بحبها ولكنها ... مطلقة !!

أنا بحب الموقع دا اوى بس يارب الاقى حل أو اجابة للمشكلة بتاعتى دى
أنا بحب واحدة وهى بتحبنى بس فى مشكلة مش عارف ليها حل ولا لا انها مطلقة وعندها طفله عندها 3سنين وعارف ان اهلى هيرفضوا موضوع زى دا انا لسة مش كلمت حد من اهلى على الموضوع دا بس عارف اهلى هيرفضوا وانا البت دى بحبها اوى وبعشقها وهى كمان ومش عارف اعمل اية ناس قالتلى اعمل اى حاجة علشانها وواجهه اهلك ولو رفضوا اخسرهم علشانها لو فعلا تستاهل علشان دى حياتك وانت اللى هتتجوز وانت اللى هتعيش وفى ناس قالتلى مش تخسر اهلك مالكش حد ليهم مش عارف اعمل اية بجد بحبها اوى وبعتبر بنتها بنتى بظبط على طول بقولها بنتى عاملة اية بس مش عارف اعمل اية مع اهلى
صديقى العزيز
البيوت لا تبنى على الحب فقط .. إنما على التفاهم بالدرجة الأولى.. والعلاقة بين الرجل والمرأة ليست مجرد علاقة فقط، لكنها حياة، ومشوار طويل، وممارسة ترتبط فيها المرأة برجل، وقد ينتج عن هذا الرباط ذرية وأبناء .
طالما هذه الفتاه لديها مواصفات جيدة وتحبها وهي على خلق ودين فحاول أن تقنع أهلك.
أخى الكريم ما الذي يضرها إن كانت مطلقة ؟!!
المطلقة قد تكون خيراً من كثير من العازبات , وربما كانت مرة بتجربة في الزواج وكان الزوج سيء العشرة فاسد الأخلاق فما ذنبها إن تطلقت منه وخلصت نفسها ؟! أو كانت نتيجة تهور الزوج وتطليقه لها لأسباب تافهة !!
لا تقاس المرأة بكونها مطلقة أو غير مطلقة بل بصلاحيتها للزواج والارتباط
وما المشكلة إن تزوجت بمطلقة وأنت أعزب؟
فإن كنت ترى أنها أهل للزواج بها فحاول ان تقنع اهلك بالامر …
أخى الكريم اتمنى أن تقف مع نفسك وتفكر جيدا فى الأمر قبل أن تخبر أهلك فى الموضوع
هل فعلا تصلح لتكون زوجتك أم ابنائك فى المستقبل ؟؟ وهل سيحدث فيما بعد وتفرق بين ابنتها وابنائك فى المعامله ؟
إن كان جوابك بنعم ومتأكد من هذا الجواب فتوكل على الله والله المستعان
وأخيرًا ندعو الله أن يقدر لك الخير حيث كان.