"أنا أعرف حسنى مبارك ومعرفش البرادعى وبعدين يعنى إيه أى حد يحكمنا كده وخلاص لازم نبقى نعرفه ده لازم يكون عايش فى مصر وعارف الناس الغلابة عايزه إيه "..هذه الكلمات جاءت على لسان شعبان عبدالرحيم ردا على سؤال من "الدستور الأصلى" عن موقفه من ترشيح الدكتور محمد البرادعى، خصوصا بعدما قدم شعبان عبد الرحيم مؤخرا أغنية يهاجم فيها البرادعي، وتحمل عنوان "مش هنتخب البرادعى" حيث أكد شعبان أنه طلب من الشاعر إسلام خليل أن يكتب هذه الأغنية خصيصا كي يعبر من خلالها عن رأيه بخصوص ترشيح البرادعى لرئاسة الجمهورية، وأضاف شعبان أيضا أنه يفضل أن عيطي صوته الانتخابي لحسنى مبارك، أو حتى جمال مبارك مشيرا إلي أنهم "عايشين فى مصر وعارفين كل حاجة فيها " على حد تعبيره ، وأضاف أنه ميعرفش البرادعي أصلا علشان ينتخبه، وتقول كلمات الأغنية: "مش هانتخب البرادعي ولا حتى في الخيال الريس لسه كويس والصحة عال العال كبير وعنده خبرة ويعرف حاجات كتير وأهل زمان قالولنا إن الكبير كبير مش أي حد يحكم بلدنا بلد النصر غير حد يكون عارفنا وعاش على أرض مصر أنا هانتخبك يا ريس لو حتي دمي سال وإن ما ترشحتش أنت أنا هانتخب جمال الناس عايزة الأمان في حياتها كلها وأكلها وانت اللي في كل أزمة نلاقيك بتحلها من غيرك يبقي ريسنا ويلم شملنا دا انت فاهمنا ودارسنا وعايش وسطنا خليك معانا يا ريس متسبش النار تقيد وعدي بينا الصعب واعمل عبور جديد الشعب المصري الطيب عايز منك كتير ومصر تستحق مجهودك الكبير".