قلبي طيب وفاضي وعلى حبيب يناسبه بينادي

أحب أشكر "بص وطل" الحبيب، وأقول لهم جزاكم الله خيرا، أنا ولد وعندي 21 سنة، وفي آخر سنة في الجامعة.. مشكلتي باختصار إني بادور على الحب.. بادور على الحنان.. بادور على التضحية، ومش لاقيها أنا نفسي أحب واتحب.
أنا كان ليّ تجربة بس فشلت لسوء اختياري، ومن بعدها وأنا نفسي أحب بجد، وأكون شمعة تحترق من أجل اللي بحبها، وربنا يعلم إني هاحافظ عليها حتى من نفسي، بس فين الإنسانة اللي تستاهل كده؟!!
بجد أنا ممكن أكون قابلتها؛ بس هي اجتماعيا أقل مني، وبجد هي إنسانة كويسة، وخايف أكون اتسرعت في الاختيار زي المرة اللي قبلها.
ربنا يعلم إن أنا جوايا حاجات كتير كويسة، ونفسي أديها للي تستاهل بجد.. أنا الحمد الله محترم وطيب وحنين ده كله بشهادة الجميع، والحمد الله ابن ناس ووسيم، وكمان كويس اجتماعيا وماديا؛ بس حاسس إني ماليش حظ في الحب مش عارف ليه؟؟ يا ترى عيب مني ولا سوء اختيار؟ ولا عيب من الآخرين؟ بجد أنا تعبت أوي. أرجو الرد سريعا وجزاكم الله خيرا.
Ana.leek

لو عايز تفضفض لنا دوس هنا