اتجاهات

احمد بصيلة: اعزائي المشاهدين اهلا بكم وحلقة جديدة من اتجاهات .. كثيرا ما يحتار المرء في تفسير بعض الظواهر التي تجري في مصر الان منذ قيام ثورة الخامس والعشرين من يناير وبالرغم من الخطوات التي بدانا نشعر باثارها الايجابية في التحول من مصر الثورة الى مصر المدنية وبالرغم من انتخاب رئيس برغبة شعبية حرة ودستور جديد بدات تتضح ملامحه الديموقراطية وتحسن حالة الاقتصاد المصري رغم مصاعبه الضخمة بسبب حالة الاستقرار السياسي التي نامل ان يعقبها حالة استقرار امني واقتصادي وفي كل المجالات الى ان هناك من يعلق موقفه وقراراته من منطلق المكسب والخسارة حتى لو كانت على حساب الوطن هناك من النخبة من استهوتهم عملية التنظير السياسي بينما هم لا يزالون في ابراج عاجية لا يحسون بالشارع ولو عرفوا متطلباته الحقيقية والشعارات التي كان يرفعها البعض ماهي الا قناع للحصول على مكاسب وبات المواطن البسيط في حيرة من امر يومه وغده بسبب هذا الصوت العالي . تعالوا نراعي ضمائرنا تعالوا نغير من نفسنا تعالوا نتحد او نتفق حتى يكون الهدف واحد والكل واحد والالم واحد كلنا ابناء وطن واحد .. وطن يولد من جديد فلا تجهضوا الحلم الوليد .. اسمحوا لنا ان نرحب بضيفينا الدكتور يحي الرخاوي استاذ الطب النفسي والمستشار محمود العطار نائب رئيس مجلس الدولة اسمحوا لنا في البداية نذهب الى تقرير حول راي الشارع
تقرير
مواطن1: لازم نفهم ان مش كل الحياة مظاهرات بمعنى ان احنا كشعب وعن طريق صندوق انتخابي وانتخابات حرة نزيهة الرئيس دا ملف حكومة واداها فرصة تشتغل في كل وندي فرصة 6 شهور سنة مش لازم 100 يوم
مواطنة 2: بنقول للقاعدة العريضة ان احنا بقالنا ازيد من 30 سنة صابرين لكن لما اجي النهاردة والاقي في كل مكان في ناس قاعدة مش لاقية مفيش للعيانين تامين صحي مفيش كل الاليات الخدمية الاولية المفروض تكون متوافرة للشعب مش موجودة يبقى النهاردة احنا كشعب هنعمل ايه
مواطن3: انا شايف اهم حاجة في الحاجات دي القضاء على ظاهرة قطع الطرق واصدار قوانين صارمة من البلطجة بالذات او اي واحد من المظاهرات الفئوية
مواطن4: بنقول الحكومة مش هتقدر تتعمل كل دا لوحدها لانه ما ينفعش يبقى الحياة على طول مظاهرات قطع كطريق البلطجة والباعة الجائلين حضرتم النهاردة بترميهم وبعد ما بيمشوا يرجعوا بعد ساعتين
مواطن5: نعمل الية لتلقي الشكاوي مش معقول ان هو معندوش الية انه يوصل صوته لازم فيه الية اعاقبه لما يتعدى الاليات دي
مواطن6: والله انا شايف ان الحكومة يبقى لازم يكون فيها شوية شدة
مواطن7: الثورة دي مش هتستقر الا لما ثورة 25 يناير تكمل اهدافها لازم الاهداف اللي قامت عليها وقامت من اجلها لازم تكمل وال5 ملفات اللي قال عليهم رئيس الجمهورية لازم يتعملوا والا هتبقى فوضى مش هتبقى ثورة
مواطن8: لازم كل رب اسرة يبدا ببيته الاول وبعد كده الحي بيبدا بالناس اللي فيه والحي ينزل بوعي الناس ازاي ينتخبوا
مواطن9: لازم يكون فيه تعاون جماعي مع الحكومة ومع الجهات المختصة في اي نوع من انواع التلوث اللي كانت موجودة
مواطن10: المفروض نساعد ونوعي الناس نوعيهم فكريا ونوعيهم اجتماعيا عشان نساعدهم على الانتاج
فاصل
احمد بصيلة: نرحب بيكم مرة اخرى .. دكتور يحي السلوك المصري متهم في العديد من القضايا يعني ان كان من اضرابات كثيرة او من مظاهرات قطع طريق او حتى في المشاكل المطروحة من نضافة ومرور وخلافه كيف يمكن اصلاح هذا الخلل
د.يحي الرخاوي:انا اعتراضي على كلمة السلوك المصري تعود على مين على الفلاح المصري اللي بيزرع الارض ولا على اللي شفناه في الداخلية ولا على المظاهرات اللي شفتها النهاردة في شارع القصر العيني لا يجوز التعميم من هو الشعب المصري هل هو شعب التحرير ولا شعب اسوان ولا شعب النوبة ولا شعب مرسى مطروح الكلام دا ينبغي ان ننتبه والاعلام ينتبه لانه من سلوك المصري دا بقى يتدهور الكلام دا بقى مخل للوعي اللي بيستقبله يعني انا لا استطيع وكل زملائي ربنا يخليهم .. اللي تغير في وعي الناس وفي تكوينهم طيب نحط الاقتصاد الاول ولا الامن الاول ولا التعليم الاول وكفاية عليا مش عايز حاجة تانية الاقتصاد الاول نستلف طب هنسدد منين نستجيب للفئات المظلومة نعم مظلومة والفئات دي اللي شايلة البلد والناس اللي بيهاجروا شايلين البلد بشوية الفلوس اللي بيبعتوها دول بقى نعمل ايه فيهم هو د الشعب المصري اللي بنتكلم على سلوك الشعب المصري اللي بيدعم اقتصاد الدعم الوحيد وبيدخلنا عملة صعبة وارجو ان نحذر في الجرايد والفضائيات من كلمة سلوك الشعب المصري
احمد بصيلة:احد المسئولين الامنيين قال ان احنا معندناش انفلات امني ولكن عندنا انفلات اخلاقي
د.يحي الرخاوي:الاخلاق تغيرت تغيرا شديد جدا يعني فيه اخلاق الحلال والحرام وفيه اخلاق الطفولية والانتهازية واللي بيخونوا و حزب الكنبة والشعب بعد بكرة يريد التغيير زي ما يكون بيغير كرافتة .. لا ما ينفعش لان كلمة اخلاق نفسها حدوتة من الناحية النظرية ومن الناحية الفعلية حدوتة .. احنا عندنا قيم مهمة واحنا في مرحلة تكوين العمل والوقت ودول قيم اخلاقية وعلى فكرة هما في صلب الحلال والحرام ان تبدا الوقت بما هو احق بالوقت .. لو انا شفت ال100 يوم ولا الالف يوم .. البلد دي لو تكونت فيها دولة هكون اسعد الناس لازم لما اقول ال100 يوم ابقى عارف اعمل ايه في ال100 يوم ودي كلمة صعبة جدا علشان ادمج راي وادمج وعي وابني حضارة ولا تنجح الا اذا نجحت هذه الخطوات وعشان نقول كده لازم ابلغ للناس بالم شديد جدا وازاي اصبر الناس والناس مستعدين انهم يصبروا وازاي ازود الناس قبل ما اقولهم منين واكمله اقول انه ازوده من كدك بس مش هي دي القضية القضية انه العمل والوقت لانه دول دخلوا في تركيبة اخلاقية نتيجة لهذه الثورة
احمد بصيلة:سيادة المستشار قضية هامة جدا اللي الدكتور اتكلم عنها اللي على الساحة لتطوير العمل العام بتركز على اشياء ان كان قضايا سياسية او خلافات سياسية او صراعات سياسية لماذاهذه القضايا الجماهيرية لا تشغل احد من النخب السياسية في مصر
المستشار. محمود العطار: دا انا عايز اقولك حاجة ممكن نستفيد من الدكتور يحي ان جزء كبير جدا من الشعب ساب الانتاج وساب الشعب وساب الحاجات الجوهرية اللي هي الحياتية بتاعة حياته اكله وشربه واقتصاده وابتدى تلت ارباع الشعب او نصه او عدد كبير منه وكل واحد قاعد يبدي رايه في السياسة ويقولك انا رايي في الموضوع دا يبقى كذا ويرفض اراء الاخرين وهننزل وهنضرب وهنكسر بدل هناكل وكده ومعانا الدكتور يحي هل هذا سلوك مزعج احنا شفنا ناس نصهم او تلت ارباعهم شغالين في القانون او نصهم او تلت ارباعهم شغالين في السياسة ونصهم او تلت ارباعهم شغالين في الاقتصاد وكل واحد يقول دا المحكمة غلط لا دا المحكمة صح وواحد قاعد في النادي او قاعد في البيت لو ما مشيش اللي في دماغه يمشي عقيدة ان البلد باظت وانا ليا راي بالنسبة للتعديل الدستوري .. دستور 71 الموقوف العمل بيه دا دا من افضل دساتير الدنيا ماهواش محطوط في عهد المخلوع وانما من قبله ب9 سنين عهد انور السادات جاب نخبة من علماء مصر عشان يحطوا الدستور دا وحصل عليه بعض الحاجات ممكن تتشال زي ما اتشالت في استفتاء مارس اللي احنا نزلنا فيه وانا بقول لو الدستور 71 دا يمشي 3 سنين اسوة بما حدث ايام ثورة 52 الدستور قعد من 53 ل56 عشان ننظم البلد بقى في الاقتصاد والمية والامن.. فيه تغييرات لازم تحصل في دستور 71 لكن ما تستهالش ان كلمة وتعمل انشقاقات في البلد لان البلد عايزة علاج سريع لذلك انا شايف ان دستور 71 كمرحلة انتقالية كان يمكن يشتغل .. حاجة تانية احنا بنقول برنامج ال100 يوم برنامج الحكومة انا هعمل اصلاحات سريعة في ال100 يوم وبعدين خطة قصيرة المدى وبعدين خطة طويلة المدى اعذر الدكتور رئيس الدولة لانه قال 100 يوم واجه حاجات هتاجل هذا انا لو اتكلمت على مشكلة النضافة والامن اقول لحضرتك ممكن نعمل ايه عشان نكون انجزنا .. هقول لحضرتك حاجة امسك مشكلة زي النضافة اللي ما اتحسنتش خالص
حمد بصيلة:فيه محاولات
المستشار. محمود العطار: فيه محاولات لكن ما اتحسنتش خالص وشايفين جهد رهيب لكن اقول 3 او 4 اقتراحات وربنا يحنن قلوب المصريين على الكلام النهاردة انا لوجيت وعايزة اعمل خطة في 120 يوم او 100 يوم اول حاجة اعمل حصر انا عندي كام الف وحدة حكومية على وزارة على وحدة محلية على باقي الوزارات واحصرهم وقول كل وحدة محلية في مصر وهما الاف مؤلفة مكلفة بنضافة نفسها وحواليها 50 متر اجي احصر المدارس اللي موجودة في مصر وهي اعداد رهيبة وكل مدرسة مكلفة بنضافة مدرستك هتنضف مدرستك وحواليها بعد اسبوعين هتدخل الجامعة والمدارس 20 مليون مصري دول دا انا لو قدرت اني اشغل مجموعة في نضافة البيئة مقابل نمر يحصل عليها الطالب زي ما بياخد احياء وكيميا وهندسة .. عندنا مسجونين فيها الاف مؤلفة من المسجونين وفيه علم اسمه علم الاجرام وجواه حاجة اسمها تفريد العقوبة المؤبد وكذا ماليش دعوة بيه.. وفيه علم احنا درسناه وهو موجود في اوروبا اقدر من خلال علم التفريد اطلع ناس بدل ما يتشجع على الجريمة للي هيقضي عقوبة 3 اشهر او 6 اشهر اعمله نظام موجود في اوربا افقوله هات اللي عقوبتهم اقل من 6 اشهر اخليهم يشتغلوا في الخدمة العامة والبيئة انت اخليت في المجتمع بتاعك تعالى عوضه شوية يبقى انا النهاردة يبقى عندي رؤية هشغل المساجين كذا الف منهم واشغل الطلبة واديهم نمر واشغل المدارس والوزارات والمصانع لان بنتكلم في حاجات وبعض الناس بيسمعوها وما بيعملوش حاجة
احمد بصيلة: دكتور يحي ما تم في الفترة الاخيرة في المجال السياسي يعني الحكومة الجديدة والمحافظين النهاردة تم تغيير عدد منهم خطوات في الملف الاقتصادي حضرتك شايف ان كل الخطوات دي هتحطنا في الطريق الصحيح
د.يحي الرخاوي: اشكر سيادة المستشار لكن سواء النظافة او اي شئ هي رمز في تكامل دولة تحترم الساعة وتحترم الوقت .. المصالح الحكومية دي اللي هتطلع تنضف حواليها لو نضفت جواها مليانة موظفين والمدارس دي اللي سيادة المستشار بيقول عليها غير موجودة اصلا لا يؤخذ غياب في تلت ارباع مدارس مصر فالخراب في البنية الاساسية فانا هاجي باحلام وامال حقيقية وعملية لانه لو فكرة سيادة المستشار مش في خلال 100 يوم ولكن في خلال 4 اسابيع هنلاقي الدنيا اتغيرت لكن الخراب في البنية الاساسية مكنش موجود فابتدي بالاقتصاد هستلف ولا لا هاخد بالي ان امريكا تستولى على العالم وتعمل حكومة عالمية مالية ويمكن تكون بتحرك كل دا عشان خدمة الدولار فانا هبقى تابع ولا استقل ..؟ والدعوة المركزة على استقبال الاقتصاد العالمي الخبيث مهما كان ..الشباب لازم نقولهم كتر خيركم لكل اللي عملتوه وناخد كل اللي عملوه ونتجه الى الايدي المحركة الحقيقية في كلام سيادة الرئيس في مؤتمر عدم الانحياز كلام شديد من التبعية الاقتصادية اللي هي اخطر تبعية واخطر من الاحتلال العسكري وامريكا نفسها عندها حركة شديدة القوة ضد هذه التبعية الاقتصادية فالمقام الاول اني انتبه الى ان اقتصادي بقى وطني ولا مش وطني مستقل ولا تابع ولا منتج حقيقي ولا هنستلف .. اجتمعت الدول الغنية بدل ما نبقى شحاتين درجة تالتة نبقى شحاتين درجة تانية .. يعني حد ييجي يقول انا هعلمكم الديموقراطية.. دا مش حل .. الديموقراطية دي مخرج مؤقت في ايدي من يملك المال والاعلام لكنه ليس الحل لا للاسلام كما يشاع انه الحل ولا الديموقراطية بكل عيوبها وخبثها والعابها البرتقالية واقوال انها الحل ..؟ الديموقراطية ليست الحل في امريكا لما ييجي الكونجرس عبارة عن اللوبي اليهودي واجي اقول للناس كده يقول لا انتوا هتجيبوا ديكتاتور .. لا مش هنجيب ديكتاتور لكن انا هراعي الاقتصاد الوطني المستقل يعني ييجي اقتصاد وطني ويطلعوا حرامية يعني ييجي واحد غبي ويعمل اقتصاد ويصدر للصين يقول روح انت واقتصادك واهلك اقوله ما تسرقش ياراجل ياحمار لانه مال الناس اللي جابوك هنا
احمد بصيلة:طيب واذا كان خبراء الاقتصاد قالوا انه فيه حالجة ملحة على اخذ قروض عاجلة
د.يحي الرخاوي:لا.. الاقتصاد على عيني وراسي انما انا بتكلم كمواطن غلبان لا يكتفي بانه يقرا المدونات الحكومية مفيش معلومة يقراها المواطن العادي تريح باله شوف اللي حصل في اليابان وفي بورصة طوكيو عشان كده لما نتكلم في السياسة ويقولوا ان الناس سابت الشغل وابتدوا يتكلموا في السياسة .. انا ضد الكلام في السياسة اما الاشتغال في السياسة غير اني قاعد في مجتمع وحركتي مرتبطة بهذا المجتمع سياسي يعني حزب الكنبة دا من اقوى الاحزاب السياسية .. هو مش حزب الكنبة قاعد يتفرج لكن عنده راي لما تكلم الرجل العادي مكون راي في منتهى الجمال يعني يشتغل الصبح ويقعد على القهوة عشان يكون راي وبعد الراي يكون وعي وبعد الوعي يكون حركة يبقى دي عمل سياسي وحراك سياسي
احمد بصيلة:طيب معانا الاستاذة نورا راشد الكاتبة الصحفية .. استاذة نورا مساء الخير
الكاتبة الصحفية .نورا راشد: انا بقول انه من اجل النظر للمستقبل يجب القضاء على المحسوبية والاحتكار وانا قدمت رسالة لسيادة الريس ان هو يقوم بوضع برنامج قومي للشباب للعمل على الدعم لان انا النهاردة لما اقضي على البطالة واحسن المنتج بتاعي المصري واشجع الاستثمار المصري يعني ما اقعدش النهاردة اشحت وابعت الى بعض الدول وانا عندي عجز جامد في الطاقة المعطلة ودي مهمة جدا جدا من اجل تحقيق الاستقرار في مصر .. انا النهاردة شايفة كلام كتير حاجة تانية ان الابواب المغلقة بتاعة السادة المسئولين يعني انا النهاردة عشان اتصل بمسئول ما بيردش عليا يعني انا كصحفية عشان اخد معلومة انا مش لاقياه .. النهاردة النضافة ولا الشباب اللي بيشتغلوا والحملة القومية للنضافة دا شئ جميل لكن و ممكن يشتغل في النضافة في حملات التنضيف في النضافة النهاردة المستهلك الاسعار عالية جدا ياريت الريس ينظر الى المشاكل المحلية لانه سفره كتر وسايب جوه البيت مهلهل .. النهاردة فيه ناس مش لاقية تاكل والمشاكل الصحية كتيرة جدا انا كيف اقضي على ذلك اولا الحكومة مطالبة بحل مشاكل المواطنين كيف تحقق الاستقرار النهاردة اهم شئ اني ابعد عن الخلافات وتصفية الحسابات وادي حلول من اجل مصر لان احنا النهاردة ما بقاش فاضل حاجة لو قامت ثورة تانية هتقضي على البلد وانا بصفتي 23 سنة في العمل السياسي من قبل ايام حسن علي رئيس وزراء فانا النهاردة شايفة كلام كتير جدا ومسئولين كتير جدا كام رئيس وزراء خرج وبنبدا من الصفر النهاردة لازم يكون فيه برنامج يكون فيه وعي لكن انا النهاردة شايفة تصفية حسابات
احمد بصيلة:استاذ نورا وضحت الفكرة استاذة نورا راشد الكاتبة الصحفية شكرا على هذه المداخلة .. استاذ محمود اكيد دا يستدعي تغيير القوانين او بعض هذه القوانين لكن البعض بيؤكد ان تغيير القوانين موجودة في مصر كافية لحل جميع مشاكلنا ان كان في الجرائم ان كان في البلطجة ان كان حتى في النضافة والمرور ولكن هذه القوانين لا تفعل هل محتاجين الى تشديد قوانين
المستشار. محمود العطار: احنا مش محتاجين قوانين.. القوانين اللي موجودة راسخة احنا عندنا تكدس قوانين الحاجة الوحيدة اللي فيها نقص في القوانين ونقص مخل هي جرائم البلطجة اللي هي بعض الاخوة يطالبوا من النخبة انه يفعل قانون الطوارئ ويطبق على البلطجة فقط يقوم ناس عندها قلق وعندها بسبب السوابق وكلمة طوارئ دي مش عايزة تسمعها انا افضل ان المظاهرات وتعطيل الانتاج كل دا بقانون اقوى من قانون الطوارئ وتوصل العقوبة الى اشغال شاقة مؤبدة .. والبنية الاساسية للقانون الجنائي المصري غير مؤهل حاليا لمواجهة جرائم البلطجة ونتج عن ذلك ان الداخلية ان الدولة بتضطر لانه مفيش في القانون حاجة بتقول احبس الراجل البلطجي 40 سابقة اللي ممكن يعملك قضية ولا يتعدى على ولادك .. فكان فيه تكميلي اللي هو قانون الطوارئ انا مش مصدق ان هذا ما يتعملش الليلة لانه هذا القانون اولا من 31 /5 اوقف العمل بهذا القانون فافرج عن كل المساجين المجرمين الذين يقتحمون البيوت ويسرقون السيارات ويخطفون البنات كل دول افرج عنهم واشترك بعضهم في حادث نايل سيتي على الكورنيش.. الا يستطيع القانون الجنائي ان يقدم للداخلية والظباط مساعدة في هذا انا رافض قانون الطوارئ موجود على وجه الدقة والسرعة يعني انت تلاقي بلطجية فالقانون لحماية المواطن وامن الدولة والامن العام مع امور اخرى النهاردة فيه قانون الواحد بح صوته ومحدش عايز يعمله اسمه قانون 76 لسنة 73 اسمه قانون الخدمة العامة وهو اللي يجب يتعين في الحكومة يقدم الخدمة العامة ييجي للمحافظين ورؤساء الجامعات ابعت لي 3 الاف واحد و4 الاف واحد وتقوم تتفضل الشرطة ولكل مواطن مصري بيحب الجيش احنا ما نعرفش اشخاص انما نعرف المؤسسة العسكرية اللي كلنا بنحترمها وجزء من بلدنا اجيب الجيش واقول اعملوا كتيبة الشجعان والداخلية في مهاجمة اوكار الجريمة وفي العزب وفي النجوع وخلوا الخارج لكتيبة الشجعان بتاعة الصاعقة والشرطة وما اكسرهاش واقولهم انتم محترمين ودا اللي قاله رئيس الجمهورية واعجبت به .. واعمل ايدي اليمين رحمة للبلد ورحمة للمواطن والثورة وايدي الشمال احط الرصاص على الراجل والبلطجي ويروع الاناث ويخطف المواطنين
احمد بصيلة:دكتور يحي ..
د.يحي الرخاوي:اولا سيادة المستشار قال حاجات ممكن تتعمل وقدم اقتراحات عملية قابلة للتطبيق الليلة بارقام وقوانين واضحة وكل المطلوب البحث عن قانون اللي يطبق ويتعمل ونشوف نتيجته وهنلاقي بكرة حاجة عظمة على عظمة
احمد بصيلة:ليه الناس يا دكتور بقت تهرب من المناصب بقى صعب اختيار وزير وصعب اختيار محافظ والناس بتعتذر عن هذه المناصب
د.يحي الرخاوي:عشان ناس اذكيا .. المنصب دا حاجة اختلال في المعاني وحاجة اسمها عدم تحديد الدور وتسكين الشخص في المكان دا محدد دوره ما احناش عارفين