الجمعة 5/8/2011 مسعد ابو ليلة: اعزائي المشاهدين مساء الخير وكل سنة وحضراتكم طيبين بمناسبة حلول شهر رمضان المبارك اهلا بكم في حلقة جديدة من برنامج اتجاهات الساعة 9 من صباح يوم الاربع اللي جاي ودا هيوافق يوم 3 اغسطس مصر كلها هتكون على موعد مع محاكمة تاريخية يترقبها المصريين بل والعالم اجمع المتهم في المحاكمة دي شخص مش عادي فلاول مرة مصر تحاكم رئيسا لها والتاريخ المصري لم تسجل محاكمة حاكم او رئيس سواء كان فرعونا او سلطانا او ملكا وايضا لاول مرة بيشوف المصريين على الهواء مباشرة وقائع هذه المحاكمة في بث حي على الهواء مباشرة بينقله التليفزيون المصري زي ما نقل قبل كده محاكمات وزراء سابقين ، المتهم هذه المرة هو الرئيس المخلوع محمد حسني مبارك وابناه جمال وعلاء ووزير الداخلية الاسبق حبيب العادلي و6 من معاونيه بالاضافة الى رجل الاعمال الهارب حسين سالم اما التهمة فهي الاشتراك في قتل مئات المتظاهرين واصابة الالاف كلنا عارفين ان النائب العام كان قد قرر حبس المتهم في شهر ابريل الماضي لكن الرئيس السابق ما دخلش سجن طرة وذلك بسبب وضعه الصحي وتم احتجازه في مستشفى شرم الشيخ واخيرا تقرر البدء في اجراءات المحاكمة العلنية في القاهرة يوم الاربع اللي جاي والرئيس المخلوع في اثناء تحقيقات النيابة معاه نفتكر كلماته انحصرت في كلمات مكررة زي ماحصلش معرفش مش فاكر الكلام دا كدب وهكذا اما الاتهام فهو الاشتراك في قتل المتظاهرين في اماكن قاتلة في اجسامهم مثل الراس والصدر ودهس بعضهم والموافقة في الاستمرار في الاعتداء عليهم دونم ان يتدخل بما يملكه من سلطات وصلاحيات لحمايتهم والهدف من دا كان واضح هو ارهاب المتظاهرين وتخويفهم وتخليهم عن مطالبهم وكل دا في النهاية عشان يحافظ على منصب الرياسة ويستمر في الحكم ..السؤال هل ستسير المحاكمة في اجراءاتها يوم الاربع اللي جاي وماهي احتمالات التاجيل وايه هي سيناريوهات المتوقعة لهذه المحاكمة وماهي الاحكام المنتظرة هنحاول نجاوب على هذه التساؤلات معاكم ومع ضيوفنا اللي بنرحب بيهم دلوقت دكتور ابراهيم عيد نايل استاذ القانون الجنائي جامعة عين شمس اهلا بيك يادكتور وايضا نرحب بالاستاذ مجدي محمود حسين المحامي بالنقض اهلا بيك نلقاكم بعد الفاصل فاصل مسعد ابو ليلة: نعود لضيوفنا والاجابة على التساؤلات اللي طرحناها قبل الفاصل وبمناسبة محاكمة مبارك الناس بتسال هنشوف الرئيس السابق في قفص الاتهام هنشوف ابنائه جمال وعلاء في قفص الاتهام رد فعلك دكتور ابراهيم د/ابراهيم عيد نايل: والله المفروض دي محاكمة علنية ومن حق الشعب ان يرى اخطر جريمة شافها يوم 28 يناير يعين اعتقد لما يبقى 800 واحد توفى وحوالي 6 الاف اصيبوا بعاهات مستديمة احنا قاعدين مش حاسين بالماساة يعني اهل الشهداء واهل الشباب اللي اصيب بعاهات من حقه انه يشوف يعني من العادي والطبيعي اننا نشوف المحاكمة علنية ونشوفه في قفص الاتهام لانه مواطن عادي وارتكب جريمة جنائية وهي جناية عقوبتها الاعدام ولازم الناس تشوفه على الهواء لازم والا الشائعات هتسري زي ماكان بيقول ان اللواء حبيب العادلي ماحضرش الى ان شاهدناه مسعد ابو ليلة: اول مرة يحاكم فيها حاكم د/ابراهيم عيد نايل:وماله.. دي ظاهرة صحية ان شساء الله ويبقى اخر واحد عشان اللي جاي بعد كده لازم يتوقع ان الراي العام اصبح ناضج والسلبيات اللي كانت موجودة مش ممكن تتكرر مرة تانية انا اعتقد ان أي رئيس قادم هيعمل الف حساب للراي العام في مصر ماعادش التنازل الخطير اللي كان موجود والتعذيب اللي كان موجود والجرائم اللي كنا بنسمع عنها وطمس الادلة اعتقد انه مش هيتكرر مرة تانية من أي رئيس قادم مسعد ابو ليلة: استاذ مجدي انتقال الرئيس المخلوع ومثوله امام المحكمة مرهون بامر الاطباء ام بامر القضاء أ/مجدي محمود حسين: والله مرهون بامر القانون ..اولا الرئيس الوضع القانوني له انه محبوس وليس مفرج عنه وبالتالي لابد من مثوله جلسة المحاكمة والوضع القانوني له انه فيه قرار بحبسه اذن المتهم محبوس ماهو يجوز الحكم في غيبة المتهم بس اذا كان مفرج عنه في التحقيقات لكن الرئيس محبوس لازم يمثل جلسة المحاكمة وفي حالة تعذر دا لاسباب صحية تتعلق بتدهور صحته او ما الى ذلك هتؤجل الدعوة للدائرة التي تنظر الدعوة ان تامر بندب لجنة طبية على اعلى مستوى ومن أي جهة وبتبقى غالبا من الطب الشرعي للتاكد اذا رات المحكمة ان امر صحته او عدم مثوله صحيا قد تشوبه شائبة تامر بتشكيل لجنة طبية وتوقيع الكشف عليه عما اذا كان متمارض او مريض فهتؤجل لو ماحضرش مسعد ابو ليلة: طيب السؤال لدكتور ابراهيم د/ابراهيم عيد نايل:فيه احتمال وارد للتاجيل انت حالته الصحية تتدهور فجأة انه في حالة غيبوبة انه بيحتضر مش هيحضر وانت عارف حضرتك انه في القانون الجنائي لازم حق الدفاع بحث مكفول فاذن لو ماحضرش هتؤجل الدعوة 100% مسعد ابو ليلة: معنا عبر الهاتف المستشار نجيب جبرائيل رئيس الاتحاد المصري لحقوق الانسان ..سيادة المستشار عرفنا ان حضرتك زرت ليمان طرة تكلمنا عما رايته هل شاهدت علاء وجمال مبارك في الليمان المستشار نجيب جبرائيل:هو الحقيقة زيارة السجين بناء على طلبه منعا لانتهاك حقوقه حتى عيلته ممكن يرفض انه يزور عيلته لكن الحقيقة انه كان الهدف من الزيارة التاكد مما اثير من لغط في الاونة الاخيرة من ان هناك ناس خرجوا ودخلوا وايضا هناك معاملة تمييزية وبورتو طرة و5 نجوم والى اخره هذه الامور فالحقيقة قصدنا من هذه الزيارة ان نعطي صورة للناس وصورة للشارع المصري ان الكل يتعامل معاملة على قدم المساواة وليس هناك أي تمييز بين سجين واخر مسعد ابو ليلة: اذن ماذا وجدت ياسيادة المستشار المستشار نجيب جبرائيل: احنا اتقابلنا مع رئيس التليفزيون السابق شفناه وتحدثنا معه ايضا تحدثنا مع عضو مجلس النقابة المحامين السابق مع السيد عمرو عسل واهمك ماشفناه ورايناه وتاكدنا منه حينما اطلعنا على دفتر اليومية لزيارات جمال وعلاء مبارك وتاكدنا ان اخر زيارة كانت يوم 26 من هذا الشهر من الساعة 2وربع للساعة اربعة زاره صهره والصغير عمر وخديجة وهايدي وبالنسبة لحبيب العادلي رايتنا اخر خروج منه كان بيوم الاربع حينما ذهب الى المحكمة اساعة 7 وخمسة ورجع 11 ونص يعني الحقيقة كانت صورة ومرآة جيدة جدا تثبت ان دول موجودين بالفعل ايضا راينا الزنزانات عليها اسماء سواء اللي عليهم احكام او المحبوسين حبسا احتياطيا وتاكدنا ان الزنزانات ليس بها سوى تلاجة ومروحة وتليفزيون ويبث قنوات ارضية فقط لاغير لكن كان فيه بعض الشكاوى من المسجونين اننا نوفر لهم وسيلة اتصال بالخارج ودي طبعا في لائحة السجون لا تجوز ان يكونن هناك محمول وايضا تاكدنا من عدم وجود أي لاب توب في أي زنزانة من الزنزانات وحسبما اشيع ان احمد عز معاه لاب توب تاكدنا انم المعاملة على قدم المساواة مسعد ابو ليلة: سيادة المستشار هل كان هناك أي تعقيب من أي من المتهمين او ردود فعل مع قرب المحاكمة المستشار نجيب جبرائيل: والله هما بيقولوا انه كانوا بيتعاملوا معاملة رائعة من ادارة السجن طبعا هما عندهم نوع من الاكتئاب وكمان عاوز اطمن الناس انه انا رايت بأم عيني اورنيك حبس حبيب العادلي والمغربي وجرانة دول اورنيك الحبس الاصفر وعليهم الصور اللي تؤكد انهه صدر ضدهم احكام حبس دا يؤكد انه هناك احكام صدرت بالفعل وراينا ايضا الزنزانة اللي فيها احمد فتحي سرور هو والمجموعة بتاعته يعني الامور تسير وفقا للقانون وفقا للائحة السجون ولم يتدخل احد من الظباط ولا مأمور السجن ولا مساعد الوزير باي امر من الامور وتركنا نحن نتحرك وايضا راينا مستشفى السجن وتساءلنا عما اذا كان هناك غرفة العناية المركزة التي قيل انها تحتاج بعض الامور حتى ياتي فيها الرئيس السابق ووجدنا انه محتاجة الى بعض التجهيزات ووسائل التنفس الصناعي مسعد ابو ليلة: يعني العناية المركزة غير مكتملة المستشار نجيب جبرائيل: غير مكتملة وما ينفعش ييجي فيها حد ويتحملوا مسئوليته وخاصة انه لو تضاعف المرض ونقل الى مستشفى الحسين او المنيل مسعد ابو ليلة: هل دونت اللجنة هذه الملحوظات سيادة المستشار المستشار نجيب جبرائيل :كان التقرير وافيا نبثه للمواقع كلها وكل اجهزة الاعلام ووزارة الداخلية الحقيقة كانت بتصور الوقائع دي كلها والنهاردة بنقول للشعب المصري انه لا يوجد سوى القانون ولا توجد سوى سيادة القانون وان الكل سواسية وانه لا صحة اطلاقا لما اذيع واشيع انه8 بيتعاملوا معاملة بورتو طرة وعشر نجوم وخمس نجوم دا لا اساس له من الصحة اطلاقا حتى انه راينا بعض المناس اللي كانوا بيزوروهم من اهاليهم بالصدفة مكانش حاجة معدة ولا مرتبة مسعد ابو ليلة: سيادة المستشار نجيب جبرائيل شكرا جزيلا لك ونعود للتهم المنسوبة في شئ من التفصيل للسادة المشاهدين للمتهم الاول الرئيس المخلوع ونجليه ووزير داخليته وايضا معاونيه في قضية قتل المتظاهرين د/مجدي محمود حسين: والله وفقا للتحقيقات هو منسوب للرئيس الاشتراك في جرائم قتل الثوار او المتظاهرين ، بالاشتراك مع اخرين الاخرين دول نجليه ووزير الداخليه و6 من مساعديه باعتبار قانوني صرف اللي هو الشريك فيه فرق بينه وبين الفاعل انه الفاعل بيتواجد على مسرح الجريمة فهو بيسمى شريك لمكن المادة 40 والمادة 41 ساوت في العقوبة ما بين الشريك والفاعل وقالت من اشترك في جريمة فعليه عقوبتها فايا كانت التسمية فهو شريك يتحمل العقوبة كاملة مسعد ابو ليلة: قبل اتنن اصل الى العقوبة استوضح من الدكتور ابراهيم د/ابراهيم عيد نايل:اشاع في الراي العام حتى في قرار الاحالة للاسف ان حبيب شريك في الجريمة الحقيقة هو لا شريك ولا حاجة هو فاعل تماما زي اللي اطلق الرصاص ودي ليها اسباب قانونية لان احنا عندنا في القانون الجريمة السلبية والجريمة الايجابية فالقول الاعلى للشرطة وكان ممكن يصدر اوامر بعدم اطلاق رصاص عليه التزام قانوني بهذا كونه اخل به عشان المتظاهرين يموتوا ويتفرق ميدان التحرير وتفشل الثورة دا احنا بنسميه في القانون جريمة قتل ايجابية بالامتناع وهو اصدر الاوامر بهذا واعتبر عندنا حاجة اسمها الفاعل المعنوي تماما زي اللي اطلق الرصاص وليا تعقيب الحقيقة على استاذ مجدي انه بيقول من اشترك في جريمة المادة مظبوط المادة 41 بس فيه ثغرة خطيرة جدا المادة 235 تقولك اذا كان الفاعل في جريمة قتل هيعاقب بالاعدام لو اعتبرناه شريك الرئيس يبقى الشريك يعاقب بالاعدام او السجن المؤبد فيمكن ما ياخدش اعدام اذا اعتبرناه مجرد شريك لو اعتبرناه فاعل معنوي زي ماقلت قبل شوية زي ما اطلق الرصاص بالظبط فعليه التزام قانوني يبقى ياخد اعدام عقوبة وحيدة مش السجن المؤبد مسعد ابو ليلة: من هنا حرص سيادتك انك تؤكد ان هو مش شريك د/ابراهيم عيد نايل:انا كنت اتمنى ان امر الاحالة فاعل وليس مجرد شريك د/مجدي محمود حسين: انا عايز اقول حاجة فيما يتعلق بعقوبة الاعدام هو القانون قال انه لو فاعل الجريمة اكتر من واحد يجوز للمحكمة انها تستبدل عقوبة الاعدام بعقوبة السجن المؤبد بمعنى انه في جميع الاحوال الحد الاقصى في العقوبة لانه القانون مافرقش في العقوبة ، التفريق في العقوبة دا بيبقى سلطة المحكمة د/ابراهيم عيد نايل:بس المادة صريحة بتقول اذا كان الفاعل بيعاقب بالاعدام في جناية قتل الشريك يعاقب بالاعدام او السجن المؤبد ضف الى ذلك اين هو النص اللي سيادتك بتقول عليه بتقول انه لو كان فيه اكتر من واحد يبقى العقوبة تختلف من واحد للتاني ..؟ د/مجدي محمود حسين: دا يجوز كمان للمحكمة النزول بالعقوبة عن الدرجة اللي حددها القانون د/ابراهيم عيد نايل:ليس لها أي مجال هنا مسعد ابو ليلة: مادة 17 زي ما بيقول الدكتور ابراهيم هل مع انه يصنف كفاعل وليس شريك في التهمة د/مجدي محمود حسين: لا لانه انا وفقا للمستقر عليه قضاءا اللي بيميز الفاعل عن الشريك ..... انا عايز اقول انه ايا كان الوصف القانوني للمحالين سواء الرئيس او نجليه او الوزير او مساعديه شركاء كما الفاعلين تماما واشهر مثال على كده قضية اللبنانية سوزان تميم وهشام طلعت مصطفى ومحسن السكري انا عايز اقول للدكتور مفيش حاجة اسمها اجباري بالنسبة للمحكمة اللي بتنظر الدعوى د/ابراهيم عيد نايل:المادة 17 دي ليس لها مجال في اللي بنتكلم عنه ..المادة 17 بتقول ايه اذا كانت فيه اسباب تستأهل رأفة القضاة يجوز للمحكمة ان تنزل بالعقوبة درجة او درجتين أي رأفة قضاة في موضوع المتظاهرين..؟ يعني اثرت مادة ليس لها محل د/مجدي محمود حسين: معلش انا بدلل على ان القاضي الذي ينظر الدعوى مسعد ابو ليلة: بس هو الدكتور ابراهيم بيتكلم في تصنيف هل هو متهم كفاعل ام هو شريك د/مجدي محمود حسين: شريك ..انا عايز اقول ان الاختلاف دا مش هيفرق عملا لان العقوبة واحدة مسعد ابو ليلة: طيب دا يخليني اسال انه هل توقعون انه تحصل مواجهة ما بين مبارك والعادلي حول ما اذا كانت هناك اوامر او قرارات قاسية من القيادة السياسية د/ابراهيم عيد نايل:فيه نص قانوني بيحكم الجزئية بتاعة حضرتك هو المادة 63 عقوبات حتى لو العادلي احتج وقال انه الرئيس اصدر لي امر صدور امر من الرئيس انصب على فعل يعد جريمة لا يبيح الفعل حتى لو كان فيه امر صادر من الرئيس مبارك بقتل المتظاهرين دا لا يبيح فعل العادلي نه يقتل المتظاهرين ..امر الرئيس لا يجوز اطلاقا ان يكون مخالف للقانون دا مش مبرر انه ييجي يبرر للمحكمة انه بينفذ الاوامر..امر الرئيس فيه شروط اهمها الا يتم الفعل على فعل يشكل جريمة دا لا يبيح اطلاقا حتى لو تمسك انه امر صادر من الرئيس دا لا يسبح له الفعل اللي ارتكبه مسعد ابو ليلة: لا يشفع له د/ابراهيم عيد نايل:اطلاقا ..دلوقت رئيسك في العمل قالك خش اسرق الحاجة دي اخش اسرق واقول دا رئيسي اللي قاللي أي امر ينطوي على مخالفة جنائية مسعد ابو ليلة: احيل الكلام لاستاذ مجدي في حالة لو ثبت من وزير الداخلية انه هناك امر ممن الرئيس المخلوع باصدار الاوزامر في قتل المتظاهرين د/مجدي محمود حسين: والله تقدير اقوال أي من المتهمين او الشهود مرجعه في الاول وفي الاخر للمحكمة بمعنى قد تقتنع المحكمة باجابات العادلي في ان هناك امر صادر من الرئيس وهذا الشأن وبالتالي تطمئن الى قولته وتقيم عليها بالاضافة الى الدلائل الاخرى ووارد جدا انه يترائى للمحكمة انه تعم انه قرار صادر من الرئيس واذا كان هناك تهم اخرى ودي مسالة ترجع للمحكمة لانه المفروض انه وفقا للتحقيقات ان الرئيس قال ماحصلش والوزير قال حصل طبعا بيبقى فيه شهود لانه فيه كبار في ديوان الرئاسة سجنوا في التحقيقات او لم يسالوا في الاول وفي الاخر دا كمان هيئة المحكمة هتستوفي حاجات لانه التحقيقات كان فيها عجلة فالامور في مثل هذه القضايا لازم تستوفى فانا اتوقع كمان ان المحكمة تستوفي بعض الاجراءات بنفسها زي القناصة اللي ما تقالش اساميهم زي..زي ..زي حاجات كتير قد ترى المحكمة انها تستوفيها واعانها الله على نظر الدعوى ودا اللي بيخلينا نقول ان تاجيل الدعوى يوم 3 امر مؤكد لانه هناك اكثر من سبب مسعد ابو ليلة: نعم..دكتور ابراهيم الدلائل القانونية اللي هيتم محاكمة الرئيس المخلوع على اساسها د/ابراهيم عيد نايل:للاسف الشديد امر الاحالة فيه خطأ قانوني في وقتها لما قالوا انه فيه قتل عمد مع سبق الاصرار اللي هي المادة 230 عقوبات انا نفيت الكلام دا لانه سبق الاصرار انه بترتكب جناية القتل بعد ان زالت عنك ثورة الغضب يعني في حالة تروي وفي حالة ضبط نفس وحالة هدوء ودا مكانش موجود دي كانت ثورة وانفعال كان فيه اساس تاني اللي هو يوصل دا لحكم الاعدام اللي هو المادة 234 الفقرة 2 الل هي اقتران القتل بجناية يعني ايه..؟ انت ترتكب جناية قتل هو ارتكب قتل متظاهرين وجناية شروع في قتل وعنده جناية احداث عاهة مستديمة ودي عقوبتها الاعدام وجوبا انا رايي الشخصي اه اساس قانوني لكن مع سبق الاصرار 100% الدفاع هينفيه ..المشرع قال انه اللي يرتكب جنايتين احداهما على الاقل فدا يبقى شخص شديد الخطورة يجب اعدامه فالمادة 234 هي اساس محاكمة مبيارك مش المادة 230 مسعد ابو ليلة: معانا احد المواطنين ابراهيم عبد العزيز من الاسكندرية مساء الخير .. كيف استقبلت كمواطن خبر مثول الرئيس السابق ونجليه ووزير الداخلية ومساعديه امام المحكمة وستكون هذه المحاكمة علنية على شاشة التليفزيون ابراهيم عبد العزيز : طبعا استقبلتها استقبال عادي زي أي فرد بس انا ليا سؤال ماذا لو دافع عنه المحامون وقال انه ضرب المتظاهرين على اسا سان هما متمردين وان هو مكانش يعرف ان هما متظاهرين لكن هما ناس عايزة تقوم بقلب نظام الحكم فهل هو من حقه انه هو يضربهم فممكن الناس دي تطلع براءة على اساس ان هما بيدافعوا عن الدولة وان الناس دي كلها متمردة ايه الحكم في الموضوع مسعد ابو ليلة: شكرا اخ ابراهيم ونحيل السؤال لضيوفنا د/ابراهيم عيد نايل:والله هو مكانش فيعه قوة ولا يحزنون ييا استاذ مسعد كان شعار المظاهرة سلمية سلمية امتى اطلق النار عليه ضوابط في كلية الشرطة في الاقدام انما في القلب وفي العين وفي الراسي..السلمية السلمية تنفي الكلام اللي ممكن يثار في هذه الجزئية بالاضافة الى ان الفساد كان مستشري يعني الناس كان عندها اسبابها وكانت الثورة لها 3 شعارات منها عدالة اجتماعية وسلمية د/مجدي محمود حسين: انا عايز اقول انه لا محل لقصة الدفاع عن النفس والدفاع عن المنشآت العامة والدفاع عن انفسنا بالنسبة للضباط والمساعدين او بالنسبة للمتهمين في هذه الدعوة لاسباب بسيطة اولا اللي حصل وشفناه كلنا في التليفزيون المباشر ان المتظاهرين خارجين بيرددوا شعارات لا شفنا معاهم ادوات ولا شفنا معاهم اسلحة ولا شفنا لهم مصابين شفنا منهم مصابين وشفنا منهم قتلى فالمفروض اللي هيثير شبهة الدفاع عن النفس او المنشآت العامة لابد ان الماديات تساند هذا الكلام اما انه مكانتش فيه اسلحة زي ماقلت دلوقت فالامر واضح تماما انها مسالة اعتداء على المتظاهرين وقتل متظاهرين واصابة متظاهرين ولابد من حسابهم مسعد ابو ليلة: نذكر ان الرسالة رقم 31 من قبل المجلس الاعلى للقوات المسلحة واللي نشرها في شهر ابريل الماضي على صفحته في موقع الفيس بوك واكد فيها ا الجميع امام القانون سواء ولا الحد يعلو فوق القانون والان نعتبره قول صاحبه التطبيق الان كيف ترى هذا د/ابراهيم عيد نايل:هو طبعا شئ طيب ولكن لكل ماله من تقدير انا مش عايز رد فعله وقرارات العملية دي تكون رد فعل للاسف لميدان التحرير او باقي الميادين فيه حاجات منطقية يعني كل القرارات اللي اتأخذت من تغيير قيادات و..و.. الى اخره كان نتنتيجة للاسف الشديد بعد المظاهرات وبعد الاعتصامات وبعد المليونيات ففيه حاجات منطقية تتفق مع النطق مش معقول فيه حاجات بتحتاج الى سرعة شوية فيه حاجات بتحتاج الى خطوات يحس الناس انه فيه تحول تلقائي ما يبقاش العملية رد فعل مسعد ابو ليلة: يعين مسالة السرعة واحنا امام موقف دلوقت د/ابراهيم عيد نايل:هقول لحضرتك حاجة يعني اللي سمعناه في التقارير الطبية اللي بيقولوها للراي العام والسيدة سوزان سيدة مصر الاولى سابقا افتعلت قصة المرض فتم اخلاء سبيلها ورجعت جزء من ثروتها فيه حاجات الناس مش متقبلاها او عملية القلب لما قالوا عملية قسطرة وما اتعملتش عملية قلب هل مفيش عشرات الناس مرضى بالقلب في السجون يعين فيه حالات الراي العام ممتعض منها الى حد ما والناس عندها وعي والناس مش هتسكت اطلاقا وانت شفت الناس مسعد ابو ليلة: ماهو دا يراعى ولمكن نراعي ايضا ماذا لو حدث سرعة غير عادية في المحاكمة د/مجدي محمود حسين: محاكمة الرئيس وشركاؤه دي محل مراقبة دولية لانه فيه تداعيات للمحاكمة دي اما ان يحاكم الرئيس المخلوع محاكمة زي أي متهم ويطبق عليه القانون معلش الشارع عايز يسمع العقوبة دلوقت مش بكرة انا عايز اقول انه فيه استعجال من الشارع انها تشوف اللي بيتحاكموا علشان فيه دم اريق ففيه استعجال من الناس سواء كانوا اهالي مجني عليهم او اهالي متهمين او اهل مصر فيه استعجال للمحاكمة ودا كلام لازم نقف عنده لانه الجلسة الجاية هتؤجل حتما هتؤجل باعتبارها جلسة اولى هيراجع فيها المتهم بالتهم المنسوبة اليه ويجيب بالنفي او بالايجاب وهناك امر الاحالة ورص التتهم وتبتدي المحكمة تشوف الاحراز ان كان فيه احراز فهي مؤكد 100% انها هتكون جلسة اجراءات هل هتتم جلسة الاجراءات دي فعلا يوم 3 دا ..؟ دا في حالة مثول الرئيس في قفص الاتهام مسعد ابو ليلة: نشوف احد المواطنين جعفر الجمل من اوسيم اهلا وسهلا بيك جعفر الجمل- الجيزة:انا عايز اسال سؤال سيادة المستشار تفضل مشكورا رايح يشقر على الدفاتر ولا يبص على الناس مسعد ابو ليلة: تقصد المستشار نجيب جبرائيل جعفر الجمل- الجيزة: تمام انت سيادتك رحت عشان الدفاتر طب ماكانت الدفاتر جاتلك مادام انت هتبص عالدفاتر انت شفت حد في الزنازين ماشافش حد في الزنازين مسعد ابو ليلة: استاذ جعفر قال ان هو شاف المتهمين وشاف الغرف جعفر الجمل- الجيزة: خلي بالك دقيقة واحدة انت سيادتك بتقوله شفت جمال وعلاء لا قالك اه ولا قالك لا ..قالك انا شفت وزير الاعلام مسعد ابو ليلة: بس هو قال انه شاف جعفر الجمل- الجيزة: لا ماشافهمش ..شاف الدفاتر وعمر وفلان اللي بيروحوا له زيارة ادي بند..البند التاني اصدروا تعليمات بتجهيز زنزانة في ارض المعارض مسعد ابو ليلة: طب انا عايز اطمنك يا استاذ جعفر معايا لااستاذ مجدي بيقول ان اخرين ذهبوا الى سجن طرة ..اتفضل يا استاذ مجدي د/مجدي محمود حسين: فيه لجان راحت سجن طرة لجنة من نقابة المحامين وشافت وعاينت واقرت انهم زيهم زي غيرهم ولجنة من منظمات المجتمع المدني مسعد ابو ليلة: شكرا استاذ جعفر الجمل ونشوف مواد القانون يعني المادة رقم 247 لسنة 56 في شان محاكمة رئيس الجمهورية وتعاقب رئيس الجمهورية بالاعدام هناك برضه قانون لسنة 58 بنستوضح بس بعض المواد د/ابراهيم عيد نايل:القانون 56 يعاقب اذا كان فيه جريمة خيانة عظمى والقانون دجا ماتلغاش لغاية دلوقت لانه بكل اسف لم يفعل في يوم ما لكن قانون محاكمة رئيس الجمهورية والوزراء موجود لم يلغ بعد بس زي قانون الغدر السياسي موجود من سنة 52 مسعد ابو ليلة: هنا السؤال ممكن توجه اليه تهمة الخيانة العظمى د/ابراهيم عيد نايل:والله انا اريي الشخصي في بعض الوقائع اذا ثبتت زي تصدير الغاز لاسرائيل هو الخيانة العظمى بس ان انا اتجسس وادي اسرار عسكرية لا تشمل تدمير الاقتصاد بالشكل اللي حصل دا دي خيانة عظمى ، كونه انه ما يعبر سيناء متعمد كما قيل دي خيانة عظمى ودول حوض النيل وانه ممكن يجوع الشعب المصري انا رايي دي خيانة عظمى مسعد ابو ليلة: دلوقت المحاكمة يوم 3 اغسطس بنتكلم عن المتظاهرين هل الاتهامات دي هتكون موجة في قضية تانية ولا هتدرج في نفس القضية الاتهامات بالخيانة العظمى د/مجدي محمود حسين: دي لابد من بلاغ مستقل اما انها تدرج ضمن هذه القضايا لان الموضوع كله متعلق بقتل المتظاهرين مفيش حاجة غير قتل المتظاهرين والشروع في قتل بعضهم واحداث عاهات لبعضهم مسعد ابو ليلة: معنا عبر الهاتف الاستاذ امين محمد الكاتب الصحفي بالاهرام الاستاذ امين ..كيف استقبلت هذا الحدث محاكمة الرئيس السابق في سابقة هي الاولى من نوعها في مصر ومحاكمة علنية عبر التليفزيون الكاتب الصحفي/امين محمد امين:والله انا بعتبر يوم المحاكمة اول هدف للثورة وهو محاكمات الرئيس واعوان النظام لان الثورة قامت بالقضاء على الحكم لانه اضاع حقوق المصرين واهدر كرامتهم القضية مش قضية قتل بس شهداء لانه كم السجون كم المعتقلات كم الحقوق ونسبة الفقر اللي موجودة نسبة الجوع وكتير من الثروات المصرية اللي اهدرت فانا بعتبر ان يوم المحاكمة دا يوم تحقيق اول هدف للثورة وانا بقول ان ميزة الثورة السلمية انها بتقول انه محاكمة عادلة وليس كما تفعل بعض الثورات اعدام على طول بدون محاكمة دي عظمة مصر لكن الاهم من كده القضاء، الناس النهاردة انتظرت ومنتظرة القصاص العادل بسرعة لانه الكل بيقول ان يوم 3 دا هيبقى فيه تاجيل لان المحامين هيطلبوا الاطلاع ثم شهر وراه شهر والنتيحجة احباط لكل اهداف الثورة مسعد ابو ليلة: الاستاذ امين محمد امين الكاتب الصحفي بالاهرام شكرا جزيلا وتعقيب اخير دكتور ابراهيم بالنسبة لتوقعاتك وبالنسبة لاجواء المحاكمة د/ابراهيم عيد نايل:مالم تكن هناك اسباب صحية خطيرة توجه القضية زي ماقلنا والمحاكمة نتنمنى انها تكون علنية زي ماقالوا وان شاء الله يكون موجود والحكم ان شاء الله يكون الحكم حسب النص اللي قلته من شوية 234 مسعد ابو ليلة: نعم..الاستاذ مجدي د/مجدي محمود حسين: بداية انا بشكر وزير الاعلام ما نشر منسوبا اليه من انه هتنقل عبر شاشات التليفزيون المصري والاحكام بتبقى باسم الشعب وبتبقى في جلسات علنية فالقرار متوافق عشان منعا للغط عند الناس واتوقع انها تؤجل في اول جلسة حتى لو مثل في القفص مسعد ابو ليلة: الشكر دكتور ابراهيم عيد نايل استاذ القانون الجنائي جامعة عين شمس والاستاذ مجدي محمود حسين المحامي بالنقض شكرا وايضا الشكر لكم اعزائي المشاهدين ونلقاكم في اتجاهات في حلقات قادمة
