السلام عليكم ورحمة الله وبركاته.. بجد أنا سعيدة بالموقع ده جدا، وربنا يبارك لكم في أعمالكم الصالحة إن شاء الله، بجدّ عندي موضوع محيرني جدا، هو إني دايما باحلم كتير بشخص معين، وهو من العيلة، بالرغم من إننا مش بنتكلم سوا إلا نادر جدا جدا، غير كده كمان أنا مش بافكر فيه ولا هو على بالي أساسا، بس كل ما أبقى متضايقة أو محتاجة لأي حدّ ألاقيني باحلم بيه، وبشكل مستمر وغريب جدا، وألاقيه قريب مني، ومش عارفة ده سببه إيه بس الموضوع ده شاغلني.. يا ريت ألاقي عندكم سبب يريحني. فيه موضوع تاني؛ إن فيه شخص متقدم لي بس مستواه المالي عالي جدا جدا، وهو شخص بيحبني بس هو دلوقتي عايش بره القاهرة، بس أنا مترددة أصلا إني أقابله أو أشوفه؛ لأنه فيه حاجات مختلفة ما بيني وما بينه، اللهجة اللي بيتكلم بيها، وكمان التفكير.. غير كده إنه عمل موقف غريب، وبرّر الموقف ده على إنه خاف على زعلي؛ إنه لما يسافر هيبعد عني، فاضطر يعمل كده علشان ما اتعلقش بيه، بس رجع يحاول يتقرب تاني وأنا بصراحة محتارة جدا في الموضوع ده.. هل أنا أدّي له فرصة، ولا أقفل باب المناقشة في الموضوع ده؟ Snow white لو عايز تفضفض لنا دوس هنا