وحشتني

أسألك
يا من ألهمت نفسي
التقوي
والفجور
وخلقتني بالصيني
في برج النمور
ترحمني م النص
الجحيم
علشان أنا
لا أطاق
تعرفلي سكة
لمكة
م الدائري؟
وعزة مقامك
في السما
مش تريقة
انا اتخنقت من وضع
البشر
في المنطقة
بين السما والأرض
الصبح أصلي الفجر
في عز الخفا
بالليل أراود ستة
عن ستين
غلط
يرضيك ُنصي
المضلم
يحرقني لمبة في السما؟
يا رب قولي يعمل
إيه
اللي شايل ترياقك
وسمك
وأنت اللي بس
عارف حكمتك
مكسوف وجايلك
بالطلب
يا رب لو بتحبني
بص لي
أنا بجد ع الأرض
مش عارف
حكمتك فيا
ولا مين
وكام
ولا عندي خير
أستني بيه
حسن الختام
استأذنك
سلفني من طبع
النبي
واحميني من
تمن النزولَ
من قطم فاكهة
مدوقتهاش
..
هو أنا لو نمت
م العشم ع الباب عندك
حتزقني؟
يا رب أنا عايز أشوفك
عشان بجد
وحشتني