محمد القاضى : اهلا بيكم وحلقة جديدة من 45 دقيقة بعد العيد وعدت الايام بخير الحمد لله رغم بعض المنغصات اللى نتمنى انها تنتهى فى اقرب وقت ممكن طبعا احداث سيناء واحداث التى ادت الى توتر الحالة لكن فى النهاية بنقول مصر بتمرض احيانا لكنها سرعان ما تتعافى خلونا فى البداية نرحب بضيفنا فى هذا اللقاء المستشار كمال الاسلامبولى رئيس المجلس الوطنى المصرى وعضو مجلس التيار الشعبى اهلا وسهلا المستشار كمال الاسلامبولى : اهلا وسهلا محمد القاضى : اهلا بحضرتك خلونا الاول نبدأ فى طرح وجهات نظر مختلفة والاحداث التى تمر علينا الان والمظاهرات والاحتجاجات وبعض عمليات قطع الطرق واللام عن المصالحة وغيرها ايه رايكوا نبدا بالمصالحة سيادة المستشار يعنى يقال انه وهناك كثير من المحللين شايفين ان المصالحة هى الخيار لهذا الشعب خلال الفترة القادمة بدونها لن يكون هناك اى شكل من الاشكال للتقدم الى اى مدى تتفق اوتختلف مع هذه الرؤية ؟ المستشار كمال الاسلامبولى : اختلف مع هذا تماما محمد القاضى : هناك يد تلوثت بالدماء المستشار كمال الاسلامبولى : انا اتكلم عن المصالحة هل هتكون مع افراد والا مع جماعة مع فصيل وهل الفصيل المصالحة احنا بنقترح الان مع بعض معناه محدش فينا هيتعقب الثانى قضائيا طيب انا مش باتصالح مع افراد انا اتصالح مع جماعة من ارتكب هذه الجرائم والجماعة مش هتتصالح ان لم تاخذ صك غفران لهؤلاء اللى هما ارتكبوا جرائم محمد القاضى : على اى اساس المستشار كمال الاسلامبولى : ما هما مش هنضحى بالقادة اللى حرضوا ولا بالافراد محمد القاضى : ايه وجه التضحية هيبقى ادام القضاء والقضاء يفصل بكلمتة المستشار كمال الاسلامبولى : عشان نبقى واقعيين هل متخيلين ان جماعة الاخوان هتيجى لصفوت تقوله روح القضاء المرشد هتقوله روح القضاء البلتاجى هتقولة روح القضاء وانابقى هتصالح خلينا ناخذ المسالة بمنطق انت هتتصالح انا اتصالح معاك بس على قاعدة ايه ان دول بره المحاسبة ماهو طالما دخلت المصالحة فكرة المحاسبة هتبقى مرفوضة من الطرف الاخر هتبقى واقعيا مستحيلة لكن التصالح اللى تم بجنوب افريقيا واللى احنا بنحاكية امر مختلف قصة كانت تختلف جذريا فى عناصرها وفى وجهها ومظاهرها عن قصة ان انا لها منهج وتفكر معين وخرجت عن كل النواميس وعملت اللى عملتة ده قطعت الشوارع وحصرت وحرقت وناس عذبوها وانا اعلم حالات ان فى بنات بتروح تدخل بيتهم داخلة شقتها رايحة بيتها بتطلع لها 2 منقبات بالمطاوى وبيثبتوها خوا يومين ثلاثة وفى محاولة اقناع انها تتزوج على مسئوليتى الكلام ده محمد القاضى : كلام اول مرة المستشار كمال الاسلامبولى : لأ انا سمعتة محمد القاضى : ايوا بس مش من مصادر موثقة المستشار كمال الاسلامبولى : انا سمعتة من اللى حصلت من اللى حصل فيهم الكلام ده محمد القاضى : ايه يعنى المستشار كمال الاسلامبولى : محاولة بالاقناع بزواج احد المجاهدين من جوا محمد القاضى : المجاهدين المستشار كمال الاسلامبولى : اه ماهم مسمينهم المجاهدين انا باستخدم التعبير بتعهم وبتقعد يومين 3 وفى محاولة اقناع بترفض بيسيبوها انا بقول ده نوع من الاستدراج للبنات لمحاولة تزويجهم من الناس اللى قاعدة هناك ده حصل فى شباب ريحين بيتهم مورس عليهم نوع من العنف وفى بيتفتشوا فى الطلعة والدخلة كل مواطن حصل عليه هذا الامر من حقة فى محاسبة محمد القاضى : ايو بس فى المقابل انت امامك الالاف من الشباب البعض بيقول انه مغرر به والبعض بيقول انه شباب نقى فعلا يقف الى جانب الحق هذه الفئة وهذه النوعية هل يجب ان تترك مرة اخرى لافكار تطرح عليها من جانب الجماعة او غيرها من الجماعات والا يجب ان يجتمع المصريون مرة اخرى ويستوعبوا هؤلاء خلينا نسمع اجابة بس بعد الاتصال ده نطمن على هيئة قناة السويس من سيادة الفريق مهاب درويش رئيس الهيئة مساء الخير الفريق ايهاب درويش : مساء الخير كل سنة وانتوا طيبين محمد القاضى : وحضرتك بكل خير ياريت تطمنا على مجرى قناة السويس والموقف العام حول الهيئة الفريق ايهاب درويش : الحمد الله قناة السويس فى اعلى درجات التامين بفضل القوات المسلحة المصرية الباسلة وقوات الامن الداخلى هناك منظومة تامين على اعلى مستوى اشترك فيها قوات الجيش الثانى والثالث الميدانى والقوات البحرية والقوات الجوية وقوات حرس الحدود وقوات تامين المجرى الملاحى وقوات الامن الداخلى وهيئة قناة السويس معدلات مرور السفن كانت اعلى معدلات يوم الجمعة عدى 65 سفينة اكبر معدل منذ افتتاح قناة السويس حتى الان وامبارح والنهاردة المعدل كبير جدا وامبارح 54 سفينة ده يعبر عن الثقة العالية فى تامين هيئة قناة السويس علاوة على كده عدت يوم الجمعة اكبر سفينة حاويات فى العالم 13 الف كيلو مسافرين الى المجر وده انجاز رائع لهيئة قناة السويس الحمد لله قناة السويس امنة امنة امنة والملاحة بتسير بصورة طبيعية وهى شريان الحياة فعلا للاقتصا د المصرى وبنشكر جميع العاملين فى الهيئة الافياء الخلصين اللذين يعملون ليلا ونهارا محمد القاضى : ضيفنا الاستاذ كمال الاسلامبولى عايز يوجه لك سؤال تفضل المستشار كمال الاسلامبولى : مساء الخير يا سيادة الفريق وكل سنة وسعدتك طيب الفريق ايهاب درويش : وانت بالصحة والسلامة ياجناب المستشار انا بس طبعا سعيد جدا سيادتك بتطمنا ان الثقة لم تهتز وان الوافد اوالمار من القناة المرور من القناة فى تزايد وان التامين على اعلى مستوى انا بس اتمنى على سيادتك ان احنا نعمل ولو نشرة اسبوعية بحالة المرور فى تصاعد وفى ثقة فى التامين على اساس ده بيدينا استبشار وتتكسر عليه كل الشائعات ب انا مع سيادتك تماما وفى نشرة يومية وفى نشرة اسبوعية وفى نشرة شهرية هى اعلاميا يمكن ما بتظهرش بتظهر فى بعض الصحف الاستاذ مهاب درويش شكرا جزيلا نرجع تانى للطرح اللى اتكلمنا فيه وهو مسالة المصالحة مع قاعدة الشباب اللى هو لم يتورطوا فى اى اعمال يسالوا عليها كيف تراها المستشار كمال الاسلامبولى : هو انا مش ضد المصالحة لكن انا بافرق بين التمنى وبين الواقع محمد القاضى : هما سموها استيعاب المستشار كمال الاسلامبولى : ماهو هستوعب مين ما لازم الوسط والشباب بينشق عن ده عشان يجى يعمل مصالحة لكن طول ما هو فى الجماعة دى مش هيعمل مصالحة لانه مؤتمر باومر القادة اللى هما يعنى تاملها سيادتك قادة لجماعة من تحت هؤلاء ياتمرون باوامر القادة محمد القاضى : يعنى عمليا من وجهة نظرك صعب المستشار كمال الاسلامبولى : مش هتحصل الا اذا طرف تغاضى عن المحاسبة زد بقى على هذا التمسك بامر يكاد يكون مستحيل اللى هو العودة بعقارب الساعة محمد القاضى : ده ممكن يفسر موقف دعوات المصالحة التى حدثت منها مثلا دعوة الازهر انت عارف حضرتك ان الازهر قدم دعوة اية رايك نشوف تقرير عن عملية المصالحة ونرجع نكمل تقرير: الانتماء للوطن ليس مجرد كلام انه مشاركة والتزام تجاه هذا البلد النامى بما ينفع مصلحةالوطن ويدفع مسيرة التقدم هذا ما اكد عليه رجال الازهر الشريف بدعوتة للمصالحة بين اطياف الشعب كافة مواطن : نحن نحتاج جميعا الى كل القوى والتيارات السياسية والدينية والاحزاب وعلى جميع الاطياف ان تضحى من اجل وطنها لان الله عز وجل جعل الوطن اول درجات الجهاد فى سبيل الله عز وجل فالواجب على الجميع ان هما يعلوا مصلحة الوطن حتى وان كان احد الاطراف مواطن : الاولى ان نحتكم الى كتاب الله عز وجل وسنةالنبى صلى الله عليه وسلم وان نرجع الى اصولنا بدلا من الوقت الذى ضيعناه الاصل انه لا اكراه فى السياسية لان الله عز وجل قال فى شان الايمان وان شاء ربك لامن من فى الارض كلهم جميعا افا انت تكره الناس حتى يكونوامؤمنين ليس لك الامر ان تجبر الناس ان يكونوا مؤمنين كذلك ليس لك الامر ان تجبر الناس ان يكونوا تبعا لحزب معين او تيار معين او فئة معينة فالامر بين الناس يحتمل الاخذ ويحتمل الرد مذيع : رجال الدين اوضحوا انه لا اكراه فى السياسية وانما الحوار هو السبيل لانهاء حالة الاحتقان التى يعيشها الشارع المصرى سيدنا النبى صلى الله عليه وسلم قال ديننا الاسلامى يعلمنا كيف يكون حب الوطن وكيف تكون الوطنية والتضحية من اجل الوطن من اجل ان نكون يد واحدة لان شوكة الامه تقوى بالتوحد والتنازل من بعض الاطراف وقديكون هناك ظالم ومظلوم هذا امر وارد جدا لكن ممكن اتحمل الظلم من اجل وطنى محمد القاضى : زى ما شفنا فى التقرير ان مطلوب جهود مصالحة حقيقية علشان يرجع المجتمع المصرى يلتأم مرةاخرى بعدالشرخ اللى حصل له فى الفترة الاخيرة معانا على الهاتف الاستاذ خالد داود المتحدث باسم جبهة الانقاذ مساء الخير استاذ خالد أ. خالد داود : مساء الخير محمد القاضى : انا عايز اخرج من التعبيرات الرومانسية ان احنا لازم نتصالح والمصالحة هى الخيار الاستراتيجى لكن فى النهاية على ارض الواقع كيف يمكن تحقيق هذا المفهوم وهذه الفكرة اللى نتمنى نشوفها ويرجع تانى المصريين كتلة واحدة ازاى أ.خالد داود : حضرتك طبعا هنا صعوبة فى هذه الايام ولكن اعتقد هناك تمسك بالمبادئ والحفاظ على ارواح كل المصريين وتجنب اى مواجهات من شانها تعرض سلامة الوطن للخطر على المدى البعيد هى دى الاستراتيجية المطلوبة فى المرحلة الحالية ابداء حسن النوايا فى كافة الاشكال مع ترسيخ اى واحد ينتمى الى اى فكر معين يجب ان يكون الاولوية للوطن والحفاظ على مصالحة بشكل عام وهو ايضا الالتزام بخارطة الطريق يعنى كلما التزمت الحكومة الجديدة والرئيس المؤقت بخارطة طريق اللى احنا وضحناها فى 3 يوليو وتم التقدم نحو دستور محترم يليق بمصر بعد 25 يناير والاعداد لانتخابات برلمانية ثم انتخابات رئاسية هذا من شانة ربما ان يلفت الاصوات ويقنع المعارضين بان هناك رغبة حقيقية بعدم اقصاء اى طرف وان نحقق اهداف هذه الثورة دون ان يتاجر طرف معين بالدين او يتحدث واحدنا دلوقتى فى مرحلة حرجة وحساسة واعتقد ان الكل لازم يحط فى اعتبارة ان مجرد الاقدام الفورى على فض الاعتصام ده لايعنى عدم تجمعة فى مناطق اخرى هنوصل لمرحلة استقرار الاستقرار لن يتم الا باتفاق حقيقى مصالحة بين المصريين انفسهم محمد القاضى : استاذ خالد داود المتحدث باسم جبهة الانقاذ شكرا لوجودك معانا سيادة المستشار سمعت الاستاذ خالد يرى حتى لو فضينا اعتصام رابعة والنهضة ده مش نهاية المشكلة لو ماحصلش مصالحة حقيقية ورجع تانى هتتكررالمشكلة فى اماكن اخرى كيف تقرا هذا الرؤية المستشار كمال الاسلامبولى : هو المصالحة الكل يتمناها بس كيف تحققها وانت فى شرط جوهرى فيها مفهوش تنازل ومش هتنازل عنه اللى هو المحاسبة هتعمل تصالح ازاى بس عايزين نشوف منطقيتها لكن هذا المشهد وده الاخطر هو معمول ليه اساسا محمد القاضى : هوايه اللى معمول المستشار كمال الاسلامبولى : المشهد اللى احنا فيه ده اولا نقرا الزيارات كاترين اشتون تيجى تعمل زيارة لمرسى وجورج كايين يجى يعمل زيارة للشاطر وبعدين الست اشتون تمشى تسيب له الصبيان بتوعها برندليو وغيرالبرندليو محمد القاضى : الدولة المصرية سمحت بهذه الزيارات علشان تدى فرصة لوجود المستشار كمال الاسلامبولى : لأ شوف انا اعظم جدا قيمة علاقات الدول ببعض ومفيش حد عايش لوحدة فى العالم لكن تحت فى خطوط حمرا عدم التدخل فى الشان الداخلى انا ده فخ بيبدو المشهد مع التكرار ان بيكرس لك ان انا بازور حكومة رسمية قاعدة على الكراسى رئيس جمهورية ورئيس وزارة وحكومة اخرى لها ذات القيمة عندى انا كزائر فا بازور هنا وازور هنا فيبدو الموقف اننى امام حكومتين امام سلطتين وده مقدمة للتقسيم شوف الحكاية بتيجى ازاى مش هننسى اساسا اغراض التقسيم فى المنطقة اوعى ننساها ارجوكوا ما ننساش دى كل خطوة بتعملها امريكا وكل خطوة بيعملها الاتحاد الاوروبى هو خدمة للمشروع الصهيونى ومن ورائة اللوبى اليهودى محمد القاضى : طيب خلينا ننتقل الى اعتصام رابعة ولانباء والشائعات والاقاويل التى تواترت فى الفترة الاخيرة كانت عن فض الاعصام وحتى كان كثير من الوكالات منها رويترز كانوا والاسوشيتد كانون بيقولوا احتمال كان يبقى فجر اليوم وتواترت الانباء عن كيف تتصور فكرة فض اعتصام رابعة وهل مع فضة اوتركة وكيفية الفض من وجهة نظرك ؟ المستشار كمال الاسلامبولى : حق الاعتصام مكفول والتظاهر السلمى مكفول لكن اعتصام يعكر الصفو العام وتعطيل السكان واخذ ناس امارس عليهم عنف فى الداخل وفى الخارج واعذبهم وبعد الاعتصام ما ينفض هتلاقى جثث لمواطنين محمد القاضى : نظرية لا ضرر ولا ضرار المستشار كمال الاسلامبولى : هذا مش اعتصام ده ارهاب محمد القاضى : انا ممكن انقل لك وجهة نظر المستشار كمال الاسلامبولى : اتفضل محمد القاضى : ماهو اعتصام التحرير هذه المرة وفيما سبق كان هناك متضررون من قطع واحتلال الميدان ومنع المرور بالميدان هل هناك كيل بمكيالين فى هذا الامر المستشار كمال الاسلامبولى : اعتصام رابعة مظهر من مظاهر فض الارادة على ارادة مجموع اكبرخط طريقة وقاله فى 26/7 هو قال طز فى 30/6 و26/7 هات الرئيس من السجن ويرجع غير كده انا مش ماشى انا قاعد بابلطج غير كده انا باعمل ارهاب يبقى انا مش امام مشهد عتصام لمطلب طبيعى انا امام فرض راي وسيطرة على مجموعة اكبر محمد القاضى : وبناءا عليه المستشار كمال الاسلامبولى : ان الاعتصام هيتفض باى وسيلة اما هذه الحالة من اثارة الاضطراب داخل المجتمع وتعكير الامن العام صفو الامن العام وتهديد الامنين لابد انها هتنتهى باية بقى بخراطيم مية بغاز اذا استخدم اللى جوا العنف هيتعامل معاه بعنف محمد القاضى : تفسيرك تاخير عملية الفض حتى الان ايه ؟ من وجهة نظرك ؟ المستشار كمال الاسلامبولى : تعرية للوجه القبيح لاكبردرجة ممكنة لما يحدث فى رابعة محمد القاضى : حضرتك عايز توصلنا فى النهاية اوتوصل مصر الى ما نطلق عليه جميعا دولة القانون نشوف مصردولة القانون كما كانت من ازمنة سابقة نشوف تقرير عن اراء قانونية حول دول القانون فى مصر مذيعة : سيادة دولة القانون واحترام الملكيات العامة والخاصة ومؤسسات الدولة هو السبيل الاوحد لاقامة الدولة المصرية بخضوع كافة ابناءها لذلك القانون هذا ما اوضحة اساتذة القانون مواطن : اذا لجانا الى القانون وجعلنا السيادة للقانون كان ذلك معناه اننا نعيش فى دولة محترمة دولة قوية دولة لا تعرف البطش ولا تعرف الظلم ولا تعرف الفوضى اما اذا حكمنا الاراء الشخصية وكل منا يتمسك براية وكل منا لجا الى اساليب غير القانونية ذلك يدخل البلاد فى معارك لان القانون معناه ان يكون سواسية تحت طائلة منصة القضاء مواطن : عشان احنا نرقى بمصر لابد جانب من القانون يطبق على كل مواطن وكل وزير وكل رئيس وكل فرد من افراد وابناء مصر النهاردة مفيش حاجة اسمها جماعة ودول جماعة او دول معارضين او دول مؤيدين القانون يطبق على الجميع سواسية لا احد فوق القانون مذيعة : اساتذة القانون اجمعوا على ان يتم الحفاظ على المصلحة الشخصية ولكن مصلحة البلادفى الفترة الحالية فوق اى اعتبارات شخصية لان القانون وضع لينفذ على الجميع فاصل محمد القاضى : بنكرر التحية للمستشار كمال الاسلامبولى رئيس المجلس الاستشارى المصرى عضو مجلس امناء التيار الشعبى سيادة المستشار سمعت راى يقول ان بعد الثورات عادة بيكون هناك شئ من الهدم للشرعية الموجودة وبالتالى بنحتاج نبنى شرعية من جديد ويعاد مفهوم دولة القانون ازاى ده ممكن يحصل ؟بعد الثورتين المستشار كمال الاسلامبولى : القضاء بيطبق قانون على واحد ارتكب جريمة لكن ممكن يهد برلمان جزء من السلطة السياسية محمد القاضى : بس الادوات التنفيذية للسلطة القضائية بتكون كسرت مع وجود الثورة تطبيق القانون تنفيذه فى الشارع بيكون مترهل شوية المستشار كمال الاسلامبولى : هى بتبقى معطلة الاليات اللى بتنفذ بتبقى معطلة لان هى جزء من السلطة التنفيذية اللى قامت عليها الثورة وجزء من السلطة السياسية ممكن القضاء لوحصل تغيير نتيجة الثورة نحو الافضل ممكن محمد القاضى : عايزين نرجع للدستور والدولة الدستورية مرة ثانية المستشار كمال الاسلامبولى : تمام تمام نبنى نبدا من الدستور حماقة ان نبدا من البرلمان وحماقة اساسا لابد من احترام الشعب المصرى مش اهبل وكفاية اللى عملتوة فى الاول مش هيتجوا تلفوا علينا تانى وتقرفونا فى عيشتنا تانى احترموا بقى نفسكوا وخدوا الزبادى بعد المغرب وناموا محمد القاضى : بعض النظر خضرتك بتقول نبدأ بالدستور الاول بعدها المستشار كمال الاسلامبولى : انا فى المرحلة دى شايف ان البرلمان والرئاسة اجراء واحد تعديل الدستور انا مش مع تعديل كمان انامع دستور جديد 2012 ده اسمة دستور الاخوان وانت قمت بثورة على نظام حكم الاخوان محمد القاضى : حضرتك عايز تقول فى النهاية دستور جديد والرئاسة والبرلمان مع بعض خلينا نسمع الناس اللى ينتكلم عنهم كلنا فى كل برامجنا تقرير: تعيش مصر على ايقاع مشهد سياسي مطرد يزيد من حدتها حالة الاستقطاب التى باتت بين الفرق السياسية اللاعبة على مسرح الاحداث وهو الامر الذى دون شك المرحلة الانتقالية واخيرا وتلك الاحداث المواطن البسيط فى حيرة من امرة مواطن : احنا بندعى ربنا سبحانة وتعالى انه يطلع البلد من الماذ ق اللى هى فيه مواطنة : البلد تعبانة واحنا تعبانين والحمد لله اهى ماشية مواطن : البلد بتنهار ومحدش دارى بحاجة واللى بيحس بالموضوع ده الطبقة التعبانة مواطن : نبعد عن الخلافات الشخصية كما ست شهور فى انتخابات والعجلة تدور مذيعة : وبسؤال رجل الشارع فان التوافق الوطنى والحوار الجاد السبيل الوحيد للخروج من هذا الوضع المتاذم الى افاق ارحب من التنمية والديمقراطية فاصل محمد القاضى : اهلا بكم من جديد سمعنا الناس نطلب من حضرتك ان توجه بعض الرسائل الى جهات نبدا برسالة لمصر بشكل عام المستشار كمال الاسلامبولى : يجب ان نحرر قرارنا الوطنى منحطهوش تحت الضغوط احنا مشكلتنا من حوالى 40 سنة من بعد عبد الناصر وبعد حرب 73 هرول اصحاب البلاهه والنطاعة والدنو من بعض الجلاله بين قوسين والفخامة والسموزى امريكا لصالح كراسيهم لكن باسم الشعوب يطلبون الحياة وسبل العيش فيطلبون من امريكا العيش فتصدر لنا امريكا الموت ثم ننتظر ان تبنى او تبنى القبور من امريكا ولولا فى كثافة سكانية عندنا لانتظرنا مشيعيين من امريكا ولولا بقيا حياه لانتظرنا من يلقنا الشهادة على قبورنا شيخنا امريكا لولا ان الملكين اللذين يتلقيان هما مش من امريكا من عند ربنا فلازم نخلص من الحكاية دى نهائيا احنا لابد ان نعتمد على انفسنا احنا استبدلنا اله الارضين والسموات بان امريكا اصبحت اله الارض لأ امريكا مش اله الارض وعبد الناصر كانت مصر وقت ما ممسكها كانت بالقوة دى المفروض انها احنا فى 2013 هوخلاها دولة قوية صاحبة ارادة صاحبة قرار محمد القاضى : بس كان فى الاتحاد السوفيتى وامريكا المستشار كمال الاسلامبولى : عبد الناصر عمل ايه اعتمد على الذات الوطنية وحرر القرار الوطنى وحط سياج قوى ان اى شئ يتعلق بان مصر تكون اولا تكون لا هسال لا فى شرق ولا فى غرب الحكمة دى فى الفريق اول عبد الفتاح السيسى واذا كان فى تحقيق مرسى اوباما محرضة حط اوباما شريك واطلبوه عن طريق الانتربول زى ما بيعملوا مع حكامنا والا هو على راسة ريشة ؟ مش عملوها مع البشير وفيما يخص الارهاب والمؤامرات اللى على الحدود هستحضر كلمات من مقام بتقول هذا الحصار فى الارهاب بتقول حاصر حصارك لا مفر ان بتر ذراعك من جسدك بجوارك التقطه واضرب به عدوك لا مفر لا مفر ان سقط انا شهيدا بجوارك التقطنى واضرب بى عدوك لا مفر اجمع اشلائى وجراح المصابين والشهداء واجعلهم زخيرة تضرب بهم عدوك لا مفر محمد القاضى : انا باشكر حضرتك شكرا جزيلا ولكم الشكر مشاهدينا غدا حلقة جديدة تابعونا .
