مبقتش بحبها !!

مخنوق ومش حاسس أني مبقتش بحبها زى الاول عرفتها من حوابلى 5 سنين كونا بنكلم بعض سنتين الاهل ميعرفوش بينا حاجة واتقدمتلها ولدها قالى استنى كمان سنتين قلتلو ماشى وفاضل على جوازى 8 شهور بس وكونت عارف انى هترفض بس الحمد لله اتقبلت وناس كويسة جداااااا واهلها كويسين جداااا ببقى مشدود ليها اوقات واواقات لا بحبها جداااااا اوقات واقوات ببقى مبحبهاش وعاندى ضيق فى صدرى لو شوفتها بس بتصعب عالية لو عملتها وحش وبخاف ابعد عنها اقوم احبها واخاف اسيبها اندم واخاف اكلم معاها احس انى حياتى بعد كدا مش هتكمل او هيبقى فيها نفور دايما تبقى نصيبة بنسبالى وفى مشكلة كمان ليها اخت مخطوبة بتقابل خطيبها بلبس شيك جدااا وجميلا عنها انا ببص لنقاط اللى نقصانى انا مش ببص جوا البيت على اختها وكدا انا عايزها تبقى مهتمية بحجات مش لاقيها فيها انا محتار ومشوش ومش عارف اعمل اية مش عارف اعمل اية اكمل ولا اعمل اية وعلى فكرة الموضع دا بيجيلى على فترات كتييير
صديقنا العزيز
اسمحلي اوضحلك أمر فى غاية الاهمية ….. من كلمات رسالتك البسيطة يثبت انك بتحبها بنسبة كبيرة ولكن
فى بعض التفاصيل البسيطة هي اللي بتسبب ليك حالة التردداللي بتحس بيها الان … و منها افتراب ميعاد الزفاف ودة امر كافي لتردد اي شاب بتعرض لنفس الموقف
مع المقارنتك ليها بأختها من حيث التصرفات وطريقة اللبس
اتفق معاك أنك بتحاول انك تغير الحاجات اللي انت عاوز تغيرها فى خطيبتك وده أمر محمود وطبيعي
بس مش معني كده ان دي عيوب قاتله فيها وأنها تستوجب انك متكملش فى الارتباط بيها …. ولكن انت بتحاول تقرب خطيبتك للصوره اللي فى خيالك
سهل جداً انك تغير من الحاجات الخارجية اللي انت شايف انها مش منسباك فى شخصية خطيبتك
لكن الصعب انك تغير سلوكيات وطباع …. وده والحمد لله مش موجود عندها
انت لقيت الحب والحمد لله انه حب متبادل من الطرفين … فحاول انك متخسرش حبك
أتكلم معاها وحاول تواجه المشكلة دي وتلاقي حلول مشتركة بينكم …. حاول تقولها ولو بطريقة غير مباشرة عن الحاجات اللي انت نفسك تلاقيها فيها وجرب مثلا انك تلقي الضوء على حاجة معينه وركز فى الفتره اللي جايه هل فى تغيير من نحيتها تجاه الحاجة دي ولا لأ بأسلوب لطيف وأن شاء الله الحيرة دي هتنتهي فى القريب