فتة الشاورما على "سفرة دايمة"

أعدّها لكم: نيرة أحمد
النهارده هنعمل مع بعض فتة الشاورما ليكي ولعيلتك، وممكن تقدميها كطبق رئيسي في وجبة الغداء.
فتة الشاورما
المقادير:
3 صدور فراخ مخلية ومقطعة لقطع صغيرة
3 عيش شامي محمص ومقطع لمكعبات
3 ثمرة فلفل ألون مقطعة لشرائح
1⁄2 ملعقة صغيرة جوزة الطيب
ثمرة طماطم مقطعة لشرائح
1 ملعقة صغيرة ثوم مفروم
1⁄2 ملعقة صغيرة قرفة
1⁄21 كوب رز مسلوق
مكعب مرقة (اختياري)
2 ثمرة بصل مفرومة
ملعقة صغيرة خل
ملح وفلفل أسود
زيت زيتون
مقادير الصوص:
3 ملعقة لوز
1⁄2 ملعقة صغيرة زعتر
1⁄2 ملعقة صغيرة ثوم
ملعقة كبيرة زبدة
كوب زبادي
الطريقة:
1- شوّحي البصل في زيت الزيتون وضيفي عليه الفراخ وقلبيهم مع بعض لمدة 10 دقائق، وبعد كده ضيفي عليهم الفلفل الملوّن والطماطم والملح والفلفل الأسود والقرفة وجوزة الطيب والثوم.
2- ضيفي عليهم مكعب المرقة ونسبة بسيطة من الملح والفلفل الأسود وقلبيهم مع بعض على النار لمدة دقيقة، وبعدين ضيفي عليهم نصف كمية العيش المحمص ونصف كوب رز وخل، واستمري بالتقليب لمدة 10 دقائق، وبعدين حطيه في طبق التقديم وضيفي عليه باقي كمية العيش والرز.
3- لعمل الصوص: حمّري اللوز في الزبدة على النار، وبعدين ضيفي عليه الثوم وقلبيهم على النار لمدة دقيقتين، وبعد كده ضيفي عليهم الزبادي مع استمرار التقليب لمدة دقيقتين، وبعدين ارفعيه من على النار وصبيه على الشاورما، وقدميها.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،