حديث المدينة

السبت 2/7/2011
مفيد فوزى : أسعد الله مساءكم بكل الخير فى مرحلة إنتقالية تتطلب منا كل الصبر لا أظن أن وزيرا فى موقعه تعرض لإتهامات مثلما تعرض هو ولا أظن أو وزيرا فى موقعه قد تعرض لبلاغات للنائب العام مثلما تعرض هو ولا أظن أن وزيرا فى موقعه قد تعرض للجدل بين مطالب بإقالته أوإبقائه مثلما تعرض هوالدكتور زاهى حواس وزير الدولة للأثار فى حديث المدينة .
فاصل
مفيد فوزى : دكتور زاهى الناس يقولون كده بوضوح وعلى صراحة وعلى بلاطة أنك أنت علامة إستفهام فى الوزارة الجديدة وأنا أعتقد أنك وزيرنجم بمعنى أنك وزيرلك سمعةعالميةوأنت تجيد تسويق نفسك ولهذا صرت محل الإتهامات والبلاغات والجدل دعنى اسألك يوما ما سألتك فى زمن الوزيرفاروق حسنى وقلت لك هل أنت طامع؟ لأ مقلتش طامع هل أنت طامح لمنصب وزير الثقافة ؟ وأظن أنك قلتلى لأ جيت اسألك اليوم هل يرضى غرورك الشخصى الإنسانى بتاريخك الطويل منصب وزير الدولة للأثار ؟
د/ زاهى حواس: يعنى أناعايزأوضحلك نقطة مهمة جدا طول عمرى حياتى كلها متفرغة لخدمة الأثار وفى نفس الوقت أننا عملى كله كان احافظ على الأثارأرجع أثار يعنى تعايش الأثارلاعمرى دخلت حزب ولاعمرى حضرت إجتماع سياسى ولاعمرى دخلت فى أى حاجة سياسية لما جالى منصب وزيرالدولة للأثارلو كان فى أيدى أرفضه كنت رفضته لانه جه فى وقت رئيس الوزارة صديق عزيز جدا هو الفريق أحمد شفيق وجه فى وقت مقالوليش تعال وزيرثقافة تعال وزيرأثارفلم يكن أمامى غير انه أنا أقول حاضر
مفيد فوزى: هل كنت تريد أن تكون وزير ثقافة ؟
د/زاهى حواس: عمرى لم أرغب ولم أفكرفى يوم من الأيام انه أنا أجى لا وزير ثقافة ولا وزيرأثار طول عمرى كنت عايزأسيب الأثار كأثرى بيعشق الأثاروبيحب عمله الأثرى
مفيد فوزى : ليه دخلت الوزارة وخرجت وعدت ؟ يعنى أيه بالظبط عاملة زى لعبة الكراسى الموسيقية
د/ زاهى حواس: لأ لأ مش الكراسى الموسيقية ولا حاجة أنا دخلت الوزارة قعدت فى الوزارة 37 يوم لقيت الأثاربتتسرق طلاب بيهاجموا علشان عايزين يتعينوا وأنا معنديش فلوس وبعض الموظفين وبعض الناس اللى كانت بترغب فى الفوضى فى ناس للأسف الشديد كانت عايزة تبقى وزرا فقعدوا يحاولوا يسيئوا لسمعتى ربنا سبحانة وتعالى ما بيسبش الشخص اللى حاول يسيىء لسمعتى هو اللى أساء لسمعة نفسه وفى نفس الوقت يعض الأشخاص التانيين اللى عليهم بقى علامات إستفهام حقيقية وليست علامات إستفهام بدون دليل الأشخاص دى واحد فيهم متهم إتهامات خطيرة سرقات التانى زيه ففى وجود هذه الثورة بعتوا ضدى 15 بلاغ للنائب العام أيه اللى حصل فى البلاغات ؟ طبعا البلاغات اللى بتيجى كلها كلام مرسل مفيش أدلة فالنائب العام أحيل هذه البلاغات للرقابة الإدارية ونيابة الأموال العامة أنا قعدت أحبط الأدلة والمستندات الكاملة اللى بتثبت سواء الكسب الغيرالمشروع من أول 15:3 أن هذه الإتهامات إتهامات باطلة وقدمت كل المستندات الدالة على هذا بدليل أنا هرجعلك تانى وأقولك موضوع لقتينى مش عارف أشتغل فى الوزارة الأولانية فتعبت وانا فى حياتى بحب أشتغل ومش أقادرأكمل فى هذا الجو أنا طول عمرى أحب أشتغل فى جو نضيف فقررت انه أنا أعتزل العمل الوزارى أنا الحقيقة لم أسعى أبدا للعودة لكن أنا تشرف بمكالمة من الدكتورعصام شرف رئيس مجلس الوزراء بعد وزارة شفيق بعد شهر من انه أنا يبت الوزارة وإستدعانى الدكتورعصام شرف وإتكلم معايا ورحبت وقلتله أنا سيبت الوزارة علشان كذا كذا لكن أنا سعيد بدعوة حضرتك سعيد انه أنا بشترك معاك وبقدم حاجة من أجل البلد
مفيد فوزى : طيب عايزاسألك يا دكتورأنا عايزك تحسم إيجابات علشان متبقاش فى حياتنا نتسلى بيها وأحيانا تملى فراغ يعنى تعتقد أن الزمن ليش زمن فراغ زمن عمل جاد حقيقى علشان تبقى الحالة الثورية حقيقتا عمل مش حكاوى قهاوى يعنى يا دكتور زاهى هل راق يوما للسيدة سوزان ثابت حرم رئيس الجمهورية ما يسمى بكوليه الأميرة سميحة ؟ أنا عايزك تحسم صوت وصورة أمام الناس هذا الكلام فلا يعاد تكراره
د/ زاهى حواس: أيه موضوع العلبة القطيفة ؟ المهندس إبراهيم رئيس المقالوين العرب هو اللى قام بالمشروع الجميل ده وعمل أعظم متحف فى إسكندرية الأعمال اللى تمت قبل التطويروبعد التطويرحطها فى كاس صغير وحطه فى علبة قطيفة فاروق حسنى قدم هذه الهدية إلى السيدة سوزان مبارك الحاجة التانية وهى بتتفرج وجنبها وزيرالثقافة وأمينة المتحف اللى بتشرح لقت حرف حاجة إتش فقالت دا مكنش يبقى أس إتش ؟ يعنى سوزان حسنى يعنى هزار دا اللى حصل أنت بقى علشان تهدى قطعة أثرية لأى إنسان فى الدنيا بتعمل أيه ؟ مش من حقك ولا من حق رئيس الجمهورية ولا من حق وزيريهدى ولوحتة شقافة بتمر بإجراءات أولا تعرض على لجنة فيها 60 عالم أثار من بره ومن جوا ومجلس إدارة ورئيس وزرا وقرار جمهورى ولم يحدث إطلاقا من سنة 2002 لما أنا مسكت الأثار حتى الأن انه تم إهداء أى قطعة أثرية لأى حد هما قالوا انه سوزان مبارك بتنزل المقبرة
مفيد فوزى : دا مش صحيح ؟
د/زاهى حواس: إطلاقا عمرها كل اللى عملته فى الأثار حضرت إفتتاح ثلاث متاحف فقط لم يحدث إنها طلبت حاجة من الأثار
مفيد فوزى : هل أنت على علم بإقتناء بعض قطع الأثار فى ديوان السيد رئيس الجمهورية لم تسجل فى الأثار ؟
د/ زاهى حواس: أولا قصور الرئاسة ليست تابعة للأثار أحنا مسجلين فقط المبانى وهو قصرالعروبة وقصر عابدين كمبنى المقتنيات الأثرية اللى داخل هذه القصورلا تتبع الأثار لكن من 11 ، 12 سنة تم تشكيل لجنة عليا من الأثار بناءا على طلب رئاسة الجمهورية بتسجيل مقتنيات الرئاسة لجنة هنا فى القاهرة برئاسة الدكتور محمد عباس ولادنا فى إسكندرية اللجان دى فى القاهرة خلصت 60 % من القطع الأثرية واللجان اللى فى إسكندرية خلصت 90% ولسه التسجيل لم ينتهى
مفيد فوزى:يعنى فيه قطع أثرية فى ديوان رئيس الجمهورية ؟
د/ زاهى حواس:قطع تابعة لقصور الرئاسة وليست تابعة للأثار
مفيد فوزى:سؤال السرقات اللى بتحصل فى الأثار ليه أحيانا يشاع أنها من الداخل رغم الأسوار العالية ؟ وأنا بنقل السؤال لأنى بأستشعرإحباط العاملين الشرفاء فى جهاز الأثار لمثل هذا الكلام
د/زاهى حواس:أنا هقولك حاجة إدينى دليل واحد لثرى واحد غير الأثريين اللى بيتقدموا الإتهامات الباطلة دى لهم ضلغ فى أى سرقة أثار إطلاقا لم يحدث الأثريين فى المجلس الأعلى للأثار على درجة عالية من الخلق والإحترام وبيشتغلوا على أعلى مستوى المتحف المصرى مثلا لما أنا جيت هنا يوم 29 الصبح اللى بيقدموا البلاغات بتوع الجامعة وغيرهم كانه نايمين فى بيوتهم تحت الباطنية وأنا الساعة 8 الصبح هنا مع الشباب اللى حمى المتحف لما دخلنا المتحف لقينا إن كل القطع الأثرية موجودة قلت المتحف المصرى بخير ومدام المتحف بخير يبقى مصربخير وهنجرد المتحف لو طلع حاجة مسروقة هنقول لو أنا قلت فى يوم 29 هما كانه عايزين أقول المتحف إتخرب وإتسرق أسهل حاجة كنت أقولها كان الثورة والشباب اللى عملوه ده كان أنتهى قدام العالم وقدام عينيين الدنيا
مفيد فوزى : أنت جبت كرسى وقعدت
د/زاهى حواس : وقعدت قدام المتحف طول النهارعلشا خايف المكتب بتاع الإتحاد الإشتراكى ده وهو بينحرق يقع على المتحف وهما بقى قالوا دا زاهى حواس كذا أنا حميت المتحف وحميت مصر بكلمة رنت فى العالم كله وجردنا لقينا المتحف ناقص منه 54 قطعة رجعنا كل القطع الفريدة ناقص 31 قطعة لحد دلوقتى والحاجة المهمة إن بعض الناس قالك دا حاجة داخلية حرام حرام يعنى أنا النهاردة للأسف لما ببص وألاقى صحفى يكتب ويقولك معارض الأثار اللى فى الخارج ومعرفش أيه انا بعت 50 قطعة من توت عنخ أمون جابت لنا 100 مليون دولار جبت لجمال وقلتله عايزكم تدخلوا مع الشركة وتحمونى ما خدوش مليم وحمونى وجابولى 100 مليون دولار وأنا مش عضو فى مجلس إدارتها إطلاقا أنا إخطرت سنة 2001 كا من المكتشفين العظام 8 فى العالم أنا منهم الفروض يعنى أنا ساعات أقول بتعملوا كده ليه ولمصلحة مين ؟
مفيد فوزى: أنت حاسس انه حد بيغدربيك ؟
د/زاهى حواس : أنا حاسس انه البلد فيها حملة ضد أى شيىء كويس وضد أى شيىء جميل أنا كل حاجة جميلة كنت بفخر بيها عملتها للبلد طلعوها مش كويسة
مفيد فوزى : تفسر بى أيه إشاعة هروبك لأمريكا ؟
د/زاهى حواس:طب قولى تعمل أيه أنت ؟ أنت راجل مسافر علشان تعمل دعوة للأمريكان يزوروا مصر والحمد الله ربنا إيدانى القدرة على إنى أعمل ده وأخدم بلدى صحافة وإعلام وتليفزيون ومحاضرات
مفيد فوزى : حضرتك كنت وزير أيامها ؟
د/زاهى حواس : أه دا لسه الكلام ده الأسبوع اللى فات
مفيد فوزى : وكنت واخد إذن بالسفر ؟
د/ زاهى حواس : أه قرار رئيس وزرا لأن رئيس الوزراء عايزالسياحة ترجع للبلد وعايز الخير يرجع للبلد فبيشوف مين اللى يقدر يعمل هذا الخير وزير السياحة وأنا الإشعات دى أنا لما سافرت بيكلمونى بيقوللى إشاعة كذا التلاتة اللى عاملين ضدى الحملة دى دول عيال ربنا يكيفيك الشر أصدقاء سوء وشر وحقد لم أراه فى حياتى يعنى ليه مش متصورانه فى الدنيا فيها ناس بالشكل ده ؟ أجروا بنت من البنات عملوا إعلانات ركبوا تاكسيات بدأت ترمى فى التاكسيات زاهى حواس هرب لأمريكا طب هرب ليه ؟ قالك علشان ما يتحبسش القضية اللى معمولة ضدى المتحف دا كان موجود فى مدخله بيت هدايا قلنا نعمل حاجة جميلة لو أنت خرجت بالكاميرا على بيت الهدايا هتشوف حاجة على مستوى برا أوروبا وأمريكا فالراجل دخل المناقصة ما ريستش عليه رفع قضية ضدى كسب القضية مش ضد زاهى حواس ضد أمين العلى للأثار فالأسف الصحافة صورت ده إننا اللى هتحبس مش الأمين العام أنا لأن المحكمة أصدرت هذا القرارأنا إحترمت القضاء ووقفت المناقصة والعملية خلاص طلعت براءة هما قالوا دا هرب من القضية
مفيد فوزى : لماذا يرى بعض الناس أنك رجل أمريكا فى مصر ؟
د/زاهى حواس : أولا نمرة واحد الكلام دا مش حقيقى البعثات الفرنسية 20 يعثة الألمانية فيها 30 بعثة البعثات الأمريكية بالعكس أقل أنا لما مسكت الأثار عملت قوانين رادعة القوانين دى طبقتها على كل الناس وقفت عالم أثار أمريكى لمدة سنة لنوا سمح لجماعة أمريكانى يزوروا الموقع دون الحصول على إذن وقفت عالمة أثار أمريكية من العمل لأنها كانت مشتركة فى تسجيل الأثار أنا إتعلمت فى أمريكا انا ليس لى صداقة مع أى مسئول سياسى فى أمريكا نهائى
مفيد فوزى : ولا عدت لمنصبك بضغط أمريكى ؟
د/زاهى حواس : اللى بيقول هذا الكلام لازم تكشف على مخه دا إنسان مش طبيعى وأمريكا مالها ومالى ؟ ليس لها صلة أنا ربنا إدانى حاجة مدهاش لحد عندى حضور الناس فى أمريكا عرفانى والناس فى أوروبا عرفانى والناس فى كل مكان فى الدنيا عرفونى دا مزعل ناس أعمل أيه ؟
فاصل
مفيد فوزى:المتحف الإسلامى هل إختفت منه 80 ألف قطعة حسب أخر بلاغ للنائب العام ؟
د/زاهى حواس : هو يعنى أقولك بكل أمانة فاروق جويدة لما كتب هذا الموضوع إعتمد إعتماد كبيرعلى سيدة عضوة إدارة مجلس المتحف الإسلامى قدمت له بلاغ وضمن الكلام اللى قالتهوله كلام مالوش صلة بالواقع انه فيه سجادة فى المتحف الإسلامى فاروق حسنى قدمها هدية لسوزان مبارك وإن أخت فاروق حسنى بتتاجر فى السجاد وأخدت 10 سجاد من المتحف فاروق جويدة الحقيقة علشان أكون أمين حاول يتصل بيا دا كان فى الوقت اللى أنا فيه فى أمريكا هو يمكن تسرع ونشر الموضوع فبيقول انه فيه قطع أثرية رائعة مش معروضة زى أيه ؟ زى سيف وخنجر بتوع تيمور باشا فى حاجات من روائع المتحف وفيه كسوة وفيه أخشاب وفيه سجاجيد دى مش معروضة ليه ؟
مفيد فوزى : ماذا ثبت ؟
د/زاهى حواس : أولا ثبت أن هذا الكلام ليس له من الصحة إطلاقا إستعنا بالصحفيين راحوا دخلوا المتحف وصوروا كل القطع الأثرية اللى إتكلم عليها فاروق جويدة اللى بتكلم عنها أنا عايز أقولك حاجة بقى بوضح للرأى العام إذا كان المتحف المصرى فيه الألاف القطع الأثرية علم المتاحف الحديث لازم تعرض قطع أثرية منتقاه وكل سنة تعمل تغيير للقطع
مفيد فوزى : دا مبدأ ؟
د/زاهى حواس : مبدأ ما تعرضش كل القطع اللى موجودة لأن تكدس القطع تمنع الرؤية يعنى المتحف ده زى ما أنت شايف فيه حاجة لو أنت حطيت فى القاعة دى حتيتين هتشوفهم وهتستمع بيهم وبعد كده كل سنة تعمل تجديد
مفيد فوزى : معنى هذا إن قطع المتحف الإسلامى مش كلها معروضة ؟
د/زاهى حواس : ولا 30% منه
مفيد فوزى : إذنا كيف ووصلت هذه المعلومات بالدقة دى ؟
د/زاهى حواس : لأن الست اللى قدمت هذه المعلومة هاوية أثارإسلامية فملقتش قطعة معروضة لو القطعة دى مش معروضة وأنت كراجل بتحب الأثار الإسلامية عندك مدير المتحف وأنت عضو فى مجلس الإدارة لو أنت حسن النية كانت قالت لعضو مجلس الإدارة من فضلك القطعة دى فين ؟ يا أما هبلغك ضدكم مثلا مجلس الإدارة هيروح لمدير المتحف هيوريها إتفضلى الحاجات أهه هى بى كده خدعت الأستاذ فاروق جويدة وإداتوا معلومات خاطئة وقال أنا عندى جواب منها بيؤكد هذا علشان كده لما إتفقت مع فاروق جويدة انه أحنا نروح المتحف الإسلامى الأهرام كتبت انه زاهى حواس يأخذ فاروق جويدة المتحف لقيت الصحافة كلها هناك قلتله يا فاروق أيه رأيك نخلى الصحفيين النهاردة ونروح أنا وأنت يوم تانى ؟ قالى خلاص
مفيد فوزى:بعتقد انه فاروق جويدة كا كاتب كا شاعر كفنان بعتقد انه الحث الوطنى لا خلاف عليه
د/زاهى حواس:أنا بعت بيان بعديها وقلت أنا انفى تماما أننا قدمت بلاغ ضد فاروق جويدة للنائب العام لن أنا متأكد أن فاروق جويدة حسن النية حثه وطنى راجل كاتب محترم أعرفه من 30 سنة هو إعتمد على واحدة فى مجلس إدارة المتحف الإسلامى
مفيد فوزى : دكتور زاهى هل أنت فى حاجة لمنصب الوير ؟
د/ زاهى حواس : إطلاقا
مفيد فوزى : أم هى وجاهة ؟
د/زاهى حواس : ولا وجاهة
مفيد فوزى : أنا بقول أنك أنت فى محاضرة واحدة فى أمريكا أتصورأنها تساوى مرتبات مجلس الوزراء
د/زاهى حواس : أنا قبل ما أجيلك دلوقتى مكالمة تليفونية من واحد من اليونان قالى أنا عندى 71 سنة داخل أعمل عملية قلب بعد 3 تيام قالى أنا متبرع بوصيتى لك ب 100 ألف دولار تعمل بيها زى ما أنت عايز قلتله من فضلك تبعت شيك ده بأسم العاملين فى الأثار وتقول انه الفلوس دى تروح للتأمين الصحفى للعاملين وصلينى قبل ما أجيلك البرقية بالشيك علشان العاملين بالدولة يعنى أنا بحاول بقدر الإمكان كل ملكاتى عملت محاضرة بره بنص مليون دولار خدتهم حطتهم فى متحف الطفل المتحف دا كانت بتصرف عليه السيدة حرم الرئيس حرم الرئيس السابق أحنا جبنا 17 مليون دولار تبرعات للمتحف أنا نفسى المتحف دا هيفتتح بعد شهر تشوف أجمل متحف للطفل فى الشرق الأوسط وكل دا أنا لما بلاقى نفسى خدمت بلدى وخدمت الناس وألاقى هذا الهجوم البشع من قلة
مفيد فوزى : مين أعدائك ؟
د/زاهى حواس : هما دول اللى عاملين شوشرة فى المجتمع بعد الثورة خرج الشر اللى كان موجود جوا ناس غير مرئية لنا وطلعوا علشا يحطموا فى المجتمع وطلعوا علشا ينتقموا
مفيد فوزى:أنا قريتلك رد على إتهامك عفوا بالتجارة فى الأثار ولكن هذا الرد حسين انه مش رد قوى يعنى حضرتك قلت بالحرف الواحد انه من يتاجر فى الأثارهو إنسان مريض أنا حسيت انه دا رد ينقصه شيىء كبير جدا من الدقة
د/زاهى حواس : ترد تقول أيه أنت يا أستاذ مفيد ؟
مفيد فوزى : أن هذا فى مرتبة الخيانة وأقول انه من يثبت عليه هذا هو خائن
د/زاهى حواس : أنا إتكلمت 100 مرة أنت قريت بس أمبارح الأهرام لكن أنا إتكلمت 100 مرة فى كل حتة إزاى ؟ دا أنا لو الكلام دا صحيح كان لصوص الأثار فى كل حتة فى الدنيا كانه بهدلونى أنا بجرى ورا لصوص الأثار فى كل الدنيا ودخلت ناس فى السجون فى الداخل وفى الخارج انا لو عليا أى شبهة صغيرة كنت إنتهيت المجرمين دول بيقولوا هذا الكلام مفيد فوزى كذا طب فين الدليل على إن مفيد فوزى كذا ؟ مفيش
مفيد فوزى : من لصوص الأثارفى مصر؟ سؤال مباشر
د/زاهى حواس:لأ لصوص الأثاركان عضوالحزب الوطنى اللى هوالسويفى اللى موجود فى السجن 30 سنة كان بيسرق أثارنا ومدظبدش بعض الموظفين بيقولوا انه فيه موقع دمره بالكامل لكن أنا معنديش أسماء أشخاص غيراللى إتحكم عليهم فى قضية السويفى وأجانب وعندنا قضية قريب جدا وأنا بقولها أهوه هتقلب الدنيا كلها القضية دى بنشتغل فيها بقالنا سنتين وقضية سرية وهنعلن حاجات خطيرة جدا بس لازم بالمستندات ولازم ناس تتمسك فدا كله هيحصل لكن اللى أنا عايز أقوله أنا بلاقى الدمعة بتنزل من عينى لما ألاقى واحد فاشل بلا أى دليل يقدم ضدى إتهام يقول أنا بتاجر فى الأثار مع سوزان مبارك طب أقول أيه ؟ لأ والله أنا مش بتاجر فى الأثار الراجل ده إعتمد على الثورة انه ممكن تقدم بلاغ ضد أى حد وبدون دليل وكذب والمفروض ده بعد ما ثبت كذبه يتحاسب لانه دا إساءة لرموز البلد فهذا الكلام يعنى متقوليش مش كفاية أنا هقول أيه ؟
فاصل
مفيد فوزى : عندى راجل أسمه الأستاذ صبحى الشارونى عمل كتاب عن متاعب مصر خلال 23 سنة وكتب فى كتابه بيقول انه فيه 26 ألف قطعة أثرية سرقت من متاحف مصر خلال ال23 عاما دا كتاب مش مقال مش تصريح صبحى الشارونى أنا أعلم أنه له صلة وفهم للأثار هل وقع فى يدك الكتاب ؟ هل رديت عليه ؟
د/زاهى حواس : لأ أنا شفت الكتاب لكن ما شفتش الكلام اللى قايلوا كلام مرسل أنا شخصيا أرد عليه وأقول انه كل الحاجة اللى فى ال23 سنة أقدر أقولك عليها إتسرقت فى 36 قطعة قبل ما أنا أمسك الأثار يا تايهين يا مسروقين من المتحف المصرى والنيابة بتحقق فى هذا الموضوع غيركدالوالأستاذ صبحى الشارونى سامعنى يجبيلى دليل واحد قطعة أثرية من متحف واحد مسروقى علشان أبلغ وأقلب الدنيا
مفيد فوزى : ما ظروف تدمير لوحة أخناتون ؟
د/زاهى حواس:والله اللوحة بتاعة إخناتون دى إتقال إن هى دمرت وبعتنا لجنة طلع الكلام دا مش مظبوط إطلاقا وبعت للراجل الخواجة الإنجليزى اللى بيشتغل هناك وقالك اللوحة فى مكانها ولم تدمر
مفيد فوزى : ما حقيقة سرقة منبر قيتباى ؟
د/زاهى حواس:أولا لازم تعرف غن المنابر والمساجد بتتبع وزارة الأوقاف من ناحية الحراسة لأن أنا مش ممكن أحرس جامع وفيه ناس مسئولة عنه أنا برمم الجامع وبسلمه لوزارة الأوقاف والحقيقة انه أنا علشان نوقف موضوع السرقات ده أنا قابلت الأستاذ الدكتوروزيرالأوقاف راجل محترم جدا وإتفقنا إن أحنا نجيب شركة بتاعة أمن على مستوى عالى هما يدفعوا فيها جزء وأن هدفع جزء علشان نقدر نحمى هذه الأثار ونقدر نحدد مين المسئول عن حماية المساجد
مفيد فوزى: دكتور زاهى سؤال جانبى السلفيون المتشددون والأثار تبشير لى هتاف قيل أمام المتحف أنتوا بتحرسوا الأصنام ؟ وسايبين الشعب بيموت فسرلى دى ؟
د/زاهى حواس : أنا عايزأقول لهم حاجة مهمة جدا انه الكلام اللى بيقولوه ده ليس له صلة بالدين إطلاقا هو تفسير خاطىء للدين الإسلامى ربنا سبحانه وتعالى لما قالنا فى كتابه الكريم إتكلم عن فرعون موسى وقالنا انه فرعون موسى كان فرعون ظالم مقلش الفراعنة كلهم ظالمين وكل زمان ومكان فيه الصالح والغيرصالح نمرة أتنين لو لم يكن هناك حضارة كالحضارة الفرعونية اللى عرفت لأول مرة عرفوا التوحيد وقامت هذه الحضارة العظيمة لو ما كنتش الحضارة موجودة دى مكنتش قامت لا الديانة اليهودية ولا الديانة المسيحية ولا الديانة ولا الديانة الإسلامية إذنا دا شيىء طبيعى إن أنت تعرف ويكون لك حضارة ما قبل الديانات أو ما قبل الإسلام وهذه الحضارة يجب أن نحترمها وفى نفس الوقت بقى هما غلطانين انه لولا التماثيل ولولا الأهرامات دى بتجيب لنا 11% من الدخل القومى بتشغللنا سواقين تاكسيات بتشغل لنا ناس فى الفنادق بتاع الأرذخانة بيكسب بتاع اللحمة بيكسب بتاع اللحمة بيكسب بتاع الخضار بيكسب 90% من الشعب المصرى بيستفاد من السياحة بدليل لما السياحة دلوقتى واقفة نتيجة للأحداث اللى أحنا بنحاول نرجعها قولى أيه حالتنا وحشة انا عايز أعرفهم ينظروا إلى الأمور نظرة عقلانية
مفيد فوزى:طب من فضلك إدينى معلومات كم عدد القطع الأثرية التى سرقت فى وقت الإنفلات الأمنى ؟
د/ زاهى حواس : 1228 قطعة أثرية بالإضافة إلى 31 من المتحف المصرى
مفيد فوزى : هل إستردت ؟
د/زاهى حواس : إستردت القطع الفريدة كلها من المتحف المصرى والقطع التانية الحقيقة مفيش فيها قطع ضخمة تخوف لكن أحنا بنحاول نرجع هذه القطع بإذن الله
مفيد فوزى : كم عدد الموميات المهمة الأثرية التى تعرضت للتدمير؟
د/زاهى حواس : لم تتعرض مومياء واحدة للتدمير
مفيد فوزى : ما حقيقة نقل 143 قطعة أثرية مهمة نادرة إلى واشنطن فى الفترة ما بين 30 يونيو 2002 حتى 14 إكتوبر من نفس العام ولم تعد هذه الأثار إلى المتحف المصرى ؟ وأنت تعلم أنها مسجلة
د/زاهى حواس : هذه الأثار ما هو الأسف طلعت بقرار جمهورى وطلعت خلال لجان الأثار والقطع دى خلصت أمريكا دلوقتى وموجودة فى استراليا دخلت لمصر 100 مليون دولار سافر 1000 أثرى مرافق لها هذه المعارض بيسافر نعاها ظابط ومرمم وأثرى حققت لنا عائد سياحى وإعلامى وسياسى خطير جدا
مفيد فوزى : ولا تزال هناك ؟
د/زاهى حواس : لا تزال فى إستراليا
مفيد فوزى : دكتور زاهى حواس أرجو أن تقيم لى هذه الأسماء فى عبارات قصيرة فاروق حسنى
د/زاهى حواس : محترم وعملت معاه مشروعات لإنقاذ الأثارالتاريخ هيسجل هذه الأعمال على أعلى مستوى ومش دلوقتى بعدين
مفيد فوزى : عبد الحليم نور الدين
د/زاهى حواس : ربنا يسامحه ويشفيه ممن اللى بيعملوا فينا واللى بيعملوا فى نفسه
مفيد فوزى : الفنان عمر الشريف
د/زاهى حواس : حبيبى وأصدق إنسان وأنضف إنسان عرفته فى حياتى
مفيد فوزى : الدكتور جاد الله جاد الله
د/زاهى حواس : راجل محترم
مفيد فوزى : دكتورعلى حسن
د/زاهى حواس : إنسان خدم الأثار وإدا دوره على مستوى كويس
مفيد فوزى : دكتور محمد بكر اللى نقلك لصوت والضوء فى زمن ما
د/زاهى حواس : ربنا يسامحه وأنا لما رجعت ما حاولتش أنتقم منه بل بالعكس بيشتغل معانا فى كل اللجان
مفيد فوزى : دكتور زاهى فسرلى البورنيطة التى تضعها على رأسك وإشتهرت بها دائما إلى الحد انه على الفيس بوك يقولك دا مشهد امريكى لرجل معروف عالميا
د/زاهى حواس:هو شوف مهما تعمل الناس هتبهدلك أنا البورنيطة دى إشترتها علشان تحمينى من الشمس وهى مش أمريكانية دا البورنيطة صناعة إسترالية نتيجة لأنى إشتهرت بيها وإستغلينا هذه الشهرة للبورنيطة جابت الألاف الألاف لمصر كل مليم دخل من بيع البورنيطة دى دخل لصالح الطفل المصرى خط الملابس بتاعى لما عملوه الشركة قلتلهم كل مليم أنا موافق يروح لمستشفى السرطان إتكب وممكن ما إتكتبش اللى أنا عاوز أقولهولك الحمد الله انه أنا إستغليت شهرتى لوطنى لكن الحقد والضغينة اللى موجودة عند أنصاف المصريين أو عند بعض الأثريين اللى معندهمش الملكة اللى هتسمحلهم بالشهرة أو المعلوات اللى ممكن تسمحلهم أن يتقدموا هما اللى بيحقدوا وهما اللى بيطلعوا هذا الكلام
مفيد فوزى:دكتور زاهى لماذا أشعر لأول مرة أن صوتك مشروخ أن فى صوتك حزن عميق أن فى صوتك رغبة فى الإنفجار لماذا أشعر لأول مرة ؟
د/زاهى حواس : أنا يا أستاذ مفيد حزين لأن أنا أقسم بالله وحياة أولادى أنا لم أفعل فى حياتى شيىء غير من أجل الوطن أنا خسرت بسبب هذه الشهرة الشهرة دى ضرتنى وأنا لم أسعى إليها يعنى أن ما بحطش صورتى فى معرض الأثار دا هما بيحطوا صورتى علشاان يجيبوا الناس أنا أسف إنى بقول كده فأنا جزاتى أيه علشا أولادى بلدى أنا وأنا بعمل محاضرات فى أمريكا وأوروبا بعد الثورة الناس بتقدمنى بإحترام لأنها شايفة انه أنا بأحافظ على الأثار المصرية بروح وقدمت كل حياتى لها فأنا النظرة دى والأسى اللى موجود فى بعض الأحيان دموع دموع بتنزل من الأسى والهم اللى جوايا من الأشرار أعداء النجاح وأصدقاء إله الشر اللى أنا بشوف البعض منهم هو اللى صوته عالى وهو اللى بيجرحنى ولا يزال بيجرحنى حتى الأن
مفيد فوزى : وبعد من وحى هذا المكان أستطيع أن أقول أن أهم القيم المستنبطة من حياة الفراعنة قد تتلخص فى كلمة واحدة بالهيلغروفية هى ماعك أى الحق العدل النظام فبدون الحق لا يوجد عدل وبدون الحق والعدل لا يوجد نظام ذلك أداة الحضارة ومن هنا أستلهم هذا المعنى لأفق حياتنا القادم غدا .