السبت *14/1/2012 مفيد فوزى : هذه الرائعة العظيمة أم كلثوم كانت تكمل فى حقيقة الأمرعصرا من الفن عصركامل وقد عاشت أم كلثوم طويلا ولا تزال فى وجدان المصريين من لم يسمع أم كلثوم لا يمكن فالمصريون جميعا من الخليج إلى المحيط سمعوا أم كلثوم فى لحظة من اللحظات فى أيام الملك فاروق كانت أم كلثوم تغنى للملك كما كانت تقتضى ظروف الحياة فى ذلك الوقت وقد قال البعض عنها إنها مطربة الملك وأنها من العهد البائد إلا أن جمال عبد الناصرأصرعلى أن تكون أم كلثوم مطربة فى زمان الثورة لأنها هى المشترك الأعظم بالنسبة للعرب هى اللى بتوحد أحيانا الأحساسيس العربية العربية بلغت أم كلثوم شأنا عظيما كانت تغنى للثوار وهم فى الفالوجة كانت تغنى لهم وكأنها تستدعى الثورة من منابعها الحقيقية كل إنسان عاش قصة حب سمع أم كلثوم هذه التى بثت الأحساسيس فى حياتنا أم كلثوم هى الحنجرة التى إستوعبت الجمال كله سفيرة الجمال فى دنيا النغم أم كلثوم صاحبة الإنجازات الخرافية فى دنيا الغناء غنت حتى أصبح غنائها شيئا عظيما فى حياة المصريين أم كلثوم قيمة وقامة قمة مضافة للفن وقامة طويلة فى حياة الفن المصرى كان لابد من الحفاظ على هذا الفن وهذا التراث كان لابد من الحفاظ على أم كلثوم فى زمن إختلطت فيه الأصوات وبرزت إلى السطح الكليبات كان من المهم أن يظل أم كلثوم بصوتها فى وجدان المصريين طويلا وطويلا أمس واليوم وغدا كان لابد أن تكون هناك فرقة عن أم كلثوم فرقة نسائية عن أم كلثوم وكانت هذه الفرقة التى تعزف خلفى مفيد فوزى معكم فى حديث المدينة فاصل مفيد فوزى : المايستروعماد مشهورأنا لابد إن أنا أقولك إن أنا سعيد إن فيه عصرمن الفن اسمه أم كلثوم يجسد الأن ليحمى التراث أنت مشاعرك الشخصية أيه تجاه أم كلثوم أساسا ثم تجاه ما نسمعه هذه الأيام مش عايز أوصفه ؟ عماد مشهور : مبدأيا لازم أنزل مفيد فوزى : لأ فهمينى هوإنت وقوفك هنا يبقى لازم للفرقة ؟ عماد مشهور :أه مفيد فوزى :إنما أنا لما أجى أحاورك لازم تنزلى عماد مشهور : طبعا أم كلثوم قامة كبيرة يعجزالإنسان بالكلمات يعبر عنها بالمقام التى تليق بيه مفيد فوزى : فى مكانتها يعنى عماد مشهور : فى مكانتها وإحنا واخدين جزء صغيرجدا جزء جميل اللى هى كوكب الشرق وسميت هذه الفرقة بكوكب الشرق نسبة لى أم كلثوم وإحنا طبعا بنحاول نعمل أغانى كتير للسيدة أم كلثوم وفى نفس الوقت لمطربات كتير لأن معانا نوعية الأصوات مش كل صوت بيليق عليه صوت أم كلثوم لأن إمكانياتها عالية جدا مفيد فوزى : أتذكر إذا سمحتلى أتسلق شجرة الذاكرة وأقولك إن الموسيقار عبد الوهاب قدامى قال لمطربة لا داعى لذكر اسمها لا داعى لذكر أسم المطربة غنت أمامه فلما غنت مقدريلفت هى بتقول أيه فقالها بطريقته إسقى الحروف إحساس إنت كمايسترو ماذا تعنى هذه العبارة عندك الأن ؟ عماد مشهور: إن لابد الواحد وهو بيغنى كل كلمة يديها حقها والسين تطلع سين طبعا مع إحترامى لعبد الوهاب كلان عندوا السين واقعة شوية ليه بقى ؟ أنت شايف هالة على بعضها قوية جدا صوته أساسا نفسه ب3 رجالة كنفس كتاباته ولا إمكانياته الصوتية برضه كذلك على أعلى مستوى فالواحد مش مهم السين راحت فين ؟ حاجة بسيطة يعنى مش دى المشكلة مفيد فوزى : مين من بناتك هنا تقترح انه يسمعنا صوته لأم كلثوم عماد مشهور : والله نهاد إتفضلى يا نهاد نهاد تغنى مقطوعة من إغنية إنتى عمرى مفيد فوزى : واضح إن صوتك جميل وعايزة اسألك إنتى واخدة حقك فى الحياة كمطربة ؟ نهاد: فى الحياة كمطربة مفيد فوزى : إيه مش عجباكى العبارة نهاد:لأ كل بنى أدم واخد حقه فى الحياة مفيد فوزى : إنتى واخدة نصيبك من الحياة ؟ نهاد: الحمد الله رب العالمين مفيد فوزى : واخدة نصيبك من الشهرة فى الفن ؟ نهاد: لأ مفيد فوزى : فهمينى لأ ليه ؟ طولى بالك لما اسألك سؤال لإفتحى كل المسام لأنى هفضل أنخرب وراكى فقوليلى ليه مش واخدة حقك ؟ ودا هدفه أيه ؟ هدفه نعرف فرقة زى دى مثقفة وناسها محترمين ويعنى واهبين نفسهم للفن فلازم يكون لهم مكانة فى المجتمع نفسى أعرف أيه الخلفيات اللى ما تخليش لصوتك مكان فى هذا البلد؟ نهاد: أول حاجة الإعلام طبعا الإعلام بيركزدايما على المشاهير مفيد فوزى : مش الكفاءات ؟ نهاد: لأ مش شرط تكون كفاءات يعنى بتكلم على الموسيقى العربية مش على الكليبات ولا الشغل الخارجى الموسيقى العربية كل تركيزهم على النجوم يعنى أنا علشان أعمل حفل فى قاعة السيد درويش أو فى دارالأوبرا المصرية لازم أفتج شباك بنجم كبير وإلا مش هيجيلى جمهور دا عيب مين مش عيب الفرقة ولا عيب الجمهور مفيد فوزى : إيه يا دكتورة مها قوليلى إيه اللى إنتى عملتيه بالنسبة لهذه الفرقة ؟ د/ مها : أنا كان حلم حياتى إن أنا أعمل فرقة بنات فأنا الحقيقة كان عندى فرقة بنات بقالى 30 سنة بس بس كنت بعمل بيها شغل خاصة مفيد فوزى : يعنى أيه شغل خاص ؟ د/ مها : يعنى بنعمل حفلات بره مصر فى البلاد العربية فى الدول العربية من شرقها لغربها ولكن لما جانا رئيس الأكاديمية الدكتور سامح مهران حسينا جامد قوى على إستعادة النشاط فى الأكاديمية وفى المعهد فطبعا إعادة النشاط دى كلفتنا إن إحنا نفكر ففكرت إن أنا أعمل فرقة بنات خاصة بالأكاديمية مفيد فوزى : إخترتيهم إزاى ؟ د/ مها : الحقيقة أنا إتفاجأت مفاجأة فى كمية تعاون من الأساتذة فى المعهد وطلبة وطالبات فأول ما عرضت الفكرة كلهم رحبوا بدليل إن فيه ناس جاتلى وأنا مقلتلهاش تعالى فى ناس جاتلى قالتلى إحنا عايزين فعلا نشترك مع الفرقة النسائية كان الحمد الله والشكر لله أول ما عملنا أول حفلة على مسرح سيد دوريش بيتنا طبعا وبنعرض عليه بقلنا 30 سنة فأول ما عملنا الحفلة خدنا سوكسيه عالى جدا وعملنا جو حلو مفيد فوزى : اللى قاعدين فى الركن دول شكلهم غريب شوية عليا فأنا بسأل إيه دول ؟ يعنى دول جايين منين هل دول جايين من هولندا ؟ د/ مها : مصريين مية المية مفيد فوزى : دول أساسا فرقة أم كلثوم مش كده ؟ د/ مها : طبعا طبعا مفيد فوزى : فأنا أقدر أكلمهم طبعا د/ مها : دول أساتذة فى المعهد ومدرسين دراسات عليا أهم ما فى الموضوع إنهم حابين الموضوع مفيد فوزى : طب ما أروحلهم أحسن قولولى اسألك سؤال شخصى إيه أهم دراما فى حياة أم كلثوم أهم لحظة درامية فى حياة أم كلثوم عندك إيجابة؟ مها يوسف : أعتقد إن هى كانت بتغنى الإنشاد الدينى والحاجات إن هى هى كانت متخصصة وإتنقلت للحاجات التانية مفيد فوزى : يعنى عايزة تقولى إن أهم لحظة دراما فى حياتها إنها كانت بتغنى الإنشاد الدينى وإتنقلت للعاطفة مها يوسف: تقريبا أه أعتقد مفيد فوزى : إيه تعليقك عضوة فى الفرقة : ما شفتش الأمومة مفيد فوزى : أه أهى دى اللحظة درامية خطيرة طب أن مرض أم كلثوم بالغدة الدرقية هل يعتبر دى لحظة درامية فى حياة مغنية ؟ مها يوسف : طبعا أى حاجة بتأثريعنى يعتبرحياتها كلها فى صوتها ودى حاجة تأثرعلى صوتها ودى منطقة حساسة جدا فطبعا دى باثر نفسيا أكثر من جسديا يعنى مفيد فوزى : قوليلى أيهما أحب إليكى ده ولا حب رجل ؟ عضوة فى الفرقة : لأ الكمنجا مفيد فوزى : الكمنجا أهم من حب رجل عضوة فى الفرقة : أه طبعا مفيد فوزى : إنتى جريئة وعجبانى المناقشة معاكى قوليلى الولاد اللى ورا دول عضوة فى الفرقة : أه حبايبى مفيد فوزى : حبيبابيك اللى هما الكورس مش كده ؟ كورس عضوة فى الفرقة : كورال مفيد فوزى : الكورال غير الكورس ؟ عضوة فى الفرقة : لأ واحد مفيد فوزى : الكورال والكورس واحد هل لو أنا سألت منهم حد نفسك تبقى مطربة يعنى تخرج من هذا المكان وتطلع هنا يبقى إيه ؟ هل السؤال يبقى سخيف ؟ عضوة فى الفرقة: لأ طبعا مفيد فوزى : صوتك حلو هند: أكيد طبعا مفيد فوزى : سمعينى أى حاجة إنتى عارفة زمالن كانت الست فايزة أحمد لما تروح حفلة أو سهرة عند ناس يقولوها ست فايزة غنى على طول من غير حاجة ومرة نجاة الصغيرة دعيت عند إحسان عبد القدوس أنا بقولك معلومات ما تعرفهاش طبعا تسمعى عن نجاة الصغيرة وبعدين إستاذ إحسان عبد القدوس قالها فى السهرة غنى يا نجاة فنجاة قالتلى هو أنا معزومة هنا كنجاة ولا كشخصية نجاة السؤال كان مهم قوى قلتلها معزومة كشخصية نجاة قالت علشان كده أنا نازلة مروحة وعلشان كده نجاة لم تغنى إعتزازا بشخصيتها إيه رأيك فى تصرف نجاة ؟ هند: هو تصرف كويس قوى بس إحنا لسه محتاجين إن الناس تسمع أصواتنا يعنى لسه معنناش شخصية الفنان نفسه مفيد فوزى : غنى تعرف غنى يا وحيد اسمك أيه ؟ هند: هند مفيد فوزى : غنى يا هند هند: اغنى مقطوعة من أغنية فكرونى مفيد فوزى : جميل إنتى واضح إنك بتسقى الحروف إحساس زى ما بيقول عبد الوهاب إيه المشكلة اللى ما تخليكيش فى ابلصدارة والناس تتابعها وتكبرى وتبقى إسم كبير المطربة هند ؟ هند: مبدأيا أنا عاوزة أقول حاجة مفيد فوزى : قولة حاجتين هند: أنا مش مصرية أنا مغربية مفيد فوزى : والمغاربة دول أصواتهم حلوة بتتكلمى مصرى كويس قوى هند: طبعا دى مصر بلدى التانية بقالى 4 سنين فى مصر وجيت مصر علشان أتعلم الموسيقى لأن مفيش بلد تانية هتعلمينى الموسيقى علشان مصر مصر أم الفن فهوا دا اللى خلانى الجأ لمعهد الموسيقى العربية إن أنا أتعلم إن أنا أعرف أنا بقول إيه مش أنا أغنى بالفطرة بس فدراساتى دلوقتى عندى أهم حاجة وبعدين ممكن أفكرإن أنا أكون مطربة ومشهورة الدراسة عندى دلوقتى أهم حاجة مفيد فوزى : مين من البنات زميلاتك ترشحى إن أنا أتكلم معاها ؟ وحاسة إن صوتها جميل هند: إيناس مفيد فوزى : فين إيناس ؟ هند: أهى جنبى مفيد فوزى : إيه يا إيناس خجلانة ليه ؟ إيناس : لأ أنا سقعانة مفيد فوزى : طب دفينا بأغنية إيناس : تغنى مقطوعة من إغنية غنيلى شوية شوية مفيد فوزى : ما تسلفينا دى شوية ممكن ؟ إيه يا إيناس أم كلثوم بالنسبالك ؟ إيناس : دلوقتى بقت هى كل حياتى مفيد فوزى : بمعنى إيه ؟ إيناس : إن شاء الله يعنى بقت فتحة خيرعليا وأول مرة أغنى أغنى فى حتة هنا مفيد فوزى : يعنى إيه فتحة خيرعليكى ؟ إيناس : يعنى إتجرأت يعنى مكنتش اعرف أغنى قدام حد مفيد فوزى : كنت خجلانة ؟ إيناس : جدا مفيد فوزى : عبرتى الخجل إزاى ؟ يمكن الكلام ده مهم قوى لمواهب فى بيوتنا ويخافوا يلعوا قدام الناس يتكلموا إنتى فاركة أنا زمان وأنا طفل كنت أقدر أتكلم كده عبرت الخجل وأصبحت أقدرأتكلم وأقول وإناقش فأنتى عبرتى الخجل إزاى ؟ إيناس : فى الإمتحانات فى المعهد يعنى أنا لما كنت أخش الإمتحان ممكن حد يفتكرنى ضعيفة وبغنى وحش من الخجل لما جت هنا إتشجعت لما لقيت جمهور ولقيت تصقيف وتشجيع من الناس لقيت الموضوع بسيط بس أنا اللى مدياله رهبة قوى مفيد فوزى :عارفة ليه فى ناس تقولك المشكلة بإستمرارهى الخطوة الأولى إنتى الخطوة الأولى عبرتيها؟ أحب أغانى أم كلثوم ليكى أيه ؟ إيناس : غنيلى شوية شوية مفيد فوزى : دى قديمة قوى أغانيها الجديدة أخبارها إيه عندك ؟ إيناس : الأغنية دى برضه بحبها قوى علشان أنا دخلت المعهد بسببها مفيد فوزى : اللى هى غنيلى شوية وشوية ؟ إيناس : أه مفيد فوزى : طيب أنا لو سألتك من أحد الأغانى المهمة فى حياة أم كلثوم فى نظرك إللى تعتبر غنوة الأغانى يعنى إيه هى ؟ أنا بقول الأطلال إنتى رأيك إيه ؟ إيناس : أنا بحب إنت عمرى قوى وخصوصا بصوت نهاد مفيد فوزى : بالمناسبة هوالفنان مهم قوى يكون عندوا أطر إجتماعية ذكاء إجتماعى ؟ عماد مشهور : أه مفيد فوزى : السنباطى مكنش كده وكان محروم من إنها تتكلم عنه عماد مشهور : بالظبط مفيد فوزى : وعلى فكرة عبد الوهاب برضه قالى الست أم كلثوم ما تتكلمش عن حد عماد مشهور : معلش دا موضوع لكن أعمال بتتكلم لوحدها العمل بيتكلم مفيد فوزى : فهمينى يا مايسترو هى الطبلة شيىء مهم جدا فى حياة المزيكا ؟ فى الإيقاع عماد مشهور : مش عايزة كلام لأن أ ب فى الموسيقى تتكون الموسيقى من النغم والإيقاع لو أنا قلت دو رى مى مى بتاعة أم كلثوم لو مش متقطعة على إيقاع دو رى مى مى كده أنا دخلت الإيقاع إذنا النغم والإيقاع هما الموسيقى مفيد فوزى : هى متقدرتش ترتب على الطبلة إلا إذا إنت أمرتها ؟ أصل أنا شايف المخرج بيقولها حاولى يعنى تخلى فى الخلفية حاجة هى مش قادرة تعمل ده هل هى خجولة ؟ عماد مشهور : فيه إلتزام مفيد فوزى : أروحلها ؟ رانيا طاهر : إيقاع على الطبلة مفيد فوزى : واضح إن الطبلة بتنادينى إيه إنتى خجلانة ؟ رانيا طاهر : لأ مفيد فوزى :أمال إيه ؟ على فكرة أنا عمرى ما شفت ست بتلعب على الطبلة وأنا فاكرقوى النجم الجميل فى حفلات عبد الحليم حافظ اللى هو كان بيضرب على الطبلة بإستمرار فاكرة اسمه ؟ رانيا طاهر : أستاذ محمود حمودة أستاذى مفيد فوزى : أه الطبلة بالنسبالك إيه؟ رانيا طاهر : الطبلة بالنسبالى جزء من حياتى أنا بحب الطبلة قوى مفيد فوزى : ليه ؟ رانيا طاهر : مش عارفة من زمان كنت أحس إن المزيكا من غير إيقاع أحس إن فيه حاجة محتاجة تتظبط فيه طبلة ممكن تتقال عادى حد بيرزع وحد بيغنى بالإيقاع مفيد فوزى : إنتى تقدرى تعملى حاجة ايقاع بالغنى ؟ رانيا طاهر : ممكن بس اغنى بالإيقاع لازم يبقى مزيكا مفيد فوزى :لوأنا حبيت أعرف أسمع حاجة كده تبين علاقة صوابعك بالطبلة إنتى بتشتغلى بصوابعك ولا بى إيه ؟ رانيا طاهر : بشتغل بإيديا كلها مفيد فوزى : واضح إن الكف كله رانيا طاهر : الكف كله لازم تكون مجوفة شوية يعنى لازم تبقى كده تضم مفيد فوزى : طيب أجرب بجهل كده؟ رانيا طاهر : إتفضل مفيد فوزى : لأ مش هعرف ولا عمرى هعرف بصى رانيا طاهر : هى دى الضم بالظبط مفيد فوزى : الله دا صح دا فيه إحتمال إن المايستروا ياخدنى رانيا طاهر : وعلى فكرة مش أى حد يعرف يجيب صوت الضم من أول مرة لازم ليها طريقة معينة فى الأيد مش أى حد يعرف يجيبها من أول مرة مفيد فوزى : طب سمعينى أى حاجة رانيا طاهر : صوت إيقاع الطبلة مفيد فوزى : قوليلى ودنك طول الغنوة مع المزيكا ولا مع المطربة ؟ رانيا طاهر : لأ هو أنا ودنى مع المزيكا ولازم برضه أبقى مع المطربة فى نفس الوقت لو المطربة محتاج انها تسرع بسرع معاها لو محتاجة إنها تبطأ ببطأ معاها أترجم اللى بيتقال مع الموسقى وعينى مع المايسترو لأن المايسترو هو الأساس أى موسيقى لازم يبقى كده عينه على النوتة وعينه مع المايسترو وفى نفس الوقت عينه مع المطرب مفيد فوزى : جميل جميل ممكن يا مايسترو نسمع حاجة وبعدين عاوزأنا صديقى فى الحياة هو الناى الحزين فمن فضلك سمعنا حاجة وبعدين أخش على الناى الفرقة تعزف مقطوعة موسقية مفيد فوزى : يا عازفة الناى لماذا يطلقون على الناى إنه رسول الحزن ؟ إسمحيلى بس أغيرالسؤال تانى علشان ما أخدش نقض من السلفيين لما أنا أستخدم لفظ رسول الحزن لماذا يا سيدتى يقولون على الناى إنه سفير الحزن ؟ عازفة الناى : لأ هو مظلوم فى الحقيقة فى المقولة دى مفيد فوزى : وضحيلى عازفة الناى : هوبيقدر يقدم النغمة المفرحة مفيد فوزى : الناى بيعمل حاجات مفرحة أحيانا ؟ سمعينى زى إيه مثلا قوليلى زى إيه ؟ إنتى صوتك واطى ليه ؟ أنا يبدوا إن المايستروا ده يعتقل خلال الأحاديث اللى بعملها فى التليفزيون لازم يعتقل علشان نبعد على إنكم تبصولوا إتفضلى إنتى قولتيلى سفيرللحب وسفير للفرح أنا عايزأسمع للفرخ إزاى ؟ إتفضلى عازفة الناى : تعزف على الناى غنيلى شوية شوية مفيد فوزى : أه صح غنيلى شويو شوية أنتى وأنتى بتشتغلى بالناى هل هو الألة الوحيدة اللى إنتى إتعلمتى عليها ؟ عازفة الناى :أه مفيد فوزى : هل فيه ألات أخرى إشتغلتى عليها ؟ عازفة الناى : لأ مفيد فوزى : لماذا هذه الإختيارأوهذا الإنتخابات ؟ عازفة الناى :هوالحقيقة أنا دخلته بالصدفة يعنى بس أنا حبيته بعد ما دخلت المعهد بس اللجنة هى اللى إخترتهولى مفيد فوزى : إيه قيمته الحقيقية بالنسبة للأداء ككل ؟ عازفة الناى : هى كل ألة مهمة فى الأداء الجماعى مش هوأزيد من أى حالة تانية مفيد فوزى : كان فيه بعض الأغانى كان يطلب من عازف الناى وحده انه يعمل سولو سولوا كلمة صح ؟ سولوا بالناى إنتى فيه حاجة عملتيها سولوا بالناى ؟ عازفة الناى : أه كان فيه حاجة مفيد فوزى : تسمحى تسمعهالى؟ عازفة الناى : تعزف على الناى مفيد فوزى : جميل جميل يا مايستروعايزك تقولى مين من البنات يقدر يدى حاجة لفيروز؟ ولو إن السؤال يبدوا غريبا إن فى فرقة أم كلثوم بطلب ده لكن أنا ببص للمسألة إن أى إنسان يملك صوت جميل يستطيع أن يغنى أنا يا مايستروا كاتم فى قلبى من بدرى بين القفص الصدرى عشقى لفيروز عماد مشهور : هى مش فيروزية إحنا كلنا متكلثمين ومتفوريزين ومتعبدين وكل حاجة مفيد فوزى : إتفضلى أنا عايزأسمع مش عايز أتكلم يعنى أنا فيروزى ولكن أحب أم كلثوم لكن عشقى الحقيقى فيروز فأرجوك أن تتقبلى هذا الإعتراف أسمع بقى فيروز نشوى عصام : تغنى نسم عليا الهوا مفيد فوزى : عميد المعهد فهمينى إيه الهاجس الحقيقى وراء هذه الفرقة ؟ د/عاطف إمام : الحقيقة إحنا مهمتنا كأديمية فنون وكمعهد عالى للموسيقى العربية الحفاظ على تراث الموسيقى العربية دا نمرة واحد بعد كده إحنا عندنا فى المنهاج التعليمية بنعمل فى المناهج كل المنوعات اللى هى فى قسم الغنا بياخدوا غناء مسرحى وغناء عالمى وغناء عربى من هذا المنطلق إحنا عندنا فرقتين فرقة أم كلثوم للموسيقى العربية ودى فرقة قديمة جدا والفرقة الجديدة اللى هى دى فرقة كوكب الشرق للموسيقى العربية مفيد فوزى : ليه حرصت أن تكون كل الفرقة بنات وسيدات ؟ د/عاطف إمام : والله دى حاجة مش موجودة خالص على مستوى العالم العربى ودا يعتبر لون جديد جدا وأنا عايزكمعهد عالى للموسيقى العربية فى جمهورية مصر العربية أثبت أن الست قادرة فى عزف الألات الشرقية الصعبة جدا زى الراجل بالظبط مفيد فوزى : والدليل موجود أهو أه طبعا فحبيت أثبت إن الألات الشرقية الصعبة جد إحنا عندنا نساء وبنات على أعلى مستوى من المهارة العزفية وعازفين على أعلى مستوى ويعتبرالمعهد الوحيد اللى فى الشرق الأوسط اللى بيعملم جميع الألات الموسيقى العربية
