حديث المدينة

مفيد فوزى: أهلا بحضراتكم من باب الإعتراف الإعتراف ده مهم جدا شيىء فى مشوار العمر لازم أحكيه أنا مكنتش تلميذ شاطر فى المدرسة كان يتقال عليا دايما فى الحساب والرياضيات دايما المدرس كان يشتمنى ويقولى يا غبى مكنتش شاطر فى الحسابات ولا فى الرياضيات ولا فى حساب المثلثات ولا فى الهندسة كنت حاسس بإستمرار إن دى علوم غامضة علي يعنى مش من السهل إنى أنا أستوعبها ولا دماغى تقدر تستوعبها من باب الإعتراف مكنتش أطلع لا التالت والرابع التانى ولا الخامس ولا العاشر ولا ال18 كنت بطلع ال26 فى فصل من 46 طالب وكنت لما أعرف إن فيه ولد زميلى شاطر فى المدرسة كنت بستغرب وأبص لدماغه وأقول دماغه دى إيه ؟ إزاى بيستوعب هل بيصم مكنتش عارف إيه حقيقة التوفق فى بيت يعنى بيت فى أب وأم مرتاح وبيذاكر لكن التوفق حدوتة أخرى لما رحت الجامعة أقصى حاجة كانت بتطلعى مقبول ومرة واحدة بس خد جيد فى أحدى السنوات الغريب إنى أنا كنت طول عمرى أدور على أسباب التوفق وكان بيحدث سؤال شاغلنى هل الشطارة فى المدرسة أو فى الجامعة هى موصل جيد للنجاح فى الحياة السؤال ده شغلنى كتير لكن إكتشفت بعد كده إنوا من الممكن الشطارة فى المدرسة توصل لنجاح ساحق عظيم فى الحياة بشرط الذكاء الإجتماعى بشرط الإستيعاب وبشرط الثقافة اللى مبتبقاش فى خط واحد والدليل ذويل ومجدى يعقوب ومصطفى السيد ونجيب محفوظ كل هؤلاء نجحوا فى المدرسة ونجحوا فى الحياة أيضا حبيت أقرب من الشطارة حبيت أعيش حالة التوفق فرحت مدرسة المتفوقين بعيدة بعد حى الأشجار فى إكتوبر فى مبنى فسيح عريض ضخم والمدرسة داخلية والعدد صغير اللى فيها حبيت أعرف الشطارة إيه والتوفق إيه ؟ حبيت أشوف الولاد دول بيفكروا إزاى ؟ وأعمارهم لا تتعدى ال15 سنة حبيت أعمل هذا التحقيق فى حديث المدينة .
فاصل
مفيد فوزى: كنت حريص أعرف رقم واحد إيه المعايير اللى على اساسها يقبلوا طالب هنا فى مدرسة المتفوقين اللى أنا بكلم حضراتكم منها الأن كان نفسى أعرف نسب الذكاء قد إيه ؟ يعنى تلميذ يصل إلى كام درجة فى الذكاء علشان خاطر يبقى مقبول فى هذه المدرسة ؟ كان ضرورى أسمع وأعرف الحقيقة الكاملة بشكل موضوعى
رأفت رضوان: معايير المدرسة دى يا أستاذ مفيد نتجت من معايير الفكرة الأصلية معايير الفكرة الأصلية إن كل العالم فى الحضارة الأن الإحتفاظ بثروته البشرية وتطويرها وبالتركيز على ما يطلق عليه الموهبة والإبداع الموهبة والإبداع تتركز عندنا على إختيار مجموعة من المحاور المحور الأول هو أن يكون هناك تفوق تعليمى وعلشان كده كان الحد الأدنى للقبول فى هذه المدرسة عدا العناصر المتميزة قوى 98% بحصول الطالب على 98% فى الشهادة الإعدادية يحق له التقدم كل الجمهورية اللى حصل فيها على 98% فى الإعدادية كان عددهم 2297 طالب لما فتحنا باب التقدم تقدم لينا حوالى 1400 طالب من ال2200 دول عملنا إمتحان لى 1400 وإنتقينا 150 على اساس وحدنا إمتحانات العلوم والرياضيات على المستوى القومى بمعيار عالمى دا إختبار بيتم للولاد فى الفئة العمرية ال15 سنة فى العلوم والرياضيات ثم الإختبار التانى الذكاءات المتعددة ودا إختبار الحقيقة بيقيس بطريقة ما درجة الذكاء الحد الأدنى للطلبة الموجود عندنا اللى قبلوا فى هذه الدفعة حضرتك حصل على 137 فى إختبار الذكاء دا بيقترب من درجة العبقرية درجة العبقرية تقريبا 140 فإحنا لدينا طلبة حاصلين على أكثر من 98% فى الإعدادية حاصلين على أكثر من 95% فى المعيار العالمى درجة الذكاء فوق ال137 لكن عندنا كمان إستثنا خاص بردوا مقرر قانونا وهو الحاصلين على براءة الإختراع إذا كان الطالب فى سن ال15 قد حصل على براءة إختراع يحق له دخول المدرسة ولدينا طالب واحد قبل إستثناءا من الشروط السابقة وكان حاصل على 92% فى الإعدادية
مفيد فوزى: هو تعبير دقيق إنوا هذه النسب العالية بالمقاييس العالمية من الذكاء فعلا عباقرة علشان كده أنا بقول دول العباقرة الصغار اللى بيصنعوا المستقبل ولكن هما داخل المدرسة يعنى مدرسة داخلية هل فيها القواعد الطبيعية العادية للمدرسة المصرية ومديرة المدرسة هل هى إداريا فقط دورها زى دور مديرات المدارس فى أى مكان ؟ حبيت أشوف وأعرف وأفهم
إيمان كردى: دور مدير المدرسة هنا بيختلف عن الدور التقليدى فى المدارس التقليدية هنا فلفسة تعليمية فيها ترابط شديد جدا فى كل المواد المدرسة بتتهم جدا بالساينس والتكنولوجى والمسامتيك لكن هما مترابطين جدا جدا مع بعض بالإضافة إلى إنهم مترابطين تماما مع العلوم الإنسانية مش فى معزل عنهم أى حاجة فى الدنيا ليها بعد مجازى وفى نفس الوقت ليها شيىء موجود فى الواقع الكوبرى ممكن يكون كوبرى حقيقى وممكن يكون وسيلة تواصل فكريا مكانيا ثقافيا دا الأساس اللى بنربط بيه بين العلوم الإنسانية والعلوم العلمية الطالب هنا بنعده إن يكون باحث المستقبل قائد المستقبل وبالتالى عايز اعلمه مهارات تبقى معاه مهارات البحث مهارات ضبط النفس مهارات التنظيم مهارات التأمل والتواصل إتخاذ القرارات إن هو يحط الألويات وعلى اساسها يقدر ياخد يفهم إن كل حاجة ليها أبعاد إقتصادية وعلمية وإجتماعية وفى الحالة دى بنقعد كلنا مع بعض إحنا بنختار فكرة عامة هذه الفكرة بينبع منها مشروع بيتم تنفيذه بيشارك الطلبة فيه فأثناء تنفيذه للمشروع ده بيكتشفوا إن أصلا العلوم مش منفصلة مفيش حد يقدر النهاردة ينجح لوحده لازم يشتغل فى فريق عمل ومهارات العمل لفريق بتحتاج لفريق ودا اللى إحنا بنعمله داخل الفصول عندنا بيبقى الطالب مسئول عن دوره الخاص داخل هذا الفريق بالإضافة إنوا مسئول عن أدوار الأخرين المتعاونين معاه داخل الفريق نجاحه يعتمد على إنوا مسئول عن دوره ومسئول عن دور الأخرين فالفكرة كمان مش بكتفى بالمستوى اللى ممكن يكون فى العادى من الممكن أدخل فى عمق المادة أوصل بالطالب لأعلى شيىء بيتم بحثه النهاردة فى أى مادة من المواد العلمية إضافة إلى إن إذا كان عندى طالب ظهرت له إمكانيات أو إهتمامات أخرى يعنى حتى خارج كل ما يدررس داخل المدرسة المدرسة فيه علاقة ما بينها وبين المراكز البحثية وبين المصانع وبين حتى العلماء كأفراد الهدف منها إن أنا بدل ما أكون كتعليم تقليدى أعطل الطالب عن الفكر الإبداعى اللى هو موجود عنده إنى أكون وسيلة مساعدة ليه بعلى على مستوى المدرس مهما كان المدرس كفاءته عالية لازم هيكون مهواش متخصص مهواش عالم الطالب عنا بيعد ونتنمى ونأمل إن يكون عندنل علماء وعلى هذا الأساس أنا بوصله للعالم ده وبتواصل معاه وبيفكر وياخد قرارات معاه ونتمنى إن شاء الله تكون بارقة أمل فى مصر
تقرير
"مدرسة المتفوقين هذا الصرح العظيم والنموزج العلمى الذى بنى على أحدث النظم العلمية إن المدرسة هى إسهاما من الدولة فى رعاية المتفوقين فى العلوم والرياضيات وبناء جيل من الكوادر العلمية المتميزة التى تنطلق إلى كافة المراكز العلمية والجامعات المتخصصة بناءا على إمكانياتهم فى هذا المجال"
مفيد فوزى: ياما حلمت بتعليم يدى الولد الصغير قيمة جديدة فى حياته وهى نعلمه إزاى يفكر المدرسة واضح إنها بتشوف قد إيه المهارات بتحاول تبحر فى نفوس الولاد فى عقولهم فى وجدانهم علشان خاطر تعرف عنده إيه مهارة ؟ وعنده إيه دقة ونجح فى إيه ؟ يعنى ببساطة شديدة شكل من أشكال الكشافين هما بيبقوا كاشفين جوا المدرسة يعرفوا بالظبط الولاد دول إيه الشيىء الناجح فيه علشان خاطر يوصلوه حتى للعلماء قيمة كبيرة ولكن استأذنكم أعرف هل الولاد دول مش عارف أقول العبارة ولا لأ لكن لازم أقول هل الولاد دول أسوياء؟ كان زمان يقولولى فلان دا صمام وإنطوائى وما بيخرجش من البيت وقاعد طول الليل والنهار فى البيت بيذاكر وأهله بيقولوا إخرج روح عن نفسك ما بيحصلش هل فيه عقد نفسية مرادفة للتفوق ؟ حبيت أعرف لأن المدرسة بالتأكيد فيها إخصائى نفسى
محمود مهدى: علم النفس بيأكد إن الغالبية العظمى من الفئات العبقرية يغلب عليه الإنطواء وأحيانا الإنعزالية والإنطواء هى سمة وأكتر منها عقد بإعتبار إن الشخص دا هو متأمل أكتر متكيف مع نفسه أكتر يشعر بالإنعزالية أكتر وديو بتبقى فى القدرات العلمية المرتفعة بعكس الأشخاص المنبسطين بيميلوا للحركة والنشاط التأمل يمكن ما يكونش بالقدر الكافى يعنى المدرسة طبعا مدرسة داخلية فكان الولاد إنفصلوا عن ذويهم وأسرهم هما قعدوا فى مبنى الإقامة فندق فيه كل الخدمات ولكن زى ما إحنا عارفين المراهقة بردوا بتعانى من بعض المشكلات الإنفعالية الحادة فى هذه المرحلة يمكن البعض منهم معندهوش المود الإنفعالى اللى ممكن يأهلو لصدم الإنفصال عن الأهل فى السن ده بنرعى الحالات دى وبنحاول نعظملهم الهدف الكبير قوى اللى هما موجودين من أجله المفروض هدف يستاهل التضحية يستاهل إن هو ينفصل عن أهله يقدر من خلال المجتمع الجديد يكون تانى أهله وزمايله وأصدقائه ويكون علاقات إجتماعية جديدة والأكتر من كده كمان كنظام تعليمى جديد بنركز دايما فيه على المهارات الشخصية أكتر لأن الشخص مش علم بس أو معلومة يقدر يقولها بفدر إن تكامل شخصية بكل جوانبها شخص منظم شخص باحث شخص عنده قدرة على الإتصال شخص لديه قدرة على تقدير الذات مهم قوى شخص عنده قيمة شخص عالمى فى تفكيره بيفكر دايما فى المشاريع فالقيم دى كلها أحيانا بتخلينا نقول إن الحاجات دى كلها بتخلى الولد لما بيعرف إيه الهدف من المدرسة بتبقى المساءل دى مفيدة قوى
مفيد فوزى: حالة الأولاد الإجتماعية مسألة على جانب كبير من الأهمية يا ترى بعدهم عن أهلهم بيشكل إيه ؟ بيخلق طبيعة من أى نوع ؟ يا ترى هما معظمهم جاى من ثقافات مختلفة وربما بيئات مختلفة وفى نهاية الأمر لازم هيبقى فيه تعاملات هل هذا التعامل صحى ؟ هل هما ببساطة بيعاملوا بعض معاملات ناجحة ؟ كتير المدرسة المصرية اللى هى مدارس الدولة يعنى مدرسة ميبقاش فيها الإخصائى الإجتماعى اللى بيقوم بدور يعنى يعرف بالظبط الودلا أنا مش ضد شقاوتهم بالعكس الشقاوة دلال الصحوة يعنى أفظع الأولاد هما الإنطوائيين كل ما كان الولد حى ونضر ومصحصح وأنا مصر أقول كلمة مصحصح لأن الصحصحة هى الفهم إنوا يعرف أى حياة يعيشها ؟ وأى دنيا يحياها من هنا مهم إنوا أسمع وجهة نظر الإخصائية الإجتماعية كيف تتعامل مع ولاد فى هذا العمر الخطر عمر ال15 من ثقافات مختلفة وبيئات أيضا مختلفة رأيها إيه
نسرين العاصى: الولاد هنا أول ما جم طبعا كان فيه مشكلة كبيرة بتقابلهم وهى مشكلة بعدهم عن أهلهم فطبعا إحنا حاولنا نحتوى المشكلة دى إن إحنا نحسسهم إن إحنا الأسرة البديلة ليهم مش أنا لوحدى أنا وجميع الإصطاف اللى معانا بس أنا بصفة شخصية كنت حاسه إن أنا أمهم وهما الحمد الله حاسه الإحساس ده فحاولنا ندوب الموضوع ده والحمد الله بالنسبة كان فيه بعض الطلبة كانت تنتابهم بعض حالات البكاء بسبب بعدهم عن أهاليهم وكده فالحمد الله بردوا إحتوانهم ولذلك زالت المخاوف والمتاعب بسبب الموضوع ده كان فيه مشكلة تانية هى إختلاف الثقافات والبيئات اللى جاى منها الطلاب الطلاب هنا جايين من محافظات مختلفة بورسعيد والوجه البحرى ومحافظات مختلفة وطبعا بيئات مختلفة فى بيئة إقتصادية ضعيفة وإقتصادية مرتفعة إحنا حاولنا ندوب الفوارق دى من خلال إن إحنا قلنالهم وفهمناهم إن هنا مفيش فرق بينهم غير من الناحية العلمية فهو التفوق هو دا اللى بيجمعهم هو دا العمل المشترك بينهم فالحمد الله إلى حد ما الموضوع ده قدرنا إن إحنا نتخطاه
تقرير
"توفر المدرسة إقامة متميزة للطلاب فى مبانى مصممة ومجهزة بأحدث أساليب الفندقة يشمل غرف إقامة للطلبة وصالة طعام ومطبخ ومغسلة وجميعها مجهزة يأساس والأجهزة والمعدات طبقا لأحدث الشروط والمواصفات القياسية العالمية إن مدرستك هى الأولى التى يستسلم كل طالب فيها حاسب آلى شخصى ليكون أساس التواصل التربوى فى ظل بيئة تربوية تتسم بأعلى تطور تكنولوجى ممكن"
مفيد فوزى: وأنا بدور وبسأل وأتحرى وبعرف الولاد تاريخهم شغلهم نشاطتهم إكتشفت شاب متعداش عمره 15 سنة هو صديق للدكتور أحمد زويل من المؤكد إن أحمد زويل إستشرف أو شاف فيه قيمة يمكن إحنا مشفنهاش يمكن إنتم لو شفتوه بره تحسوا إن هو مجرد شاب بيموت فى الكورة ويمكن يكون بيحب الكورة لكن دماغه بتفكر وعنده أحلام وعنده طموح
طالب: يوم 12/7/ حضرت إجتماع مع دكتور زويل فى القاهرة حضرنا وإتصورنا معاه وقعد معانا 3 ساعات إتغدينا معاه هناك سألته من ضمن الأسئلة إيه علاقة المدرسة بتاعتنا بجامعة زويل قالى أنا الوزير كلمنى وسعيد بضم المدرسة للأكاديمية دى كانت أ,ل مرة تانى مرة قعدت مع دكتور زويل كان يوم الجمعة اللى فات فى الندوة أو المؤتمر اللى عمله فى مدينة زويل حضرت أنا و15 طالب من المدرسة وطبعا دكتور زويل فى وسط الإجتماع رحب بينا أنا والطلبة دا بالنسبة لدكتور زويل أما بالنسبة لطموحى أنا شخصيا إن شاء الله عايز أبقى دكتور جراح أحاول بقدر الإمكان أوفق تطبيقات النانو تكنولوجى فى مجال الجراحة
مفيد فوزى: لما أسمع إن شاب صغير على فكرة كنت هقول ولد صغير حسيت إن كلمة ولد مدتلهوش حقه حبيت أقول صبى صغير محستش إن صبى دى ممكن تليق بيه علشان كده قلت شاب صغير هو عمل جهاز لتنقية الهوا مؤكد تفرحه زى ما أنا فرحت
طالب: أنا عملت 4 إختراعات أول حاجة إيد ميكانيكية وإتوماتيكية دى نموزجية أول نموزج ممكن نستخدمه فى المطبخ فى قطع الأشجار فى المعامل ممكن أستخدمه للمعاقين وهو قاعد على الكرسى يجيب الحاجات من بعيد وممكن أستخدمه فى المصانع وممكن أستخدمه فى الشوارع تانى إختراع أنا عامل إختراع ينقى الهوا ويستفيد من التلوث من الهوا فى الصانع إن أنا أعمل إعادة تدوير مرة أخرى تالت إختراع وبقالى سنة شغال فيه وهو توليد كهربا بالمغناطيس زى الطاحونة اللى هى أضرار ممكن الرياح تغير إتجاهها ممكن الرياح تبقى ضعيفة مدورهاش فأنا عملت ده من سنة ولما جيت هنا لقيت زميل ليا وكملناه سوا ورابع إختراع عامل سيست كلنا للمدرسة مدرسة المتفوقين بيرن فى الوقت الماسب وبيطفى الأنوارومواعيد الأذان وغلق الأبواب ولو فيه أى حاجة تانية ممكن تتحط
مفيد فوزى: إتربكت إرتبكت فعلا أعلق أقول إيه إعلق أقول إيه على هذا الصبى الجميل أللى بقوله عمرك كام سنة فقالى 14 وبعدين قالى خليها 15 أقول إيه على مثل هذا النموزج الباهر اللى يتمنى أى أب يبقى عنده إبن بهذا الشكل بيفكر إزاى يساعد المعوق ؟ لما يحب يجيب حاجة من بعيد إزاى يحمل أوامر سيستم للمدرسة دا إيه ىده إيه العظمة دى ؟ هى دى مصر الحقيقية اللى الإنسان بيحلم إنوا كل العباقرة دول يحتضنوا إحتضان كافى وكامل علشان خاطر ما يحصلهمش أى أذى فى حياتهم النفسية
تقرير
تهدف المدرس إلى بناء قاعدة علمية تساعد على تنمية الإبتكار والإبداع من خلال تعميق دراسة العلوم والرياضيات والتكنولوجيا وربط المدرسة بالجامعات المتميزة
مفيد فوزى: هؤلاء العباقرة الصغار الذين سينصنعون الغد المشرق لهذا البلد يوما ما بيفكروا إزاى ؟ خلونى أقف واسألهم وأعرف أدمغتهم جواها إيه من جوا عبد الرحمن إيه أهم صفة شخصية ينبغى أن تكون فى رئيس الجمهورية القادم
عبد الرحمن:بالنسبة لرئيس الجمهورية القادم أولا يجب أن يكون صاحب قرار قوى وواثق فى نفسه علشان القرارات اللى هيتخذها هيبقى فيه قرارات مصيرية لأنوا جاى بعد ثورة فأنا وجهة نظره إنوا يكون واثق فى نفسه ويعتمد على اللى هيقوله قلبه إن شاء الله يعنى إن يوفق مصر إن شاء الله
مفيد فوزى: لما أقول الولد ده عبقرى يعنى إيه ؟
طالب: لما أقول الولد ده عبقرى يعنى إيه ؟ يعنى عنده حاجة بسيطة جدا فى إيده ممكن يحولها لأى حاجة تانية يستخدمها كذا إستخدام عنده حاجة إتعملت إنها تتعمل لإستخدام معين وهو بيحولها بفكرة بسيطة لحاجة تانية خالص
مفيد فوزى: إيه العبقرية عندك ؟
طالب 3:العبقرى عندى أنا عن نفسى بصفة شخصية عندى بنشد أناشيد إسلامية
مفيد فوزى:أناشيد إسلامية سمعنى ؟
طالب 3:كان فيه نشيد قلت هنا كان على طفل ضرير
مفيد فوزى: إتفضل
طالب 3: يا أمى ما شكل السماء وما الضباب وما القمر ؟ بجمالها تتحدثوا ولا أرى منها أثر هل هذه الدنيا ظلام فى ظلام مستمر ؟ يا أمى مدى لى يديك عسى يزالينى الضجر عسى يزالينى الضجر يجر الصغار ويلعبون ويركعون ولا ضرر وأنا ضريرا قاعدا فى عقر دارى مستقر الله يطوف بى ويصف ما اقاسيه من كدر
مفيد فوزى: الله على فكرة صوتك جميل على فكرة شنبك إخضر
طالب 3: ربنا يخليك
مفيد فوزى: عاوزك تقولى لما بتقرا فى الجريد كلمة إنفلات أمنى وحد يقولك شفت الإنفلات الأمنى ؟ الإنفلات الأمنى يعنى إيه ؟
طالب4: هو من وجهة نظرى أنا الشخصية الإنفلات الأمنى إن كل واحد يعمل اللى فى دماغه كل واحخد عنده فكرة يعملها من غير ما يبص للناحية دى سواء التنظيم أو الشرطة أو الجيش أو الكلام دا يعنى
مفيد فوزى: يعنى إيه إنفلات أمنى ؟
طالب:يعنى كل واحد يعمل أى حاجة بدون رقيب أو محاسب وممكن يخرب ويفسد
مفيد فوزى: لما أقول الشخص دا ينقصه الذكاء الإجتماعى يعنى إيه ؟
طالب5: يعنى معندهوش مقدرة إنوا يتعامل مع الناس ويكسبهم يعنى ناس واخدة فكرة عن الموهبين أو الأذكياء إن هما منطويين الحقيقة مش كلهم كدا بالعكس فيه بعضهم عندهم ملكة إن هو يكسب الناس يعنى بيتحط فى أى مجتمع فى أى موقف هو دا لازم يتعلمه بجانب المتفوقين أو الموهبين عقليا إن يبقى فيه ملكة إن يبقى إجتماعى
مفيد فوزى: حكومة إنقاذ يعنى إيه ؟
طالب6:حكومة إنقاذ هى الحكومة اللى بتيجى قبل الحكومة المنتخبة علشان نطلع البلد من الحالة اللى هى فيها وبعد كده تيجى الحكومة اللى بعديها اللى هى حكومة دائمة
مفيد فوزى: هيبة النظام يعنى إيه ؟
طالب6: إن النظام ما ينفعش إن نعبس بيه أو إحنا لو عايزين نطالب بحقوقنا نطالب بيها بطريقة سلمية إنما من غير ما نعبث بمرافق الدولة والنظام
مفيد فوزى: المواطنة يعنى إيه ؟
طالب7: المواطنة يعنى إن أنا أبقى عارف حقوقى وواجباتى وأديها على الوجه الأمثل
مفيد فوزى: عايزك تقولى إيه أهمية الفيسبوكم فى حياتك ؟
طالب8: الفيسبوك أنا دخلت على من سنة 2008 كان بقدر أتواصل مع ناس تانية مكنتش أعرفهم قبل كده وعرفت أتواصل معاهم ناس من بره المدينة بتاعتى فى دولة تانية والفيس بوك كان هو شرارة الثورات العربيى والربيع العربى كله يعنى ولحد دلوقتى لما أحب أكلم حد بكلمه واسأله عن حاجات على الفيسبوك
فاصل
مفيد فوزى: لو أنت حاولت توجه نقد للمدرسة إيه اللى يطلع منك ؟
طالب9: هو فيه كذا نقطة ممكن أنتقد فيها المدرسة أول حاجة بداية المدرسة نفسها الرؤية مفتقدة تماما فى المدرسة ليه بقى ؟ مثلا لو حضرتك سألت مدير التعليم الثانوى فى المدرسة أو أول ما إتعملت الفكرة وإذيع عنها فى نشرة رسمية مكنش يعرف حاجة عن المدرسة يعنى الخبر حتى ما إنتشرت جوا الوزارة نفسها
مفيد فوزى: خبر إيه ؟
طالب9: خبر إنشاء المدرسة نفسه النص بتاع النشرة بيقولك فى بداية التيرم التانى هيبقى فيه دراسة للكمبيوتر والإنجلش وهيبقى فيه تدريب على أصول بحث علمى بس دا مطبقش فى الترم الأولانى بسبب إن كان فيه فوضى كبيرة جدا نقطة تانية إن المدرسة منقسمة لجزئين جزء إدارة مالى تبع الجيش وجزء إدارة فنية تبع التربية والتعليم فالإدارتين مش متوافقين مع بعض الإدارة بتاعة الجيش مش تربوية بما يكفى يعنى مش زىى وزارة التربية والتعليم فيه مشاكل فى وضع الأنظمة يعنى مثلا أنظمة الإقامة من حيث حاجات كتير غير دا كله فيه مشكلة فنية فى التعليم نفسه إن هو مش بنفس الصورة اللى كنت متخيلها كان فيه مثلا فى النشرة إن هيبقى فيه تكامل بين المدرسة وبين الجامعات هو إتحقق بس مش بالصورة اللى أنا متخيلها
مفيد فوزى: الدولة ددلوقتى بتصلح العشوائيات يعنى إيه كلمة عشوائيات ؟
طالب10 / العشوائيات هى المدن أو الأحياء اللى بتبقى حوالين المدن الكبرى واللى مبيبقاش فيها خدمات أو أى دعم من الدولة وبتبعد كل البعد عن التنظيم
مفيد فوزى: عايزو اسألك مين مثلك الأعلى ؟
طالب11/ فى أى مجال بالظبط ؟
مفيد فوزى: بشكل عام
طالب11/ أحمد زويل
مفيد فوزى: أحمد زويل عايزك تقولى بتسمع كلام والدك ولا بتعارضه أحيانا ؟
طالب11 / لأ بسمع كلامه وساعات بعارضه
مفيد فوزى: قولى مثل من نموزج معارضتك لرأى والدك ؟
طالب11/ والله حضرتك مش فى بالى بس أحيانا حاجات أنا شايف إنها صح بالنسبالى يعنى والدى عايزنى أخش طب هو شايف دا أحسن لى بس أنا عايز هندسة
مفيد فوزى: طبعا مش اسألك منطقيا عايز أسمع
طالب12/ أنا مش بلعب جيتار بس أنا بلعب جيتار وبغنى
مفيد فوزى: إتفضل
طالب/ عزف مقطوعة من أغانى أم كلثوم
مفيد فوزى: إنت ليك 9 سنين بتغنى؟
طالب12/ أه حضرتك
مفيد فوزى: طب سمعنى حاجة ؟
طالب12/ أنا مهما خدتنى المدن وخدتنى ناس المدن دايما صورتك فى قلبى دليلى فى المدن أطوى المدن وأجيك عطشان لنور عينيك أطوى المدن وأجيكى عطشان لنور عينيكى وأرمى روحى عليكى تطبطبى وتضمى ما بحسش بالبراح ده اللى فى قلبك يا أمى أيوه فى قلبك يا أمى
مفيد فوزى: الكورة فى مصر تقريبا واكل الجو إيه الرياضة اللى مظلومة ؟
طالب13 / رياضة مظلومة أحس كورة اليد أنا كنت بلعب يد وكده وحاسس إن هى مظلومة شوية وغير كده لازم رياضة يعنى ممكن هواية ؟
مفيد فوزى: قول زى إيه ؟
طالب13/ يعنى أنا بلعب أروج مفيش إهتمام خالص بالموهبة يعنى الموهبة مش مهتمين بيها زى بره يعنى بره عندهم المواهب بيتمسكوا بأى موهبة يلاقوها قدامهم يعنى ممكن يطلع من الموهبة دى حاجة
مفيد فوزى: خبسك جميل وذكى يعنى سألتك عن الرياضة روحت أنت محول الموضوع كله للأورج اللى إنت بتلعبه وللرغبة إنوا حد يتبنى موهبتك عارف ليه أنا قبلت خبسك ؟
طالب13 / ليه ؟
مفيد فوزى: لأنك شبه حفيدى جدا عندك كام سنة ؟
طالب13/ عندى 16 سنة
مفيد فوزى: 16 دا أنت أكبر من ال15 بقى وشنبك كمان طلع يعنى إيه الربيع العربى ؟
طالب 16: الربيع العربى زيينا وزى تونس وزى ليبيا وزى اليمن وحاجات كتير الناس بتخرج علشان الحكام بتوعها مش كويسين وبعدين اسقطوهم أنا شايف
مفيد فوزى: تساءلت فى الحقيقة هل المفروض إن إحنا نجمع كل الأولاد المتفوقين فى مدرسة واحدة ولا كنا نوزع المتفوقين دول على بقيت المدارس بمعنى إن الفصول تكون فيها مجموعة منهم تثير الإحستاس وتعمل شكل من أشكال التنافس الجميل بدل العزاب اللى بيواجهوه الأولاد فى مدرسة المتفوقين لما يبقوا عايزين يحصلوا الحد الأقصى فى الدراسة يمكن ما يجبهوش فبينتابهم القلق وربا إكتئاب ولكن دى نظرية يقدروا يحلوها المختصين فى علم النفس أخذت كلام وزير الثقافة دكتور شاكر عبد الحميد لما قالى فى حوار تليفزيونى إن علم النفس الإبداعى وظيفته يستخرجالطاقة الإبداعية من الأولاد غريب إن الولاد هنا نا كنت فاكر إنوا مسيطر عليهم الرياضيات والأشياء اللى فيها صعوبة حتى التكنولوجبا لكن إكتشفت إن منهم حد بيضرب على الأورج وحد بيضرب بيانو وحد بيغنى وحد بيعمل شعر إذنا دا فيه طاقات إبداعية جميلة فى وسط هؤلاء الأولاد يبقى السؤال هذه المدرسة مصرية متطورة هل مدارسنا كلها تحظى بنفس الإهتمام؟ الإجابة لأ هذه المدرسة فيها مدارس على أعلى مستوى هل مدارسنا فيها معامل على أعلى مستوى ؟ الإجابة لأ أنا عرفت إن المدرسين اللى هنا والمدرسات بيختاروهم بعناية شديدة ويمكن رقم واحد إنهم بيختاروهم طبقا لمعايير نفسية هل يحدث هذا فى مدارسنا المصرية ؟ الإجابة لأ على فكرة المدرسة دى مصرية لحما ودما لكن القيمة الوحيدة اللى بخرج بيها النهاردة إن فى عمر ال15 سنة بيعلموا الولاد إزاى يفكروا ؟ الولد اللى قالى أنا عايز أخش هندسة لكن والدى عايز يدخلنى الطب أنا بعارضه وبنفذ رغبتى خلق الشخصية خلق المناخ الإبداعى الإحساس إن هؤلاء الأولاد يستطيعوا إنهم يفكروا وبعقل وبإرتياح وبحضارة هو دا التعليم اللى بحلم بيه هل يتحقق الحلم .