السلام عليكم ورحمة الله وبركاته, أحب اعرفكم بنفسي أنا في السنة التانية من الجامعة وبنت زي أي بنت، حبت من طرف واحد؛ بس حبت بجد، وربنا بيحبها علشان بعد فترة اللي بتحبه ده حبها أوي، بعد كده حبها أكتر من أمه لأنه اتحرم منها؛ بس فيه عيب واحد وهو إنه شكّاك لدرجة كبيرة جدا، مش بيشك فيّ؛ بس ممكن يشك في تصرفاتي؛ يعني أعمل حاجة ألاقيه بيطلع لي موضوع تاني خالص؛ حاجة كده لا يصدقها عقل أنا دايما باقول: إن اللي بيعمله ده بدافع الحب والغيرة مش الشك. لأني عارفة ومتأكدة إنه بيحبني زي ما بحبه، وهو عارف إن العيب ده فيه؛ بس بيقول لي: أعمل إيه؟ مش عارف أغيّره؛ بس أنا تعبت بنتخانق تقريبا كل يومين، وممكن كل يوم بس مش بيعدي 24 ساعة إلا لما بنتصالح علشان، إحنا فعلا ما نقدرش نستغنى عن بعض، أنا بحبه أوي بس تعبت بجد؛ مش لاقية حل وما ينفعش أبعد عنه أعمل إيه؟ تعبت من الخناق كل يوم، وهو كمان برضه دايما يقول لي: إحنا لازم نبطل بقى الخناق ده إحنا مش صغيرين! آه على فكرة؛ هو أكبر مني بثلاث سنوات، بس معايا في نفس السنة، نفسي ألاقي حل غير إننا نسيب بعض. و