مكرونة بصوص الزبادي واللحمة المفرومة على "سفرة دايمة"

وصفتنا النهارده هتكون عبارة عن مكرونة بصوص الزبادي واللحمة المفرومة..
جرّبوها وابعتوا قولوا لنا رأيكم فيها..
وكمان كل الطلبات اللي عايزين تعرفوها.
مكرونة بصوص الزبادي واللحمة المفرومة
المقادير:
* 1/ 2 كيلو مكرونة
* 1/ 2 كيلو لحم مفروم
* ملعقة كبيرة ثوم مدقوق
* ملعقة كبيرة عصير ليمون
* 1/ 4 كوب زيت زيتون
* ملعقة صغيرة قِرفة
* 4 أكواب زبادي
* بصلة مفرومة
* ملح وفلفل
* 1/ 2 ملعقة صغيرة (جوزة الطيب - حبهان - بهارات)
الطريقة:
1- اسلقي المكرونة وصفّيها، وضيفي عليها ملعقتين زيت وقلّبيها كويس.
2- اقلي الثوم والبصل في الزيت، وبعدين ضيفي عليهم اللحمة وتبّليها بكل التوابل، وسيبيها لحد ما تتعصّج.
3- اخلطي الزبادي مع ملعقة صغيرة ثوم مطحون جامد وعصير الليمون والملح.
4- اخلطي المكرونة مع صوص الزبادي، وقلّبيهم مع بعض كويس، وحطّيها في طبق التقديم.
5- حطّي عليها اللحمة المفرومة وزيّنيها بالمكسّرات، وقدّميها بالهنا والشفا.


خلصت وصفتنا النهارده
استنونا مع وصفة جديدة
وابعتوا لنا كل طلباتكم على "سفرة دايمة"
سلام،،،