سلطة الثومية مع الأطباق الشهية

النهارده على "سفرة دايمة" هنقدّم لك وصفة خفيفة، ممكن تقدّميها كمقبلات قبل الطبق الرئيسي أو سلطات مع الأكل، جرّبيها وابعتي لنا رأيك فيها.
سلطة الثومية
المقادير:
* راس ثوم بلدي مقشّر
* 2 ملعقة كبيرة مايونيز
* فلفل أبيض (اختياري)
* ثمرة بطاطس مهروسة
* ملعقة كبيرة زيت
* 1/ 2 كوب خل
* ملح
الطريقة:
1- افرمي الثوم مع الخل والملح والزيت والفلفل الأبيض؛ بحيث إن الخليط في الآخر يبقى بوريه.
2- اخلطي البطاطس المهروسة مع المايونيز، وبعد كده حطّي عليها خليط الثوم والخل، وقلّبيهم كويس مع بعض.
3- حطّي الثومية في طبق التقديم، وقدّميها مع رز بالخلطة أو مشويات.. وبالهنا والشفا.

خلصت وصفتنا النهارده..
استنونا كل يوم مع وصفات جديدة..
سلام،،،