حلم 6

الحلم:
أنا حلمت إني كنت ماشية باتفرج على المحلات ودخلت محل ملابس ولاقيت بنطلون عجبني؛ واحد لونه أبيض والثاني جبنز؛ بس كانوا صغيرين وكان الأبيض أحلى، وله حزام جميل؛ المهم طلعت وما اشتريته، وعديت على محل أحذية كبير وجنبه واحد بتاع ملابس.. بس علشان أدخل محل الملابس لازم أدخل محل الأحذية الأول.. المهم دخلت، وبعدين ببص لاقيت نفسي لابسه طرحة سوداء وفستان أسود لحد ركبتي وبوط طويل لحد الركبة أسود، وبعدين كنت باعدل الفستان لاقيت الشراب اللي كنت لابساه تحت البوط متنسل بطريقة غريبة (الطبيعي إنه بيتنسل بالطول) أنا لاقيته متنسل بالعرض من عند الركبة والفردتين متنسلين قصاد بعض؛ بس حتة صغيرة مش كبيرة.. وأنا حاولت أداريهم وأشد الفستان علشان أغطيهم... المهم مشيت وقلت أروح المحل التاني وأنا رايحة لاقيت أصحاب المحل واللي كانوا بيشتغلوا قاعدين على بوفيه كبير أوبن بوفيه، وقالوا لي روحي هاتى طبق ويلا علشان تاكلي، المهم رحت علشان أجيب الطبق لاقيت نفسي في مطبخ بيتنا وفيه أطباق كتير في الحوض وأطباق على البوتاجاز طبق فيه حته سمك مقلي وتونة وبطاطس محمرة ولاقيت صينية لحم مشوي وصينية سمك مشوي؛ بس السمك كان صغير وكتير مسكت واحدة في إيدي علشان آكلها، ومسكت حتة سمكة مقلية برده عشان آكلها.. وكان فيه طبق مليان فاكهة الأناناس الباباظ وتفاح وفراولة؛ بس كانوا متقطعين سلطة شرائح... المهم قبل ما آكل السمك اللي كان في إيدي صحيت.. المنبه ضرب...
قد يأتيك خبر سار قريبا ويكون ذلك بشرى سارة؛ فالنعل في المنام تبدل حال إما إلى الأفضل أو الأسوأ فالانتعال دليل رزق وسعادة والحفى دليل بوار، والثوب الأسود دليل نعمة، فاحرصي على الخيرات، ولا تنسي شكر الكريم بعد ذلك.