د . حسن شحاتة : سنة واحدة رغدة منير: لأ فى سنتين وكانت وقتها اناكان عندى اختيارى واخذت المواد من الحاجات اللى فكرها كويس اخذت من مادة التاريخ مثلا كانت مادة صعبة جدا جداجدا ومادةالجغرافيا طويلة جدا وكنت الوحيدة اللى اخذت مادةالتاريخ المشكلة فى ازمة فى المنهج د . حسن شحاتة : هو بردواحضرتك احناكان نظام الثانوية العامة قبل سنة 95 كان سنة واحدة بعد 95 ملناه سنتين بموافقة مجلس الشعب مجلس الشعب المنحل القريب ده حب يشترى الناس ويحبب الناس فيه فلغى السنتين وعملهم سنة واحدة ولم يدرك عيوب نظام الثانوية العامة سنة واحدة عاوزين ايه بقى نمرة واحد المواد تخلية يمتلك مهارات سوق العمل ومهارات التعليم الجامعى نمرة اثنين المناهج لابد تطور وتغير وفى سبيلها للتغير والتطوير نمرة اثنين لابد يبقى فى ملحق الثانوية العامة الولد يمتحن بعد شهر اى طالب ساقط فى اى مواد يمتحن ثانى بس ما يخدش الدرجة الاقل نمرة 3 ماديش واحد فى الثانوية العامة 100% ادى له 70% 20% قدرات والمهارات والميول عن طريق ورقة امتحانية يضع صح وغلط اما فى القطاع الهندسى حسب الميول والاختيارات او القطاع الطبى او قطاع العلوم الانسانية ده ال 20% دى مش مادة بتقدم قدرة فهنابنجد ان المفروض ان الثانوية العامة لا اعطيها هذا الوزن الكبير ليها دور ثانى المواد التى يمتحن فيها الطالب مواد فقط 5 لكليات الطب والصيدلة والعلاج الطبيعى و5 مواد للعلوم الهندسية و5 مواد لعلوم قطاع الانسانيات بقية المواد يمتحنها فى المدارس هنابقى ولى الامر يظهر قيمة الطالب وقدرتة على الالتحاق بقطاع من التعليم يثبت فيه جدارة رغدة منير: فكرةوجود وسائل معينة يبقى المنهج ما يبقاش هو الوحيد الامتحان هيبقى هو الوحيد اللى عليه الدرجات يبقى فى اوراق بحث اوراق عمل لان احنا المشاكل اللى بتواجهنالما نروح ما بندربش على البحث العلمى واحيانا بنتخرج من الكلية واحنا بردواما نعرفش يعنى ايه بحث علمى د . حسن شحاتة : بسى حضرتك ده كلام نظرى 10على 10 لكن فى ميدان التعليم مكتب التنسيق الطالب اللى بيخش امتحان الثانوية العامة حضورة يبقى 70% عشان يخش الامتحان يبقى لابد يبقى فى امتحانات تحريرية وسنة 6 ابتدائى بقى فيها امتحانات طول السنة تبقى العملية سهلة ويبقى التعليم للحياة وليس الامتحانات محتاجين ايه ننظر بعين العطف والرحمة للبيت المصرى المطحون الغلبان اللى بيحرم نفسة من قرش صاغ علشان يعلم ابنة المدرسة لابد تقوم بدورها حتى اخر يوم ولابد المواد تبقى قليلة محدودة اللغات مثلا والكمبيوتر والدين والكلام ده والانشطة تمتحن فى المدرسة لا تضاف الى المجموع كفاية 5 مواد نعمل مادة تفيد فى الاخلاقيات فيها القدوة فيها الاستفادةمن التاريخ وعظة التاريخ يبقى المفروض العملية مش عملية كم معلومات بقدر ماهى الا نتقال من ثقافة الايداع الى ثقافة الابداع ومن ثقافة التحصيل الى ثقافة التفكير رغدة منير: هل ممكن نطور مراحل ما قبل الثانوية العامة حتى يصل الى الثانوية بسهولة د . حسن شحاتة : دلوقتى فى كتاب بندية للطالب يحل فيه بدون ما يكتب ونرحلة لغيرة من الطلبة ونوفر ب2 مليون جنية كتب دراسية بتلقى فى القمامة نمرة 2 اصبح التعليم الابتدائى كله قائم على الانشطة امتحانات دورية كل شهر بياخد عليه درجة وفى ملفات الانجاز بتسجل نشاط الطلاب نمرة 3 الاعدادية هيبدأ منها امتحان اول امتحان يبقى الاعدادية مفروض نخفف عدد المواد وياريت ندمج التعليم الفنى مع العام بس دى هتحتاج مصانع وشركات والطالب يطبق فى المدرسة والمصنع والمزرعة مشكلتنا اننا ندرس فى جزر منعزلة مشكلة التعليم بعيده عن وزارة التعليم العالى والاثنين بعيدين عن وزارة التخطيط رغدة منير: ان تبقى طبقا لاحتياجات سوق العمل د . حسن شحاتة : يبقى سوق العمل داخل الوطن وعلى المستوى القومى وعلى المستوى العالمى يبقى المناهج تتطور فى ضوء حاجات سوق العمل المتغيرة يبقى فى انسجام بين وزارة التخطيط ووزارة القوى العاملة ووزارة الزراعة والصناعة ووزارة التجارة وزارة التربية والتعليم وزارة التعليم العالى دول باجتش كله مع بعض يشتغل كله بالارقام وكله بالحسابات ما يبقاش العملية ماشية اعطباطية احناحتى الان فى رئيس وزراء وكل وزارة ماشية لوحدها لابد ان التعليم يقوم على التخطيط وزارة البحث العلمي يقوم على وزارة التجارة وزارة الزراعة وزارة الصناعة مبارك كوول الطلبة داخل المدرسة بيتم تعيينهم ويختطفوهم قبل ما يتخرجوا لان بيتدربوا فى المصانع والشركات وبيمتلكوا المهارات العلمية ويصبح قادر انه ينجح فى سوق العمل خريجى الجامعات نسبة البطاله فى سوق العمل متسعة جدا لان ما نقدمة للطلبة فى الجامعات لا يلبى حاجة سوق العمل رغدة منير: التعليم الفنى دائما نعيب على المجتمع انه بينظر نظرة دونية الى التعليم الفنى رغم اهمية رعم ان فى دول زى المانيا مثلا التعليم الفنى قبل التعليم الجامعى او التعليم العالى المشكلة ان الدولة لا توليه اهتمام د . حسن شحاتة : الحكومة غير قادرة على انها توفر وجبه تعليمية جيدة مجانية لكل الطلبة لان 50 مليارجنية لمليون و200 الف معلم فى 45 الف مدرسة تقدم ل17 مليون ونص متعلم ده وتدى المدرسين مرتبات متدنية لابد من الاعتماد على رجال الاعمال والا سيسقط النظام رجال الاعمال يجيبوا الالات ويفتحوا المصانع واخذ الطلبة ادربهم فى هذه المؤسسات رجال الاعمال دورهم الاشراف ولا نحاربهم وياريت نتنازل عن القنوات اللى لنص الليل بطبل وتزمر ويهتموا بالتعليم والصناعة ويبقى لهم يد وهم رجال وطنيين نقدرهم والدولة غير قادرة على الصرف على التعليم الفنى رغدة منير: هل من الممكن مشاركة رجال الاعمال فى التعليم العادى د . حسن شحاتة : احنا قلنا فى النظام السابق اتريقوا عليه فى جامعات خاصة بتفوق الجامعات المصرية لان بها اعداد كبيرة مفيهاش امكانيات العيال بيخشوا ب 99% ويخشوا يسقطوا فى صيدلة وهندسة وطب فى الاعدادى ليه لانك حفظتيهم معلومات لابد ان الجامعات الخاصة تساعد الجامعات الحكومية يبقى فى تمويل تساعدها احكومة غير قادرة على الانفاق على التعليم رغدة منير: اسمح لى نتوقف معنا اتصال دكتورة محبات ابو عميرة استاذ العلوم التربوية وعميدة كلية البنات جامعة عين شمس سابقا راى حضرتك فى شكاوى الطلاب واعادة توزيع بعض الدرجات الخاصة بالاسئلة بناءا على شكاوى الطلاب من صعوبة الاسئلة ؟ د. محبات ابو عميرة : مساء الخير رغدة منير: مساء الخير د. محبات ابو عميرة : انا متابعة البرنامج هو موضوع السؤال الصعب اللى حصل اول يوم فى الامتحانات انا متعاطفة مع الطلبة لان كان يجب على وزارة التربية والتعليم التدريب على الاسئلة الابداعية للطالب المتفوق وفى نفس الوقت لازم يكون فى سؤال يميز بين الطلاب وكمان الغاء الوزارة اليوم سؤال ده هيعمل مشكلة كبيرة هيبقى كل شكوى نلغى الاسئلة ده ما ينفعش رغدة منير: طب اعرف راى حضرتك فى قانون الثانوية العامة د. محبات ابو عميرة : اخشى البرلمان القادم يرجع تانى نظام السنتين وامتحان القدرات هل على حساب الجامعة والا الطلاب والا الوزارة رغدة منير: اشكرحضرتك د.محبات ابو عميرة تطوير التعليم د . حسن شحاتة : انا بقالى 50 سنة فى تطوير التعليم قبل الثورة طلبة يشتكوا من سؤال لانهم مش اقوياء عليه 5 نمر نقول لأ ده عليه نمرتين اثنين ونوزع ال 3 نمر على السؤال اللى كل الطلبة جاوبوا عليه ترتفع نسبة النجاح نسبة المشكلات الموجودة قبل الثورة موجودة بعد الثورة زاد عليها الفوضى رغدة منير: حضرتك خبير تربوى ازاى نحل المشكلات بعد الثورة د . حسن شحاتة : بلاش ادلع الناس وان فى سؤال للمتميزين وبلاش درجات شيك بدون رصيد واكثردرجة فى الثانوية العامة 83% مش 100% كده عملية فوضى لابد نحترم المعايير ونحترم الاسئلة فى الجامعة محدش يقول فى اى اسئلة صعبة لان اساتذة الجامعة مفيش عليهم اى سلطة رغدة منير: د. سؤال اخير هل فعلا شايف ان الدولة ممكن تزيد مخصصات التعليم بحيث انها تقدر تخلى من الطالب لحد مرحلة الثانونية العامة شخص مؤهل لسوق العمل د . حسن شحاتة : تمام امتى بقى لماتنتهى ثقافة الزحمة لان ا نتى معندكيش كراسى فى الجامعة فاكلهم بيتزنقوا فى عنق الزجاجة هى الثانوية العامة لكن انا لما ابقى عارف انى هاخذ 60% مش هزاحم على كلية الطب الهندسة الدولة عليها ان توفر اماكن لكل الناجحين حسب رغبتهم فى جميع الكليات انا اخش كلية الطب والله ما نجحش مع السلامة لابد الكليات العلمية الجامعات ترتبط بالبيئات مش بورسعيد تبقى زى عين شمس ولا سوهاج زى المنصورة الكلام ده ما ينفعش 3 الاقلال من التعليم النظرى 4 اطلقوا رجال الاعمال يفتحواجامعات خاصة ومتقولش بتاخد كام ومش بتاخد كام رغدة منير: انا باشكر حضرتك شكرا جزيلا د.حسن شحاتة الخبيرالتربوى ولكم الشكر مشاهدينا والى اللقاء
