شباب مصري يطلق حملة مليونية لمواجهة العنوسة بتيسير الزواج

بدأت عبر الفيس بوك وجمعت 8 آلآف في أيام

أطلق شباب وفتيات مصريون حملة عبر موقع التعارف الاجتماعي "الفيس بوك" تهدف الى جمع مليون مشترك وذلك للضغط على الأسر المصرية لتيسير إجراءات الزواج كحل مثالي لمواجهة ظاهرة العنوسة بين الشباب والفتيات.
وضمت الصفحة أكثر من ثمانية آلاف مشترك حيث تجمع الكثير من المصريين لمناقشة قضية الزواج والعنوسة، والمشاكل التي تصادف الراغبين في الزواج، ضمن مجموعة حملت عنوان "جوزونا."
وعرفت المجموعة عن نفسها بالقول: "عايزين نوصل لعدد مليون مشترك في الجروب ده ... عشان نعمل أكبر حملة الكترونية على الانترنت ... لنشر فكرة تيسير الجواز ومطالبة الأهالي بتخفيف الطلبات الصعبة والاستغناء عن البنود غير الضرورية، وده كله عشان نقلل انتشار ظاهرة العنوسة بين الشباب والبنات - خصوصا بعدما وصلت نسبة العنوسة في مصر لأكتر من 9 مليون شاب وفتاة فوق سن ال 35 سنة بدون زواج."
وقال المشترك هاشم، عارضاً المشاكل التي تعترض طريق الشباب في هذه الأيام: " يا ترى فكرت في مرة تقعد مع نفسك وتحسب الزواج ممكن يكلفك كام.. وبناء على مرتبك ممكن تتزوج وأنت عندك كام سنة ؟! .. كنت راكب المترو وبالصدفة وجدت شخصين يتحدثون مع بعضهما في هذا الموضوع، فوجدت أحدهم يقول: أنا مهندس وعندي 28 سنة دلوقتي، ومرتبي وصل لحوالي 1500 جنيه.. يعني محتاج 10 سنين علشان أتجوز، يعني أتجوز وأنا عندي 38 سنة، بس ده لو كل حاجة فضلت بسعرها دلوقتي."
‏
وردت مجموعة من المشتركات على هذا التعليق بجمل يفهم منها التعاطف مع كاتبها كما فعلت "إيمان" التي كتبت: "لا حول ولا قوة إلا بالله العلي العظيم، كان الله في عون الشباب يااااااااارب يكرمكم بالخير ويرزقكم ويعفكم بالحلال عن الحرام اللهم اااااااااااااااااامين".
وييدو أن هذه الردود أثارت غضب مشترك عرّف عن نفسه باسم "No" قائلاً: "البنات اللي بترد دي والله كتر خيركم على الرد بس أول ما هيتقدملك عريس هتطلبي منه اكتر من اللي مكتوب ده.. كفاية كلام البنات المفروض تعمل حاجة، ما تشاركوش بس اتنازلو عن الشروط الكتيرة".