الجمعة *10/2/2012 مسعد ابو ليلة: اعزائي المشاهدين السلام عليكم ورحمة الله وبركاته اهلا بكم الى هذه الحلقة الجديدة من اتجاهات تساؤلات كثيرة تدور في عقول كل المصريين بعد كل الاحداث التي مرت بها البلاد ولعل اهمها من يقف امام تصاعد تلك الازمات ودفعها دفعا في اتجاه الفوضى البعض يرى هناك استقواء بالخارج وهناك من يرى لاستقواء الخارج بالداخل والبعض يرى ان هناك من يستغل الاوضاع السيئة التي تمر بها البلاد.. بداية لسنا من انصار نظرية المؤامرة خاصة عندما تصبحه الشماعة لاتي يلجا اليها الفاشلون لتبرير خطأهم او فشلهم وايضا لسنا من دعاة الصاق التهم او التشكيك في وطنية اي مصري ولكن ما توصلت اليه لجنة تقصي الحقائق في مجلس الشعب في احداث بورسعيد يؤكد ان هناك منهج منظم لصناعة الفوضى في مصر للقضاء على الثورة واسقاط الدولة ولا يمكن ان نتجاهل ان المؤامرات ضد مصر وشعبها لم تتوقف يوما ونرجع الى تاريخ الحملات الصليبية والمغولية قديما والفرنسية والانجليزية حديثا وصولا للمؤمرات الاسرائيلية والامريكية في التاريخ المعاصر ايضا لا يمكننا ان نتجاهل ان هناك عناصر خارجية فاجأتها الثورة وفشلت في احتوائها وتخشى تبعاتها ولكن علينا ان نؤكد ان وجود مؤمرات من الخارج وبعض الاذرع في الداخل لا تبرر ما يحدث لاننا لو توحدنا فاننا قادرون على اجتياز كل المؤامرات في نفس الوقت بنؤكد ان مصر بالتاكيد لن تسقط ولن تنهار حتى لو كانت تمر بالفعل بمرحلة غير مسبوقة من الفوضى والاخطار ..اعزائي المشاهيدن دعونا نرحب بضيفينا في هذه الحلقة سيادة اللواء عبد الرافع درويش الخبير الاستراتيجي ووكيل مؤسسي حزب الارادة والبناء اهلا بيك يافندم ونرحب بالاستاذ توحيد مجدي الكاتب الصحفي بمجلة روز اليوسف اهلا وسهلا بدايةو لا ندع المشهد الذي نعيشه في هذه اللحظات دون ان اسالكم عنه مشهد امام وزارة الداخلية وايضا ما استتبعهمن مناقشات في هذا الموضوع في مجلس الشعب اللواء/ عبد الرافع درويش: طيب نجيب لورا شوية في بداية الثورة اللي فاجأت العالم كله وقبلها كان امريكا بتساعد حسني مبارك على اعلى مستوى من التاون حتى انها كانت بتتكلم معاه في الاول و والكلام دا كله لغاية لما لقت الثورة بتجبر الرئيس السابق على انه يمشي فبدات تنحاز للثورة مش عشان هي عايزة الديموقراطية .. لا.. دي انحازت للثورة عشان الثورة فاجأتها فمالحتقش تعمل المخطط بتاعها فيه مخطط اسمه مخطط"اجاكس" دي دراسة استراتيجية موجودة عندهم كيف تهدم اي دولة تقوم بثورات اذا كان القيادة حليفة لينا ايا كان الحليف مين ديموقراطي او غير ديموقراطي ديكتاتور مش مشكلة عندهم هو المهمعندهم ازاي يقضوا على هذه الثورة ويجهضوها .. فيجهضوها بالشرطة ان هما يجهضوا الشرطة يهدموا الجيش والاقليات يقوموها من برة عشان تحصل الفتنة الطائفية وبالنسبة للاقتصاد اللي هو بيحصل عندنا دلوقت اللي هما شوية الاولاد اللي هما برة الثوار لان الثوار لغاية ومن يوم 18 مفيش واحد فيهم حدف حجر حتى موقعة الجمل كانوا بيتلقوا الطوب وبيتلقواالضرب ومحدفوش حاجة دول الثوار فمانقولش ان دول الثوار اللي بيحدفوا الطوب وبيحاولوا يهدموا وزارة الداخلية مش هما دول تالثوار بدليل ان هما تبر|أوا منهم ، حركة 6 ابريل تبرات والاخوان والالتراس اذن فيها المخطط بتاع "اجاكس " دا ماشي النهاردة كمان انا عايز الناس تبص ونتعلم طب فيه مخطط تاني اللي هو المعهد الجمهوري ومنظمات المجتمع المدني لما خدوا النهاردة 43 واحد منهم 19 امريكي النهاردجة بيتحاكموا طبعا مش ساكتين اول رد فعلا النهاردة هنقطع عنكم المستاعدات دي امريكا .. نيجي لاسرائيل اللي جه مدير المخابرات الستابق عاموس وهو بيدي لمدير المخابرات اللي موجود بيقوله " لقد اخترقنا مصر من جميع الاتجاهات ولن تستطيع مصر ان تعود الى ماكانت عليه سابقا مهما كان الوضع يبقى اذن هما اخترقوا والارض دلوقت ممهدة من دجميع مخابرات دول العالم مسعد ابو ليلة: يعني دلوقت انت اخدت مخطط "اجاكس " دا اللي بينفذوه .. طيب السؤال لاستاذ توحيد مجدي كيف ترى هذا المخطط بترمي بشباكها حول ما يحدث الان في مصر أ/توحيد مجدي: هي الازمة الحاصلة في اسرائيل بخصوص المخابرات الاسرائيلية والاجهزة الاسرائيلية التي تستهدف مصر والتي كان لها مصالح مع النظام السابق وعندما سقط النظام السابق سقطت معه كل شبكات التجسس الاسرائيلية حصل فيه انهيار في الرؤية الاسرائيلية عن مصر لدرجة ان بنيامين بين اليعازر قال انه منم يوم 25 يناير اول يوم في بداية الثورة حصل لهم عمى معلوماتي العمى دا استتبعه سقوط النظام بالكامل كان لهم اذرع كثيرة ومتغلغلة في اركان النظام في كذا حتى في النظام وكانوا بيحصلوا على المعلومة من اكبر راس في الدولة الى المراحل التانية وسقطت الشبكات بتاعتهم ودخلوا في عملية عمى وهو دا الخطر لان التعبان او الحية لما بتفقد حواسها بتبقى اخطر مما سبق وابتدوا يخشوا ويشوفوا ان فيه حركة غير عادية في قلب الحكم .. هما كانوا يتخيلوا ان نظام مبارك سينتهي وهياتي نظام شبيه بنظام مبارك او نظام يولد عن نظام مبارك وكان دا احساسهم في خلال ال18 يوم .. بعد ال18 يوم ما انتهوا بالنهاية التي حدثت بقرار التنحي سقط النظام بالكامل حتى بما فيه النائب الذي كان يمكن التعامل معه مع احترامنا الشديد ليه واعترافنا ان هو كان راجل وطني بعد كده انتظروا عشان يشوفوا ايه اللي حاصل في البلد لقوا ان اللي حصل افظع من اللي كانوا متوقعينه لان النظام اللي جاء ليس نظام ليبرالي ولا علاقة له بالنظام السابق ولا هو نظام وسطي .. نظام جديد تماما عليهم ونظام بينهم وبينه فيه عداء تاريخي وعرقي وديني مسعد ابو ليلة: على الرغم من انهم كانوا متوقعين فوزه يعني هما اعلنوا صراحة أ/توحيد مجدي: كان عندهم شك وظل الشك يراودهم طيلة الوقت وكانوا قاكرين ن امريكا ستدخل فلي اي مرحلة لكي تنقذ النظامك الذي يريدوه وفي بعض الاحيان حاولوا يلعبوا لو انت حضرتك فاكر لعبوا في الاحصائية لصالح مرشح معين كانوا عايزين يحركوا الراي العام بتاع الشعب كانوا عاوزين يودوه في ناحية معينة المهم نوصل الى انه فيه عداء على الارض صريح هيبتدوا يجندوا كل رجالاتهم على الارض ويبتدوا في بناء اجهزة جديدة الفترة الاولانية بتاعتهم لان الشبكات سقطت ابتدوا يدفعوا بعناصر اجنبية واللي ابتدوا يقبضوا عليها ودي كانت اول مرحلة مسعد ابو ليلة: خلينا نشوف مصر ما بين التظاهر السلمي ودعوات بين البعض بالعصيان المدني والمخاوف من ان يؤدي بالتعجيل في انهيار الدولة على الرغم من انه العصيان المدني يعرف بانه نشاط شعبي متحضر يعتمد اساس على مبدا اللاعنف كيف ترى سيادتك هذا التوجه اللواء/ عبد الرافع درويش: هما بداوا يعملوا حاجة جديدة في الشعب.. الاول مكان الشعب كله متوحد عملوا الفتنة الطائفية ما نفعتش فحاولوا بعد كده بين الشعب والجيش وبداوا يفصلوا مابين المجلس العسكري والقوات المسلحة عشان نضرب دا في دا وعشان يحصل انقسامات في الجيش منهم جزء لصالح الشعب ومنهم جزء لصالح المحجلس العسكري مسعد ابو ليلة: ودلوقت المحاولة المحمومة بين الشرطة والداخلية اللواء/ عبد الرافع درويش: الداخلية للاسف الشديد انه في ايام المظاهرات الاولانية الداخلية سقطت وفيه مثل بيقول دايما " المكسور ما يقودش" احنا برضه في القوات المسلحة لما حصل في 67 لما حصل النكسة كل القيادات الكبيرة اتشالت ودا مش ذم فيهم هو هيطلع معاش وهياخد حقوقه كاملة بس القيادات المتوسطة اللي مالهاش ولاء لحد غير للبلد هي الي تطلع وتمسك يعني انا سمعت النهاردة لواء من الشرطة اخ عزيز بيقول يعني انتوا تقصدوا ايه بهيكلة الشرطة لا احنا فاهمين هيكلة الشرطة .. الهيكلة مشس اننا بنرمي عدد..لا.. الهيكلة بنعد قيادات جديدة بروح جديدة اللي هي نرجع الشرطة في خدمة الشعب تاني مش الشرطة في خدمة السلطة ودا امر طبيعي طبعا اللواء العيسوي قالوا انه شال ناس من الداخلية .. لا هو ماشالش ناس من الداخلية دول كانوا طالعين معاشات .. هما عملوا الشعب يبقى ضد بعضه فعملوا فصايل فبدات الاخوان المسلمين ضد الليبراليين مانفعتش فبدات الشعب مع الشعب ومدن ضد مدن مثلا الاهلي لما لعب مع المحلة نفس اللي حصل بس كان الامن واعي فنزل قسم الملعب اتنين .. المرة دي مؤامرة واضحة بيبان متبرشمة عشان محدش يمشي وفي نفس الوقت وبعدين البدري فرغلي انا لسه متفرج عليه بيققول انا هنطلع انا وشباب بورسعيد ندافع عن بورسعيد وادى مثل قال ان بورسعيد مقدرتش تحط رجليها هنا لان شعب بورسعيد شعب مناضل طب انت هتناضل ضد مين..؟ هي دي الخطورة احنا مش عايزين مدن ضد مدن تالقاهرة ضد الاسماعيلية والاسماعيلية ضد السويس مسعد ابو ليلة:الشعب البورسعيدي نفى الخطة دي عن نفسه وقال انه مدينة باسلة نعرف كيف نحمي الشعب المصري اللواء/ عبد الرافع درويش: مكتوب لهم البسالة والتضحية والمجد والشهادة والدفاع عن نمصر كلها دي حاجة ما ننكرهاش بس ما ننساقش ورا دا لانه دلوقت مدن ضد مدن فدي الخوف ودي احاجة الجديدة انه الشعب المصري يجب ان يعي الخطط المنوطة بيه مصر اولا والمجلس العسكري وانا انتمي للمؤسسة العسكرية دا خادم للشعب وبيشتغل عند الشعب ، نمجلس الشعب نائب عن الشعب والشعب هو اللي يقول كلمته وكله يحققها له ازاي طبعا سيادة المشير احنا سمعنا حاجة كويسة انه بدا فتح باب الانتخابات من يوم 10 دي خطوة كويسة بس بقول لسيادة المشير لا ناقة لك ولا جمل في عملية الحكم احنا كعسكريين مالناش دعوة بالحكم احنا بنحمي البلد .. الشعب هو السيد والشعب هو الذي يحكم والشعب لما يقول كطلمته يبقى الرئيس يمشي تبع كلمته ومجلس الشعب تبع كلمته والقضاء طبعا احنا مالناش دخل فيه لانه القضاء هو العدل هو دا اللي المفروض نعمله ونتلم كلنا على قلب رجل واحد لانه في حديث لرسول اله " لأن تهدم الكعبة حجرا حجرا اهون على الله من ان يراق دم مسلم برئ " يعني شوف الكعبة اهون انها تتهد طوبة طوبة من دم البرئ فاحنا نبص لدي ونبص ان احنا نلتحم ونبقى على قلب رجل واحد عشان مصر لان مصر هي الباقية وكل دا مزال مسعد ابو ليلة:نشوف دلوقت لقطات تداولته عدد من مواقع اتواصل الاجتماعي واليوتيوب ونحاول نحلل المضمون للمحجتوى ودلالاته هي مادة تم عرضها في مركز القدس في 24 مارس 2011 لصحفي اسارئيل فاصل "فقد كانت مصر حليف قوي لامريكا وما نحتاجه الان هو الحكمة وقادة اذكياء نوظفهم لنا قادة اذكياء في الانظمة الجديدة نزرعهم في مصر وفي تونس وفي كل البلدان التي تتبعهم ادارات اكثر ذكاء وشجاعة في المجتمعاتى الغربية في امريكا نفسها ، عملاء جدد في البلدان العربية و المسلمة ولكن يحزنني القول باننا لم نجد ذلك " فاصل مسعد ابو ليلة:استاذ توحيد تعليقك على ذلك ؟ أ/توحيد مجدي: هو الحقيقة استشف الحقيقة اللي حاصلة فعلا .. اولا عايزين نقول المؤامرة مش لازم الناس تاخدها على انها اللهو الخفي او تريقة وزسي ما ينشوف دلوقت على الفيس بوك اللهو الخفي ويبتدي الشباب يتريقوا على اللهو الخفي .. المؤلامرة طرف يتامر اسرائيلبتدرس الكلام اللي احنا بنقوله.. المؤامرة طرفها متآمر لديه كافةالمعلومات ولديه خطة واضحة ويضغط على الزرار بيديكي تسجيل المؤامرة .. الطرف التاني المتآمر والمفروض ان احنا في موقف المتآمر عليه من المفروض ومن المنطقي ان المعلومات في البداية غير كاملة والمعلومات عندنا لما تيجي تسال المتآمر عليه يعني دلوقت لو فيه حد بيتآمر علينا واحنا قاعدين عليه طيب مش لازم تديني وقت عشان اجمع جزء من المؤامرة احنا شايفين فيلم منالافلام دا جزء من المؤامرة علشان ما يبقاش الكلام مرسل زي برامج التوك شو اللي بره دا فيلم تسجيلي متسجل في المخابرات الاسرائيلية وفيلم اسرائيلي مش فيلم مصري عشان محجدش يتكلم عليه دا ظابط مخابرات اسرائيلي متأسلم بمعنى انه بيتمكلم عربي وبيصلي زي المسلمين وخريج دراسات اسلاميية ومتدرب في الموساد لمدة 4 سنين وبيتم التاهل للدفع بيه في الدول العربية ومنهم مصر ادي عندك دا مثلا جامع هو هنا الفيلم بيصور ازاي هما بيخشوا الجامع ازاي بيقعدوا في الجامع وازاي بيتلقوا الحوارات اللي بتدور بين المصلين ثم ينقلوا ما يمكن نقله من المعلومات ثم يقرروا امتى هيتدخلوا ثم يبداوا يحددوا الاهداف ودا اللي قاله ظابط مخابرات اسرائيلي متمرد على اسرائيل في كتابه الشهير برضه عشان الفيلم عشان الناس تبتدي تفهم ايه هي حجم المؤامرة ودا هارب من اسرائيل ومقيم في كندا وحط كتاب" الجانب الاخر من الخداع" .. التوراة بتاعتهم هي خداع الدول العربية وفي قلب الكتاب فيه فقرات محددة من الكتاب عشان ما ناخدش وقت للناس بيقول بصراحة ان هما بينقلوا الاسلحة الى مصر والاسلحة بيتم احتوائها وحتضانها في النمنازل المنة لهم في مصر ثم يتحركوا دا تقرير صادر في يناير 2012 كي لا يشك احد من المشاهدين دا تقرير المخابرات الامريكية ودا شعار المخابرات الامريكية مكتوب عليه" خطة حرق البرلمان المصري " اللي هي المحاولاتالاخيرة اللي حصلت وفيه خبر كنا مجهزينه من قلب صحيفة the star الكندية ودي كشفت المؤامرة ولا اقول ان دي كل المؤامرة والقصة ببساطة عنوانها 4 يناير 2012 علشان الناس تعرف ان احنا ما بنتكلمش على تاريخ اكتشفوا ان الراجل اللي موجود في الصورة اللي قدامنا اسمعه عمر كاريم دا راجل ناشط باكستاني كندي وهو مما يسموا داخل مصر بجماعة الائمة المسلمين وهم يقومون ببعض الانشطة المتشددة داخل مصر يشوهوا من خلالها صورة المسلمين بالمرة ونحن لا نتكلم عن المسلمين الذين تركوا اسلاح واختاروا ولا يصح ان يوضع الموضوع في هذا الاطار لكن اذا ضبطنا جاسوس مصري هل معنى ذلك ان كل المصريين جواسيس احنلا ضد التشسبيه ولا نتكلم عن الاحزاب التي دخلت البرلمان .. احنا بنتمكلم على ادوات .. ادي ادوات الموساد بيرسل ناس عاديين بيقفوا في المظاهارت ودي تذكرة سفر بتاعة فيكتور استروفيسكي واللي كشف في قلب الكتاب بتاعه كشف ان هو حضر الى مصر وحكى بالتفصيل ازاي بيمولوا المتشددين وبيستغلوهم وكاتب ان الموساد بليمول الجهات المتشددة وعناصر ارهابية داخل مصر يعني دي خطة الموساد لعامة انهم بيحركوا مصر.. والشارع دلوقت كتاب مفتوح وشايفين كل الاحزابا المتحاربة ومين ضد مين زي ماقال سيادة اللواء ابتدوا دلوقت يحيدوا القيادة العسكرية ويقسموا مابين المجلس العاسكري لوحده للانه دا سهل ممكن نحاربه لانه دا مجموعة من القادة الكبار واخدوا الجيش في ناحية تانية لانه ربما يثور على قادته وتتطور الامور ودا موضوع وجدوه اثناء اغتيال اسامة بنم لادن وفي منزله مستند من مستندات اسامة بن لادن بخط يده البيت الابيض افرج عنه مؤخرا يكشف ان تنظيم القاعدة متداخل ايضا على الخط ويحاول ان ينفذ هجمات بقنابل سمى القنابلالذكية القذرة وداخل مصر انهم عاوزين ياخدوا بعض القنابل المشعة نعايزين يكونوا بيها حاجة بدائية مسعد ابو ليلة:اتفضل سيادة اللواء اللواء/ عبد الرافع درويش: هو دلوقت بالنسبة للمؤامرة واضحة احنا عايزين نقول حاجة النهاردة فليه كلام في الشارع بيقول طيب 43 واحد اللي اتقبض عليهم دول امريكان ومصريين واردنيين طيب هل مفيش تمويل لجهات اخرىوبالتحديد للاخوان المسلمين وللسلفيين جالهم من بره ودول اساسا مش جمعيات مشهرة دي جمعيات محظورة من الاساس هما معملوش جمعية طب سابوا دول ليه وخدوا دول ليه احنا عاوزين الكلام دا يترد عليه والمسئولين يردوا علينا فيه عشان يبقى فيه طهارة ثورية ووضوح رؤية وما يبقاش فيه حدج واخد وحد مش واخد.. لا الكلام دا ما ينفعش اللي مضيع الدنيتا عندنا التعتيم والتضليم واحنا مش فاهمين حاجة لا احنا عاوزين المسئولين يطلعوا يقولوا دا اتعمل ليه مسعد ابو ليلة:دلوقت الاسماء اتعرفت والتهم اكتملت ولم تاخذ تصريح او اشتغلت في نشاط لم تصرح بيه والمخالف لما تم التصريح بيه اللواء/ عبد الرافع درويش: الاتهام مش واضح ماقالوش اللي خدوا الفلوس هيعملوا بيها ايه .. الاتهام مش واضح الاتهام دا يبقى واضح .. انا خدت الفلوس دي وجندت بيها ناس او صرفتها في الحتة الفلانية لكن الاتهام ان هما مخدوش ترخيص لانه دا اللي حاصل دلوقت الاتهامات الموجهة لرئيس حسني مبارك بفيلتين وعربيتين وشقة وسايبين القتل والفساد والكلام دا كله ، الشعب عاوز دا عاوز يعرف العدالة الناجزة والعدالة اللي تمشي صح عشان دا اللب عامل قلق للشعب وعامل احباط للشعب مسعد ابو ليلة:نرجع للصحفي الاسرائيلي اللي كان في ندوة في مركز القدس للشئون العامة نشوفهبرضه بيقول ايه تاني ؟ فاصل وما يجب علينا ان نفعله الانخطة بديلة خطة ذكية هذه الخطة يجب ان استخدامها مع الدول الاسلامية والتي نحن بصدد انشاءها الان هذه الخطة يجب استخدامها مع الانظمة التي لم يحدث بها اضطرابات حتى الان ويجب دعم والاموال لا يجب ان تكون فقط من الولايات بل يجب ان تاتي ايضا من الدول الاسلامية وان نبدا قيم الديموقراطية فاصل اللواء/ عبد الرافع درويش: بيتكلم عن الدولالعربية والاسلامية اللي لسه مقامش عندهم ثورات ان احنا نساعدهم ونمنعهم من الثورات وهي دي الخطة الجديدة ان تركيا النهاردة وايران واسرائيل التلاتة بيعملوا حاجة واحدة مش ضد بعض .. الناس فاعهمة ان ايران ضد اسرائيل عشان القضية الفلسطينية ..لا.. دي مش عشان سواد عيون القضية الفلسطينية دي ايران عايزة تاخد اكبر قطعة من الدول العربية وتركيا عايزة تاخد قطعة اكبر واسرائيل كمان فالتناحر بينهم على مين اللي ياخد اكبر حتة منم الكعكة لكن في نفس الوقت الدول العربية في الخلاط مش دريانة بنفسها ومش عارفين اتن مصر لو مقامتش وقفت على رجليها هما مش هيقوموا لن تقوم لهم قائمة بدون مصر والنهاردة كنا بنتفرج على بتاعة البورصة في دبي بيقولوا الاتي قال لازم تساعدوا مصر وانا قلت للدول العربية لازم تساعدوا مصر لان بدون مساعدة مصر ووقوفها على رجليها انتم هتنهاروا للدول العربية ودول الخليج بالذات فلازم يفهموا ويعوا المخطط اللي جاي الناس بتقولك دا مخطط داخلي نبص لتحت رجلينا ونبص دا الالتراس لعب ايه والزمالك ايه وامحلة ايه .. لا.. الكلام دا مش كده وبعدين الالتراس دا بيعاقب ليه..؟ عشلان الالتراس دا اللي جه بعد الثورة بيومين في موقعة الجمل هما اللي وقفوا وفدوا الثوار برقبتهم وبارواحهم عشان كده بيعاقبوا الالتراس الزملكاوي وكمان بيعاقبوا الالتراس الزملكاوي مسعد ابو ليلة:استاذ توحيد فيه تصريح لاحد جنرالات القيادة المركزية الامريكية بتاريخ2 مارس 2007 بيقول فيها ان ادارة بوش خططت للسيطرة على 7 دول وبعد 9 ايام من 11 سبتمبر قرر الرئيس بوش غزو العراق كيف تقرا هذا التصريح أ/توحيد مجدي: التصريح دا مش غريب ولكن حكاية ان 10 دول وامريكا تقودهم مرة واحدة انا لا اعتقد انه كان عنده مقدرة ساعتها او دلوقت او قبلها او في عز قوته وفي عز حربه على العراق وفي عز امبارطوريته التي اسقطت العسكرية الامريكية كان عنده مقدرة ربما تكون خطة واخدينها على مراحل يعني دولة دولة لكن اعراق كان موضوع مختلف اللواء/ عبد الرافع درويش: السبع دول هما دول البترول العراق وسوريا ولبنان وليبيا والصومال والسودان ثم تنتهي بايران أ/توحيد مجدي: الصومال لو اتكلمنا عليها فدا كلام عبثي دولة داخلة في فوضى عارمة لو اتكلمنا على سوريا انا لا اعتقد انه هو كان يقصد سوريا لانهم كانوا متمشيين مع سوريا الى ان ثار الشعب لان اسرائيل كانت عايزة بشار يظل الى الابد في قلب كرسيه لان بشار كان يؤمن لاسرائيل احتلال الجولان اما قصة العراق قصة مختلفة خالص والسودان دولة بترولية وبعدين انتهت خلاص بتقسيم الجنوب اللواء/ عبد الرافع درويش: وداخلين علينا عشان يقسمونا برضه عايزين ياخدوا بورسعيد لوحدها والاسماعهيلية لوحدها لسه المخطط واضح ان مصر لازم تتقسم الى 5 دول او 6دول أ/توحيد مجدي: المؤامرة في الشارع وليست مسالة تمويل عشان ما نهولش ومنظمات التمويل امام المحكمة مسعد ابو ليلة:برضه الاستاذ عادل حمودة في عدد الفحجر في 26 سبتمبر 2011 بيتحدث عن ضبط شيك ب8 مليون دولار مرسل من المعونة الامريكية الى سيدة في اسوان بهدف انفاقه على عناصر تنظيم النوبة وفصلها عن مصر اللواء/ عبد الرافع درويش: دول عايزين الصعيد وساعدوا حسني مبارك لما تيجي تبص للموازنة بتاعة اي سنة من السنين تلاقي الموازنة نازلة فيها 200 مليون جنيه للصعيد ما ينفعش هما دول اللي كانوا مهمشين فدلوقت النعرة دي لما تيجي تديهم وطبعا بتوع الصعيد عندهم الحمية والرجولة وهما لسه بيخططوا عشان ياخدوا سينا ويوطنوا فيهم الفلسطينيين لغزة والضفة الغربية أ/توحيد مجدي: دلوقت احنا بنشوف برنارد ليفي حيث تواجد في كل ثورات الربيع العربي ومنها مصر دا راجل بياخد كده حبوب للشباب وكل بلد بتلاقيه فيها دا اميريكي بيقوم باعطاء بعض المحاضرات ارشادية للدول بس اساسا اسرائيلي وشغال موساد وCIA بتاعتنا كان تدريبها وشغلها من ال CIA والFBI اللواء/ عبد الرافع درويش: دلوقت هيكلة الشرطة الناس الجديدة اللي تاخد العقيدة المصرية أ/توحيد مجدي: دلوقت بتاخد الطلبة الضباط في عدة دول كان منهم مصر حتى ن حبيب العادلي نفسه درس في اكاديمية ال FBI مسعد ابو ليلة:ماذا يجب علينا الانتباه اليه من خلال هذه المناقشة ؟ اللواء/ عبد الرافع درويش: اولا نسمع صوت الشارع وبعدين نخلي بالنا من الناس اللي بتقول انه عاوزين حماية لبورسعيد من الخارج وفيه نتاس عايزة تعمل عصيان مدني يوم 11 عشان نضيع البلد هذا الكلام يجب ان كل شعب مصر يقف له وينتبه له أ/توحيد مجدي: انا بطلب من الشباب التعقل والاسراع بانشاء قيادة موحدة للثوار حتى يمكن التحدث معها وحتى لا يمكن طحن احد فروع الثوار اذا كان الموجودين ثوار وانا اشك في ذلك مسعد ابو ليلة:في نهاية هذه الحلقة بتوجه بالشكر لسيادة اللواء عبد الرافع درويش الخبير الاستراتيدجي ووكيل مؤسسي حزب الرادة والبناء والشكر للاستاذ توحيد مجدي الكاتب الصحفي بمجلة روز اليوسف شكرا لكما والشكر لكم اعزائي المشاهدين ودائما متواصلون معكم في اتجاهات الى اللقاء
