النهارده على "سفرة دايمة" هنعمل مع بعض طاجن السمك بصوص الطحينة، جرّبوه وابعتوا لنا رأيكم فيه، وكمان كل الوصفات اللي عايزين تعرفوها.. طاجن السمك بصوص الطحينة المكونات: كيلو سمك فيليه 1⁄4 كيلو طحينة 1⁄2 كوب عصير ليمون 5 ملعقة كبيرة زيت زيتون بصلة كبيرة مقطّعة شرائح ملعقة كبيرة ثوم مفروم ملعقة ملح وكمون 2 مكعب ماجي 3 كوب ميه الطريقة: 1- تبّلي السمك بالملح والفلفل والثوم المفروم والزيت، وحطّيه في صينية ودخّليه الفرن لمدة 10 دقائق. 2- حطّي الطحينة في طبق غويط وعليها عصير الليمون، وقلّبيهم كويس أوي. 3- حطّي زيت الزيتون على النار، وحطّي البصل يتشوّح وحطي عليهم الميه، وسيبيهم على النار لحد ما يغلوا. 4- حطّي الماجي على الطحينة، وقلّبيهم مع بعض كويس، وسيبيهم على النار لحد ما يغلوا. 5- حطّي السمك الفيليه في طبق التقديم وعليه صوص الطحينة، وممكن تقدّمي معاه بطاطس مسلوقة علشان تبقى وجبة متكاملة.. وبالهنا والشفا.
وبكده تكون خلصت وصفتنا النهارده.. نتمنّى إنكم تجرّبوها وتبعتوا تقولوا لنا رأيكم فيها.. وكمان لو عندك أي وصفة عايزة تعرفيها ممكن تبعتي لنا.. وإحنا هنقدّمها لك في أقرب وقت..