بالفيديو.. تشيز كيك على "سفرة دايمة"

النهارده هنعمل مع بعض تشيز كيك بطريقة سهلة وبسيطة ليكي ولأسرتك وكمان لضيوفك، ممكن تزينيها بالمربى أو صوص الفراولة.
تشيز كيك
مقادير طبقة البسكويت:
علبة بسكويت كبيرة سادة
3 ملعقة كبيرة زبدة سايحة
مقادير طبقة الجبنة:
كوب ساور كريم (ممكن تستبدليها بلبن زبادي)
ملعقة كبيرة بشر البرتقال
ملعقة كبيرة بشر الليمون
11⁄2 كوب سكر أبيض
1⁄4 كيلو جبنة كريمي
ملعقة كبيرة فانيليا
2/3 كوب لبن
1⁄4 كوب دقيق
4 بيضة
الطريقة:
1- لعمل طبقة البسكويت: اعجني البسكويت مع الزبدة، وبعدين ادهني الصينية بزيت نباتي وافردي عجينة البسكويت بإيديكي.
2- لعمل طبقة الجبنة: اخلطي الدقيق والساور كريم والفانيليا مع بعض لحد ما الخليط يتجانس وسيبيه على جنب.
3- اخلطي الجبنة مع السكر، وبعد كده ضيفي اللبن واخلطيهم مع بعض كويس، وبعدين ضيفي البيض واستمري بالخلط، وبعد كده ضيفي بشر الليمون والبرتقال واخلطيهم مع بعض، وبعدين ضيفي الخليط لعجينة الدقيق والساور كريم واخلطيهم مع بعض لحد ما الخليط يتجانس.

4- افردي طبقة الجبنة على طبقة البسكويت ودخليها الفرن لمدة ساعة، وبعد كده اطفي الفرن وسيبيها جواه لمدة 3 ساعات، وقدميها.. وبالهنا والشفا.

إضغط لمشاهدة الفيديو:
خلصت وصفتنا النهارده..
استنونا كل يوم مع وصفات جديدة..
سلام،،،