أنا فى امتحانات أعلام تعليم مفتوح أول ترم فى الكليه المراقب حسب والله ونعم الوكيل فيه كنت راحه متأخر شويه الامتحان عشان شوارع مصر زى ماأنتو عارفين فتأخرت مع أنى نزلت فى نفس معاد كل يوم، المهم دخلت كنت مرتبكه جدا عشان الامتحانات عندنا كلها مقاليه وعايزه وقت كبير أكبر حتى من وقت الامتحان وأنى اتأخر نصف ساعه ده كارثه بس اعد وقرات قرآن وجيت اكتب حسيت أنى ناسيه كل حاجه من الخوف فحاولت اركز وافتكر البوينتات على ورقه الأسئله وبعدين المراقب واقف يتفرج عليا ونا بكتبها وكان مصتقصدنى من أول مادخلت قالى طلعى الكارنيه اكتبى رقمك امضى وعمال يشخت فيا ماردتش اتكلم وعملت كل اللى هو عايزه ... المهم راح أخذ ورقه الأسئله منى بعد مااتذكرت عليها حوالى نصف الامتحان وبدأت اكتب فى الورق وراح جابلى ورقه اسئله تانيه طبعا اتنرفزت وروحت كتبت اسمى على الورقه وكتبت عليها تانى وهو برده واقف جنبى راح قالى انتى برده كتبتى عليها تانى احتراما ليه روحت حطيت القلم على الورقه ورجعت ظهرى للوراء عشان اكلمه مرتضش اكتب ومعبروش انتهز فرصه انى مش مسكه الورقه وراح خطف ورقه الأسئله والأجابه والكارنيه كمان عشان كان على البنش وأنا مكنتش حتى كملت أجابه أول سؤال ......كل اللى حصل ده مكملتش غير ربع ساعه بس فى اللجنه...... وراح قالى طيب يلا اخرجى بره قولتلوا اخرج بره ليه هو انا عملت ايه .... من فضلك هات الورقه اكمل الامتحان قالى مافيش ورق....... الناس قالتلى اتأسفيلوا قلتلهم لأ انا معملتش حاجه غلط وهو واقف جنبى وشايفنى اللى ينرفز كمان انو قالى الخط ده مش خطك ههههههه حاجه تضحك مش كده .......وقبلها كان فى ولد بيغش عينى عينك وراح نقلوا من مكانه بس عشان واسطه بس للأسف معرفش اسمه ....... المهم قالى لو مخرجتيش بره هعملك محضر غش ... قولتلوا ماشى هات الورقه اكمل اجابتى وحضرتك اعمل محضر الغش وهما فى التحقيق يبقوا يقرروا ده خطى ولا مش خطى واكيد ربنا مش هيظلمنى ..... قالى لأ مافيش ورقه وراح نادى الأمن وعملى محضر روحت قولتلوا حسب والله ونعم الوكيل لقيت واحده طبعا صحبته بتقولى اخرسى وكأنى طفله وبتقولى اسكتى احسلك روحت قولتلها ليه هو فى ضرب كمان هتمدينى .....وطبعا انهرت فى العياط والأمن خدنى للمحقق مكنتش عارفه اهدى خالص وصوت عياطى كان عالى وكل الناس عماله تهدى فيا وعرفوا أنى مظلومه من قبل حتى ميعملوا التحقيق .... وأنا كنت فاكره ان فى التحقيق لو لقونى أنا اللى صح هيدخلونى لجنه خاصه او احل قدمهم باقى الأمتحان ......... بس للأسف قالولى ان ورقتى هتدخل الكنترول عادى ولو حله اللى ينجحك هتنجحى ....... وبعد ماكانوا هدونى شويه طبعا انهرت تانى عشان كأنهم معملوش حاجه ...... روحت قدمت شكوى للشئون الأداريه معملوش حاجه .... روحت للعميده ولا الهوا .... روحت لرئيس الجامعه قالى مش مشكله ما أنتى لما تمتحنى فيها تانى هتخدى تقديرك عادى ومش هيتكتبلك راسبه وطبعا كلام فاكس فى الأخر اخد مقبول نصف الدرجه بس.................... روحت لوزير التربيه والتعليم قالى ملهوش دعوى غير بالمدارس .................... روحت لوزير التعليم العالى قالى انتوا مش تبعنا ................ وسلملى على المسئولين
