مش مهم إنك تحب وخلاص... المهم تحب مين

أنا عندي 18، وبحب بنت عندها 17، كنا مع بعض في مدرسة واحدة وبعدين انتقلنا لمرحلة الجامعة، أنا دخلت جامعة القاهرة وهي في أكاديمية، إحنا دلوقتي بقالنا سنة ونص مع بعض أنا بحبها جداااا، وهي برده بتحبني واتأكدت من ده سواء منها أو من صاحبها والناس اللي حواليها.
أنا ساعات باحس إني بافرق معاها لما بنكون في حب كبير، ولما نتخانق باحس إني ولا بافرق معاها، كلام يجرح بس بحاول استحمله علشان الحب والعشرة، ولأن معظم عيلتها تعرف، وأنا عندي نفس الكلام.
دايما عندنا موضع خلاف إنها بتتخنق فبتعوز تنزل تتمشى، فده بيخنقني أوي؛ بس باضطر إني أوافق علشان ما أخنقهاش، فاتفقنا إنها تنزل مرة في الأسبوع بس، وبعدين هي المنطقة اللي ساكنة فيها أنا مش بحبها، وفيها الشباب الصايعة وكده، وأنا باغير عليها جداااااا، ومش باستحمل إن حد يعاكسها أصلا.
ودايما نتخانق في حاجات هايفة ومساوية رأسها كبنت بيّ كولد؛ أي حاجة لازم آخد رأيها، ولو ما عملتش كده نتخانق وتقول لي أوك وأنا كمان هاعمل؛ لدرجة آخر خناقة اتخانقناها بسبب إني جبت تشيرت كات من غير ما أقول لها فاتخانقت معاي، وقالت لي أنا مش قلت لك هات تشيرت أحسن من الكات أوك أنا كمان هاجيب اللبس اللي على مزاجي (اللي هو الباديهات) اللي أنا مش بحبها؛ وهي كانت غيرت ده.
بجد ساعدوني بسرعة علشان أنا بجد تعبت؛ بس مش هاين عليّ العشرة والحب اللي بيننا اللي كل صحابنا بيحكوا عليه كمثل للحب.
tarek

لو عايز تفضفض لنا دوووس هنا