لا يُمكن أجَوِّزها واحد مشيِت معاه!!

أنا عندي 23 سنة عارف واحدة بقالنا سنتين ونص، وفي أول معرفتها كنت لسه في الجامعة وما عرفش هدخل الجيش ولا لأ! عشان كده ما كناش معرّفين حد خالص لحد ما اتخرجت وما دخلتش الجيش، وسافرت دولة خليجية وهي كمان سافرت مع باباها نفس الدولة وإحنا بنحب بعض جداااااااا.
وقررنا بعد ما لقينا الوقت مناسب إننا نعرّف أهلنا؛ أنا عرّفت عندي وهما مرحبين، وهي عرّفت باباها بالحقيقة إننا نعرف بعض من سنتين ونصف؛ لإننا ما حبناش إننا نبتدي بالكدب.. بس باباها زعق لها جامد وقال لها إزاي تعملي حاجة زي دي؟ وقالت لي أكلّمه.. وكلمته هو شخصية كويسة جدا وكلّمني باحترام، بس قال لي: إن اللي إنتم عملتوه ده غلط، قلت له: أنا بس كنت مستني أما أقف على رجلي وأكلّمك بس أنا كنت ناوي خير والله، وبعدين الأحسن إننا ما نستمرش في الغلط عشان كده أنا بكلّمكم.. واتكلمنا كتير معاه بس هو قال لي: إحنا لينا تقاليدنا وعاداتنا وأنا ما قبلش بكده.. قلت له ليه؟ قال لي عشان خبيتم عليّ وأنا كنت خايف أقول له في الأول على علاقتنا وإحنا طلاب، كان قال لي لما تتخرج ولّا لما تشتغل ولّا يحرجني!! بس هو دلوقتي بيقول لها ده لو آخر واحد في الدنيا مش هجوّزه لكِ ومش عارف أعمل إيه؟
H