خطيبتي بتقول بتحبني وأنا مش مصدق.. أسيبها؟

قبل أي شيء أرجو من كل من يقرأ هذا الموضوع الرد بصراحة، أنا بحب واحدة من 5 سنين، بعد معرفتنا بسنة اتقدمت لها وأبوها رفض، وفضلت علاقتنا مع بعض، وحاولت أحسّن ظروفي وأروح لأبوها تاني..
بس هي بعدها بشهور اتخطبت، أنا اتضايقت جدا وصممت أخطب، وفعلا خطبت صاحبتها من جانب العند، وبعد أقل من سنة سبتها وهي كانت سابت خطيبها واتخطبت تاني وسابته، ورجعت لي تاني بعد سنتين قالت إنها بتحبني وعايزة نرجع لبعض.
وكأني ما صدّقت؛ رحت اتقدمت تاني وأهلها وافقوا المرة دي واتخطبنا، بس بعد 5 شهور ابتديت أحس من معاملتها معايا إنها مابقتش بتحبني، بالرغم من إني مش مقصّر في حاجة معاها، ولو طلبت عيني هاديها لها، وبتقولي إنها بتحبني..
بس هي مش عارفة ليه بتعمل معايا كده؛ أنا تعبت جدا وأعصابي تعبت ومش عارف ألاقي حل، هل أسيبها ولا أفضل معاها؟ خصوصا إن ممكن نتجوز بعد شهور، أنا تعبت من التفكير، يا ريت تردّوا عليّ بليز، أنا مش عارف، أنا بحبها بجد.

h_sokar


الصديق العزيز.. لقد طلبت أن نرد بصراحة، وهذا ما تحاول أسرة "بص وطل" أن تفعله دائما مع كل أصدقائنا الذين يطلبون رأينا ونصيحتنا في مشكلاتهم.
وانطلاقا من مبدأ الصراحة الذي اتّفقنا عليه، سأقول لك رأيي فيما حكيته، فمن الواضح جدا من طريقتك في كتابة مشكلتك أنك تشعر بأنك قدّمت الكثير لخطيبتك، وأنك تشعر بداخلك بأنك تحبّها أكثر من اللازم، وأن مقدار حبّها في قلبك أكبر من مقدار حبّها هي لك، وكل هذا بسبب أنها تركتك وخُطبت مرتين لغيرك.
لم تذكر في رسالتك ما هي دلالاتك في تغيّر حبها لك، وما فعلته هي لكي تشعر بذلك من ناحيتها، ولكن على أي حال أنت ما زلت في مرحلة الخطوبة، وهو الوقت الذي يقيّم فيه كل طرف من الطرفين علاقته بالآخر، ومدى إمكانية نجاح تلك العلاقة في المستقبل.
حاول أن تتحدّث معها بصراحة في كل ما تشعر به وأسبابك في ذلك، واسمع منها المبررات، فقد يكون كل ما يدور في بالك وتشعر به مجرد أوهام، أو قد يكون حقيقيا فتضع النقاط على الحروف من البداية.
وفي النهاية أتمنى لك التوفيق والنجاح في حياتك الزوجية.

لو عايز تفضفض لنا دوس هنا