من أراد الزواج يعينه الله

السلام عليكم أنا عارفة إني هاوجع دماغكم بحكايتي دي بس بجد أنا تعبانة أوي ومحتاجة أتكلم مع حد ومش قادرة بس أنا باعتبركم أصحابي.. أنا باختصار حبيت واحد منذ 11 سنة ولحد دلوقتي وأنا بحبه، الشخص ده أقل مني في التعليم وإمكانياته المادية متوسطة يعني أنا أعلى من الناحية المادية..
المهم الشخص ده جه واعترف لي إنه بيحبني وبصراحة أنا فرحت جدا؛ لأني أنا كمان بحبه.. هو جاري كنا ساعتها صغيرين وبعد ما خلصنا تعليم جه واتقدم لأهلي لكن بابا رفضه عشان التعليم وما عندوش شقة ومرتبه في الشغل صغير، لكن أنا صممت عليه وبعد فترة حصل على وظيفة أحسن بمرتب كويس وجه اتقدم تاني واترفض عشان التعليم والشقة، والحمد لله كوّن مبلغ كويس واشتغل بدل الشغل اتنين عشان يكوّن مبلغ وجه اتقدم لكن بابا طلب منه شقة تمليك أو إيجار قديم وبعدها أوك نعمل خطوبة، ده طبعا بعد ما فضلت أنا وحبيبي نتحايل عليه يوافق؛ لأن سبب رفضه كان التعليم المهم حبيبي اقترح يبني دور عندهم في العمارة لأنها بتاعتهم ومن ساعتها وهو مش عارف يطلّع الترخيص مع إنه قدّم عليه بس قالوا له هيحتاج شوية وقت، أنا قلقانة أوي وخايفة وباعمل مشاكل بسبب موضوع البناء والشقة، وده طبعا من طول الوقت بس مش عارفة أعمل إيه ولو الترخيص ما طلعش وبنى الشقة بابا مش هيوافق على الخطوبة من فضلكم قولوا لي أعمل إيه وأتصرف إزاي؟؟ أنا تعبت أوي بجد وحاسة إني باموت كل يوم وأنا مش عارفة أكلمه قدام الناس؛ لأنه لسه مش خطيبي تعبت.. حاسة إني باعمل غلط..
ر.س
أولا أود تمرير تحيتي واحترامي لهذا الشخص الذي تحمّل ما تحمّل من أجل أن يكمل النصاب الضروري من أجل أن يحصل على هديته (أنت).
ثانيا يجب عليكِ ألا تأخذي موقفا من والدك الذي -حسبما أرى- يطلب أساسيات ولا يبالغ في طلباته، فمن حق أي أب أن يحصل على زوج لابنته بوظيفة مضمونة ومرتب معقول وشقة جيدة، وإذا كان ينوي أن يمارس أي نوع من أنواع التعنت لكان على الأقل سيطلب منه شقة تمليك فقط دون أن يضع له خيار الشقة الإيجار بديلا.
ثالثا هناك حديث عن رسول الله صلى الله عليه وسلم يقول فيما معناه إن من يسعى للزواج هو أحد أولئك الذين استحقوا عون الله ومساعدته، وبالتالي فخطيبك ليس وحده، خطيبك معه الله يساعده ويعاونه، ولعلك لمستِ عون الله في كل ما سبق، لمستِ كيف أنه حصل على وظيفتين بمرتب جيد واستطاع أن يوفر المبلغ المطلوب من أجل بناء طابق إضافي في بيته، وبالتالي فمن غير المعقول بعد أن يقدم الله له كل هذا العون سيتخلى عنه.
اجعلي ثقتك في الله عز وجل أكبر من ذلك.. وسيهديكما إن شاء الله إلى ما فيه الصالح لكما.. وفقك الله إلى ما يحبه ويرضاه.