تشيز كب كيك بالليمون

بناء على طلباتكم النهارده هنقدّم لكم طريقة عمل التشيز كب كيك بالليمون..
تشيز كيك بالليمون
مقادير طبقة البسكويت:
21⁄2 كوب بسكويت سادة مفروم
6 ملعقة كبيرة زبدة سايحة
1⁄4 كوب سكر
مقادير طبقة الكريمة:
1⁄2 كيلو جبنة كريمي (ممكن تستخدمي جبنة كيري)
كوب كريمة مخفوقة
1⁄4 كيلو لبن
مقادير صوص الليمون:
1⁄2 كوب سكر
1⁄2 كوب مية
11⁄2 ملعقة كبيرة نشا
2 ملعقة كبيرة عصير ليمون
الطريقة:
1- لتحضير طبقة البسكويت، دقّيه أو اطحنيه في الكبة، وبعد كده ضيفي عليه الزبدة والسكر، واخلطيهم كويس مع بعض، وابدئي وزّعي الخليط ده في قوالب الكب كيك.
2- لتحضير الكريمة، اخفقي الجبنة الكريمي مع اللبن والكريمة، ووزّعي الخليط ده فوق طبقة البسكويت في القوالب.
3- لتحضير صوص الليمون اخلطي السكر مع النشا ودوّبيه مع المية وعصير الليمون، وحطّي الخليط ده على نار هادية مع التقليب المستمر، لغاية ما الخليط يبقى كثيف ويتقل معاكي، وبعد كده ارفعيه من على النار وسيبيه يبرد شوية، وابدئي وزّعيه على قوالب الكيك.
4- دخّلي القوالب في الثلاجة، وسيبيها لمدة 12 ساعة أو أكتر، وبعد كده طلّعيها وممكن تزيّنيها بالكريم شانتيه وبشر الليمون.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،