حبيته وعذبني زي ما عذبت اللي قبله

أنا مشكلتي كبيرة أوي وطويلة، يا ريت تستحملوني.. أنا زمان كنت ماباراعيش مشكلات حد، وكتير أوي حبوني وأنا كنت باتسلى بيهم، وماكنتش أعرف إن ده غلط.
ولكن فيه واحد حبني أوي، وكان مستعد يعمل لي أي حاجة عشان بس أحبه، وفي الآخر اتسليت بيه وسِبته.
بعد كده حبيت واحد معايا في الكلية، وبدأت أتغير على إيده، وحكيت له كل اللي فات في حياتي وهو سامحني.
بس مع الأسف أنا بحبه أكتر ما هو بيحبني؛ فكان بيطلّع عليّ القديم والجديد، ولما جه يخطبني مامته جت تسأل عليّ؛ فالناس حكوا لها قصة الشاب اللي أنا اتسليت بيه وسبته؛ فرفضِت الموضوع، وقالت له: دي واحدة مش كويسة، وماتليقش إنها ترتبط بيك.. وفي الآخر وصل الموضوع لكلمة "ماينفعش نكمل".
أنا مش عارفة أعيش من غيره؛ لأن كل ما بانزل كليتي بافتكر كل حاجة كانت معاه؛ مع العلم إني والله ما كنت أعرف إن اللي باعمله غلط، وعرفت متأخر، وقلت: يا ريتني ما كنت عملت في أي حد حاجة وحشة، ولا كنت آذيته.. بس خلاص بعد إيه؟
farfasha
لو عايز تفضفض لنا دوس هنا