صدور الفراخ بالمشروم على "سفرة دايمة"

أعدّها لكم: نيرة أحمد
النهارده هنعمل مع بعض صدور الفراخ بالمشروم بطريقة بسيطة علشان تقدميها على الغداء، وممكن تقدمي معاها أي نوع خضار.
صدور الفراخ بالمشروم
المقادير:
2 صدور فراخ منزوع العظم
1⁄4 كيلو مشروم مقطع شرائح
2 ملعقة كبيرة زيت زيتون
ملعقة كبيرة زبدة
ملح وفلفل أسود
1⁄2 كوب ميه
الطريقة:
1- تبّلي صدور الفراخ بالملح والفلفل الأسود، وبعدين حطي الزيت في الطاسة على النار وسخّنيه لعدة ثواني، وبعد كده ضيفي الفراخ وسوّيها على الناحيتين، وبعدين ضيفي عليهم المشروم ورشّي عليهم شوية ملح وسيبيهم على النار لمدة 5 دقائق.
2- شيلي الفراخ والمشروم من على النار وحطيهم في فرن درجة حرارتة 200 درجة مئوية لمدة من 15-20 دقيقة، وبعدين طلّعي الفراخ من الفرن وغطّيها بالفويل وسيبيها على جنب لمدة 5 دقائق.
3- حطي المشروم على نار متوسطة لمدة 5 دقائق، وبعد كده ضيفي الميه وقلّبيهم، وبعدين ضيفي عليهم الزبدة واستمري بالتقليب على النار لحد ما الزبدة تسيح، وبعد كده شيلي المشروم من على النار وضيفيه على صدور الفراخ، وقدميه.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،