السلام عليكم ورحمة الله وبركاته.. يا جماعة أنا عندي مشكلة ومش عارفة أعمل إيه.. يا ريت تساعدوني. في البداية أنا اتعرفت على ناس كتير أوي على النت واتخدعت فيهم؛ فقررت ادخل ببيانات غير بياناتي، وكمان عشان كنت بادخل شات وباخاف حد من قرايبي أو أي حد يعرفني يشوفني، عشان باقول كل حاجة عني بصراحة وباتعرف على شباب. المهم اتعرفت على واحد محترم أوي، في الأول أعجبت بيه، وبعد كده لما بقينا بنتكلم كل يوم اتعلقت بيه أوي، وحبيته وحبني، واعترفنا لبعض. فكّرت أقول له كل حاجة عني بصراحة وإني كدبت عليه، خُفت أنزل من نظره أو يسيبني؛ خصوصاً إني اعرفه بقالي سنتين، وكل يوم نتكلم مع بعض؛ باتكلم معاه أكتر ما باتكلم مع أي حد أعرفه؛ يعني ما ينفعش بعد الفترة دي كلها أقول له إني كنت باغشّه وباضحك عليه؛ خصوصاً إني متأكدة إنه مش بيكدب عليّ في أي حاجة، ومعرّفني على إخواته وعلى مامته، ومعرّف كل اللي في البيت إنه بيحبني وناوي ييجي يخطبني؛ بس أنا اللي باقول له ما ينفعش دلوقتي وإنه لو جه وكلم بابا دلوقتي هيرفضه. أنا اتعلقت بيه جداً، ومش متخيلة حياتي من غيره، لو يوم بس ما كلمناش بعض بافضل أعيّط وزعلانة؛ فما بالكم لو سيبته خالص. بجد مش عارفة أعمل إيه.. يا ريت تساعدوني وتقولوا لي الحل.. وشكراً. Had lost the will