ضميري في أجازة

مساء الخير .. شعوري بالخجل كان سبب ترددي في كتابة الرسالة دي لكن قلت هكتب وانا استاهل اللي هقراه من القراء .. انا قررت اكتب مشكلتي مش عشان عايز حل بس عشان محتاج اقدم بيها نصيحة للكل , باختصار انا شاب عندي 34 سنة والحمد لله ربنا رازقني تقريبا بكل حاجة المال والبيت والأهل والصحة لكن الظاهر ان ضميري كان في اجازة لما عملت اللي هحكيه دلوقتي .
قابلت بنت اتعرفت عليها والحقيقة كانت آية في الأخلاق حتى طريقة التعارف كانت محترمة جدا , قضينا فترة طويلة مع بعض خليتني افهم ادق التفاصيل عن حياتها وطباعها وللأسف البنت كانت بريئة جدا لدرجة تخلي اي حد يستغرب .. الصراحة الأول كنت فاكرها بتمثل لكن مع الوقت والمواق الكتير اكتشفت انها انسانة بريئة ونقية جدا ومتربية .. لكن انا وقتها معرفش بجد ضميري كان فين ... عملت عليها تمثيلية خيالية واقنعتها باني حابب اتجوزها وعرفتها على اهلي اللي همة اصلا فاكرينها واحدة صاحبتي عادي مش انها مشروع جواز ويمكن ده كمان اللي خلا البنت تطمن اكتر وبعد ما اهلي قابلوها في النادي اقترحت عليها تزوني في البيت في وجود اهلي وإخواتي اللي نفسهم يشوفوها والبنت بنية خالصة جت فعلا واول ما دخلت سألت على اهلي قلتلها ان ماما في المطبخ بتحضر الكيك والشاي وبابا في الحمام واخواتي البنات تحت عن الجيران هيطلعو حالا .. البنت قعدت مطمنة جدا وفتحتلها التلفزيون واستأذنتها اروح اجيبلها عصير , دخلت فعلا وحطيت لها في العصير نوع من المخدر قوي جدا كنت جايبة من أمريكا بطريقة غير شرعية والمخدر ده مش بينيم لكن بيخللي اللي واخده شايف وواعي لكن لا يمكن يقدر يقاوم أو حتى يرفع ايده من جنبه .. بيعمل حالة من الخمول شديدة وشوية تشويش على الرؤية , للأسف لحظة ما حطيت لها المخدر ضميري ما صحيش لحظة بالرغم اني والله في علاقاتي مع الناس عمري ما كنت خسيس أو ندل بس معرفش ليه عملت في البنت كدة خصوصا ان لية اخوات بنات , انا معترف .. انا اغتصبتها ورحت واخدها ونازل بيها وعملت نفسي قدام البواب انها تعبانة وان ضغطها انخفض فجأة عشان يرضى يساعدني في تسنيدها ما يشكش في حاجة , ولما وصلتها بيتها طلعتها لغاية باب بيتها وسيبتها على الأرض وعشان اهلها ياخدو بالهم ويلحقوها رنيت الجرس ونزلت على السلم بسرعة , طبعا انا عشت بعد الموضوع ده كام يوم مش فاهم ايه اللي حصل وليه حصل ومش مصدق نفسي اني عملت كده اساسا اكتأبت جدا خصوصا بعد ما عرفت اللي حصل للبنت من صاحباتها .
مش عارف اقول ايه غير ربنا يسامحني ويقدرني اساعد البنت بأي طريقة بس مليش عين اواجهها هية اكيد فقدت احترامها لية , انا نفسي مش قادر احس اني محتر .
خ . أ
فضفضة
لا يوجد رد على هذه الرسالة