أنا بالنسبة لخطيبى .." جوازة ببلاش "

السلام عليكم أولا أحب أشكركم على مجهودكم ربنا يجازيكم عنه خير
أنا حاسه ان تفكيرى مشلول عن حل مشكلتى تعبانه نفسيا جدا ومفيش ادامى وقت محتاجه قرار بسرعه ارجوكم تساعدونى
انا اتخطبت لشخص من سنتين بشكل تقليدى صالونات هو اقل منى ماديا واجتماعيا بس ماما عاوزة تطمن عليا فوافقت عشان اريحها ولانى تقبلته مبدئيا انا عندى 25 سنة وهو 31 وفرحى بعد 3 اسابيع ساعدناه فى كل حاجه واهلى جابولى شقه بميراثى فى المكان اللى هو اختاره لان شقته فى بيت اهله ضيفه والبيت قديم تحملنا معظم العفش يعنى باختصار جوازة ببلاش وفهمنا الناس كلها ان الشقه بتاعته عشان هو طلب ده قال منظرى انى ساكن فى ملك ميراتى هو اقل مننا ماديا بس دخله كويس اه ميقدرش يشترى الشقه بس يقدر يشطب هو مهتم بمظهره جدا ومسرف على نفسه عمره ما فكر يجيبلى هديه لا هو ولا اهله مش بيحبنى ولا عنده اى اهتمام بيا انا كنت فى الاول بدات اقرب منه وبعدين من عدم الاهتمام والمعامله اللى كلها نقد ليا وصلت انى مش طايقاه خالص بعامله كويس عشان ميحصلش مشاكل بس بضغط على اعصابى حصل بينى وبينه تجاوزات شويه اما يجيلنا البيت وده شىء مدمر نفسيتى وحاسه انه مش بيحبنى عقاب ربنا ليا فى الاول حاول معايا كتير فى كل مرة يجيلى فيها كنت ارفض اى تجاوز فيعمل مشكله بدات اتبع اسلوب انى اقوله عشان ربنا يكرمنا وكده برده يضايق وبقى يتخانق ويتلككلى كتير والله انا وافقت بالتجاوز عشان يحبنى مع انى عارفه ان ده حرام كل مرة قبل ما يجى اصلى وادعى ان ميحصلش حاجه وبرده مبقدرش اخد موقف وبعدها نفسيتى تتعب اترجيته كتير ان نفسيتى بتتعب من التجاوز ده وبرده علطول بينتقدنى لحد ما ضيع ثقتى بنفسى خالص وصلنى انى اروح لدكاترة تجميل وصرفت كتير والدكاترة تقولى انتى موهومه حاسه ان شكلى وحش عمره ما جبر بخاطرى باى حاجه
نفسى احس بكيانى والله اقل كلمه طيبه ترضينى وهشيله على راسى وقولتله كده كتير قولتله كمان كتير انا عارفه انك مش بتحبنى ويمكن عاوز تسيبنى ومش عارف انا ممكن اعوضك باى شىء مادى بس مش تتجوزنى ومكونش سعيده انا عارفه انه عاوز يسيبنى بس مش راضى لانه عاوز فلوسى وكمان فهم الناس ان الشقه بتاعته فكده برستيجه هيضيع وده اهم شىء عنده انا متلخبطه جدا وعندى كلام كتير حاجات كتير عاوزة احكيها يمكن اكبر من اللى قولتله بس خايفه اطول على حضراتكم ارجوكم ساعدونى فى رد سريع ولو امكن لو تبعتولى تليفون اكلمكم احكى اكتر او تنصحونى اروح لدكتور نفسى ولا اعمل ايه
صديقتى العزيزة
لا ادرى لماذا الى الان لم تنهى هذا الارتباط !! رغم من تأكدك الشديد بأن هذا الشخص لا يحبك ولا يرغب بالزواج بك ويطمع فى مالك ،، ومع احترامى الشديد لرغبه والدتك فى الاطمئنان عليكى وفى استقرارك بالحياه الزوجية.. لكن هذا خطأ كبير فى حقك نفسك
انت فى 25 من عمرك وامامك الحياه بأكملها لتبحثى عن الشخص الذى يحبك لذاتك لا لأموالك وميراثك
من المتعارف عليه ان فتره الخطبه من اجمل فترات الارتباط المليئة بكلمات الحب والتقدير من جانب الرجل بجمال ورقة خطيبته وتقل الخلافات فيها نسبياً مقارنة بالزواج ،،، انتى تعيشين الجحيم فى هذه الفتره وهو دائما يشعرك بالدونيه الاستحقار .. فكيف سكون الحياه فيما بعد ؟؟
فكرى بعقلك جيدا ودعى كل ما حدث فى الفتره السابقه وفكرى فى المستقبل
من حق كل امراءة ان تشعر بحب زوفجها واهتمامه بها فلا تتخلى عن هذا الحق فهذا هو حقك فى الحياه
اما بالنسبه لما حدث من تجاوزات فالله غفور رحيم يغفر الذنوب جميعا مهما كانت هذه الذنوب ،،، فتوبى الى الله وكونى حيث يريدك الله ولا تكونى حيث لا يريدك وعندما يرزقك الله بالشخص المناسب فلا تخبريه شيئا ما حدث فى خطبتك الاولى وهذا شرعا مباح لك
اختى الحبيبة بالفعل عندما قرأت مشكلتك شعرت بحزن عميق من داخلى لماتتعمدين فعله بنفسك
نصيحتى لك ان تعززى نفسك ولا تقبلى بهذا المستغل لأموالك زوجا لك وتحكمى على نفسك بالتعاسة الابدية وان وتستردى حقوقك منه وتطوى هذه الصفحة القديمة وتبدأى حياه جديده واستشيرى طبيب نفسة فلا عيب فى ذلك ليساعدك على استعاده الثقة بالنفس التى محاها هذا الشخص ،،وتذكرى دائما انك تستحقين السعادة .