أنا بجد مش عارف أعمل إيه، أنا عايش بره مصر ومرتبط بواحدة من أيام ما كنت بادرس في مصر والمفروض إني نازل أجازة كمان كام يوم، وهي مستنية إني أكلم أهلي في موضوع الارتباط؛ بس هي ما تعرفش إني كلمت أهلي فعلا، وسألوا عليهم لقوهم مش في نفس المستوى، يعني باباها عنده ورشة سيارات وأنا والدي دكتور وكده يعني. أنا كنت عارف كده قبل ما أرتبط بيها؛ بس ما كنتش عارف إن رفض أهلي هيبقى كده، هددوني إنهم ما يعرفونيش تاني، معقول! المهم أنا هانفذ رغبة أهلي؛ بس أنا مش عايز أجرح قلب حببيتي ولا أحسسها إني سيبتها، ليه حرام مش ذنبها، وفي نفس الوقت مش عارف أقول لها إيه؟ حاسس إني كنت إنسان مخادع ما عرفتش أحافظ عليها حاسس إني ندل بجد مش عارف أعمل إيه؟ ولا أقولها إيه؟ واحد من الناس