إسماعيل بدر يكتب: حل تالت

صوت يجلجل وسط غمه
هاتوا عيسى واحبسوه
حد تانى صوت بعمه
هاتوا عيسى واجلدوه
بس عندى حل تالت
للمنافى تبعدوه
عيسى دا رمز الخطوره
ياما غرق فى البواخر
ساب شبابنا للبطاله
والغرق للى يسافر
والطوارىء حكمه فينا
والعذاب بايدين عساكر
والغلا عامله بيده
اصله طبعا بيته عامر
ليه هيسأل عالغلابه
واللى ساكت واللى صابر
عيسى سفاح المعادى
هوه وعصابته الكواسر
يسرقوا القوت من ولادنا
والبلد عايشه فى مخاطر
نفسه يحى يبقى ريس
ييجى بالناب والضوافر
حاجه واحده تعملوها
تنفوا عيسى والاباطر
يومها تحلا العيشه لينا
والغناوى والمشاعر
كل طاغى وله نهايته
لما بتدور الدواير