بالصور.. كرامبل الفاكهة

[ممكن تعملي الكرامبل بالفراولة]
ممكن تعملي الكرامبل بالفراولة
النهارده هنعمل مع بعض طبق حلو لذيذ وسريع والأطفال والكبار هيحبوه جدا؛ لأنه خفيف على المعدة..
كرامبل الفاكهة
مقادير العجينة:
* كوب دقيق
* 1⁄2كوب سكر بني أو أبيض
* 1⁄2ملعقة صغيرة قرفة
* 1⁄4 ملعقة صغيرة ملح
* 8 ملعقة كبيرة زبدة طرية
* ملعقة صغيرة بيكينج باودر
مقادير صوص الفاكهة:
* 6 كوب من أي فاكهة عندك مقطّعة مكعبات صغيرة (فراولة أو تفاح أو موز أو خوخ أو كريز)
* 2 ملعقة صغيرة عصير ليمون
* 2 ملعقة صغيرة نشا
* 1⁄2كوب سكر
* ملعقة صغيرة قرفة (اختياري)
الطريقة:
1- لتجهيز صوص الفاكهة؛ اخلطي الفاكهة مع السكر وعصير الليمون والنشا والقرفة، ومن الأفضل إنك تتذوّقي طعم الصوص؛ علشان تظبّطي الطعم على حسب نوع الفاكهة اللي بتستخدميه.
2- صبّي صوص الفاكهة اللي حضّرتيه في صينية بايريكس، وابدئي في تجهيز العجينة؛ بإنك تخلطي الدقيق والسكر والقرفة والبيكينج باودر والملح مع بعض، وبعد كده حطّي قطع الزبدة على الخليط ده، وابدئي امزجيهم بإيدك لغاية ما تحسّي إن العجينة بدأت تتماسك بين صوابعك وتكوّن كتل كبيرة.
3- حطّي العجينة فوق صوص الفاكهة ووزّعيه بالتساوي في الصينية، وممكن تحطّي على الوش المكسرات اللي بتحبّيها، ودخّلي الصينية في فرن سخن على درجة حرارة 190 لمدة من 30 : 35 دقيقة، أو لغاية ما تحسّي إن العجينة تماسكت، وبعد كده طلّعي الصينية من الفرن وسيبيها على جنب؛ علشان تبرد لمدة 15 دقيقة، وبعدين قدّميها.. وبالهنا والشفا.

كرامبل الفاكهة
* صحة وجمال
اضغط على الصورة لمشاهدة الجاليري:
وبكده تكون خلصت وصفتنا النهارده..
يا ريت تجرّبوها وتبعتوا تقولوا لنا على النتيجة..
واستنونا بكره مع وصفة جديدة..
سلاااااااام،،،