اجعلي لنفسك هدفاً في الحياة

أنا بجد عاوزة أفضفض مع حد ومش هالاقي أحسن من الموقع ده؛ لأني بجد معجبة بيه أوي ومتابعاه من سنين.. أنا مخنوقة جدا من حياتي وأنا خلصت دراسة من شهر وأكتر وقاعدة في البيت ومش باخرج خالص وغير كده أنا بجد محتاجة أوي لاهتمام بابا وماما بس للأسف مش لاقياه، وأنا لي أخت أكبر مني متجوزة وعندها ابن وتقريبا هما حاسين إن مفيش عندهم ولاد غيرها، وكل الاهتمام ليها ولابنها فقط، وأنا كمان بحبهم بس برضه المفروض يكون لي حق في الاهتمام ده ومفيش قدامي غير الكمبيوتر والنت، وباعمل شات مع ناس وباعمل صداقات وأنا عارفة إن ده غلط بس والله بيكون غصب عني ومش باعرف باعمل كده ليه ومعظم الصداقات مع شباب.. بجد نفسي أكون أحسن من كده، وكمان أنا بعيدة شوية عن ربنا وباتمنى بجد من قلبي إن أنا أقرب من ربنا أكتر من كده.. وربنا يهديني ويهدي كل المسلمين..

l.