أنا عندي مشكلة ويا ريت ألاقي حل ليها بجد كأخ ليكم في بص وطل، مشكلتي ابتدت لما عرفتها من حوالي 10 سنوات وإحنا في الدروس وإحنا في المدرسة، وعجبتني، وحسيت نحوها بإحساس رهيب مش إحساس حب لواحدة وبس، حسيت إن فيها حاجات غريبة أنا كنت باتمناها في إنسانة ستصبح زوجتي في يوم من الأيام، وفعلا جت لي في الحلم كتير، وهي عندنا في البيت، وأنا اعتبرت إن دي بشرى، وأنا أما بابص في وشها أو في عينيها بحس بنظرات حب رهيبة، وهي كمان أما بتبص في وشي بتشوف نظرات حب رهيبة. وأنا كنت أتمنى إني أكلمها وأقول لها إني بحبك، وأنا متأكد إنها تعرف وإنها بتحبني زيي ويمكن أكتر كمان؛ بس أنا عايز أقول لكم إني مش بحبها على أساس ألعب بيها لأنها محترمة جداً ومحبوبة جداً، وأنا باموت فيها بس مش قادر أقول لها إني باعشقها؛ حتى لا ينهدم كل ما بنيته طوال 10 سنوات، وأنا حاسس كده إنها إن شاء الله ستكون من نصيبي؛ بس أنا خايف تكون لحد غيري؛ بس أرجو منكم الرد علشان فعلاً أنا في مشكلة.