حق إخواتك محفوظ لكن حقك إنت الأهم

أنا عندي مشكلة جامدة أوي، ويا ريت حد يحلها لي؛ لأن بجد أنا تعبت من التفكير..
أنا كنت بحب واحد جدا، واتخطبت له، وقعدت تسع شهور مخطوبة له.. المهم حصلت مشاكل، وفي يوم كنت باكلمه على النت؛ لأنه مسافر بره؛ فلقيت إخواتي قالوا لي لما تخلّصي إحنا عايزينك المهم رحت قعدت معاهم عشان أشوفهم عايزين إيه، لقيتهم قالوا لي إحنا هنفض الموضوع هنفسخ الخطوبة؛ لأنه إنسان مش كويس، ومامته مش كويسة وقعدوا يقولوا لي أسباب أنا مش مقتنعة بيها.. وقالوا لي: إحنا مش هنكتب الكتاب، ولو عايزه تكمّلي معاه لا هنبقي إخواتك ولا نعرفك.
وده بسبب إنهم متحكمين فيّ، عشان بابا متوفى، ومع الأسف أنا مش عارفة آخد قرار، وفعلا سِبته إرضاء لهم؛ بس مع الأسف رجعت أكلمه تاني، وبجد مش عارفة أعمل إيه؛ أبقى معاه، وأقاطع إخواتي، ولا أسيبه، وأبقى كده دمرت حياتي.. يا ريت تفيدوني.
koko


لو عايز تفضفض لنا دوس هنا